Nýjustu fréttir

Flugeldasala Knattspyrnudeildarinnar hefur opnað á Íþróttavellinum (Selinu). Deildin býður upp á gríðarlega gott úrval afbragðsflugelda á hagstæðu verði. Seldir eru allar tegundir fjölskyldupakkninga, skottertur, innibombur og allt sem nöfnum tjáir að nefna. Við stjórnvöl flugeldasölunnar eru reynsluboltar í flugeldaheiminum sem veita góð og fagleg ráð um allt sem viðkemur flugeldunum.

Þær stöllur Thelma Sif Kristjánsdóttir og Veronika Ómarsdóttir voru valdar til að taka þátt í úrtaksæfingum KSÍ með U-17 landsliði kvenna. Sannarlega frábært og sýnir að kvennaknattspyrnan er í mikilli sókn hér á Selfossi. Til hamingju stelpur!

Örn Davíðsson frjálsíþróttamaður var valinn íþróttamaður Árborgar 2006 og Bergþóra Kristín Ingvarsdóttir fimleikakona var valin íþróttakona Árborgar 2006. Umf. Selfoss óskar þeim innilega til hamingju með viðurkenninguna sem og öllum þeim sem tilnefndir voru.

Í dag lék u-88 lið Íslands tvo leiki, gegn Pólverjum og Svisslendingum og unnust þeir báðir.

Í dag lék u-88 lið Íslands gegn Þjóðverjum á Hela Cup í Þýskalandi. Með þessu liði leika tveir Selfyssingar, Helgi Héðinsson og Hörður Másson.

Hin árlega uppskeruhátíð Íþrótta- og tómstundanefndar Árborgar verður haldin í Iðu á fimmtud. 28. des kl. 20:00. Þar verða afhentir styrkir úr verkefnasjóði Íþrótta- og tómstundanefndar, Afreks- og styrktarsjóði Árborgar og tilkynnt um kjör íþróttakonu og íþróttakarls Árborgar 2006. Meistarahópur fimleikadeildarinnar Umf. Selfoss kemur fram.
Frjálsíþróttadeild Umf. Selfoss sér um kaffiveitingar.

Auk þeirra Ragnars, Einar og Guðmundar Árna sem voru valdir til æfinga með U-16 landsliði Íslands, þá var Helgi Héðinsson einnig valin til þátttöku í verkefni með U-18 landsliðinu sem er að fara á mót á milli jóla og nýárs.
Þessu til viðbótar hefur Hörður (Sjóli) Másson frá Dalbæ einnig verið kallaður til æfinga með U-18 liðinu og fer hann einnig út með þeim á milli jóla og nýárs. Þetta er í fyrsta skipti sem hann er valin í landslið. Til hamingju Hörður með verðskuldaðan árangur alls erfiðisins.

Dregið var í 8 liða úrslit í bikarnum í yngri flokkunum á miðvikudaginn var og enn einu sinni elti ólánið Selfossi. Öll liðin sem enn eru í keppninni fengu leik á útivelli. Í síðustu umferð spiluðu lið Selfoss alls 5 leiki af 6 á útivelli. Í pottinum að þessu sinni voru lið 4. fl. A kk, 3. fl. 90, 3. fl. 89 og 2. flokks. 

Dregið var í happdrætti unglingaráðs knattspyrnudeildar 21. desember. Eftirfarandi hlutu vinning:

Nú eru komin drög að niðurröðun fyrir Deildarbikarkeppni KSÍ 2007. Við verðum í riðli með Víði, ÍH, Gróttu, ÍR og Njarðvík. ÍH og ÍR munu leika gegn okkur í 2. deildinni í sumar en Víðir og Grótta leika í 3.deild. Njarðvíkingar unnu sér þátttökurétt til að leika í 1.deild síðastliðið sumar. Hér er svo niðurröðunin með fyrirvara um breytingar:

Síðustu helgi spilaði 2. flokkur tvo leiki í Íslandsmótinu og Selfoss 89 í bikarnum í 3. flokki á móti IBV í Vestmannaeyjum. Ferðin byrjaði með því að við mættum á Bakkaflugvöll kl. 14.00 en þá tók við 3 klst. bið eftir flugi og síðan þegar flugi var aflýst kl. 17.00. Þá tók við bílferð til Þorlákshafnar og loks til Eyja með Herjólfi. Til Eyja vorum við komnir um 23.00 og var farið beint í háttinn enda vakið 06.00 daginn eftir því að fyrsti leikur var kl. 08.30 í 2. flokki, síðan 3. flokkur kl. 11.00 í Bikarnum og loks aftur 2. flokkur kl. 13.30. Sem sagt frekar stíf dagskrá þann daginn.   

Tveir strákar úr Umf. Selfoss þeir Ragnar Jóhannsson og Einar Héðinsson æfa nú af fullum krafti með U-17 ára landsliði Íslands í handknattleik. Guðmundur Árni Ólafsson var einnig valin í hópinn en átti ekki heimagengt þar sem hann er staddur á Kúbu í góðu yfirlæti í frí með fjölskyldunni. Á myndinni er landliðshópurinn samankomin eftir eina æfinguna.

Allir yngriflokkar Hamars/Selfoss verða komnir í jólafrí miðvikudaginn 20. desember. Við byrjum svo aftur eins og hér segir:
7.-9. flokkar karla byrjar miðvikud. 3. jan kl. 20:00,
7.-9. flokkar kvenna byrjar fimmtud. 4. jan kl. 17:00-18:00.
Minni-bolti yngri og eldri byrja sunnudag. 7. jan kl. 12:00.

Helgi Héðinsson 18 ára Selfosshnokki var á dögunum valinn í 16 manna hóp U-19 ára landsliðs karla sem fer á Hela Cup í Þýskalandi milli jóla og nýárs. Fyrsta æfingin hjá liðinu verður á þriðjudaginn kl. 08:00 í Víkinni.

Mikil fagnaðarlæti bárust frá Tíbrá, félagsheimili Ungmennafélagsins á laugardagsmorgun. Þar var piltur að skrifa undir samning við Selfoss sem hefur glatt áhorfendur í gegnum tíðina með knattleikni og glæsilegum mörkum. Það er óþarfi að kynna Sævar Þór Gíslason fyrir stuðningsmönnum okkar en hann gerði hér garðinn frægan seint á síðustu öld.

Selfyssingurinn Þórir Hergeirsson varð um helgina Evrópumeistari í handknattleik. Þórir er aðstoðarþjálfari norska kvennalandsliðsins í handknattleik og hefur verið búsettur og þjálfað í Noregi undanfarin 20 ár en áður þjálfaði hann yngri flokka Selfoss.

4. flokkur karla lék fjóra leiki um helgina. Á laugardag sigraði A liðið Valsmenn 24-19 og Selfoss B2 vann Aftureldingu 26-12. Á sunnudag lék B2-liðið við A-lið HK og lauk leiknum með sigri HK manna 26-31. B-liðið lék svo við á eftir við HK b og vannst sá leikur örugglega 31-12.

Hamar/Selfoss vann góðan útisigur á Fjölni í Gravarvoginum á föstudagskvöldið 83-88. Staðan eftir fyrsta leikhluta var 24-20, 44-39 í hálfleik og 60-55 eftir þriðja leikhluta. Byrd skoraði flest stig okkar manna eða 34 og tók 17 fráköst, Friðrik var með 21 stig, og Bojoviv skoraði 14 stig og tók 11 fráköst. Hallgrímur gerði 7, Lárus 6 og Svavar 6.

Þá er komið að því. Langþráð stund er í vændum hjá okkur stuðningsmönnum Selfoss. Leikmaðurinn sem beðið hefur verið eftir mun skrifa undir samning við félagið á morgun. Athöfnin verður í Tíbrá, félagsheimili Ungmennafélgasins kl.11:00. Við hvetjum fólk til að mæta og nota tækifærið og Tippa í leiðinni.

Selfoss tekur þátt í Íslandsmótinu í knattspyrnu innanhúss laugardaginn  16. des þegar 2. flokkur kvenna keppir í Garðinum. Fjögur lið eru í C-riðli, auk Selfoss eru það Afturelding, GRV (Grindavík/Reynir/Víðir) og ÍR. Mótið stendur frá kl. 10-13.

Þeir félagar Magnús, Gunnar og Birgir stóðu sig vel á jólamóti Júdófélags Reykjavíkur sem haldið var um síðustu helgi. Gunnar hlaut gull í sínum flokki, Birgir brons og Magnús sem var að keppa á sínu fyrsta móti stóð sig mjög vel.

Um helgina leika öll þrjú 4. flokks liðin okkar hér á Selfossi, alls fjóra leiki. Leikirnir fara fram á laugardag og sunnudag.

B1 liðið í 4. flokki karla vann góðan sigur á HK í Kópavoginn í gær. Eftir erfiðan fyrri hálfleik var staðan 13-10 fyrir okkar menn. Í seinni hálfleik bættu okkar menn í og unnu örugglega 31-20.

Um helgina fóru strákarnir í handboltaakademíunni á Selfossi í skemmtilega óvissuferð. Eins og sannri óvissuferð sæmir vissu strákarnir ekkert hvað til stóð þegar lagt var af stað. Þeir héldu að það ætti að vera vídeóæfing í rútunni. Farið var frá Selfossi niður á Eyrarbakka og til baka og síðan Gaulverjabæjarhringurinn sem endaði svo á jólahlaðborði á Rauða húsinu.

Leiknum sem átti að spila á fimmtudaginn kemur hefur verið frestað að beiðni Víkings fram yfir áramót. Þar með er Selfoss 90 komið í jólafrí og spila strákarnir ekki aftur fyrr en 13. og 14. janúar en þá fara þeir norður og spila tvo leiki í sömu ferð, við Þór og KA. Liðið er í 3. sæti eftir 5 leiki, hafa unnið 4 og tapað 1, fyrir FH 31-34.

Hamar/Selfoss vann góðan sigur á Þór Þorlákshöfn á laugardaginn í Lýsingarbikarnum í 16 liða úrslitum. Leikurinn endaði 78-64 eftir að staðan í hálfleik hafði verið 40-29.

Viðar Örn Kjartansson var valinn til að taka þátt í úrtaksæfingum vegna U17 liðs KSÍ en æfingarnar fara fram undir stjórn Lúkasar Kostic þjálfara U17 landsliðs Íslands. Æfingarnar fara fram á Akranesi og í Egilshöll 16. og 17. desember. Viðar Örn virðist vera að festa sig í sessi í þessum hópi og erum við öll mjög stolt af því.

Á jólasýningu fimleikadeildar var fimleikakona ársins kynnt. Hún er fyrir árið 2006 Bergþóra Kristín Ingvarsdóttir. Hún varð m.a. Íslandsmeistari í 6. þrepi sem eru frjálsar æfingar í almennum fimleikum.

Jólasýningar fimleikadeildar tókust með eindæmum vel og var húsfyllir á báðum sýningunum í íþróttahúsi Vallaskóla. Þema sýningarinnar "Þegar Trölli stal jólunum" naut sýn vel og var gaman að sjá fallega skreyttan salinn sem myndaði sannkallaða jólastemningu.

Öll þrjú 4. flokks liðin léku um helgina. A og B2 léku hér á Selfossi á laugardagin, A-liðið gegn FH og B2-liðið gegn Fram. B1-liðið lék í gær við Val í Reykjavík.

Þrír Selfyssingar hafa verið valdir í unglingalandslið Íslands skipaða leikmönnum fæddum 1990 og síðar. Þetta eru örvhenta skyttan Ragnar Jóhannsson, línumaðurinn Einar Héðinsson og örvhenti hornamaðurinn Guðmundur Árni Ólafsson. Þeir munu æfa stíft um jólin og eftir áramótin. Piltarnir fara væntanlega á móti í Noregi um miðjan maí á næsta ári og á Hela-cup í Þýskalandi um jólin 2007.

Jæja, þá er stórleiknum lokið. Selfoss 90 vann Selfoss 89 31:29 í hörku skemmtilegum leik fyrir framan tæplega 200 áhorfendur. Leikurinn bauð upp á allt sem skemmtilegir leikir eiga að gera, hraða, spennu, mistök, dramatík, góðar leikfléttur og frábær einstaklingstilþrif. Það er ekki annað hægt en að vera stoltur yfir því að Selfoss eigi tvö jafn góð lið og raun ber vitni í 3. flokki karla.

2. flokkur gerði góða ferð í Grafarvoginn í gærkvöldi og sigraði sterkt lið Fjölnis 37-39 eftir framlengingu í æsispennandi leik. Staðan í lok venjulegs leiktíma var 32-32. Sigurinn kom í síðari hluta framlengingar eftir mikla baráttu.

Í kvöld unnu strákarnir í A liði 4. flokks lið Stjörnunnar 23-19 í bikarnum. Leikurinn var liður í 16 liða úrslitum og eru þeir því komnir áfram í 8 liða úrslit.

Jólasýning fimleikadeildar verður nk. laugardag 9. des í íþróttahúsinu við Vallaskóla. Tvær sýningar verða, sú fyrri kl. 10:30-11:30 og sú síðari 12:30-13:30. Þema sýningarinnar er “Þegar Trölli stal jólunum”. Allir iðkendur deildarinnar tæplega 300 börn taka þátt í sýningunni. Að lokinni fyrri sýningunni verður Fimleikamaður ársins heiðraður. Aðgangur er ókeypis.

Dagana 2. og 3. desember s.l. spiluðu stelpurnar í 4. flokki tvo leiki. Fyrri daginn fengu þær KR í heimsókn og unnu 25-19.  Seinni daginn léku þær við Gróttu á útivelli og endaði leikurinn 23-14 fyrir Gróttu. 

Á fimmtudagskvöldið n.k. verður spilaður leikur í Vallaskóla sem á sér ekki hliðstæðu í íslenskum handknattleik. Þá munu lið Selfoss og Selfoss 2 spila gegn hvort öðru í 1. deild á Íslandsmótinu í 3. flokki. Þetta er í fyrsta skipti svo vitað sé að tvö lið frá sama félagi mætist í efstu deild á Íslandsmóti í nokkurri boltaíþrótt.

Strákarnir í  A-liði 4. flokks töpuðu í dag gegn Fram í miklum hörkuleik. Fram hefur hingað til haft besta liðið í þessum flokki. Jafnt var á flestum tölum í fyrri hálfleik, en Framarar skoruðu 3 síðustu mörk fyrri hálfleiks og höfðu yfir 12-14.

4. flokkur vann ÍR í keppni B-liða í dag. Í hálfleik var staðan 16-3 og lokatölur urðu 31-6. Sem sagt einstefna allan leikinn þar sem yfirburðir Selfoss voru algjörir í leiknum. Ekki er hægt að hrósa neinum einum leikmanni sérstaklega fyrir sína frammistöðu. Liðið í heild lék vel og agað og hafði þolinmæði að leiðarljósi í varnarleiknum.

Í dag lék 90 liðið í 3. flokki gegn Gróttu og vann þar yfirburðar sigur, 36-19 eftir að staðan hafi verið 21-8 í hálfleik. Einar Héðinsson, Guðmundur Árni, Örn Davíðsson og Ástgeir markmaður áttu allir skínandi leik en hafa ber þó í huga að mótspyrnan var ákaflega lítil í þessum leik.

Haukar 2 komu í heimsókn á föstudagskvöldið og léku gegn mfl. Selfoss. Haukar unnu okkar menn fyrr í haust í vægast skelfilegum leik. Leikurinn var í járnum framan af og höfðu gestirnir yfir í hálfleik 13-15. Lokatölur urðu 33-28 og því má segja að okkar strákar hafi náð fram hefndum frá því í haust.

Opið er í tippstofu Umf. Selfoss í Tíbrá alla laugardaga frá kl. 11 – 13. Að sjálfsögðu er kaffi á könnunni og bakkelsi í boði Guðnabakarís. Nú ríður á að drífa tipphópinn í Tíbrá á laugardagsmorgnum, spá í seðilinn og taka létta þjóðfélagsumræðu í góðra vina hópi í lok viku.

Við viljum hvetja fólk til þess að koma og hvetja strákana í Selfoss1 á morgun laugardag kl. 15.00 í Vallaskóla þegar þeir spila á móti Gróttu í 1. deild 3. flokks.

Í gærkvöldi tók Selfoss2 á móti Haukum í 1 deild 3. fl. karla. Haukar sem eru með eitt sterkasta lið landsins í þessum flokki byrjuðu Íslandsmótið mjög vel og höfðu aðeins tapað einum leik. Okkar strákar unnu síðasta leik eftir mjög erfiða byrjun og voru staðráðnir í því að halda áfram þar sem frá var horfið. 

Helgina 24.-26. nóvember fór fram deildarmót HSÍ í 5. flokki karla og fóru þrjú lið frá Selfossi á mótið. Í keppni A-liða gekk strákunum ágætlega og lentu strákarnir að lokum í 3. sæti í 2. deild eftir að hafa unnið tvo leiki, gert eitt jafntefli og tapað tveim leikjum.

Nú um síðustu helgi unnu strákarnir í körfuknattleiksliði Hamars/Selfoss B sig upp um riðill í Íslandsmótinu í minni-bolta 11 ára. Strákarnir unnu alla sína leiki nokkuð örugglega.

Glitnis-mótið var haldið á laugardaginn í íþróttahúsinu Iðu. Tókst mótið mjög vel en keppt var í þremur aldursflokkum í karla og kvenna, 5. flokki, 6. flokki og 7.flokki. Halldór Björnsson þjálfari stóð í ströngu á mótinu við að stjórna liðum. Meðfylgjandi myndir eru af mótinu.

4.fl. kvenna gerði jafntefli við Fjölni á útivelli á föstudagskvöldið, 15-15 eftir að staðan í hálfleik hafði verið 12-6 Fjölni í vil. Á sunnudaginn tóku stelpurnar á móti Val heima og töpuðu 11-16. Staðan í hálfleik var 3-10 gestunum í vil. Þess má geta að í þeim leik brenndu Selfoss stelpurnar af 6 vítaköstum.

Kvennaliðið H/S tapaði fyrir Grindavík 44-93 í Iceland-express deildinni á föstudaginn í Hveragerði. Liðið spilaði án erlends leikmanns. B-liðið tapaði naumlega 66-67 fyrir Snæfelli. Karlalið H/S vann Njarðvík b örugglega 73-95 í Lýsingarbikarnum á sunnudag og eru því komnir í 16-liða úrslit.

Bæði A og B lið Selfoss í 4.flokki karla tóku á móti Haukum á sunndaginn. B liðið vann sinn leik örugglega 24-20 og A liðið lék síðan við A lið Hauka og unnu 30 -27 eftir að staðan í hálfleik hafi verið 15-15.

Meistaraflokkur Selfoss í handbolta vann öruggan sigur á Hetti frá Egilsstöðum í 2.deild íslandsmótsins í handknattleik, lokatölur urðu 36-26 eftir að Selfoss hafi verið yfir í hálfleik 15-12.

4. flokkur karla A-lið hefur byrjað vel á Íslandsmótinu í vetur. Strákarnir eru taplausir það sem af er. Þeir unnu alla sína leiki í undankeppninni og eru komnir áfram í bikarnum.

Selfoss tapaði naumlega fyrir toppliði Aftureldingar í gærkvöldi lokatölur urðu 25-27. Leikurinn var jafn og spennandi allan tímann og hið unga Selfosslið átti í fullu tré við sterkt lið Aftureldingar. Það var síðan á loka mínútunum sem Afturelding silgdi fram úr og Selfoss strákarnir gáfu eftir.

Knattspyrnudeildin stendur fyrir Glitnis-móti í innanhússknattspyrnu í Iðu íþróttahúsi FSu laugardaginn 25. nóvember. Keppt verður í 5., 6. og 7. flokki karla og kvenna. Fyrstu leikirnir hefjast kl. 10, en mótinu lýkur kl. 18.

Í gærkvöldi spilaði Selfoss 90 við ÍR í 1. deild í unglingaflokki karla.  Fyrir leikinn höfðu ÍRingar unnið alla 4 leikina sína og flesta þeirra sannfærandi. Leikurinn fór frekar rólega á stað og bar þess merki að um toppslag væri að ræða í deildinni.

Í gærkvöldi var skrifað undir samninga við styrktaraðila handbolta-akademíunnar á Selfossi. BT-músin var að sjálfsögðu mætt enda nýtt lukkudýr deildarinnar. Hvatning músarinnar skilaði sér vel því strákarnir í unglingaflokki Selfoss 90 lögðu ÍR-inga í hörku leik 30-28.

Fjölmargir leikir fara fram um helgina hjá Hamar/Selfoss. Kvennaliðið byrjar í kvöld en þær taka á móti Grindavík í Icelandexpress-deildinni. Leikurinn fer fram í Hveragerði og hvetjum við alla til að mæta og styðja við bakið á stelpunum. Á sunnudaginn spilar svo karlaliðið við Njarðvík B í 32-liða úrslitum Lýsingarbikarsins. Fer sá leikur fram í Njarðvík.  Minni-bolta liðin standa einnig í ströngu um helgina en minni-bolti 11 ára karla spilar á Flúðum á sunnudaginn og minni-bolti 10 ára stúlkna spilar í Rimaskóla í Grafarvogi á sunnudaginn.  

Fjölmargir handboltaleikir verða á Selfossi um helgina. Meistaraflokkur leikur tvo leiki, föstudagskvöld og á laugardag, Selfoss´90-liðið leikur í kvöld og 4.fl. karla og 4.fl. kvenna leika á sunnudaginn.

Getraunastarf knattspyrnudeildar Selfoss er hafið. Opið verður í Tíbrá laugardaginn 25. nóvember frá kl. 11:00 til kl. 13:00. Kaffi og meðlæti fyrir tippara. Nú er bara að drífa sig af stað og kalla saman tipphópinn! Getraunanúmerið er að sjálfsögðu 800. Getraunanefndin

Þeir félagar Stefán Ragnar Guðlausson og Viðar Örn Kjartansson voru valdir til að taka þátt í úrtaksæfingum U17 landsliðs KSÍ. Æfingarnar verða á Stjörnuvelli og í Egilshöll 25. og 26. nóvember. Frábær frammistaða og sannarlega ánægjulegt fyrir félagið að eiga tvo efnilega leikmenn í þessum hópi.

Strákarnir í 6.flokki karla A-lið gerði sér lítið fyrir og sigruðu í 1.deild íslandsmótsins, en mótið fór fram í Austurbergi í Reykjavík um helgina. Strákarnir unnu Fjölni 16-9, Fylki 15-9 og Gróttu 11-10. Þeir gerði jafntefli við FH 9-9 og Fram 12-12. Þetta skilaði liðinu 8 stigum og efsta sætinu á Íslandsmótinu.

Meistaraflokkur frjálsíþróttadeildar heldur bingó í Iðu (íþróttahúsi FSu) miðvikudaginn 22. nóv. kl. 19:30. Fjöldi glæsilegra vinninga er í boði...

Íslandsmeistaramóti í sundi í 25 metra laug lauk í gær. Frá Umf. Selfoss keppti Bryndís Ólafsdóttir og sýndi þar gamla takta, varð í 3. sæti í 50 m skriðsundi á tímanum 27,03 og í 6. sæti í 50 m flugsundi á tímanum 30,68. Bryndís er 37 ára og munu vera 6 ár síðan hún keppti síðast í sundinu.

Fimleikadeild Umf. Selfoss vann sjö gull, fjögur silfur og fjögur brons á Haustmóti Fimleikasambands Íslands í hópfimleikum sem haldið var á Selfossi laugardaginn 18. nóvember. Mikill fjöldi keppenda var á mótinu eða alls sjö lið sem kepptu eftir Evrópureglum og tuttugu og þrjú lið sem kepptu eftir nýjum landsreglum FSÍ.

Nú hefur leikjum á Íslandsmótinu í 2. deild í knattspyrnu fyrir keppnistímabilið 2007 verið raðað niður þó dagsetningar séu ekki komnar.

Nú er hafin sala á happdrættismiðum unglingaráðs knattspyrnudeildar. Happdrættið er stór póstur í fjáröflun og því kjörið tækifæri að kaupa miða og styrkja starfið í leiðinni. Dregið verður 21. desember. Vinningaskrá...

Aðalfundur knattspyrnudeildar var haldinn í gær fimmtudaginn 15. nóvember. Þar lagði stjórn deildarinnar fram skýrslu um starfið ásamt árshlutauppgjöri. Fram kom að starfið hefur verið mjög blómlegt á árinu og margir hlutir í farvatninu hjá deildinni. Ný stjórn var kosin á fundnum.

Búist er við miklum fjölda keppenda á mótinu og skemmtilegri keppni. Hópur frá Gerplu mun sýna kl. 15:30 atriði frá nýafstöðu Evrópumeistaramóti í hópfimleikum sem fór fram í Árósum, þar urðu stúlkurnar í 2. sæti og er þetta besti árangur íslensks liðs í hópfimleikum.

Helgina 4.-5. nóvember keppti 8. flokkur Hamars/Selfoss í 2. umferð, C-riðlils Íslandsmótsins í körfubolta sem fram fór í Þorlákshöfn. Strákarnir í Hamri/Selfoss stóðu sig mjög vel og unnu þrjá leiki en töpuðu einum.

Handboltastrákarnir í 7. flokki sigruðu á vinamóti Víkings um helgina, en mótið var fyrsta mótið af þremur á Íslandsmótinu. Selfoss var með þrjú lið á mótinu og unnu öll liðin alla sína leiki.

HSK-mótinu í knattspyrnu (mfl. 7 manna lið) sem frestað var um síðustu helgi vegna veðurs verður haldið á Selfossi sunnud. 12. nóv. kl. 16:00. 6.fl. mótið verður einnig haldið í Þorlákshöfn.

HSK, UMFÍ og Búnaðarsamband Suðurlands  standa sameiginlega að  félagsmálanámskeiði sem verður haldið í Selinu þriðjud. 14. nóv. og miðvikud. 15. nóv. nk.

HSK-mótum í knattspyrnu sem vera áttu á sunnudag var frestað vegna veðurs. Halda átti 6. flokks mót í Þorlákshöfn og meistaraflokksmót 7 manna liða á Selfossi. Mótin hafa verið færð aftur um viku.

HSK-mót í knattspyrnu í 5. og 6. fl. drengja og stúlkna verður haldið í Þorlákshöfn um helgina. Á laugard. 4. nóv hefst keppni í 6. fl. stráka kl. 10 og stelpurnar í 6. fl. byrja kl. 11. Á  sunnudeginum keppir 5. fl. Strákarnir byrja kl. 10 en stelpurnar kl. 14:15. Hér á eftir fer leikjaniðurröðun:

Árleg minningarmót um Þórð Gunnarsson sundþjálfara var haldið í Sundhöll Selfoss í dag. Það var Júlía Sjörup Eiríksdóttir sem vann Þórðarbikarinn að þessu sinni en hann fékk hún fyrir 50 metra skriðsund sem gaf henni 339 stig. Úrslitin fara hér á eftir:

Hið árlega HSK mót í meistaraflokki karla í knattspyrnu verður haldið
sunnudaginn 5. nóvember kl. 16:00 á gervigrasinu á Selfossi. Leikinn verður
sjö manna bolti samkvæmt reglum KSÍ.

Nú er Faxaflóamótið haustið 2006 komið af stað. Selfoss sendi átta lið í mótið, 5 karlalið og 3 kvennalið. Sjá nýjustu úrslit...

Nú liggur fyrir að bæjarráð Árborgar muni ráðast í að láta setja upp hitunargræjur fyrir nýja gervigrasvöllinn þannig að hann verður upphitaður í vetur. Knattspyrnumenn hafa því fulla ástæðu til að kætast. Völlurinn hefur reynst frábærlega og er bæjaryfirvöldum til mikils sóma.

Þegar að Lárus Jónsson gekk í raði HS í sumar var alveg ljóst að lögð verður áherslu á varnarleik á komandi tímabili. Síðustu 2 tímabil hefur liðið ekki spilað nægilega góða vörn enda eru 2 tímabil síðan liðið átti sæti í úrslitakeppninni. Lárus sem er þekktur baráttuhundur úr Rangarvallarsýslu, mun verða drifkrafturinn sem knýr áfram varnarvél HS í vetur.

Krakkarnir í 6. fl. karla og kvenna í handbolta stóðu sig frábærlega á fyrsta móti vetrarins sem fór fram um s.l. helgi.

Selfoss ’90 liðið í handbolta sigraði gesti sína í HK í miklum markaleik í fyrsta leik Íslandsmótsins. Lokatölur urðu 51-36.

Tveir Selfyssingar þeir Guðmundur Þórarinsson og Stefán Ragnar Guðlaugsson hafa verið valdir til að taka þátt í úrtaksæfingum U16 og U17 landsliða í knattspyrnu.

Um helgina fór fram HSK-mót í knattspyrnu á gervigrasinu á Selfoss í 3. og 4. flokki karla og 3. fl. kvenna. Mótið var hraðmót þar sem leikið var í 2x20 mín. Lið Selfoss sigraði í 3. fl. kvenna og 4. fl. karla, en lið Ægis í 3. fl. karla.

Ungmennafélag Selfoss og Prentmet Suðurlands undirrituðu samning um samstarf mánudaginn 23. október. Í honum felst m.a. að Umf. Selfoss mun njóta bestu kjara hjá fyrirtækinu varðandi alla prentun og auglýsingar í Dagskránni.

Um helgina fór fram HSK-mót í knattspyrnu í 3. og 4. fl. karla og 3. fl. kvenna á gervigrasinu á Selfossi. Mótið var hraðmót þar sem leikið var í 2x20 mín. Selfoss sigraði í 3. fl. kvenna og 4. fl. karla, en Ægir í 3. fl. karla.

Selfoss ’90 liðið sigraði gesti sína í HK í miklum markaleik á sunnudag. Lokatölur urðu 51-36 þar sem um helmingur marka Selfyssinga kom úr hraðri miðju, hraðaupphlaupum eða seinni bylgju. Okkar menn léku alls ekki vel og var vörnin fjarri því nógu góð. Hins vegar keyrðu þeir hraðan mikið upp og áttu Kópavogsbúar engin svör við því.

Tvær stúlkur frá Selfossi hafa verið valdar á útökuæfingar hjá u-17ára landsliðinu. Þetta eru þær Katrín Ýr Friðgeirsdóttir og Guðbjörg Una Hallgrímsdóttir.

Krakkarnir í 6. fl. karla og kvenna í handbolta stóðu sig frábærlega á fyrsta móti vetrarins sem fór fram um s.l. helgi. Mótafyrirkomulag Íslandsmótsins er þannig að öll liðin á landinu leika á 5 stórum mótum yfir veturinn. Strákarnir léku í Kaplakrika og á Strandgötu í Hafnarfirði, en stelpurnar í Fram-húsinu.

Stórleikur verður í úrvalsdeildinni í körfubolta þegar lið Hamars/Selfoss sækir Þór Þorlákshöfn heim föstudaginn 20. október kl. 19:15. Ekki er amalegt að fá derby-leik í fyrstu umferð. Fyrsti heimaleikurinn verður svo hér á Selfossi sunnudaginn 22. okt. kl 19:15 við ÍR. Stelpurnar hefja leik í efstu deild með heimaleik við ÍS í Hveragerði miðvikudaginn 25. október. kl. 19:15.

Lárus Jónsson, leikmaður HS, telur að varnarleikurinn þurfi að vera öflugur en að sigur sé það sem skipti máli. Sjá viðtal...

Selfoss lék í gær gegn ÍR í 2. flokki karla. Eftir frekar dapran fyrri hálfleik, þar sem okkar menn leiddu þó 18-12, tóku þeir öll völd á vellinum í þeim síðari og urður lokatölur 41-21. Okkar drengir keyrðu upp hraðan og skoruðu mikið úr seinni bylgju og hraðaupphlaupum.

Undir 17 ára landslið Íslands í knattspyrnu sem lék í Rúmeníu í Evrópukeppni unglingalandsliða kom heim s.l. sunnudag eftir góðan árangur. Liðið komst í milliriðla eftir frækinn 4-1 sigur á Litháum. Viðar Örn kjartansson skoraði 4. markið sem kom liðinu áfram.

Þrír "Selfyssingar" voru í U17 landsliðinu sem tók þátt í Evrópukeppninni í knattspyrnu um daginn, þeir Viðar Örn Kjartansson, Björn Jónsson og Eggert Einarsson.

Mikil gróska var í körfuboltanum á síðasta ári og hefur iðkendum fjölgað mikið. Í vetur verður iðkendafjöldi hjá H/S rúmlega 200, þar af um 80 krakkar á Selfossi.

Leikmenn meistaraflokks karla Hamar/Selfoss 2006-2007:

Nú um helgina fór fram dósasöfnun Sunddeildarinnar. Skemmst er frá að segja að aldrei hafa safnast fleiri dósir og þrátt fyrir það var vinnunni lokið fyrr en oft áður. Er þar að þakka góðri mætingu barna og foreldra þeirra.

Bæði Selfossliðin í unglingaflokki karla náðu að tryggja sér sæti í efstu deild Íslandsmótsins. Er þetta í fyrsta skipti sem sama félagið á tvö lið í efstu deild í þessum aldursflokki. Strákarnir í 4. flokki stóðu sig einnig vel og leika í efstu deild.

Nú er vetrarstarfið okkar að komast á gott skrið. Framundan í vetur er ýmislegt skemmtilegt  m.a.  flöskusöfnun, skautaferð, æfingabúðir, Þórðarmót, kertasund ofl.  Við ætlum að byrja á foreldrafundi, miðvikudagskvöldið 4. október kl. 20.00 í Tíbrá. Þar förum við yfir starfið í vetur m.a. undirbúum við okkur fyrir flöskusöfnunina  næsta laugardag 7. okt.

Nú er unnið að hellulögn og frágangi bílastæða við Tíbrá. Er þetta lokaáfangi framkvæmda þessa árs en fyrirhugað er að ljúka malbikun bílastæða næsta vor. Þá er lýsing gervigrasvallarins óðum að taka á sig mynd og verða knattspyrnumenn vonandi orðnir vel upplýstir innan fárra daga.

Um helgina fór fram undankeppni A og B liða í 4. flokki karla í handknattleik. Selfoss hefur á að skipa þremur liðum í þessum flokki, einu A liði og tveimur B liðum. Öllum liðum Selfoss gekk vel um helgina og komst A liðið í fyrstu deild ásamt B liðinu.  B2 liðið verður hins vegar í 2. deild þrátt fyrir að hafa leikið vel um helgina. Þar eru reyndar flestir á yngra ári og verða reynslunni ríkari eftir veturinn.

Forkeppni 3. fl. karla í handknattleik fór fram helgina 15.-17. sept. Selfoss 1 spilaði í riðli á Selfossi  en Selfoss 2 í riðli í Hafnarfirði. Selfoss 1 tryggði sér sæti í 1. deild en Selfoss 2 komst í milliriðil og leikur um þrjú laus sæti ásamt þremur öðrum liðum helgina 22.-24. sept.

Á lokahófi unglingaráðs knattspyrnudeildar sem haldið var 10. september s.l. voru veitt verðlaun fyrir maður ársins, framför og ástundun og markakóngur/drottning. Verðlaunahafar 2005-2006 voru eftirfarandi:

Litli fótboltaskólinn er fyrir 8. flokk eða krakka sem eru fædd 2001,2002 og 2003. Æfingar verða í íþróttahúsinu Iðu á miðvikudögum kl. 18:15-19:00.

Húsfyllir var í íþróttahúsinu á fimleikadaginn. Íþróttaálfurinn stóð fyrir sínu og áheita-handahlaup T1, T2 og T3 tókst vel.

Í tilefni af 125 ára afmæli Alþjóða fimleikasambandsins verður opið hús hjá Fimleikadeild Umf. Selfoss í Íþróttahúsi Vallaskóla Selfossi laugardaginn 16. sept. kl. 9:30-12:30. Sjá dagskrá...

Í tilefni 70 ára afmælis Umf. Selfoss verður haldinn íþróttadagur á Selfossvelli  laugardaginn 9. september kl. 14-16. Farið verður í leiki og þrautir og keppt í ýmsum skemmtilegum greinum eins og t.d. farsímakasti og stígvélakasti. Fótbolti og handbolti á nýja gervigrasvellinum. Gamlir ungmennafélagar eru sérstaklega hvattir til að mæta og njóta þesss að spjalla saman. Heitt verður á könnunni í Tíbrá. Allir velkomnir

Æfingarnar hjá sunddeildinni eru hafnar eftir sumarfrí. Hóparnir eru þrír, getu- og aldursskiptir og eru þessir: Gullhópur fyrir 13 ára og eldri. Silfurhópur fyrir 10 - 14 ára og Bronshópur fyrir 6 til 11 ára. Þá er starfræktur sundskóli fyrir 4 til 7 ára. Skráningar í síma 695-1960 eða á sund@umfs.is

Meistaramót Íslands 12-14 ára var haldið á Sauðárkróki helgina 19.-20. ágúst s.l. Selfyssingar sendu 7 krakka á mótið sem stóðu sig mjög vel.

Bikarkeppni Frjálsíþróttasambandsins, 2, deild, fór fram í Vík í Mýrdal þann 26. ágúst. Lið HSK sigraði keppnina nokkuð örugglega og keppir því í 1. deild að ári.

Íþróttaskóli barna hefst að nýju laugardaginn 9. september. Tímarnir eru 50 mín í senn og þurfa foreldrar að fylgja börnum sínum í gegnum tímann. Aldursskipting verður eftirfarandi:

Ragnarsmótið í handbolta hefst miðvikudaginn 30. ágúst kl. 18:00 með tveimur leikjum. Alls taka 6 lið þátt í mótinu en þau eru auk Selfoss, Íslandsmeistarar Fram, Deildarmeistarar Hauka, Bikarmeistarar Stjörnunnar, HK og Fylkir.

Olísmótinu, Meistaradeild Olís, lauk nú um helgina hér á Selfossi og tókst það í alla staði vel. Framkvæmd og skipulag var til fyrirmyndar og höfðu forráðamenn gestaliðanna orð á því hve vel væri að öllu staðið

Örn Davíðsson Umf. Selfoss bætti Íslandsmetið í kringlukast sveina þegar hann kastaði 61,98 m á Coca Cola móti FH 8. ágúst s.l. Örn kastaði tvisvar yfir gildandi Íslandsmeti en það var 61,76 m og hafði staðið óhaggað í 33 ár.

Meistaramót Íslands í frjálsum íþróttum fór fram helgina 24.-25.júlí á Laugardalsvelli. Frjálsíþróttadeild Umf. Selfoss sendi 9 keppendur til leiks sem stóðu sig með miklum sóma. Lið Selfoss endaði í 6. sæti í Heildarstigakeppninni sem verður að teljast mjög gott með þetta ungt lið en meðalaldur liðsins er 17 ár. Alls sendu 16 lið keppendur á Meistaramótið.

Meistaradeild Olís í 5. flokki verður haldið á Selfossi dagana 11.- 13. ágúst. Mótið verður sett föstudaginn 11. ágúst kl. 14 og verður gerfigrasvöllurin formlega vígður við setninguna.

Unglingaráð knattspyrnudeildar Umf. Selfoss stendur fyrir opnum knattspyrnuskóla á Selfossi dagana 1. til 3. ágúst í samstarfi við Blackburn akademíuna í Englandi.

Í síðustu viku var byrjað að nota nýja gerfigrasvöllinn. Nokkrir leikir í yngri flokkunum hafa þegar farið fram á honum og einnig er byrjað að æfa á honum af krafti. Mikil ánægja er með að völlurinn skuli loksins vera kominn í notkun.

Laugardaginn 20. maí 2006 heldur Fimleikadeild Umf. Selfoss árlegt Minningamót um Magnús Arnar Garðarsson. Mótið er tvískipt annars vegar fimleikafjör fyrir yngri flokka og síðan keppni í hópfimleikum þar sem eldri hópar keppa, bæði í byrjendaflokki og samkvæmt FSÍ reglum. C-hópar keppa ekki en sýna listir sýnar.

Aðalfundur félagsins verður haldinn í Tíbrá fimmtudaginn 27. apríl 2006, kl. 20:00. Dagskrá.
Venjuleg aðalfundarstörf
Verðlaunaafhendingar
Stjórnin

Úrslit

Hamar/Selfoss tekur sæti KR í Iceland Express-deild kvenna næsta vetur. Liðið tryggði sér sigur í deildinni fyrir nokkru, en fékk verðlaun sín afhent á laugardaginn þegar liðið mætti Ármanni/Þrótti í Hveragerði.

Fimleikastúlkur og strákar frá Selfossi gerðu góða ferð í Garðabæinn um helgina en þar fór fram Íslandsmótið í almennum fimleikum. Alls tóku um 200 krakkar þátt frá 10 félögum.

Mjög góð helgi er að baki hjá yngri flokkum okkar. Fjórir flokkar tóku þá þátt í úrslitum innimóta KSÍ og komust allir í undanúrslit og leiki um 1. og 3. sæti. Hjá stelpunum náði 5. flokkur 2. sætinu og 4. flokkur því fjórða. Strákarnir í 4. flokki náðu 3. sæti og 3. flokkurinn náði 1. sætinu og urðu Íslandsmeistarar, eftir mjög góða undankeppni og úrslitakeppni. Á leiðinni að titlinum lögðu strákarnir m.a. Skagamenn, Víking, Fram, KR og Stjörnuna.

Tveir sundmenn frá Sunddeild UMF Selfoss, þau Júlía Sjörup Eiríksdóttir og Tryggvi Hjörtur Oddsson, kepptu á KR Super Challenge mótinu um helgina og stóðu sig vel.

Föstudaginn 10.febrúar fór fram Bikarmót FSÍ í hópfimleikum í Versölum í Hafnarfirði.  Fimleikadeild Umf.Selfoss sendi tvö lið til þátttöku en alls tóku 11 lið þátt.

Stjörnutromp
Sex lið frá fimleikadeild Umf. Selfoss tóku þátt í árlegu hópfimleikamóti Stjörnunnar í Garðabæ sunnudaginn 29. janúar sl. Í fyrri hluta mótsins kepptu níu lið eftir byrjendareglum og varð Selfoss T5 í öðru sæti með 23,62 stig. Selfoss T4 var í 4.-5. sæti með 23,01 stig. Jöfn og spennandi keppni og ljóst að þessar stúlkur eiga eftir að láta að sér kveða í framtíðinni.

Jólahappdrætti unglingaráðs knattspyrndeildar Umf. Selfoss 2005
Vinningsnúmer eru eftirfarandi:

Nú um helgina syntu þau Júlía Sjörup Eiríksdóttir og Hjalti Rúnar Oddsson á alþjóðamóti Ægis í sundhöllinni í Reykjavík.

Loksins, loksins, nú ætlum við að fara í skemmtiferð eftir flöskusöfnunina.    Miðvikudaginn 1. febrúar ætlum við í keilu í Öskjuhlíðinni og svo á hlaðborð á Pizza Hut á eftir. Við förum í rútu frá Sundhöllinni kl. 16.00 og áætluð heimkoma er um 20.30.

Dósasöfnun sunddeildarinnar fór fram síðasta laugardag. Metþátttaka var í söfnuninni sem gekk vel fyrir sig og var búið að telja síðustu dósirnar um kl. 16:00 sem þykir mjög gott í ört stækkandi bæ.  Rúmlega 30 þúsund dósir söfnuðust og hafa þær aldrei verið fleiri.

Íþróttaskóli barnanna hefst að nýju 14. janúar í íþróttahúsi Vallaskóla við Sólvelli.  Námskeiðið er alls 10 skipti, 50 mín. í senn og þurfa foreldrar að fylgja börnum sínum í gegnum tímann. Aldursskipting á vorönn er eftirfarandi:
Börn fædd 2001 - kl. 9-9:50
Börn fædd 2003 og janúar til júní 2004 - kl. 10-10:50
Börn fædd 2002 - kl. 11-11:50