Nýjustu fréttir

Veturinn byrjar vel hjá júdódeild Ungmannafélags Selfoss, inn kom fjöldinn allur af byrjendum sem stunda íþróttina af samviskusemi og dugnaði. Æft er í tveimur hópum, yngri, 7-13 ára og eldri, 13 ára og eldri. Æfingar eru tvisvar í viku á þriðjudögum og fimmtudögum, auk þess sem að eldri hópurinn hefur tekið hlaupaæfingar auk lyftinga á mánudagskvöldum, þá stendur til að auka við æfingar eftir áramótin og efla starfið enn betur.

Nú um jólin verða æfingar eins og hér segir:
Á aðfangadag frjáls mæting, laugin opin frá 10:00 til 12:00
Á jóladag og annan í Jólum er frí.

Um helgina verður Landsbankamótið í handbolta, 5. flokki drengja, haldið á Selfossi.  Mótið er 1. umferð til deildarmeistaratiltils á Íslandsmótinu. Búist er við milli 400-500 keppendum á mótið ásamt foreldrum og liðstjórum. Mótið fer fram í báðum íþróttahúsum á Selfossi.

Íslandsmeistaramót í sundi í 25 metra laug fer fram í sundlauginni í Laugardal 18., 19., og 20. nóvember n.k. Undanrásir eru syntar fyrri hluta dags en úrslitasund seinni hluta dags. Bein útsending er í sjónvarpinu á Rás 1 á sunnudag kl. 16:05.

Hér að neðan fylgir exelskjal með úrslitunum af Unglingamóti HSK þann  12. 11. 2005 
Í stigakeppni félaga urðu úrslitin þessi: 
Hamar     190 stig 
Selfoss      97 stig 
Laugdælir  44 stig 
Dímon       32 stig 

Mesta bæting milli móta: 
Arnar Elí Steindórsson úr Hamri vann bætingabikarin. Hann bætti sig um 10,15 sek. Í 100m bringusundi.  Tími hans var 1:29,61mín en hann synti á 1:39,76 mín. Í fyrra. /umfs/upload/images/news/sund/umhsk05urslit.xls

Foreldrar og aðrir velunnarar sunddeildarinnar eru hvattir til þess að skrá sig inn á póstlistann hér til hliðar til að unnt sé að senda fréttir og tilkynningar beint á viðkomandi netföng.

Helgina 5.-6.nóvember nk. verður Lionsmótið í sundi haldið í innilauginni í Borgarnesi (12,5m). Mótið er haldið fyrir 12 ára og yngri og fara yngri hópar  sunddeildarinnar að sjálfsögðu á mótið.

http://www.taekwondo.is/

Fimleikadeild Selfoss ætlar að halda byrjendamót í hópfimleikum laugardaginn 3.desember. Áætlað er að upphitun hefjist klukkan 10:00 um morguninn og keppni hefjist klukkan 11:00 Áætlað er að mótslok verði um klukkan 13:00. Keppt verður eftir byrjendareglum með þeirri breytingu að liðin mega gera eina umferð á hesti og eina á trampólíni. Yfirslag gildir þá jafnmikið og strekkt heljarstökk á trampólíni. Mótið verður aldursskipt ef næg þátttaka verður. Skráning nafnalista þarf að berast fyrir 23.nóvember á netfangið olgu@simnet.is.

Nú í dag var Einar Jónsson ráðinn þjálfari meistaraflokks karla íknattspyrnu. Einar er okkur Selfyssingum vel kunnugur því hann lék hér í tvo áratugi við góðan orðstír og náði á þeim tíma hvorki meira né minna en 386 leikjum með meistaraflokki.

Guðbjörg H. Bjarnadóttir íþróttakennari hefur kennt ungbarnasund á Selfossi síðan 1991. Kennt er innilaug Sundhallar Selfoss í upphitaðri sundlaug ca. 34° C. Námskeiðin eru seinnipart fimmtudags eða föstudags, einu sinni í viku í 10 vikur. Byrjendahópar í 30 mínútur og framhaldshópar í 45 mínútur.

Miðvikudaginn 12. október komu bæði Glaðheimar og Ásheimar í fótboltaheimsókn og gekk eins og í sögu. Krakkarnir voru ánægðir, kraftmiklir og til sóma í alla staði. Einnig voru leikskólakennarar sem fylgdu krökkunum ánægðir og ætla að koma aftur í heimsókn með börnin.