Fimleikar

Katrín Ösp Jónasdóttir var kjörin Íþróttakona Árborgar 2008 á uppskeruhátíð ÍTÁ. Katrín Ösp er 16 ára og keppir í hópfimleikum með HM1-liði Selfoss sem er meistarahópur Selfoss í hópfimleikum og saman stendur af 20 stúlkum á aldrinum 15-23 ára. Katrín Ösp er einnig nemandi í Fimleikaakademíu FSU. 

Mikil aðsókn var á jólasýningar fimleikadeildar á laugardaginn. Fullt hús var á báðum sýningum og var mikil stemming í húsinu.  Tæplega 400 börn sýndu listir sínar í gervum persóna úr Latabæ, en þema sýningarinnar í ár var "Jól í Latabæ". Þetta féll í góðan jarðveg og fannst krökkunum þetta mjög gaman og sýningin heppnaðist vel.  Undanfarin tvö ár hefur deildin verið með þemasýningar og hefur markmiðið alltaf verið að toppa fyrri sýningar.  Það er óhætt að segja að það hafi tekist. Eftir fyrri sýninguna var fimleikamaður ársins krýndur en það var að þessu sinni hin 16 ára Katrín Ösp Jónasdóttir.

Íslandsmeistaramótið í almennum fimleikum fór fram í dag að Varmá í Mosfellsbæ. Keppt var í 3. til 6. þrepi.  Selfoss átti 12 keppendur á mótinu í dag og gekk þeim öllum mjög vel. Heiðrún Stella Þorvaldsdóttir kom sá og sigraði í 5. þrepi og var langefst með samanlögð stig 37,55. Hún keppti með dans sem hún samdi sjálf ásamt systur sinni Lindu Ósk og tókst hann mjög vel upp. Stella var mjög ánægð með árangurinn en hennar helsti keppinautur var stúlka frá Vestmannaeyjum, en Stella beið einmitt í lægri hlut fyrir henni í fyrra í 4. þrepi.

Selfoss vann gull í samanlögðum stigum á haustmóti FSÍ í flokki 9-12 ára. Seinni dagur keppni á haustmóti Fimleikasambandsins fór fram í Ásgarði í dag og var keppt eftir landsreglum.  Selfoss átti 5 lið af 14 liðum skráð til leiks í þessum flokki. Allir hóparnir stóðu sig mjög vel og voru dugleg að hvetja hvert annað.

Í ljósi efnahagsástandsins og þeirrar óvissu sem ríkir nú í samfélaginu hefur menntamálaráðherra látið vinna samantekt varðandi möguleg úrræði um sálrænan stuðning við börn og ungmenni. Markmiðið með vinnunni er að styðja þá sem starfa að íþrótta- æskulýðs- og tómstundamálum til að veita börnum og ungmennum viðeigandi stuðning og stuðla þannig að velferð þeirra. Þessi samantekt fylgir hér með þegar fréttin er opnuð...

Íslandsmót FSÍ í Almennum fimleikum (1-2 þrep) 2008 verður haldið helgina 15. - 16. nóvember í íþróttahúsinu Akranesi. Tímaplan er eftirfarandi...

Stelpurnar í HM1 enduðu í 9. sæti af 19 liðum á Evrópumótinu í Belgíu. Liðin á mótinu voru afar sterk og mikil keppni um sæti í úrslitum, en 6 lið komast í úrslit á seinni dag mótsins. Stelpurnar byrjuðu á frábærum gólfæfingum sem þær fengur 8,5 fyrir og eftir 1. umferð voru þær í 2. sæti. Því næst kepptu þær á dýnu, hún gekk ágætlega og lokaeinkunnin þar var 7,2. Trampólínið gerður þær án stórra mistaka og hlutu 7,2 og hlutu samtals 22,9 stig og 9. sæti sem er mjög góður árangur en liðið er mjög ungt og var að keppa á sínu fyrsta Evrópumóti.

Æfingar hafa gengið vel hjá stelpunum og eru þær vel upplagðar fyrir daginn, allar heilar á skrokkinn og spenningur í hópnum. Evrópumótið er mjög sterkt og stefna allir á að gera sitt besta. Þegar út í keppnina er komið er bara að bíða eftir hvað dómararnir segja. Stelpurnar keppa í dag frá kl. 13:20-16:30 að íslenskum tíma. Fyrsta áhaldið er kl. 13:20. Stelpurnar í HM1 senda bestu kveðjur heim.

Fimleikastelpurnar í HM1, sem undirbúa sig nú af kappi fyrir Evrópumótið, áttu ágætt mót fyrir fullu húsi í Ásgarði í dag. Selfoss-stelpur byrjuðu vel með nýjan dans og fengu góða dóma eða einkunnina 8,1 sem er mjög góð einkunn í dansi.  Því næst kepptu þær á dýnu og áttu ágæta keyrslu þar. Þó voru mistök sem læra má af áður en utan er haldið. Trampólínið gekk vel en þó voru óþarfa mistök sem má rekja til stress og spennu.  Stelpurnar höfðu gott af þessu æfingamóti en reynsla dagsins kemur bara til með að styrkja þær þegar á sjálfan hólminn verður komið.

Keyrslumót í hópfimleikum verður haldið í Ásgarði í Garðabæ sunnudaginn 12.október 2008.  Mótið er keyrslumót fyrir liðin sem keppa á evrópumótinu í hópfimleikum 24.október.  Liðin sem taka þátt eru því fjögur bestu lið landsins en það eru í kvennaflokki Selfoss og Gerpla og í flokki blandaðra liða Ármann og Stjarnan.  Við hvetjum alla til að koma í Ásgarð í Garðabæ á sunnudaginn og hvetja stelpurnar okkar en mótið hefst klukkan 16:30.

Mikil aðsókn hefur verið í fimleikana nú á haustmánuðum og er starfið rétt að byrja að rúlla eins og það á að vera.  Æft er í 25 hópum og auk þess tveimur íþróttaskólahópum. Hjá deildinni starfa 32 þjálfarar í vetur. Mikill hugur er í mannskapnum en skemmst er frá því að segja að meistarahópurinn skipaður stúlkum 16 ára og eldri heldur utan til keppni á evrópumóti eftir fjórar vikur. Mótið er haldið í Gehnt í Belgíu dagana 24. og 25. október.

Skráning í fimleika fyrir komandi vetur fer fram í Tíbrá fimmtudaginn 14. ágúst og mánudaginn 18. ágúst kl. 16-18. Hægt er að fylla út skráningarform sem er á fimleikasíðunni og koma með. Gjaldskrá liggur fyrir á skráningardögum. Einnig verður hægt að máta og panta Selfossgalla á sama tíma. Á staðnum verða einnig til sölu fimleikabolir frá GK. Hlökkum ti að sjá ykkur. Stjórn Fimleikadeildar Umf. Selfoss.

Sumarnámskeið fimleikadeildar hefst að nýju þriðjudaginn 29.júlí.  í íþróttahúsi Baulu Sunnulæk
Hóparnir verða þrískiptir eins og áður og eru tímasetningar eftirfarandi:

Börn fædd 2002, 2001 og 2000 klukkan 9-11 þri,  mið og fim
Börn fædd 1999 og 1998 klukkan 11-13 þri, mið og fim
Börn fædd 1997 og 1996 klukkan 13:30-15:30 þri, mið og fim

Námskeiðið er 4500kr. þrjár vikur en hægt er að kaupa staka viku á 1500kr. Greiðsla fer fram í fyrsta tíma. 

Skráning fer fram á netfangið sigridurosk@btnet.is

Á fimmtudagskvöld kl. 20.30 mættu 38 fimleikamenn frá Selfossi, auk 4 þjálfara og 3ja fararstjóra við íþróttahús Vallaskóla og hófu ferð sína á Eurogym 2008 sem haldin er í Albi í Frakklandi. Hópurinn flaug út kl. 0.55 ásamt félögum í Hetti, FIMA og Stjörnunni. Eftir að lent var heilu og höldnu í Frakklandi var haldið í rútum til Albi, en það er um 650 km vegalengd. Því miður fyrir hópinn þá voru frakkar að hefja sumarleyfi sín þennan dag og þustu út á hraðbrautirnar :( Önnur rútan villtist líka í París og þurfti að bíða eftir henni. Rútuferðin sem átti að taka 7 klst. tók því 14 tíma og ferðalagið frá Selfoss til Albi alls um sólarhring! Þetta eru hetjur því allir héldu góða skapinu :)

Á föstudagskvöldið fór hópurinn saman út að borða og síðan var sofið í hermannatjöldunum. Laugardagurinn var frjáls dagur og var hann notaður til að skoða bæinn og versla ... ma. regnhlífar en hressilega rigndi á hópinn þann dag og varð úr að hópurinn fékk gistingu í íþróttahúsi í stað tjaldanna.

Opnunarhátið Eurogym var síðan á sunnudag og fór skrúðgangan af stað kl. 18.00. Er ekki að efa að hún hefur verið glæsileg. Þar gengu allir hóparnir frá Íslandi saman alls 208 þátttakendur.

Samsýning allra félaga sem fara á Eurogym í Albi í Frakklandi 11.-18. júlí verður haldin í Stjörnuheimilinu Garðabæ mánudaginn 30. júní kl. 19.00.

Sýningaratriði verða í þessari röð:

1. Grótta, Stjarnan, Hamar

2 FIMA

3. Selfoss

4. Gerpla

5. Fjölnir

6. Gala-atriði (Gerpla-Selfoss)

Aðgangur er ókeypis. Við hvetjum alla til að mæta og sjá glæsilega fimleikasýningu.

Æfingabúðir 2.-7.júní með gestaþjálfurum frá Svíþjóð
Vikuna 2.-7.júní koma gestaþjálfarar frá Svíþjóð og verða með æfingabúðir fyrir krakkana í deildinni.  Þessar æfingabúðir eru iðkendum deildarinnar alveg að kostnaðarlausu. Tveir þjálfarana eru karlkyns og sjá þeir um stökkin aðallega.  Þriðji kennarinn er kvenkyns og hún sér um danskennsluna.  Einnig verður staddur hér hópur frá Danmörku sem stundar nám við Lýðháskólann í Viborg og eru á fimleikabraut.  Þau munu einnig sjá um einstaka æfingar hjá nokkrum hópum. Við vonum að þessar æfingar verði okkar iðkendum hvatning til áframhaldandi iðkunar og er það okkar ósk að sem flestir sjái sér fært að mæta samkvæmt eftirfarandi töflu.

Á nk. sunnudag 25. maí verður styrktarsýning í Borgarleikhúsinu fyrir fjölskyldu Sigríðar Sigurðardóttur Lindarbæ sem lést 14. janúar síðastliðinn. Sigríður átti 4 börn og tvær dætra hennar Katrín Ösp og Sædís stunda fimleika með fimleikadeild UMFS. Sigga var virk í foreldrastarfi deilarinnar og er hennar sárt saknað úr því starfi. 

Edda Björgvinsdóttir heldur styrktarsýningu til handa aðstandendum Sigríðar á sunnudaginn. 
Verkið sem sýnt er "Brilljant skilnaður" verður sýnt þann 25 maí klukkan 20:00 í Borgarleikhúsinu og allir sem að verkinu koma gefa vinnuframlag sitt og Borgarleikhúsið lánar hús sitt endurgjaldslaust.
 
Komið og njótið frábærrar sýningar og styðjið við gott málefni í leiðinni.
 
Miðasala fer fram í Borgarleikhúsinu
midasala@borgarleikhusid.is
sími 5688000
 
Með von um að sjá ykkur sem flest! 

Fimmtudaginn 8. maí verður salurinn í Sunnulæk formlega opnaður. Hátíðarganga verður frá Vallaskóla kl. 16:30 og gengið yfir í Sunnulæk. Hátíðarsamkoma verður í Fjallasal þar sem flutt verða ávörp, lúðrasveit spilar og nemendur Sunnulækjarskóla verða með skemmtiatriði.  Að lokum verður fimleikasýning í nýja salnum á vegum fimleikadeildar Umf.Selfoss.  Á samkomunni fær nýji fimleikasalurinn nafn. Að lokinni sýningu verður kaffisala á vegum fimleikadeildarinnar.Við hvetjum alla okkar iðkendur og aðstandendur þeirra til að fjölmenna í gönguna og klæðast Selfossgallanum ef þeir eiga hann. Mæting við Vallaskóla klukkan 16:20. Að sjálfsögðu er öllum velkomið að ganga með okkur yfir. Hefðbundnar æfingar á þessum tíma þ.e. frá kl. 16:00-18 falla niður. Stjórn og þjálfarar fimleikadeildar Umf.Selfoss.

HSK-mótið i fimleikum var haldið í Vallaskóla 3.maí 2008.  Keppt var í flokki byrjenda og landsreglna í 3 aldursflokkum. HSk meistarar í byrjendareglum var hópur HB2 frá Selfossi en það eru stúlkur fæddar árið 1999.  Þjálfarinn þeirra heitir Sally Ann Vokes. Í flokki landsreglna var mjög jafnt og marði HM1 sigur með hærri einkunn á einstöku áhaldi en samanlögð stig voru jöfn.  Stúlkurnar sem voru í öðru sæti er hópur HM2 frá Selfossi en þær keyrðu mjög hreinar og fallegar æfingar. Ekki voru mörg lið frá félögunum í kring og vonumst við til að sjá fleiri á næsta ári.

Minningarmótið um Magnús Arnar Garðarsson var haldið í íþróttahúsinu Iðu á sumardaginn fyrsta. Öll börn fædd 2000 og eldri tóku þátt í þessum hluta mótsins og var gaman að sjá hvað krakkarnir eru orðnir duglegir. Keppt var eftir byrjendareglum og landsreglum. Á þessu móti hefur verið hefðin að veita viðurkenningar til einstaklinga fyrir framfarir, mætingar og annað  og var það einnig gert nú.

Mikill eftirvænting er í hópnum fyrir keppnina í dag en fyrsta áhald stelpnanna er klukkan 13:30 á norskum tíma.  Komnar eru myndir inná blogsíðuna þeirra endilega kíkið! http://selfoss-t1.blogcentral.is/ 

ÁFRAM SELFOSS

HSK-mótið í fimleikum verður haldið í íþróttahúsi Vallaskóla laugardaginn 3.maí 2008. Skráningar berist á netfangið steinunnh@internet.is 

Selfoss kepptu sem gestir á Stjörnutrompi sem fram fór í Ásgarði í dag sunnudag.  Þær keyrðu æfingar sínar sem og Gerplustúlkur og voru alþjóðlegir dómarar að dæma æfingar þeirra til undirbúnings NM.  Mikið stress og þreyta var í hópnum en mikill spenningur er vegna Norðurlandamótsins.  Þær áttu samt sem áður ágætis dag og voru með næsthæsta skorið sitt í vetur eða samtals 22,3 stig.  Með því að keyra æfingarnar í dag undir pressu er enn hægt að fínpússa í vikunni fram að brottför og toppa á réttum tíma eða um næstu helgi í Bergen.  Miðvikudaginn 16.apríl eru stelpurnar með opna æfingu frá klukkan 18-20 í Sunnulækjarskóla en þar gefst fólki kostur á að sjá þær og hvetja. 

Stúlkurnar halda erlendis aðfaranótt fimmtudagsins 17.apríl.

Selfoss og Gerpla eyddu föstudeginum 11.apríl saman í samæfingu og óvissuferð. Gerplustúlkur sóttu Selfoss heim og byrjaði það með ljósmyndamaraþoni. Stúlkurnar þrömmuðu um bæinn klæddar kúrekafötum og tóku myndir af hinu og þessu.  Eftir ljósmyndunina sem tókst einstaklega vel lærðu þær kúrekadans undir stjórn Olgu á skólalóð Sandvíkurskóla með tilheyrandi undirspili.  Þá var haldið á æfingu í nýja salinn þar sem liðin skiptust á að keyra æfingarnar sínar með tilheyrandi hvatningarópum og svo var endað á matarveislu í Tíbrá og hlegið að myndunum.  Dagurinn heppnaðist vel og voru stúlkurnar kátar með daginn. 

Fjöldi fólks á besta aldri stundar nú fimleika einu sinni í viku í íþróttahúsinu við Sunnulæk undir leiðsögn Sigríðar Ó. Harðardóttur og Lindu Ó. Þorvaldsdóttur. Aðsóknin hefur farið fram úr björtustu vonum og mæta milli þrjátíu og fjörtíu manns á hverja æfingu. Æfingarnar eru þannig uppbyggðar að eftir góða upphitun með styrktarþjálfun er farið í ýmsar grunnæfingar fimleika í stöðvaformi. Hópurinn er mjög fjölbreyttur, byrjendur sem og lengra komnir og æfir hver á sínum hraða. Æfingar eru á miðvikudagskvöldum frá 20:00-21:30.

Fimleikadeild Umf.Selfoss stendur á tímamótum í dag. Mikil eftirvænting ríkir hjá iðkendum og þjálfurum deildarinnar að hefja æfingar í dag við bestu mögulegu aðstæður. Í gærkvöldi lauk vinnu við að setja niður gryfjur og stórt trampólín í gólfið í sal Sunnulækjarskóla og voru foreldrar NM-fara mættir til að hjálpa til við síðustu handtökin. Óhætt er að segja að vel hefur tekist til með aðstöðuna og eru spennandi tímar framundan hjá öllum þeim sem að fimleikadeildinni koma. Hægt er að sjá myndir inná ýmsar fimleikamyndir á fimleikasíðunni.

Laugardaginn 12. apríl er félögum í HSK boðið að vera með í fimleikafjöri sem stúlkurnar úr HM1 á Selfossi standa fyrir. Fimleikafjör er þáttur í fjáröflun stúlknanna sem munu fara þann 17. apríl n.k. út til Noregs og keppa fyrir Íslands hönd á Norðurlandamóti juniora. Yfirumsjón með FJÖRINU hafa Sigga, Olga og Linda Ósk þjálfarar stúlknanna. Fimleikafjörið er frá kl. 13:30 – 16:30 og kostar æfingin 1500 kr. og greiðist það á staðnum. Skráning er hjá Olgu yfirþjálfara deildarinnar (olgab@khi.is).

Aðalfundur fimleikadeildar UMFS verður haldinn fimmtudaginn 10. apríl kl. 20.00 í Tíbrá. Á dagskrá eru hefðbundin aðalfundarstörf. Allir velkomnir. Stjórn Fimleikadeildar UMFS

Undirbúningur stúlknanna í HM1 í fimleikunum fyrir Norðurlandamótið gengur ágætlega.  Stelpurnar eru þó í erfiðum aðstæðum vegna framkvæmda við Sunnulækjarhúsið. Síðastliðinn laugardag var samæfing hjá Selfossi og Gerplu í Versölum og gekk sú æfing ágætlega. Stúlkurnar eru að kynnast og mynda góðan móral fyrir keppnina.

Hópur HL3 sem á að vera á æfingu frá 18:30 í dag mánudag fellur niður vegna framkvæmda.  Reiknað er með að framkvæmdum ljúki í byrjun næstu viku.

Einhverjar raskanir kunna að verða á fimleikaæfingum næstu daga. Alla vega verða þær ekki með hefðbundnu sniði þar sem verið er að setja upp gryfjur og trampólín í fimleikasalnum .  Æfingar hafa verið felldar niður í dag hjá hópum HL2 og HL7.  Æfing hjá G1 fellur niður á morgun fimmtudag 27.mars  frá kl. 13-14. Foreldrum er bent á að fylgjast með inn á heimasíðunni eða hafa samband við þjálfara vegna nánari upplýsinga.

Íslandsmótið í landsreglum (hópfimleikar) fór fram samhliða íslandsmótinu í Team-gym um nýliðna helgi.  Liðin vinna sér inn þátttökurétt á íslandsmót með árangri á mótum vetrarins en 6 stigahæstu lið á hverju áhaldi næla sér í þátttökurétt.  Selfoss átti tvö lið á trampólíni og í gólfæfingum en eitt lið á dýnu.  Liðin stóðu sig með glæsibrag á öllum áhöldum.  Á trampólíni varð Selfoss 1 í 2.sæti með einkunnina 6,5 og Selfoss 2 í fjórða sæti með einkunnina 6,4.  Á gólfi varð Selfoss 2 í þriðja sæti með 7,6 og Selfoss 1 í 6.sæti með 7,0.  Á dýnu hafnaði svo lið Selfoss í fjórða sæti með 6,5 í einkunn.  Þetta er stórglæsilegur árangur.  Ekki má gleyma því að annað lið Selfoss á gólfi voru stúlkur fæddar 1997 og voru þær yngstu þátttakendurnir sem unnu sér keppnisrétt á stærsta móti ársins. 

Stelpurnar í meistaraflokki Selfoss í hópfimleikum 16 ára og eldri unnu sér inn þátttökurétt á EM í hópfimleikum sem fram fer í Ghent í Belgíu í október.  Íslandmótið í hópfimleikum fór fram um helgina í Ásgarði í Garðabæ og var fyrri dagur mótsins föstudagurinn 7.mars notaður sem úrtökumót fyrir Evrópumótið.  Efstu tvö lið föstudagsins nældu sér í þátttökuréttinn en keppnin var einstaklega jöfn og spennandi.

Vegna handboltamóts sem verður um helgina á Selfossi falla æfingar niður frá kl. 16 á föstudag 7. mars. Iðkendur eru beðnir velvirðingar þessu.

Lífshlaupið er fræðslu- og hvatningarverkefni ÍSÍ sem höfðar til allra aldurshópa. Selfyssingar eru hvattir til þess að huga að sinni daglegri hreyfingu og auka hana eins og kostur er þ.e. í frítíma, heimilisverkum, vinnu, skóla og við val á ferðamáta. Lýðheilsustöð gefur í fyrsta skipti út ítarlegar ráðleggingar um hreyfingu nú í upphafi árs 2008. Börnum og unglingum er ráðlagt að hreyfa sig í minnst 60 mínútur á dag og fullorðnum í minnst 30 mínútur á dag. Inn á vef Lífshlaupsins er hægt að velja um þrjár leiðir.

Laugardaginn 8. mars fer fram Íslandsmót í hópfimleikum í Ásgarði Garðabæ. Þátttökurétt eiga þau lið sem náð hafa bestum árangri á einstökum áhöldum í vetur. Fjögur lið frá Selfossi hafa tryggt sér rétt til að keppa á mótinu. Á meðfylgjandi skjali má sjá þau lið sem tryggt hafa sér rétt til að keppa á mótinu og hæstu einkunn sem þau hafa fengið á mótum vetrarins. Búast má við spennandi móti hjá TeamGym hópum enda mikið í húfi.  Gerpla P1 náði sigri á Bikarmóti, Selfoss öðru sæti og Gerpla P2 lenti í því þriðja. Munu sömu lið raða sér í verðlaunasætin eða ná Fylkir eða Stjarnan að rugla röðinni? Þrjú efstu liðin frá föstudegi komast áfram með sín stig til keppni á laugardegi.  Á laugardegi keppa einnig blöndu lið frá Stjörnu og Ármanni um Íslandsmeistaratitilinn, sem og karlalið Ármanns.

Lið Selfoss HM1 hafnaði í 2. sæti á Bikarmóti FSí sem haldið var á Selfossi laugardaginn 23. febrúar. Liðið átti mjög góðan dag og ógnaði norðurlandameisturum Gerplu sem urðu bikarmeistarar. Í þriðja sæti varð lið Gerplu 2. Lið Gerplu 1 fékk 24,1 stig, Selfoss 22,8 stig og Gerpla 2 20,55 stig. Fyrr um daginn var keppt eftir landsreglum og keppti Selfoss HM2 á því móti.  Stelpurnar stóðu sig rosalega vel, en keppt er á einstökum áhöldum í landsreglum. Lentu þær í 2. sæti á dýnu og í 5. sæti í dansi sem er mjög góður árangur því alls kepptu 16 lið í flokknum.

Bikarmót FSÍ í hópfimleikum verður haldið í íþróttahúsi Vallaskóla á Selfossi laugardaginn 23. febrúar. Mótið verður í tveimur hlutum. Kl. 11:40-14:20 er keppt í landsreglum táninga og fullorðinna (upphitun 9:10-11:15) og kl. 15:45-17:00 verður keppt í teamgym (upphitun 14:20-15:26). Mörg lið hafa skráð sig til keppni. Við hvetjum alla áhugasama til að koma í íþróttahúsið og fylgjast með spennandi og skemmtilegri keppni. Sjá meðfylgjandi keppnisplan. Þess má geta að tvö þátttökuliða, Selfoss og Gerpla, hafa tryggt sér keppnisrétt á Norðurlandamóti jruniora sem fer fram í Bergen 19. apríl n.k.

Bikarmót FSÍ í hópfimleikum verður haldið í íþróttahúsi Vallaskóla á Selfossi laugardaginn 23. febrúar næstkomandi. Mótiið verður í tveimur hlutum, kl. 11:30-14:10 er keppt í landsreglum táninga og fullorðinna (upphitun 9:10-11:15) og kl. 15:40-17:00 verður keppt í teamgym (upphitun 14:10-15:26). Fjölmörg lið hafa skráð sig til keppni. Við hvetjum alla áhugasama til að koma í íþróttahúsið og styðja sín lið. Sjá meðfylgjandi keppnisplan.

Á laugardaginn náði meistarahópur fimleikadeildarinnar þeim glæsilega árangri að vera valinn til að keppa fyrir Íslands hönd á Norðurlandamóti í hópfimleikum, 18 ára og yngri.  Eftir hörkukeppni varð lið Umf. Selfoss í öðru sæti á unglingamóti FSÍ sem fram fór á laugardaginn og vann sér þar með rétt til að keppa fyrir Íslands hönd á Norðurlandamóti sem fram fer í Bergen í Noregi hinn 19. apríl nk.

Unglingamót FSÍ verður haldið í íþróttahúsi Gróttu á Seltjarnarnesi laugardaginn 9. febrúar. Fimleikadeild Selfoss sendir 8 lið til þátttöku á þessu móti eða um 110 iðkendur. Keppt er í þremur flokkum og á Selfoss lið í öllum þeirra.  Landsreglur börn, unglingar og svo Team gym Junior. Mótið er mikilvægt fyrir meistarahóp Selfoss en þær reyna að ná lágmörkum til að keppa á Norðulandamóti Juniora sem haldið verður í Bergen 19. apríl 2008. 

Þing Fimleikasambands verður haldið á Selfossi laugardaginn 26. janúar. Þingið er haldið annað hvert ár og á HSK á 10 fulltrúa á þinginu. Nokkrar lagabreytingar hafa verið lagðar fram fyrir þingið sem miða flestar að því að færa lög sambandsins til samræmis við núverandi verklag og til einföldunar. Hér má sjá dagskrá þingsins.

Á síðasta fundi aðalstjórnar Umf. Selfoss sem haldinn var 9. janúar var samþykkt úthlutun barna- og unglingastyrks til deilda félagsins. Úthlutunin byggir á ákveðnum reglum þar sem tekið er mið af iðkendum á grunnskólaaldri. Heildarupphæð styrksins sem skiptist á milli átta deilda er 2.575.000 kr. Hefur sú upphæð verið sú sama frá 2004.

Laugardaginn 19. janúar verður alþjóðlegt HÓPFIMLEIKAMÓT í Laugardalshöllinni. Meistarahópi Umf. Selfoss er boðið að taka þátt í keppni í Team Gym hluta mótsins og mun þar etja kappi við bestu íslensku liðin og einnig hið sænska Stockholm Top Gymnastiks (STG) junior lið. Keppni í landsreglum hefst kl. 11:15 og í Team Gym hlutanum hefst kl. 15:00. Gott tækifæri til að sjá bestu hópfimleikamenn landsins!

Skráning fer fram í Tíbrá þriðjudaginn 8.janúar 2008 milli 16 og 18.  Föstudaginn 11. janúar í íþróttahúsi Vallaskóla frá 16-18:30 og svo á laugardaginn 12.jan. í íþróttahúsi Vallaskóla frá klukkan 9:30-11.  Námskeiðið eru 10 skipti og kostar það krónur 7000 sem greiðist við skráningu.  Umsjón með íþróttaskólanum hafa Guðrún Hrafnhildur Klemenzdóttir íþróttakennari og Steinunn H. Eggertsdóttir kennari.

Tímar:

Börn fædd 2004 og 2003         10:00-10:50

Börn fædd 2005 og 2006         11:00-11:50

Stjórn fimleikadeildar Umf. Selfoss

Skil vegna kertasölu. Minnum iðkendur á að skila skal andvirði kertasölu og óseldum kertum ef einhver eru í Tíbrá þriðjudaginn 8. janúar 2008 kl. 16-18. Með nýárskveðju, stjórn Fimleikadeildar UMFS.

UMFÍ bíður ungmennum á aldrinum 16 – 20 ára sem eru án tóbaks og vímuefna í skemmtigferð að Laugum. Leikir, útvist, kvöldvökur og fleira þar sem hinn eini sanni ungmennafélagsandi ræður ríkjum. Þátttakendum stendur til boða að gerast sjálfboðaliðar í starfi Flott án fíknar í kjölfar ferðarinnar. Lagt verður af stað frá Þjónustumiðstöð UMFÍ, að Laugavegi 170, föstudaginn 18. janúar kl. 20.00 og komið til baka sunnudaginn 20. janúar kl. 16.00. Áhugasamir skrái sig á netfangið: gudrun@umfi.is  Allar nánari upplýsingar eru gefnar í Þjónustumiðstöð UMFÍ í síma 568-2929.

Á uppskeruhátíð ÍTÁ voru veittir styrkir úr Afreks- og syrktarsjóðum Árborgar. Veittir voru þrír styrkir fyrir íþrótta- og tómstundastörf og tíu styrkir úr afreks- og styrktarsjóði. Úthlutun var efirfarandi: