Brynja áfram á Selfossi

Brynja áfram á Selfossi

Varnarmaðurinn Brynja Valgeirsdóttir hefur framlengt samning sinn við knattspyrnudeild Selfoss fyrir komandi keppnistímabil í Pepsi-deildinni.
Brynja, sem er 24 ára gömul og hefur spilað 70 meistaraflokksleiki fyrir Selfoss, var algjör lykilmaður í Selfossliðinu í 1. deildinni á síðasta keppnistímabili þegar liðið endurheimti sæti sitt í deild þeirra bestu.
„Brynja átti mjög gott tímabil síðasta sumar og það var gaman að sjá hvað hún var að stíga mikið upp. Hún er einn af máttarstólpum liðsins og á eftir að nýtast okkur vel í hjarta varnarinnar. Það er mikil ánægja í okkar röðum með að hún ætli að halda áfram að spila í Selfosstreyjunni,“ segir Alfreð Elías Jóhannsson, þjálfari kvennaliðs Selfoss.
Á myndinni eru Brynja og Svava Svavarsdóttir, stjórnarkona, við undirritun samningsins í félagsheimilinu Tíbrá.
Deila
Share on FacebookTweet about this on Twitter
Til baka