Nýjustu fréttir

Katrín Ösp Jónasdóttir var kjörin Íþróttakona Árborgar 2008 á uppskeruhátíð ÍTÁ. Katrín Ösp er 16 ára og keppir í hópfimleikum með HM1-liði Selfoss sem er meistarahópur Selfoss í hópfimleikum og saman stendur af 20 stúlkum á aldrinum 15-23 ára. Katrín Ösp er einnig nemandi í Fimleikaakademíu FSU. 

Á uppskeruhátíð ÍTÁ sem fram fór í gærkvöldi veitti ÍSÍ handknattleiks- og knattspyrnudeild Umf. Selfoss viðurkenningu fyrir að vera fyrirmyndardeildir. Báðar deildirnar eru vel að þessu komnar, enda hafa þær verið að skila frábæru og vel skipulögðu starfiundanfarin ár. Auk þess hafa þær skilað úr sínu starfi nokkrum unglingalandsliðsmönnum á hverju ári. Við þetta sama tækifæri veitti Sveitarfélagið Árborg og HSK umræddum deildum veglegan peningastyrk. Þess má líka geta að handknattleiksdeild Selfoss fékk fyrr á þessu ári verðlaun frá HSÍ fyrir besta yngri flokka starf á landinu.  

Dregið var í 4-liða úrslit Eimskipsbikarsins, í hálfleik í leik Fram og Hauka í deildabikarnum í Laugardalshöll í gær. Segja má að Selfoss hafi dottið í lukkupottinn því liðið fékk heimaleik við Gróttu. Það lið sem sigrar í þeirri viðureign leikur til úrslita í bikarkeppninni við annað hvort Val eða FH. Valsmenn fengu heimaleik gegn FH í hinum undanúrslitaleiknum. Ljóst er að það verða 1. deildarlið og úrvalsdeildarlið sem leika til úrslita. Leikirnir í undanúrslitum fara fram 7. og 8. febrúar.

Hin árlega uppskeruhátíð íþrótta- og tómstundanefndar Árborgar verður haldin í sal FSu mánudaginn 29. desember kl. 20:00. Þar verða afhentir styrkir úr verkefnasjóði íþrótta- og tómstundanefndar Árborgar, Afreks- og styrktarsjóði Árborgar og íþróttafélaganna, þ.e. Umf. Selfoss, Umf. Stokkseyrar og Íþf. FSu. Hvatningarverðlaun verða veitt og tilkynnt um kjör íþróttakonu og íþróttakarls Árborgar 2008. Einnig verða afhendt Menningarverðlaun Árborgar fyrir árið 2008. Skemmtiatriði og kaffiveitingar. Hátíðin er öllum opin og allir hjartanlega velkomnir.

Af gefnu tilefni vill aðgerðahópur um forvarnir í Árborg beina því til veitinga- og skemmtistaða í Árborg að fara að lögum og auglýsa aldrei áfengi í tengslum við markaðssetningu dansleikja eða annarra viðburða. Með banni við áfengisauglýsingum samkvæmt áfengislögum er verið að sporna gegn misnotkun áfengis og ekki síst hindra að því sé haldið að börnum og ungmennum með hvers kyns tilkynningum til almennings, í máli sem myndum. Því miður eru dæmi þess að veitinga- og skemmtistaðir í Árborg auglýsa áfengi í tengslum við markaðssetningu sína á dansleikjum og skemmtunum bæði í staðarblöðum og á vefsíðum.

Annar flokkur stráka og stelpna ásamt Selfoss-Getraunum bjóða tippurum og öðrum fótboltaáhugamönnum upp á brunch á morgun laugardaginn 20. des. Maturinn byrjar kl 11.30 og eru allir hvattir til að mæta í lett fótboltaspjall og mat. Það eru kjötvinnslan Krás og Guðnabakarí sem bjóða upp á matinn. Jóla-brunch knattspyrnudeildarinnar er að verða einn af föstu punktunum í jólaundirbúningi knattspyrnuáhugamanna og gaman þegar svona hefðir skapast.

Fyrsta HSK-mótið í júdó var haldið í íþróttasalnum í Gagnheiði 11. desember síðastliðin. Mótið tókst í alla staði vel og tókust menn hart á. Selfoss sigraði stigakeppnina, enda allir keppendur frá Selfossi nema einn sem kom frá Laugarvatni. Úrslit urðu eftirfarandi...

Knattspyrnudeild Selfoss ætlar á Þorláksmessu að halda skötuveislu í Tryggvaskála á Selfossi. Í boði verður veglegt skötuhlaðborð: skata, tindabykkja, saltfiskur, síld og allt tilheyrandi meðlæti. Verð fyrir hlaðborðið er aðeins 2.200 krónur og er um takmarkað sætaframborð að ræða. Húsið opnar kl 11.30 og verður borinn fram matur til kl 14.00. Miðapantanir eru í síma: 897-7697 Sveinbjörn og 699-0660 Tómas. Einnig er hægt að senda inn pantanir á netfangið tommi@talnet.is

Okkar menn töpuðu gegn FH um helgina, en þetta sama lið varð Íslandsmeistari í 4. flokki A-liða eftir skrautlegan úrslitaleik gegn KA síðastliðið vor. Hafnfirðingar hafa að flestra mati á að skipa langbesta liðinu í deildinni og eru þar leikmenn sem eiga mun meira heima í efri deildar liði þeirra. Því var ljóst að um erfiðan leik yrði að ræða.

4. flokkur karla hefur á að skipa þremur liðum sem öll léku síðastliðinn laugardag og unnu þau öll, á heimavelli. A-liðið vann UMFA örugglega 27:14, B-liðið vann stóveldið FH 27:20 og loks vann B2-liðið UMFA 31:16. Góð helgi hjá 4. flokks strákum og stelpum. Hjá strákunum æfa rúmlega 30 strákar og hafa þeir verið í mikilli sókn í vetur.

4. flokkur kvenna vann Víking frá Reykjavík með 5 mörkum 21:16. Víkingsstúlkur voru betri í fyrri hálfeik og voru yfir 6:10 í háfleik. En okkar stelpur komu mun betur stemmdar í seinni hálfleikinn og sigruðu að lokum með 5 mörkum eins og áður sagði.

Selfoss – Getraunir bjóða öllum tippurum í dögurð (brunch) laugardaginn 20. desember. TÞ rifjar upp gamla takta af vellinum um leið og hann hrærir í pottunum. Dögurðurinn hefst kl. 11:30 í Tíbrá félagsheimili Umf. Selfoss.

Meistaraflokkur kvenna tekur nú þátt í deildarbikarnum í fyrsta sinn. Dregið var í riðla í dag og verður leikjaniðurröðun kynnt næstu daga. Selfoss leikur í C-deild, en deildirnar eru fjórar. Með Selfoss í riðli eru: ÍA, Þróttur Reykjavík og svo Hafnarfjarðaliðin FH og Haukar.

Búið er að draga í riðla í deildarbikarkeppni KSÍ. Selfyssingar sem leika í a-deild voru dregnir í riðil b og hefst keppnin þar í febrúar. Með Selfyssingum í riðli eru Keflavík, ÍR, HK, Grindavík og Fram. Leikjaniðurröðun verður birt á allra næstu dögum.

Laugardaginn 13. des var haldið beltapróf í Iðu og þreyttu 53 prófið, allt frá 10. geup og upp í 2. geup og allt þar á milli. Og stóðust allir prófið með sóma. Master Sigursteinn Snorrason gráðaði hópinn og þess má geta að þeir sem þreyttu blátt belti og hærra þurftu að brjóta spýtur og múrstein og voru þeir á aldrinum 10 til 17 ára.

Mikil aðsókn var á jólasýningar fimleikadeildar á laugardaginn. Fullt hús var á báðum sýningum og var mikil stemming í húsinu.  Tæplega 400 börn sýndu listir sínar í gervum persóna úr Latabæ, en þema sýningarinnar í ár var "Jól í Latabæ". Þetta féll í góðan jarðveg og fannst krökkunum þetta mjög gaman og sýningin heppnaðist vel.  Undanfarin tvö ár hefur deildin verið með þemasýningar og hefur markmiðið alltaf verið að toppa fyrri sýningar.  Það er óhætt að segja að það hafi tekist. Eftir fyrri sýninguna var fimleikamaður ársins krýndur en það var að þessu sinni hin 16 ára Katrín Ösp Jónasdóttir.

Í frétt í Morgunblaðinu í dag er athyglisvert viðtal við Wolfgang Gütschow þýskan umboðsmann sem heldur því fram að íslenski skólinn í handbolta sé einn sá besti í heimi og að íslendingar ættu á næstu árum eftir að eignast enn fleiri atvinnumenn í handbolta. Selfoss var í vor verðlaunað fyrir besta barna- og unglingastarfs landsins og Selfoss er í toppbaráttu í nær öllum árgöngum. Selfoss mun því að öllu líkindum eignast þó nokkra atvinnumenn í handbolta á komandi árum.

Fimmtudagskvöldið 11. desember síðastliðinn hélt gamall Selfyssingur, Vésteinn Hafsteinsson, skemmtilegan fyrirlestur í sal FSu. Vésteinn hóf íþróttaferil sinn á Selfossi og lagði þar grunninn að glæstum ferli sem kringlukastari og síðar sem þjálfari. Hann keppti á mörgum Ólympíuleikum, en hefur nú síðari ár starfað em þjálfari og verið að skila hverjum kastaranum á fætur öðrum á verðlaunapall á stórmótum. Toppurinn var í sumar þegar Gerd Kanter, lærisveinn Vésteins, varð Ólýmpíumeistari í kringlukasti í Peking. Í lok fyrirlestrarins afhenti Vésteinn frjálsíþróttadeild Umf. Selfoss hálfa milljón að gjöf. Umf. Selfoss þakkar honum þennan rausnarlega stuðning og tryggð við uppeldisfélag sitt.

Fyrsti leikur meistaraflokks Selfoss í knattspyrnu fór fram í Kórnum í Kópavogi á sunnudag. Þetta var fyrsti leikur Selfoss í nokkur ár, en meistaraflokkur kvenna á  Selfossi var endurvakinn nú í haust.

Selfyssingar spiluðu æfingaleik við ÍA uppi á Skaga í gær laugardag. Leikið var í Skagahöllinni fyrir framan ca 100 manns. Selfoss stilltu upp 4-3-3 eða 4-5-1 leikkerfi og var byrjunarliðið skipað eftir töldum leikmönnum: Elli, Siggi Eyberg, Gulli Jóns, Agnar Bragi, Ólafur Tryggvi, Einar Ottó, Stefán Ragnar, Ingó Tóta, Ingþór, Jón Daði og Jón Guðbrands á toppnum. Ottó og Stefán Ragnar voru djúpir á miðjunni og Ingó fyrir framan þá. Ingþór og Jón Daði voru svo á sitthvorum kantinum.

HSK mótið verður haldið þann 11. desember í júdósalnum í Gagnheiðinni. Keppni 10 ára og yngri verður frá kl:16-18. Keppni 11 -15 ára  verður kl:18:30 - 20. Keppni 16 ára og eldri hefst kl:20. Foreldrar eru hvattir til að mæta með börnum sínum. Beltapróf (gráðun) verða haldin 16. desember á æfingatímum iðkenda.

Selfoss leikur æfingaleik gegn ÍA laugardaginn 6. desember kl. 10.30. Leikurinn fer fram í knattspyrnuhöllinni á Akranesi. Þessi lið munu leika saman í 1. deildinni á næsta keppnistímabili og má því búast við athyglisverðri rimmu. Eins og flestir vita er nýráðinn þjálfari Selfoss, Gunnlaugur Jónsson, fæddur og uppalinn á Akranesi og lék þar lengi framan af sínum ferli.

Guðmundur Þórarinsson, knattspyrnumaðurinn efnilegi frá Selfossi, hefur verið boðaður á æfingar hjá u-19 ára landsliði Íslands. Gummi Tóta, sem er 16 ára á þessu ári, spilaði sinn fyrsta meistaraflokksleik á síðasta tímabili. Annar efnilegur Selfyssingur, Stefán Ragnar Guðlaugsson, hefur einnig æft með u-19 ára landsliði Íslands að undanförnu.

Leik Selfoss og Stjörnunnar í 3. flokki sem fram átti að fara í kvöld hefur verið frestað til miðvikudagsins 10. desember nk. Það er okkur lítt að skapi hér á Selfossi. Á laugardaginn er hins vegar bikarleikur á Akureyri kl. 13.30 gegn Þór og verður þar eflaust hart barist. Þórsarar eru erfiðir heim að sækja og verður þetta því verðugt verkefni fyrir strákana. Þeir hafa nefnilega margt að sanna eftir frekar slakan leik gegn Fram á dögunum.

Laugardaginn síðastliðinn fengu strákarnir í 3. flokki góðan gest í heimsókn. Drengirnir voru búnir að nauða mikið í þjálfara sínum um að fá Venna Páer (Vernharð Þorleifsson) sem gestaþjálfara. Það vildu þeir þó vita að ekki yrði neitt um handbolta á æfingunni sem og vissu menn að þessi æfing yrði ekki auðveld. Sem og raunin varð.

Stelpurnar í 5. flokki kvenna unnu um helgina efstu deild í sínum árgangi og eru því bestar á landinu um þessar mundir. Þær sigruðu alla sína leiki mjög örugglega og það eru þessar stelpur sem verða kjarninn í framtíðarlið Selfoss í kvenna handbolta. Liðið er undir stjórn Halldórs Stefáns Haraldssonar sem hefur gert frábæra hluti með þetta lið. Strákarnir stóðu sig líka vel því þeir unnu 2. deild A og færast því upp í 1. deild.

Á laugardaginn unnu stelpurnar í 3. flokki Val 30 - 19 eftir að hafa leitt í hálfleik 13 - 12. Vörn og markvarsla var góð eins og ávallt og sóknin lagaðist mikið þegar á leikinn leið. Allir leikmenn liðsins náðu að leggja eitthvað framlag til leiksins. Er það mjög jákvætt upp á framhaldið að það séu alltaf fleiri og fleiri leikmenn sem þora að beita sér í leikjum.

Stuðningsmannaklúbbur knattspyrnudeildar Selfoss heldur aðalfund sinn þriðjudaginn 9. desember í Tíbrá kl 19.30. Farið verður yfir stöðuna og framtíðarhorfur ræddar. Allir fyrrverandi, núverandi og framtíðar félagar velkomnir í létt spjall, kaffi og smákökur.

Við viljum benda sundiðkendum okkar á nýjar alþjóðlegar lyfjareglur WADA (World Anti-Doping Code) en samkvæmt þeim þurfa sundiðkendur og ábyrgðarmenn þeirra að senda inn umsókn til SSÍ og ÍSÍ ef iðkandi þarf að fá undanþágu frá listanum. Athygli skal vakin á því að iðkendum ber að sækja um undanþágu burtséð frá því hvort að þeir eru að taka þátt í verkefnum á vegum Sundsambands Íslands eða ekki. 
Umsóknin nær til efna af bannlista WADA sem neytt er samkvæmt læknisráði.

Selfyssingar léku í dag sinn fyrsta æfingaleik undir stjórn Gunnlaugs Jónssonar þjálfara sem átti afmæli í dag. Leikið var við HK úr Kópavogi og fór leikurinn fram í Kórnum, en Kórinn er glæsilegasta Knatthöll landsins. Selfyssingar voru ekki beint að gefa þjálfara sínu afmælisgjöf, því þeir töpuðu 5-0.

Íslandsmeistaramótið í almennum fimleikum fór fram í dag að Varmá í Mosfellsbæ. Keppt var í 3. til 6. þrepi.  Selfoss átti 12 keppendur á mótinu í dag og gekk þeim öllum mjög vel. Heiðrún Stella Þorvaldsdóttir kom sá og sigraði í 5. þrepi og var langefst með samanlögð stig 37,55. Hún keppti með dans sem hún samdi sjálf ásamt systur sinni Lindu Ósk og tókst hann mjög vel upp. Stella var mjög ánægð með árangurinn en hennar helsti keppinautur var stúlka frá Vestmannaeyjum, en Stella beið einmitt í lægri hlut fyrir henni í fyrra í 4. þrepi.

Guðjón Þorvarðarson, fyrrverandi yfirþjálfari hjá Selfoss í fótbolta og núverandi aðstoðarþjálfari hjá Asker í Noregi, keypti í kvöld sinn annan íslenska leikmann. Að þessu sinni keypti hann Aftureldingarstrákinn Atla Heimisson sem leikið hefur með ÍBV í tvö ár. Fyrr í mánuðinum var hann búinn að festa kaup á Grindvíkingnum Andra Steini Birgissyni.

Litlu fótboltapæjurnar í 6. flokki fóru til Mosfellsbæjar um síðustu helgi og tóku þar þátt í Legómóti Aftureldingar. Tvö lið tóku þátt í jafnri og skemmtilegri keppni þar sem úrslit voru ekki aðalatriðið heldur að vera með og hafa gaman af.  

Á laugardaginn vann 92-lið Selfoss gestina frá Vestmannaeyjum 24-20, eftir að í hléi hafið staðið 13-10 heimamönnum í vil. Leikurinn var lélegur og frekar hægur. Selfyssingar voru til að mynda allt of hægir í sóknarleik sínum og staðir. Sigurinn var þó aldrei í hættu en menn geta mun betur en þeir sýndu á laugardag. Næsti leikur hjá þessu liði er 1. des heima í bikarnum gegn Val kl. 19:30.

Nú um helgina fór fram fjölmennt handboltamót á Selfossi, þegar Landsbankamótið í 5. flokki kvenna, yngra ár, fór fram. Um 250 keppendur mættu til leiks, 25 lið lið tóku þátt og leiknir voru 50 leikir á þremur dögum. Mótið tókst mjög vel, allar tímasetningar stóðust. 20 piltar úr handboltaakademíu Fsu dæmdu leikina. 25 tímaverðir úr 5. og 4. flokki kvenna sáu um skráningar.

Selfoss vann gull í samanlögðum stigum á haustmóti FSÍ í flokki 9-12 ára. Seinni dagur keppni á haustmóti Fimleikasambandsins fór fram í Ásgarði í dag og var keppt eftir landsreglum.  Selfoss átti 5 lið af 14 liðum skráð til leiks í þessum flokki. Allir hóparnir stóðu sig mjög vel og voru dugleg að hvetja hvert annað.

Aðalfundur knattspyrnudeildar Umf. Selfoss var haldin fimmtudaginn 20. nóvember. Á aðalfundinum var m.a. ný stjórn kosin og fráfarandi stjórn þökkuð vel unnin störf, en hana skipuðu þau Hermann Ólafsson formaður, Margrét Ingþórsdóttir gjaldkeri, Sveinbjörn Másson, Jón Gíslason og Óskar Sigurðsson. Óskar Sigurðsson var kosinn nýr formaður og Jón Gíslason gjaldkeri. Nýir inn í stjórn komu þeir Skúli Bergmann Skúlason, Erling Rúnar Huldarsson og Þorsteinn Magnússon, allt miklir áhugamenn um fótbolta og með hjartað á réttum stað.

Selfyssingar hrósuðu sigri gegn ÍR-ingum, 30:31, þegar liðin áttust við í toppslag í 1. deild karla í handknattleik í Austurbergi í gærkvöld. Selfyssingar höfðu yfir í hálfleik, 15:13. Eftir sigur liðsins eru Grótta, Selfoss og ÍR efst og jöfn með 14 stig. Þar á eftir koma Haukar B og Afturelding með 10 stig.Hjá Selfyssingum voru þeir Ramunas Mikalonis og Guðmundur Ólafsson atkvæðamestir með 7 mörk hvor. Atli Kristinsson kom næstur með 5 mörk.

Selfoss fékk úrvalsdeildarlið Stjörnunnar í 8-liða úrslitum bikarkeppinnar, en dregið var í hádeginu í dag. Leikur inn fer fram í íþróttahúsi Vallaskóla annað hvort 7. eða 8. desember. Stjarnan er sem stendur í næst neðsta sæti úrvalsdeildarinnar og hefur ekki gengið vel það sem af er þessu keppnistímabili. Selfoss á því ágætis möguleika á að komast í undanúrslit keppninnar.

Aðalfundur knattspyrnudeildar Selfoss verður haldinn í kvöld fimmtudaginn 20. nóvember í Tíbrá kl. 20:00. Ljóst er að einhverjir úr stjórn ætla að hvíla sig á stjórnarsetu og m.a. annars ætlar formaðurinn Hermann Ólafson að snúa sér að öðrum störfum innan deildarinnar. Fleirri en einn hafa verið nefndir sem líklegir eftirmenn Hermanns og það gæti því stefnt í harðan slag um formannsstólinn og félagsmenn því endilega hvattir til að mæta. 

Í ljósi efnahagsástandsins og þeirrar óvissu sem ríkir nú í samfélaginu hefur menntamálaráðherra látið vinna samantekt varðandi möguleg úrræði um sálrænan stuðning við börn og ungmenni. Markmiðið með vinnunni er að styðja þá sem starfa að íþrótta- æskulýðs- og tómstundamálum til að veita börnum og ungmennum viðeigandi stuðning og stuðla þannig að velferð þeirra. Þessi samantekt fylgir hér með þegar fréttin er opnuð...

91-liðið tapaði á heimavelli gegn Frömurum frá Reykjavík 33-31 eftir að jafnt hafi staðið í fyrri hálfleik, 1616. Leikurinn var spennandi og jafn nánast allan leikinn, Selfysssingar náðu mest tveggja marka forustu í fyrri hálfleik, en Framarar komust yfir þrjú mörk í þeim síðari. Heimamenn náðu að komast yfir 31-30 en þrjú síðustu mörk leiksins voru Framara.

Næstkomandi laugardag verður flöskusöfnun á vegum sunddeildarinnar. Það verður því pokabrot í Tíbrá miðvikudaginn 19. nóv. kl. 16.00. Mæting er við Endurvinnsluna í Gagnheiði á laugardaginn kl. 10.30. Við hvetjum sem flesta iðkendur og foreldra til að taka þátt í þessari mikilvægu fjáröflunarleið sunddeildarinnar.

92-strákarnir hjá Selfossi unnu í gær ÍR-2 örugglega 42-19 i Austurbergi. Í hálfleik stóð 22-11 fyrir Selfoss. Aldrei var spurning um það hvoru megin sigurinn lenti. Selfoss lék 3-2-1 í leiknum en hafa verið að æfa þá vörn undanfarið og gekk margt ágætlega í þeirri vörn í gær.

Í kvöld fer fram einn af stærri leikjum ársins í 1. deild karla á Selfossi þar sem að Selfyssingar taka á móti Gróttu. Leikurinn hefst klukkan 19:30 og fer fram í íþróttahúsinu við Vallaskóla.
Selfyssingar sem sitja í 2. sæti hafa farið vel af stað í 1. deildinni í vetur, eftir 7 leiki hafa þeir unnið 6 og tapað einum. Síðustu tvær viðureignir Selfoss í deildinni hafa farið svona:

Þórir Ólafsson, landsliðsmaður í handknattleik, skrifaði í gær undir nýjan samning við þýska handknattleiksliðið N-Lübbecke. Hann gildir fyrir tvö næstu tímabil eða til vorsins 2011. Þórir leikur nú sitt fjórða tímabil með félaginu og hefur spilað þar lengst allra núverandi leikmanna þess. Þrjú ár í efstu deild, en N-Lübbecke féll í vor og er nú með yfirburðastöðu í norðurriðli 2. deildar, hefur unnið 13 fyrstu leikina á tímabilinu, í deild og bikar.

Um síðustu helgi var HSK mót haldið hjá 5. flokki kvenna og karla í þorlákshöfn. Selfoss-stelpur spiluðu með strákunum þar sem fá stelpulið eru á Suðurlandi. Hrunastelpur mættu þó með lið en með þeim voru nokkrir sprækir strákar þannig að þeirra lið var blandað. Í þorlákshöfn var hið besta veður, logn og 8 stiga hiti.

Knattspyrnudeild Selfoss heldur sitt árlega herrakvöld föstudaginn 14. nóvember. Að þessu sinni verður skemmtunin haldin í Þingborg, en það er félagsheimilli Flóamanna, staðsett ca. 5 km austur af Selfossi. Rúta mun ferja mannskapinn og fer fyrsta ferð kl 18.30. Veislukokkar Menam sjá um matinn af sinni alkunnu snilld og skemmtiatriðin eru einnig í dýrari kantinum. Veislustjóri kvöldsins er enginn annar en Hemmi Gunn!!!, ræðumaður kvöldsins er presturinn síkáti, Baldur Kristjánsson og heiðursgestur er þjálfarinn ástsæli, Logi Ólafsson.

Selfoss vann stórsigur á Akureyri 2, 46:23, í Eimskips Bikarnum í dag. Selfoss hafði mikla yfirburði í leiknum og leiddi með 13 mörkum í hálfleik 23:10 og unnu síðan með 23 mörkum eins og áður sagði, 46:23.

Í gær komu Ísfirðingar í heimsókn til okkar á Selfoss með lið þeirra er heitir Hörður. Í því liði eru margir flottir íþróttamenn sem byrjuðu að æfa handbolta nú í haust. Enn vantar því smá upp á hjá þeim en þegar líða fer á veturinn munu þeir eflaust eflast þar sem margir þessara stráka geta vel spilað. Leikurinn endaði 48-19 okkar strákum í hag eftir að staðan í hálfleik hafi verið 23-9.

Selfoss vann góðan sigur á Haukum U, 33-21, á heimavelli í 1. deild karla í kvöld. Selfoss hafði mikla yfirburði í leiknum og leiddi m.a. með átta mörkum í hálfleik, 17-9 og jók síðan muninn í síðari hálfleik og vann að lokum tólf marka sigur eins og áður sagði, 33-21.
Stórskyttan Atli Kristinsson og markvörðurinn Birkir Bragason voru bestu menn Selfossar í kvöld.
Erfitt er að nefna einhvern leikmanna Hauka U sem skaraði fram úr í kvöld þar sem leikur liðsins var frekar dapur í kvöld.

Selfoss ´91 gerði sér lítið fyrir og vann besta lið landsins í þessum aldursflokki. Það verður að teljast gríðarlega góður sigur að vinna jafn gott lið og FH er talið vera. Sigur hafðist með minnsta mun 27-26 eftir að heimamenn leiddu í hálfleik 14-12.

Við viljum vekja athygli á að úrslit Þórðarmótsins í sundi sem haldið var 1. nóvember s.l. eru komin á vefinn hjá okkur. Þau er að finna með því að smella hér. Þórðarmótið er haldið á hverju ári til minningar um Þórð Gunnarsson, fyrrum þjálfara Sunddeildarinnar, sem næst fæðingardegi hans sem var 31. október. Að venju var veittur bikar fyrir besta afrek mótsins sem að Ólöf Eir Hoffritz hlaut að þessu sinni fyrir árangur sinn í 50 metra skriðsundi. Hún synti á tímanum 00:32,90 sem hún fékk 514 stig fyrir samkvæmt stigatöflu Alþjóða sundsambandsins.

Í kvöld kl 21.00 fer fram í Vallaskóla leikur Selfoss og FH í 3. flokki. FH eru að margra mati með besta lið landsins í 3. flokki og fengu þar að auki þrjá sterka leikmenn frá vinum sínum úr Haukum fyrir tímabilið. Ljóst þykir því að Selfyssingar eiga verulega erfiðan leik fyrir höndum í kvöld. Við hvetjum alla til að mæta og horfa á leikmenn framtíðarinnar og öskra þá áfram. Ekki veitir af því að FH hefur frábæru liði á að skipa og þurfa okkar menn að eiga toppleik til að eiga möguleika gegn slíku liði.

Búið er að draga í töfluröð fyrir íslandsmótið í 1. deild, sumarið 2009.  Selfyssingar hefja leik á heimavelli gegn KA frá Akureyri.  Þar mætir Gunnlaugur þjálfari Selfyssinga því fyrrum samherjar sínum frá ÍA, Dean Martin, en þeir eru báðir spilandi þjálfarar hjá sínum liðum.

Næsti leikur hjá 3. flokki er á miðvikudaginn í næstu viku, en þá leikur 92-liðið gegn Þrótturum og fer leikurinn fram í Laugardalshöll. Öllum leikjum þangað til hefur verið frestað til annars tíma. Ástæðan er landsliðsæfingar yngri liða hjá HSÍ.

Selfyssingar gengu í dag frá ráðningu Gunnlaugs Jónssonar sem spilandi þjálfara fyrir meistaraflokk sinn í knattspyrnu. UMFS síðan greindi aðeins feril Gulla og má sjá nokkra athygglisverða punkta um hann hér að neðan.

Nýlokið er blaðamannafundi sem knattspyrnudeildin stóð fyrir. Þar var gert kunnugt að Gunnlaugur Jónsson yrði næsti þjálfari Selfyssinga í knattspyrnu. Gunnlaugur sem gerði garðinn frægan uppi á Skaga og í vesturbænum hjá KR, mun auk þess að þjálfa Selfoss, spila með þeim næsta sumar. Við þetta sama tækifæri skrifuðu þeir Ómar Valdimarsson aðstoðarþjálfari, Trausti Hrafnsson sjúkraþjálfari og Halldór Björnsson markmannsþjálfari undir nýja samninga. Gulli verður spilandi þjálfari og mun hlutverk Ómars Valdimarssonar því aukast, en Ómar hefur verið aðstoðarþjálfari hjá Zoran í eitt og hálft ár. 

Leik 3. flokks (liðs-92) sem átti að fara fram í dag hefur verið frestað til miðvikud. 5. nóv. árið 2008, vonandi! 3. fl. 91-lið leikur á fimmtudaginn kemur í Vallaskóla við HK kl. 21.00. Hvetjum við alla handboltaáhugamenn að mæta og hvetja leikmenn framtíðarinnar til góðra verka. HK er með gott lið og afar færan þjálfara og því ljóst að hörkuleik er að ræða. Á laugardaginn á svo 92-liðið að leika við FH-2. Afar ósennilegt verður að teljast að sá leikur fari fram þar sem umrædda helgi eru landsliðsæfingar.

Selfyssingar hafa verið óvenju getspakir nú í haust og voru m.a. tveir með 13 rétta í þar síðustu umferð. Einn spekingur var auk þess með 13 rétta í síðustu umferð og fékk sá einstaklingur nokkur hundruð þúsund í sinn vasa. Ekki amalegt nú þegar jólavertíðin nálgast nú óðfluga.

Hörður Másson (Sjóli) leikmaður 2. og meistaraflokks Selfoss í handknattleik hefur verið valinn í 21-árs lið Íslands í handbolta. Hópinn er hægt að sjá hér: http://www.hsi.is/default.asp?cat_id=49&module_id=220&element_id=4510

Stelpurnar í HM1 enduðu í 9. sæti af 19 liðum á Evrópumótinu í Belgíu. Liðin á mótinu voru afar sterk og mikil keppni um sæti í úrslitum, en 6 lið komast í úrslit á seinni dag mótsins. Stelpurnar byrjuðu á frábærum gólfæfingum sem þær fengur 8,5 fyrir og eftir 1. umferð voru þær í 2. sæti. Því næst kepptu þær á dýnu, hún gekk ágætlega og lokaeinkunnin þar var 7,2. Trampólínið gerður þær án stórra mistaka og hlutu 7,2 og hlutu samtals 22,9 stig og 9. sæti sem er mjög góður árangur en liðið er mjög ungt og var að keppa á sínu fyrsta Evrópumóti.

4. flokkur kvenna sigraði fyrsta deildarleikinn á tímabilinu gegn HK 19-12 í Vallaskóla á sunnudag. Jafnt var á öllum tölum framan af leiknum en Selfoss stelpurnar sigu fram úr í lok fyrrihálfleiks og stóðu leikar 9-6 þegar gengið var til leikhlés. Eftirleikurinn var Selfoss stelpum auðveldur og kláruðu þær leikinn eins og áður sagði 19-12.

Æfingar hafa gengið vel hjá stelpunum og eru þær vel upplagðar fyrir daginn, allar heilar á skrokkinn og spenningur í hópnum. Evrópumótið er mjög sterkt og stefna allir á að gera sitt besta. Þegar út í keppnina er komið er bara að bíða eftir hvað dómararnir segja. Stelpurnar keppa í dag frá kl. 13:20-16:30 að íslenskum tíma. Fyrsta áhaldið er kl. 13:20. Stelpurnar í HM1 senda bestu kveðjur heim.

Þá er komið að hinum árlegu haustfundum hjá 5. og 6. flokki kvenna. Miðvikudagskvöldið 22. okt verða 2 fundir. Fyrst eru það foreldrar stelpna í 6. flokki kvenna sem mæta í Tíbrá kl. 19.30. Foreldrar stelpna í 5. flokki mæta síðan kl. 20.30. Kveðja, þjálfarar og unglingaráð.

Selfoss-strákarnir 6. flokki unnu þrefaldan sigur í fyrstu umferð Íslandsmótsins sem fór fram um helgina. Öll lið landsins í þessum aldursflokki vorum saman komin á fyrsta stórmótinu af fimm, þar sem um 700 keppendur kepptu í 65 liðum. Keppt er í flokki A, B og C liða og sigraði Selfoss í öllum flokkum. Það er mjög sjaldgæft að sama félag vinni í öllum flokkum og er þetta hreint út sagt frábær árangur hjá strákunum. Alls unnust 23 af þeim 24 sem Selfoss spilaði.

Eins og tryggir lesendur umfs síðunar tóku eftir í sumar þá voru gefinn „S“ fyrir góða frammistöðu í leikjum Selfossliðsins í fótbolta. Þessi kosning var eins langt frá því að vera vísindaleg eins og nokkur kosning getur verið. Hún var fræmkvæmd þannig að af handahófi voru ca 4-6 áhorfendur spurðir „hverjir voru bestir í leiknum?“ og hver og einn valdi 2-5 leikmenn sem þóttu skara framúr í síðasta leik. Síðan var hverjum þeim leikmanni sem fékk atkvæði gefið „S“ fyrir það, en mest var hægt að fá 3 „S“ fyrir hvern leik.

Fimleikastelpurnar í HM1, sem undirbúa sig nú af kappi fyrir Evrópumótið, áttu ágætt mót fyrir fullu húsi í Ásgarði í dag. Selfoss-stelpur byrjuðu vel með nýjan dans og fengu góða dóma eða einkunnina 8,1 sem er mjög góð einkunn í dansi.  Því næst kepptu þær á dýnu og áttu ágæta keyrslu þar. Þó voru mistök sem læra má af áður en utan er haldið. Trampólínið gekk vel en þó voru óþarfa mistök sem má rekja til stress og spennu.  Stelpurnar höfðu gott af þessu æfingamóti en reynsla dagsins kemur bara til með að styrkja þær þegar á sjálfan hólminn verður komið.

Afturelding tapaði fyrsta leik sínum á þessu keppnistímabili þegar liðið sótti Selfoss heim í gærkvöldi í 1. deild karla í handknattleik, lokatölur urðu 30:27. Mosfellingar voru marki yfir í hálfleik, 14:13. Um 500 áhorfendur voru á leiknum og rífandi stemning. Afturelding hafði forystu allan fyrri hálfleik og mest munaði fjórum mörkum á liðunum, 11:7. Leikmenn Aftureldingar héldu áfram að hafa frumkvæðið í leiknum fram eftir síðari hálfleik. Selfoss komst svo yfir 24:23 og unnu leikinn 30:27.

Keyrslumót í hópfimleikum verður haldið í Ásgarði í Garðabæ sunnudaginn 12.október 2008.  Mótið er keyrslumót fyrir liðin sem keppa á evrópumótinu í hópfimleikum 24.október.  Liðin sem taka þátt eru því fjögur bestu lið landsins en það eru í kvennaflokki Selfoss og Gerpla og í flokki blandaðra liða Ármann og Stjarnan.  Við hvetjum alla til að koma í Ásgarð í Garðabæ á sunnudaginn og hvetja stelpurnar okkar en mótið hefst klukkan 16:30.

Æfingar hjá 2. flokki karla í knattspyrnu hefjast næsta laugardag kl. 10.30. Þjálfarinn Jón Pétur Róbertsson mun fyrir æfingu skrifa formlega undir samning við Selfoss um þjálfun 2. flokks næstu tvö árin og eiga strákarnir að mæta og vera með í myndatöku. Fyrir æfingu mun Jón Pétur fara yfir verkefni vetrarins og því mjög mikilvægt að allir mæti stundvíslega kl. 10.30 og muna að láta félagana vita af þessari fyrstu æfingu.

Í gærkvöldi var dregið í 32 liða úrslitum Eimskips bikarsins. Selfoss sendi tvö lið til leiks og fékk 1. deildar liðið útileik við Hauka 2. Selfoss 2 fékk heimaleik við HK 2. Af öðrum áhugaverðum viðureignum má nefna Valur-HK, Stjarnan-Víkingur, ÍR-Afturelding og ÍBV-Fram. Íslandsmeistarar Hauka sitja hjá í fyrstu umferð.

Sigurður Eyberg Guðlaugsson og Viðar Örn Kjartansson voru valdir til æfinga hjá u-19 ára liði Íslands í knattspyrnu. Æfingar fara fram á Tungubakkavelli í vikunni og um helgina. Framundan er keppni í undankeppni EM og fer riðill Íslands fram í Makedóníu. Áður hafa strákarnir spilað tvo leiki með liðinu, en það var í byrjun september gegn Norður-Írum. Þjálfari strákana er Kristinn R. Jónsson.

Íslenska landsliðið skipað leikmönnum 17 ára og yngri gerði í gær mánudag jafntefli við Noreg í riðlakeppni EM. Íslenska liðið lenti í neðst sæti á mótinu með aðeins eitt stig og skoruðu strákarnir aðeins tvö mörk. Annað markið í keppninni lagði Gummi Tóta upp. Nú eru verkefni u-17 ára landsliðsins búinn að sinni og öruggt að Gummi setur stefnuna á næsta landslið Íslands.

4. flokkur A-lið lék um helgina í milliriðli sínum um að komast áfram í 1. deild í keppni A-liða. Það tókst ekki þar sem liðið gerði jafntefli við Þrótt og tapaði illa fyrir FH. Liðið leikur því í 2. deild í vetur.

Æfingabúðir með Master Sigursteini Snorrasyni 5. dan og Master Cesari Rodriguez L. 5. dan verða haldnar í íþróttasalnum í Gagnheiði 4. og 5. október næstkomandi. Sjá dagskrá og þátttökutilkynningar hér að neðan. Allir velkomnir

Árangur Selfossliðsins í sumar er tvímælalaust sá besti sem Selfyssingar hafa náð í fótbolta. Segja má að næstum því hvert sem litið er gagnvart fótboltanum, þá voru met slegin og múrar brotnir, lið sem ekki hefur tekist að vinna lengi, voru lögð, aldrei hafa fleiri komið á völlinn en í sumar og aldrei hafa áhorfendur haft jafn hátt.

Íslenska landsliðið skipað leikmönnum yngri en 17 ára tapaði í dag gegn Úkraínu í viðureign þjóðana í undankdeppni EM. Úkraína vann 1-2 eftir að Íslendingar höfðu komist yfir í leiknum. Selfyssingurinn Guðmundur Þórarinsson var í byrjunarliðinu og átti mikinn þátt í eina marki Íslendinga í leiknum. Það kom eftir hörku aukaspyrnu frá Gumma sem markmaður Úkraínu varði ótrúlega. Keflvíkingurinn Sigurbergur Elíasson fylgdi vel á eftir og skoraði.

Guðmundur Þórarinsson er í byrjunarliði u-17 ára landsliðs Íslands sem mætir Ukraínu í dag. Leikurinn hefst kl 16.00 á KR-vellinum í Frostaskjóli. Gummi spilar á mið-miðjunni og er það hans besta staða en Luca þjálfari hefur einnig notað Gumma í bakvarðarstöðuna. Hér má sjá byrjunarlið Íslands.

Lokahóf fotbolti.net fór fram á veitingastaðnum Silfri á Hótel Borg í kvöld. Selfyssingar komu vel út úr verðlaunaúthlutun fotbolti.net, en sá fjölmiðill er virkasti upplýsingamiðill um knattspyrnu hér á landi. Viðar Örn Kjartansson var valinn efnilegastur í deildinni og Sævar Þór Gíslason var markakóngur deildarinnar. Auk þess voru þeir Henning Eyþór Jónasson, Sævar Þór Gíslason og Dusan Ivkovic allir í liði ársins. Þetta er val þjálfara og fyrirliða allra liða í deildinni og að sjálfsögðu mega þeir ekki velja leikmenn úr sínu liði. 

Vefsetur fyrstudeildarfjélagsins hefur gert opinbert val sitt á liði ársins. Selfyssingar eiga þrjá fulltrúa í liði ársins, en það eru þeir Sævar Þór Gíslason, Henning Eyþór Jónasson og Dusan Ivkovic. Vefsetrið hefur fjallað um deild þeirra næst bestu á einlægan og faglegan hátt í allt sumar og er síða þeirra til fyrirmyndar.

Selfyssingar hafa ráðið til sín þjálfarann Jón Pétur Róbertsson fyrir 2. flokk liðsins. Jón Pétur er fæddur og uppalinn á Selfossi og fór þar í gegnum yngri flokka starfið. Hann hefur starfað við þjálfun og knattspyrnutengd verkefni síðan 1993.

Mikil aðsókn hefur verið í fimleikana nú á haustmánuðum og er starfið rétt að byrja að rúlla eins og það á að vera.  Æft er í 25 hópum og auk þess tveimur íþróttaskólahópum. Hjá deildinni starfa 32 þjálfarar í vetur. Mikill hugur er í mannskapnum en skemmst er frá því að segja að meistarahópurinn skipaður stúlkum 16 ára og eldri heldur utan til keppni á evrópumóti eftir fjórar vikur. Mótið er haldið í Gehnt í Belgíu dagana 24. og 25. október.

Á haustin er vani að fara yfir knattspyrnusumarið sem nýliðið er. Fotbolti.net mun á morgun kl 17.00 birta lið ársins og veita knattspyrnutengd verðlaun og er um að gera fyrir áhugasama að fylgjast með því og sjá hvort Selfyssingar fá einhver verðlaun þar. Selfyssingar taka að sjálfsögðu saman spilaða leiki yfir tímabilið og ætlum við að birta lista yfir þá sem spiluðu flesta leikina. Eins er hér að neðan listi yfir flesta leiki spilaða fyrir Selfoss.

Selfyssingar efsta liðinu, ÍBV, í lokaleik 1. deildar í knattspyrnu á laugardaginn. Selfyssingar þurftu að vinna og jafnframt að treysta á að Haukar tækju stig af Stjörnunni. Selfoss vann leikinn sannfærandi 3-1 en því miður voru úrslit úr hinum leiknum ekki hagstæð og leika Selfyssingar því í deild hina næst bestu að ári. Selfyssingar voru mun betri í leiknum, Sævar Þór skoraði tvö mörk og Viðar Örn eitt mark. Allt liðið var að spila vel og er erfit að taka einhverja einstaka leikmenn út.

Selfyssingarnir Birki Fannar Bragason markmaður og Ramunas Mikalonis hægri skytta voru valdir í lið fyrstu umferðar á handbolti.is. Fín viðurkenning fyrir þessa leikmenn sem báðir áttu stórleik í leiknum gegn Gróttu á föstudaginn. Einnig er Sebastían Alexandersson valinn sem þjálfari fyrstu umferðar.

Um helgina fór fram undankeppni 3.flokks fyrir komandi tímabil. 91-liðið lék á Selfossi í riðli með KA, Gróttu, Þrótti og FH-2. 92-liðið lék í Strandgötu gegn Haukum, HK, Þór og Fjölni. 91-liðið vann alla sína leiki örugglega og er því komið í fyrstu deild. 92-liðið tapaði tveimur leikjum, gerði eitt jafntefli og vann einn. Liðið leikur í milliriðlum um næstu helgi.

Sebastian Alexandersson, þjálfari meistaraflokks handknattleiksdeildar sem spáð er efsta sæti í 1. deild karla, var í athyglisverðu viðtali á handbolti.is um veturinn framundan. Þar var hann meðal annars spurður um möguleika liðsins í vetur, væntingar og framtíðarhorfur.

Selfyssingar léku við Fjarðarbyggð á föstudag og fór leikurinn ekki alveg eins og til var ætlast. Selfyssingar töpuð 2-1 í ansi skrautlegum leik, þar sem dómaratríóið var í aðalhlutverki. Þó svo að þeir hafi nú ekki verið ástæða þess að leikurinn tapaðist, þá var það frekar röð atvika sem klikkuðu.

Uppskeruhátíð yngri flokka hjá knattspyrnudeild Umf. Selfoss verður haldin sunnudaginn 14. september kl. 16:00 í sal Fjölbrautaskóla Suðurlands.

Áralöng hefð er fyrir slúttinu  og hefur verið veitt viðurkenning fyrir besta leikmann, framför og ástundun í næstum fjóra áratugi. Í fyrra varð sú nýbreytni að farið var að velja besta varnar-, miðju- og sóknarmann. Ásamt því er veitt verðlaun fyrir framför og ástundun. Þessi breyting fellur vel að stefnu deildarinnar um uppbyggilega og árangurstengd markmið félagsins.

Katrín Ýr Friðgeirsdóttir hefur verið valin í U-19 ára landslið kvenna. Þetta er mikil heiður fyrir þessa duglegu og hæfileikaríku stelpu og örugglega byrjun á einhverju meira fyrir hana. Katrín hefur verið samviskusöm og tekið framförum upp alla yngri flokka og er nú að uppskera. Hún á einnig eftir að verða ein af lykilleikmönnum meistaraflokks Selfoss sem stofnaður var fyrr í vikunni.

Sundsamband Íslands mun standa fyrir nokkrum dómaranámskeiðum nú á haustmánuðum. Námskeiðin verða sem hér segir:

Ísafjörður – Bolungavík          19. til 21. september
Vestmannaeyjar                      Tímasetning auglýst síðar
Akureyri                                  26. til 28. september
Reykjavík                                8. til 12. október
Hafnarfjörður                          12. til 16. nóvember

Landslið Íslands skipað strákum yngri en 19 ára lék annan leik sinn á dögunum gegn Norður Írum. Seinni leikurinn tapaðist, eins og sá fyrri 2-0. Selfyssingarnir Sigurður Eyberg Guðlaugsson og Viðar Kjartansson spiluðu báðir í leiknum.

Þeir Guðmundur Þórarinnsson og Jón Daði Böðvarsson hafa verið valdir til æfinga hjá U-17 ára landsliði Íslands í knattspyrnu. Gummi lék með landslinu á Norðurlandamótinu sem fram fór í sumar. Jón Daði er nýkominn í hópinn eftir miklar framfarir í sumar.

Selfyssingar unnu góðan 3-1 sigur á KS-Leiftri í síðustu umferð og komu sér þar með á sigurbraut á nýjan leik. Dusan, Kristján Óli og Sævar skoruðu mörkin og var þetta fyrsta mark Kristjáns fyrir Selfoss. Næsti leikur er gegn Fjarðabyggð. Átti hann að vera á grasvellinum á Eskifirði, en búið er að færa hann á gervigras á Norðfirði. Margir okkar bestu leikir í sumar hafa verið á gervigrasi og ólíklegt að þetta hafi annað en jákvæð áhrif á leikmenn. Leikurinn er föstudaginn 12. sept og hefst kl. 18.00.

Senn líður að lokahófi meistaraflokks karla, 2. flokks karla og kvenna og öðru knattspyrnuáhugafólki. Hófið verður haldið á Hótel Selfossi laugardaginn 20. sept. Lokahófið hefur verið auglýst í bæjarblöðunum og eins hér á heimasíðu ungmennafélagsins. Nú fer hver að verða síðastur að skrá sig en frestur rennur út á fimmtudaginn(11.sept.) svo nú er um að gera að drífa sig að skrá sig!

Rúmlega 40 manns mættu á stofnfund meistaraflokks kvenna í knattspyrnu sem haldinn var í kvöld. Mætingin var framar björtustu vonum stjórnar og undirbúningshóp um eflingu kvennaknattspyrnu á Selfossi.

Viðar Örn Kjartansson og Sigurður Eyberg Guðlaugsson spiluðu í dag með U-19 ára liði Íslands. Leikurinn var við Norður-Íra, ytra. Íslendingar töpuðu 2-0 þrátt fyrir jafnan leik. Liðin spila annan leik við írsku strákana á miðvikudag og ætla strákarnir sér sigur í þeim leik. Fotbolti.net fjallar um leikinn hér og er með skemmtilega mynd af strákunum í vínrauðu ásamt Henning Eyþóri Jónassyni sem er einmitt fyrverandi U-21 árs landsliðsmaður.

Uppskeruhátíð yngri flokka hjá knattspyrnudeild Umf. Selfoss verður haldin sunnudaginn 14. september kl. 16:00 í sal Fjölbrautaskóla Suðurlands. Áralöng hefð er fyrir slúttinu og hafa verið veitt viðurkenningar fyrir besta leikmann, framför og ástundun í næstum fjóra áratugi. Í fyrra varð sú nýbreytni að farið var að velja besta varnar-, miðju- og sóknarmann. Ásamt því er veitt verðlaun fyrir framför og ástundun. Þessi breyting fellur vel að stefnu deildarinnar um uppbyggilega og árangurstengd markmið félagsins.

Fullt af nýjum myndum síðan í sumar eru komnar inn á heimasíðuna. Þetta var sannkallað fótboltasumar þar sem fullt af börnum skráðu sig á fjölbreytt námskeið deildarinnar. Allt að 300 börn voru með og var sumarið ógleymanlegt, gott veður, spilaður fótbolti, grillpartý voru haldin, leynigestir komu í heimsókn og fleira og fleira. Takk fyrir sumarið krakkar, kveðja frá þjálfurum. Á forsíðu umfs.is er linkur til vinstri sem heitir myndagallarí. Þar má skoða myndir úr fótboltaskólanum. Fleiri myndir eru væntanlegar.

Stelpurnar í 6. flokki kvenna spiluðu á dögunum til úrslita á Hnátumóti KSÍ. Stelpurnar höfnuðu í 4. sæti á mótinu sem er mjög góður árangur. Hnátumótið er einskonar Íslandsmót þar sem flest öll lið senda lið til keppni. Fyrr í sumar unnu stelpurnar sinn riðil en hann var einmitt spilaður hér á Selfossi í blíðskaparveðri.

Æfingar Júdodeildar Umf. Selfoss hófust 2. september.  Strax á fyrsta degi kom mikill fjöldi barna sem hafði áhuga á að æfa júdo.  Æfingaraðstaðan í Gagnheiðinni varð full út úr dyrum og á næstu æfingum líka. Til að mæta þessum mikla áhuga hefur verið ákveðið að fjölga æfingum hjá yngstu iðkendunum.

Af þessu má ljóst vera að æfingaraðstaðan í Gagnheiði 3 er hamlandi fyrir framgang íþróttarinnar á Selfossi.  Sem betur fer stendur það til bóta þegar ný bygging rýs við Sundhöll Selfoss.

Stelpunar í 4. flokk Selfoss í knattspyrnu léku tvo leiki í úrslitakeppni Íslandsmótsins um helgina. Þær unnu annan leikinn, en töpuðu hinum. Það þýðir að þær spila um 1. eða 3. sæti um Íslandsmeistaratitilinn, en verða að bíða fram til kl 16.00 á sunnudag til að fá úr því skorið um hvort sætið þær spila. Þetta er auðvitað frábær árangur hjá stelpunum og þarf ekki að koma neinum á óvart sem fylgst hafa með þeim í sumar.

Strákarnir í 2. flokki karla í knattspyrnu tóku á móti Haukum í næst síðustu umferð Íslandsmótsins í gær á Selfossvelli. Fyrir leikinn voru Haukar í 7 sæti þremur stigum á undan Selfoss og ljóst að með sigri Selfyssinga hefðu liðin sætaskipti. Það gekk eftir og Selfoss sigraði 3-2 í hörku leik.

Æfingar handknattleiksdeildar eru nú komnar í fullan gang, iðkendum hefur fjölgað mikið í haust og er það eflaust góðu gengi íslenska handboltalandsliðsins að þakka. Sannkallað handboltaæði hefur gripið um sig og krakkar leika sér í handbolta um alla ganga í skólunum. Hinsvegar er engin útihandboltavöllur á Selfossi og er það verr. Vel heppnað grunnskólamót var í vikunni og voru þar þó nokkrir sem stigu sín fyrstu spor á handboltavellinum. Handknattleiksdeild hefur reyndar aðeins færri æfingatíma til umráða í vetur vegna mikilla þrengsla í íþróttahúsum bæjarins. Það er nokkuð ljóst að það þarf að byggja nýtt íþróttahús á næstu árum og spurning um hvort það eigi ekki að fara í forgang í uppbyggingu íþróttamannvirkja. Æfingatímar hafa verið auglýstir í staðarblöðum og hanga upp í íþróttahúsinu í Vallaskóla. Æfingatímar eru sem hér segir :

Selfyssingar færðust skrefi nær úrvalsdeildarsæti í gær er þeir unnu KS-Leiftur 3-1. Með þessum sigri sendu þeir KS/Leiftur niður í 2. deild. Selfyssingar náðu sér ekki á strik í fyrri hálfleik og var staðan 1-1 í hálfleik. Í seinni hálfleik stóðu þeir sig betur og skoruðu þá tvö mörk. Nú fara leikmenn að byggja ofan á seinni hálfleik og taka það góða úr honum með sér austur á Eskifjörð, en þar eiga Selfyssingar að leika sinn næst síðasta leik, föstudaginn 12. september kl 18.00. Umfjöllun hér að neðan er birt með góðfúslegu leyfi fotbolti.net, en einkunargjöf leikmanna er vísindaleg samantekt, áhorfenda af handarhófi.

Slúttnefndin mun byrja að selja miða á "slúttið" á leiknum í kvöld. Frábær matseðill, flott skemmtidagskrá og veislustjórinn Einar Bárðarson sér til þess að kvöldið verður ógleymanlegt. Ekki missa af slúttinu - tryggðu þér miða strax í kvöld.

Stelpurnar í 4. flokki Selfoss í knattspyrnu halda áfram sigurgöngu sinni, en þær hafa sigrað alla sína leiki í sumar. Stelpurnar sigruðu HK í kvöld 3-2 og unnu þar með riðil sinn sannfærandi. Gumma skoraði þrennu í leiknum. Annars voru allar stelpurnar að spila vel. Virkilega skapandi og skemmtilegur leikur hjá liðinu.

Næsti leikur Selfoss í 1. deild er gegn KS/Leiftri, en það er sameinað lið Siglufjarðar og Ólafsfjarðar. Leikurinn verður á Selfossvelli og byrjar kl 18.00 miðvikudaginn 3. September. Þetta er næst síðasti leikur Selfoss á heimavelli og er um að gera að fjölmenna og styðja við bakið á liðinu.

Fimmtudaginn 4. september fer fram Grunnskólamót í handbolta. Leikið verður með minni-bolta reglum; þ.e. lítill völlur, mjúkur bolti, færri reglur og allir geta tekið þátt. Allir sem vilja mega koma og taka þátt. Skipt verður í lið á staðnum en reynt að keppa eftir bekkjardeildum. Allir þjálfarar handknattleiksdeildar verða á staðnum og athuga hvort framtíðar landsliðsmenn leynist ekki í hópnum.

Strákarnir í 3. Flokk fóru vestur á Snæfellsnes í gær og leku þar við sameinað lið Víking Ó og Stykkishólm. Strákarnir urðu að vinna leikinn til að tryggja sér í úrslit og eins var það örugglega ekki að skemma fyrir þeim að fá að hefna fyrir tapið hjá meistaraflokk tveimur dögum áður. En Selfyssingar unnu leikinn stórt 1-6 og leku á köflum mjög góða knattspyrnu.

Selfyssingar fóru í Ólafsvík föstudaginn 29. ágúst s.l. ásamt um 80 manna stuðningssveit. Skemmst er frá því að segja að Selfyssingar töpuðu 4-3 við hörmulegar fótboltaaðstæður. Þess má geta að Ólsarar reyndu allan föstudaginn að fá leiknum frestað vegan vallaraðstæðna, en KSÍ leyfði það ekki.

Knattspyrnuslúttið sem er lokahóf meistaraflokks karla, og 2. flokks karla og kvenna verður haldið á Hótel Selfoss laugardaginn 20. september. Í fyrra mættu yfir 220 manns og er búist við álíka mörgum í ár. Slúttið verður glæsilegt og borgar sig að ná sér í miða tímanlega.

Strákarnir í 4. flokki í knattspyrnu léku sinn síðasta leik á þessu sumri er þeir unnu ÍBV sanngjarnt 3-1 í dag á Selfossvelli. Strákarnir höfðu mikla yfirburði í leiknum og áttu margar mjög góðar sóknir. Hafnaði boltinn m.a. tvíveigis í slá Eyjamarksins. Sanngjarn 3-1 sigur Selfyssinga var staðreynd og enduðu þeir því í 5.-6. sæti b riðils á Íslandsmótinu.

Selfyssingar unnu góðan 4-1 sigur á Njarðvíkingum í síðustu umferð og eru því með fimm stiga forskot á  Stjörnuna, sem er í 3. sæti þegar fjórar umferðir eru eftir. Stjarnan gerði 0-0 jafntefli við Víking í Ólafsvík, en Víkingar eru einmitt næstu mótherjar okkar nú. Sá leikur fer fram í Ólafsvík föstudaginn 29. ágúst kl 18.30. Víkingar eru í 7.-9. sæti deildarinnar með 20 stig ásamt Fjarðarbyggð og Víkingi frá Reykjavík.

Taekwondo æfingar byrja aftur af fullum krafti mánudaginn 1. september í íþróttahúsinu í Gagnheiði. Æfingatíma má sjá hér fyrir neðan...

Nokkur fyrirtæki hafa komið sér saman og splæst í rútu á næsta leik Selfoss sem er gegn Víking frá Ólafsvík. Rútan leggur af stað frá Tíbrá á Selfossi kl 14.30 á föstudag og kemur heim um miðnæti. Eins og áður sagði er frítt í rútuna, en að sjálfsögðu er takmarkað sætaframboð og því um að gera að panta sem fyrst. Allar nánari upplýsingar verður hægt að nálgast á skjalfti.com og skráning er í síma 846-1301 en þar svarar Ingimar. Það er sennilega ekkert meira hressandi á föstudegi en road trip vestur á Snæfellsnes og sjá Selfyssinga keppa í fótbolta.

Handboltaæfingar hefjast mánudaginn 25. ágúst um leið og skólarnir byrja. Um 250 einstaklingar að æfa handbolta á Selfossi í dag og þeim hefur fjölgað um helming á síðustu 3 árum. Handknattleiksdeild Umf. Selfoss hefur skipað sér í fremstu röð í yngri flokkastarfi á Íslandi að undanförnu og var í vor veitt verðlaun fyrir besta yngri flokka starf á landinu. Hjá handknattleiksdeildinni starfa vel menntaðir og metnaðarfullir þjálfarar. Allir mega koma og prófa handbolta og sjá hvernig þeim líkar. Vinamiðar verða sendir heim með öllum iðkendum. Það verða síðan foreldrafundir í byrjun september það sem starfið verður kynnt nánar.

Stelpurnar í 7. flokki stelpna í fótbolta gerðu sér lítið fyrir og unnu HK mótið um helgina. HK mótið er stærsta mót fyrir þennan aldursflokk og er sigurinn því mjög sætur.

Selfyssingurinn Þórir Hergeirsson er aðstoðar handboltaþjálfari hjá Norska kvennalandsliðinu. Þórir er fæddur og uppalinn á Selfossi og lék handbolta með Selfyssingum á árum áður. Hann hefur starfað sem handboltaþjálfari í um tvo áratugi út í Noregi og er með virtustu þjálfurum þar í landi. Þetta er enn ein skrautfjöður í hatt Þóris, sem hefur nokkrum sinnum unnið Norsku deildina. Þess má líka til gamans geta að fyrr í sumar var umfs.is með frétt um dóttir Þóris en hún lék með u17 ára knattspyrnulandsliði Noregs á Norðurlandamótinu á Íslandi í sumar.

Í dag unnu Íslendingar Spánverja í undanúrslitaleik Ólympíuleikanna í handbolta í Peking. Þessi sigur án vafa eitt mesta afrek í íslenskri íþróttasögu. ÍSLAND LEIKUR TIL GULLVERÐLAUNA!! Leikurinn verður sýndur í sjónvarpinu kl. 07:45 á sunnudagsmorgun. Ljóst er að margir Selfyssingar munu fara snemma á fætur til að fylgjast með leiknum, eins og trúlega landsmenn flestir.

Enn einn múrinn var brotinn í gær, er Selfyssingar unnu Njarðvík sannfærandi 4-1 á Selfossi. Þetta er fyrsti sigur Selfyssinga á Njarðvíkingum síðan 1986. Staðan í hálfleik var 2-0 fyrir Selfoss. Sævar Þór, Ingó, Viðar Örn og Arilíus skoruðu mörk Selfoss, en Kristján Örn mark Njarðvíkur. 

Í gærkvöldi spiluðu annars vegar Selfoss og Fram og hins vegar Valur og FH. Í fyrri leiknum unnu Framarar okkar menn 35 - 30 eftir að staðan í hálfleik var 16 - 13 fyrir Fram. Í síðari leiknum þá skildu Valur og FH jöfn 32 - 32, en staðan í hálfleik var 20 - 17 fyrir Val. Markaskorarar...

Héraðsmót HSK í starfsíþróttum - fyrri hluti, fram fer á Gaddstaðaflötum við Hellu laugardaginn 23. ágúst n.k. Mótið er hluti af Landbúnaðarsýningunni á Hellu. Að þessu sinni verður keppt í tveimur greinum starfsíþrótta, jurtagreiningu og dráttarvélaakstri. Báðar greinarnar hefjast kl. 14:20. Þar sem mótið er hluti af dagskrá Landbúnaðarsýningarinnar verður þátttaka opin almenningi og ræður fólk hvort það keppir undir merkjum einhvers félags innan HSK eða sem gestir.

Næsti leikur Selfoss í 1. deildinni er heimaleikur gegn Njarðvík fimmtudaginn 21. ágúst kl 18.30. Síðasti leikur liðanna fór 2-2 í Njarðvík og má því búast við hörku leik á fimmtudaginn. Selfyssingar sitja sem fastast í 2. sæti deildarinnar með 37 stig, en Njarðvík er í 11. sæti með 14 stig.

Stelpurnar í 4. flokki Selfoss í knattspyrnu eru að standa sig gríðarlega vel í Íslandsmótinu í knattspyrnu. Þær unnu í dag Fram 0-10 og eru einar á toppi síns riðils með fullt hús stiga og langbestu markatöluna. Markaskorarar dagsins voru þær Gumma með 7 mörk, Jóna Guðrún, Katrín Arna og Kristín Elísabet, allar með 1 mark. Guðmunda Brynja Óladóttir hefur verið í miklu stuði í sumar og er langmarkahæst í deildinni með 28 mörk. Þess má geta að sú sem er næst markahæst er með 9 mörk.  Það er líka gaman að geta þess að þessi efnilega stelpa er búinn að skora yfir 40 mörk með öllum flokkum í sumar.

Selfyssingar eru að gera gott mót í 3. flokki í knattspyrnu. Nú í kvöld unnu þeir sannfærandi 3-0 sigur á Gróttu. Þeir halda því efsta sætinu og eiga góða möguleika á að komast í úrslitakeppnina. Mörk Selfyssingar í leiknum skoruðu þeir Jón Daði Böðvarsson 2 mörk og Einar Sverrisson 1 mark. Þess má geta að Einar var að skora í sínum fjórða leik í röð.

Strákarnir í 2. flokki Selfoss eru að gera góða hluti þessa dagana. Í gær tóku þeir á móti Keflavík sem af mörgum eru taldir með sterkasta liðið í b deildinni. Selfyssingar komu mjög ákveðnir til leiks og gáfu Keflvíkingum engan möguleika á að ná upp spili. Selfyssingar áttu aftur á móti nokkrar mjög góðar sóknir í byrjun og úr einni slíkri skoraði Viðar Örn. Nokkrum mínútum seinna endaði frábær sókn Selfyssinga í einum varnarmanna Keflavíkur og inn fór boltinn og staðan því orðin 2-0. Selfyssingar héldu því forskoti fram að leikhlé með öguðum leik.

Undanfarið hafa birst hér á heimasíðu félagsins fréttir af frábærri frammistöðu íslenska landsliðsins á Ólympíuleikunum. Er hér um að ræða sömu fréttir og hafa birst í fjölmiðlum og netmiðlum á degi hverjum. Einnig komu nýlega inn fréttir af leikjum úr enska boltanum. Án efa hafa margir yndi af þessum fréttum og gaman þegar okkar fólk fjallar um þessa atburði út frá eigin brjósti. Stjórn félagsins vill þó beina þeim tilmælum til hlutaðeigandi að aðalsíða félagsins sé ekki notuð undir þessar fréttir þar sem þær eru meira almenns eðlis og fjalla ekki beint um okkar fólk. Meira en velkomið er að birta þær á síðum viðkomandi deilda, svo fremi að viðkomandi deildir séu því fylgjandi.

Því miður fyrir áhugasama lesendur verður ekki hægt að lesa áfram um afrek íslenska landsliðsins á Ólympíuleikunum í Peking þar sem umfjöllun um landsliðið þykir ekki við hæfi og er henni líkt við umfjöllun um enskan bolta. Við bendum því fólki á þetta: Ísland mun mæta Póllandi í 8-liða úrslitum á Ólympíuleikunum í Peking en það varð ljóst í gær. Leikurinn mun hefjast kl.06.15 og verður sýndur beint á RÚV. Aðrir leikir í 8-liða úrslitum eru: Frakkland - Rússland, Danmörk - Króatía og Suður-Kórea - Spánn.

Selfoss og Stjarnan áttust við í 17. umferð Íslandsmótsins í 1. deild og fór leikurinn fram í Garðabæ. Fyrir leikinn voru Selfyssingar í öðru sæti deildarinnar sex stigum á undan Stjörnunni sem voru í þriðja sæti. Ljóst var fyrir leikinn að þessi leikur yrði upp á líf og dauða fyrir Stjörnuna og ekkert annað en sigur kom til greina hjá þeim.  

Selfyssingar og Eyjamenn áttust við í toppslag síns riðils í 3. flokki í knattspyrnu. Fyrir leikinn voru liðin jöfn að stigum. Selfyssingar voru með betri markatölu eða 39 mörk í plús, en ÍBV voru með 12 mörk í plús.

Selfyssingar halda í Garðabæinn föstudaginn 15. ágúst og leika þar við Stjörnuna kl. 19:00. Stjörnumenn gerðu jafntefli við Þór í síðasta leik og töpuð því tveimur dýrmætum stigum og eru því í 3. sæti sex stigum á eftir Selfossi. Selfyssingar unnu góðan 2-0 sigur á Haukum og halda því 2. sætinu, þremur stigum á eftir ÍBV. Selfyssingar hafa unnið fimm leiki í röð og má réttilega segja að liðið sé á “run-i” .En eins og áður hefur komið fram, þá er allt hægt eftir þriðja sigurleik og hafa strákarnir sýnt það.
 

Selfyssingar tóku á móti Haukum á Selfossvelli í kvöld. Aðstæður til að spila fótbolta voru frábærar, logn, sól og jafnvel mætti helst kvarta yfir hitanum. Leikurinn var mikil skemmtun og endaði þannig að Selfyssingar unnu 2-0, eftir að hafa í tvígang bjargað á línu. Einnig misnotuðu Selfyssingar vítaspyrnu

Strákarnir í 18-ára landsliðinu töpuðu í dag fyrir Norðmönnum 33-34 eftir að hafa leitt 18-15 í hálfleik. Mest komust Íslendingar í 26-20 í síðari hálfleik en náðu ekki að klára verkefnið. Ragnar skoraði 7 mörk í leiknum, Guðmundur Árni 4 og Bjarki 1. Þetta tap setur strik í reikningin. Á morgun verða þeir að vinna Frakka sem hafa geysilega sterku liði á að skipa.

Skráning í fimleika fyrir komandi vetur fer fram í Tíbrá fimmtudaginn 14. ágúst og mánudaginn 18. ágúst kl. 16-18. Hægt er að fylla út skráningarform sem er á fimleikasíðunni og koma með. Gjaldskrá liggur fyrir á skráningardögum. Einnig verður hægt að máta og panta Selfossgalla á sama tíma. Á staðnum verða einnig til sölu fimleikabolir frá GK. Hlökkum ti að sjá ykkur. Stjórn Fimleikadeildar Umf. Selfoss.

Knattspyrnudeild Umf. Selfoss óskar eftir áhugasömum kvikmyndatökumanni eða bara áhugamanni um knattspyrnu sem kann á upptökuvel, til að taka upp nokkra leiki með Selfossi. Áætlað er að taka upp þá sex leiki sem eftir eru og jafnvel að byrja í Garðabænum á föstudag. Af fimm síðustu leikjunum eru þrír heimaleikir auk leiks við Víking á Ólafsvík og fyrir austan við Fjarðabyggð.

18 ára landslið Íslands í handknattleik sigraði Dani í kvöld í lokalokaleik sínum í riðlakeppni úrslitakeppni Evrópumóts landsliða. Strákarnir höfðu áður leikið tvo leiki í riðlinum, gegn Finnum á föstudag og heimamönnum Tékkum á laugardag. Það var því ljóst fyrir leikinn að sigurliðið myndi fara með stigin úr þessum leik í milliriðil.

Olísmótinu á Selfossi lauk nú um helgina. Var það samdóma álit leikmanna, þjálfara og foreldra að mótið hafi tekist frábærlega. Mikið var um óvænt úrslit, þó svo að mörg úrslit hafi verið eftir bókinni. Háttvísisverðlaun KSÍ fengu HK-ingar, en leikmenn þeirra spiluð fallegan fótbolta og sýndu bæði leikmenn og foreldrar mikla háttvísi. Aðrir sigurvegarar mótsins urðu: A-lið 1. deild Grótta og 2. deild Keflavík. B-lið 1. deild ÍR og 2. deild ÍBV. C-lið 1. deild ÍR og 2. deild Keflavík. D-lið 1. deild Keflavík og 2. deild Hamar.

Selfoss gerði góða ferð norður í síðustu viku er þeir unnu þar Þórsarar sannfærandi 3-2. Á meðan fór hitt Akureyraliðið suður yfir heiðar og vann Hauka á gervigrasinu að Ásvöllum, en Haukar verða einmitt andstæðingar okkar í næstu umferð. Leikurinn verður á Selfossvelli þriðjudaginn 12. ágúst og hefst kl. 19.00. Selfyssingar eru í 2. sæti með 34 stig, 3 stigum á eftir ÍBV og 4 stigum á undan Stjörnunni. Haukar eru svo í 4. sæti 10 stigum á eftir Selfossi.

Landslið Íslands í handbolta skipað leikmönnum fæddum 1990 og fyrr er komið í átta liða úrslit á Evrópumótinu sem haldið er í Tékklandi. Það sem meira er að mótið fer fram í Brno sem er heimabær Michal Dostalic leikmanns Selfoss. Í landsliðshópnum eru fjórir Selfysingar.

Gummi Tóta skoraði fyrra mark Selfoss og kom þeim yfir eftir frábært spil. Jón Grétar skoraði seinna markið eftir barning í teignum og jafnaði leikinn 2-2. Heilt yfir voru þetta þokkalega sanngjörn úrslit, en Selfyssingar hefðu þó getað tekið öll stigin heim.Strákarnir í 2. flokki spiluðu á móti HK í Kópavogi í dag. Leikurinn endaði 2-2 og voru strákarnir óheppnir að taka ekki þrjú stig. Gummi Tóta skoraði fyrra mark Selfoss og kom þeim yfir eftir frábært spil. Jón Grétar skoraði seinna markið eftir barning í teignum og jafnaði leikinn 2-2. Heilt yfir voru þeta þokkalega sanngjörn úrslit, en Selfyssingar hefðu þó getað tekið öll stigin heim.

Leiks Selfyssinga og Þórsara frá Akureyri, sem leikinn var á fimmtudagskvöld, var beðið með mikilli eftirvæntingu bæði sunnan og norðan heiða. Fyrir leikinn voru Selfyssingar búnir að vinna þrjá leiki í röð og Þórsarar tvo leiki í röð. Fyrri leikur liðanna sem leikinn var á Selfossi fór 5-2 fyrir Selfoss, en vitað var fyrir leikinn að Akureyravöllur yrði erfiður heim að sækja og því ekkert á fyrri leik liðanna að græða.

Nú þegar aðeins eru örfáir klukkutímar í að flautað verður til leiks á Olísmótinu er ekki úr vegi að foreldrar og fótboltaáhugamenn kíki inn á heimasíðu mótsins, þar má m.a finna mótsblaðið og allar upplýsingar sem viðkoma mótinu. Slóðin þangað er www.olismot.is. Veðurspáin fyrir helgina er mjög góð 15 stiga hiti, logn og léttskýjað. Það er hreint með ólíkindum hvað alltaf er gott veður þessa helgi á Selfossi. 7, 9, 13.

Íris Sverrisdóttir knattspyrnustelpa hefur verið valin til að taka þátt í úrtaksæfingum fyrir stelpur fæddar 1993. Stelpurnar hittast á Laugarvatni um næstu helgi eða dagana 9.-10. ágúst. Knattspyrnan hjá stelpunum á Selfossi er í mikilli sókn, líkt og hjá strákunum.

Undirbúningur fyrir Olísmótið sem haldið verður um helgina gengur vonum framar. Olísmótið er orðið árlegur viðburður og er alltaf haldið á sama tíma, þ.e. helgina eftir verslunarmannahelgi. Mótið var fyrst haldið árið 2004 og hefur stækkað og þróast mikið eins og við er að búast. Nokkuð er síðan að fullt varð á mótið og er reiknað með að í þeim 48 liðum sem taka þátt séu um 480 þátttakendur. Margir af þeim gista í Vallarskóla og Sandvíkurskóla og allir krakkarnir borða í mötuneyti Vallarskóla.

Þriðji flokkur félagsins hóf æfingar í gærkvöld og má segja að strákarnir hafi tekið vel á því. Þessi flokkur leikur í undankeppninni þar sem ræðst í hvaða deild liðin verða um miðjan september. Stefnan er auðvitað sett á að ná því þriðja árið í röð að vera með bæði lið 3. flokks í efri deild. Það tekst ekki nema menn gefi allt í þær æfingar sem framundan eru, því eins og allir vita; er aðeins hægt að taka það út sem lagt hefur verið inn.

Nú er Norðurlandamót u-17 búið og lentu Gummi Tóta og félagar í 6. sæti eftir tap gegn Skotum í síðasta leik. Athyggli hefur vakið að Selfyssingar eiga orðið nokkuð fast sæti í unglingalandsliðum Íslands. Ber það vitnisburð um hið ágæta unglingastarf sem hefur verið á Selfossi undanfarinn ár. Þessir strákar sem farið hafa í gegnum landsliðsverkefni Íslands eru allir að spila með Selfossi í dag og eru kjarni liðsins sem kom Selfoss upp um deild í fyrra.

Eftir góðan sigur á Akureyraliðinu KA, ákvað hitt Akureyrarliðið, Þór, að bjóða okkur heim og spila við okkur. Leikurinn fer fram fimmtudaginn 7. ágúst kl. 19:15 að staðartíma. Með sigri sínum á KA eru Selfyssingar í öðru sæti með 31 stig. Þór vann einnig góðan sigur í síðustu umferð. Þá unnu þeir Breiðhyltinga sannfærandi 4-2 eftir að hafa verið undir 1-2 í hálfleik. Þórsarar eru því í níunda sæti deildarinnar með 16 stig eftir þann sigur.

Nú er undirbúningur fyrir Olísmótið að ná hámarki, en hann hefur staðið yfir meira og minna síðan um áramót. Langt er síðan mótið varð fullbókað og komast því ekki fleiri lið að. Olísmótið er að skipa sér sess á meðal stóru knattspyrnumótanna á Íslandi. Hægt verður að fjölga liðum í mótinu þegar framkvæmdum við nýjan Selfossvöll verður lokið. Alls taka 48 lið þátt í mótinu í ár og er þumalputtareglan sú að það séu ca. 480 strákar sem verða á svæðinu. Reiknað er með að einn til tveir foreldrar komi með hverjum strák og eins sést fjölgun á milli ára þar sem ömmur og afar eru að taka sunnudagsrúntinn á Selfoss og sjá barnabarnið.

Gummi Tóta og félagar í U-17 ár landsliði Íslands unnu góðan 3-0 sigur á Finnum á Norðurlandamótinu í knattspyrnu. Ísland tryggði sér þriðja sætið í riðlinum og keppa strákarnir því við Skota á laugardag í leik um fimmta sætið. Íslendingar skoruð öll mörk sín á síðustu 10 mínútum leiksins, en voru samt með mikla yfirburði allan tíman.

Strákarnir í 2. flokki Selfoss héldu á Vallbjarnarvöll í gær fimmtudag og léku þar við Þróttara. Leikurinn endaði 2-2 eftir hörku baráttu. Selfyssingar léku einum færri í 80 mínútur, eftir að Árna Páli var vísað ranglega af velli. Þróttur komst yfir eftir 9 mínútna leik og þannig var staðan í hálfleik. Viðar Örn jafnaði svo leikinn úr vítaspyrnu eftir að markmaður Þróttar hafði skellt honum innan teigs. Þróttar komust svo í 2-1 eftir kæruleysi í varnarvinnu eftir fast leikatriði. En tíu Selfyssingar gáfust ekki upp. Það var svo Viðar Örn sem jafnaði eftir góða aukaspyrnu frá Tomma Kjartans.

Undir 17 ára landslið Íslands tapaði fyrir Englendingum 1-0 á þriðjudaginn á Norðurlandamótinu. Luka þjálfari gerði fjórar breytingar á byrjunarliðinu, en Guðmundur Þórarinsson hélt sæti sínu eftir góðan opnunarleik.

Guðmundur Þórarinsson var í byrjunarliði Íslands er þeir spiluðu sinn fyrsta leik á Norðurlandamóti í U-17 ára landsliða. Íslendingar spiluðu gegn Noregi og töpuðu 4-1 eftir að hafa lent í því að missa mann útaf á fyrstu mínútu og fá á sig vítaspyrnu í leiðinni sem Norðmenn skoruðu úr. Íslendingar náðu þó að jafna leikinn eftir mikla baráttu, en Norðmenn komust yfir fyrir hlé.

Þá er komið að hinu árlega sumarfríi hjá iðkendum yngri flokka í knattspyrnu. Misjafnt er hvað flokkarnir taka sér langt frí. Hér að neðan fylgja upplýsingar um hvern flokk fyrir sig.

Eftir frækinn sigur í Efra Breiðholti er komið að næsta heimaleik. Selfyssingar taka þá á móti Akureyringunum í KA og fer leikurinn fram þriðjudaginn 29. júlí kl. 19.00 á Selfossvelli. Vert er að minna sérstaklega á þennan breytta leiktíma og framvegis verða kvöldleikirnir kl. 19.00. KA er í sjöunda sæti deildarinnar með 16 stig og markatöluna 20-17. KA menn hafa fengið 12 stig á sínum sterka heimavelli, en aðeins 4 stig á útivöllum. Af þessum fjórum stigum fengu þeir 3 stig í útileik gegn Þór frá Akureyri, en liðin nota sama heimavöll. Þannig að með sanni má segja að þeir hafi einungis fengið 1 stig fyrir utan sinn heimabæ.

Selfyssingar fóru í Efra Breiðholt í gær fimmtudag og léku þar við Leikni. Leiknismenn hafa verið á ágætis siglingu undanvarnar vikur og ekki búnir að tapa leik síðan 22. júní, m.a. gerðu þeir jafntefli við ÍBV í síðustu umferð. En lið Selfoss sýndi en og aftur mikinn karakter og unnu leikinn 1-2 eftir að hafa lent undir 1-0.

Strákarnir í 3. flokki Selfoss mættu með blik í augunum er þeir tóku á móti Skallagrími frá Borgarnesi. Greinilegt er að strákarnir koma fullir af sjálfstrausti og til í hvaða verkefni sem er. Skemmst er frá því að segja að Selfyssingar tóku leikinn strax í sýnar hendur og létu andstæðingana aldrei eiga möguleika. Lokatölur urðu 14-2 fyrir Selfoss og eiga Borgnesingar það nú sameiginlegt með Hemma Gunn og félögum að hafa tapað 14-2 í leik.

Strákarnir í 2. flokki Selfoss tóku á móti sameiginlegu liði Grindavíkur og Njarðvíkur í kvöld á Selfossvelli. Þetta var fyrsti leikur hjá ný ráðnum þjálfara 2. flokks Selfoss, Kristjáni Óla Sigurðssyni. Strákarnir sýndu úr hverju þeir eru gerðir og unnu leikinn 4-0. Mörk Selfoss skoruðu þeir Viðar Örn Kjartansson 3, en hann spilaði bara fyrri hálfleik og svo skoraði Reynir Björgvinsson 1 mark.

Leiknir er sem stendur í 10. sæti deildarinnar með 12 stig og þar af hafa þeir fengið 7 stig í síðustu þremur leikjum.  Þannig að Breiðhyltingar eru á ágætis siglingu þessa dagana og markatalan hjá þeim er 14-23.  Jakob Spangsberg Jensen er þeirra langmarkahæsti leikmaður með 8 mörk.

Sumarnámskeið fimleikadeildar hefst að nýju þriðjudaginn 29.júlí.  í íþróttahúsi Baulu Sunnulæk
Hóparnir verða þrískiptir eins og áður og eru tímasetningar eftirfarandi:

Börn fædd 2002, 2001 og 2000 klukkan 9-11 þri,  mið og fim
Börn fædd 1999 og 1998 klukkan 11-13 þri, mið og fim
Börn fædd 1997 og 1996 klukkan 13:30-15:30 þri, mið og fim

Námskeiðið er 4500kr. þrjár vikur en hægt er að kaupa staka viku á 1500kr. Greiðsla fer fram í fyrsta tíma. 

Skráning fer fram á netfangið sigridurosk@btnet.is

3. Flokkur Selfoss - Myndir fra Gautaborg. Allt gott ad fretta, eftir ad motinu lauk snerum vid okkur ad skemmtanalifinu bunir ad fara i tivoli og i gaer forum vid a disko, allt gekk mjög vel og strakarnir eru bunir ad vera til fyrirmyndar.

I gaer forum vid a opnunarhatid a Ullevi og var thad frabaert og storkostleg upplifun.

Í gær voru tvö workshop lyftur og eróbik hjá fimleikahópnum. Í tilefni af þjóðhátiðardegi Frakka var heljarinnar flugeldasýning um kvöldið.

Guðmundur Þórarinnsson hefur verið valinn í endanlegun landsliðshóp hjá u-17 ára landsliðinu í knattspyrnu.  Landsliðið er að fara taka þátt í norðurlandamóti dagana 28 júlí til 2. ágúst, en mótið verður haldið í Svíþjóð.  Gummi er einmitt staddur þessa dagana í Svíþjóð þar sem hann tekur þátt í Gothia-cup með 3. flokk Selfoss og var mjög ánægður þegar heimildarmaður umfs.is tjáði honum fréttirnar.

3.flokkur Selfoss.

Jaeja nu voru strakarnir ad tinast heim ur ratleiknum. 

3.flokkur karla.

Myndir frå Gautaborg

Selfoss og Fjölnir áttust við á Íslandsmótinu í 2. flokki kvenna á Selfossi miðvikudaginn 2. júlí kl. 19:00. Leikurinn fór fram á aðalvelli Selfyssinga og er þetta í fyrsta skipti sem stelpurnar fá að spila á honum á þessari leiktíð. Þetta var fyrsti leikur þessara liða á árinu. Er skemmst frá því aðsegja að Selfoss vann stórsigur 8-1.

5. flokkur karla stóð sig frábærlega á N1 mótinu á Akureyri. Mótið er eitt það stærsta sem haldið er hér á Íslandi og alls tóku 144 lið þátt í mótinu í fimm styrleika flokkum eða A, B, C, D og E. Selfoss sendi fjögur lið til keppni og kepptu þau í A, B, D og E flokkum. Selfoss lenti í riðli með FH, Val, Leikni, KR, Aftureldingu og KA, riðlinum var strax gefið nafnið dauða riðillinn. Tvö efstu liðin í hverjum riðli komast áfram í 8 liða úrslit keppninnar og gerðu Selfoss strákanir sér lítið fyrir og komust áfram með þrjú lið en A, D og E liðin komumst öll áfram 8 liða úrslit.

SÍMAMÓT-SÍMAMÓT-SÍMAMÓT! 

Ágætu foreldrar/forráðamenn stelpna í 6.flokki kvenna! 

Á morgun mánudaginn 7.júlí verður fundur í Tíbrá og hefst hann kl. 20.30

Mánudaginn 7.júlí hefst fótboltanámskeið fyrir spræka krakka fædd 1995-2001.

Þetta námskeið kallast Þrumunámskeið og nú verður sko tekið á því.....!

Selfyssingar unnu góðan 4-1 sigur á Fjarðabyggð í dag og eru því enn taplausir í deildinni. Selfyssingar sitja því í öðru sæti deildarinnar fimm stigum á eftir Eyjamönnum. Næsti leikur í deildinni er einmitt gegn þeim, út í Vestmannaeyjum, fimmtudaginn 10. júlí kl. 20.00. Nokkur fjöldi Selfyssinga ætlar á leikinn. Nánari upplýsingar um ferðaáætlun fyrir áhugasama stuðningsmenn kemur inn á heimasíðuna næstu daga.

Strákannir í 4. flokki Selfoss í knattspyrnu eru að gera góða hluti á knattspyrnuvöllum landsins þetta sumarið.  Strákanir unnu sig upp í B-deild í fyrra og hafa staðið sig vel þar. Liðin eru 12 í deildinni og eru Selfyssingar nú í 2. sæti deildarinnar

Guðmundur Þórarinnsson og Jón Daði Böðvarsson eru í u-17 ára landsliðshópi KSÍ sem æfir undir stjórn Luka Kostic um helgina. Gummi hefur verið  í hópnum frá upphafi, en Jón Daði var valinn í fyrsta sinn í síðasta mánuði, en komst ekki þá vegna meiðsla.

Selfyssingar taka á móti Fjarðarbyggð á Selfossvelli laugardaginn 5. júlí kl 14.00. Selfyssingar eru sem fyrr í öðru sæti 1. deildar eftir 1-1 jafntefli í erfiðum útileik gegn KS/Leiftri í síðustu umferð 1. deildar í knattspyrnu.  Það var Henning Eyþór Jónasson sem jafnaði fyrir Selfoss á 18. mínútu leiksins. Á sama tíma gerði Fjarðarbyggð jafntefli við Víking frá Ólafsvík í Ólafsvík. Fjarðabyggð er í sjöunda sæti deildarinnar með 10 stig.

Annar flokkur kvenna á heimaleik við Fjölni á Selfossvelli á morgun miðvikudag 2. júlí. Leikurinn er kl. 19:00 og er um að gera að mæta og hvetja stelpurnar. Þær hafa verið að standa sig frábærlega í sumar.

María Þórisdóttir, 15 ára stelpa frá Selfossi (fædd 1993), leikur í norska U-16 ára landsliðinu, en það tekur nú þátt í Norðurlandamótinu sem fram fer á Íslandi þessa dagana. Tveir landsleikir fara fram á Selfossi. María hefur á hverju sumri komið á Selfoss og dvalið hjá ömmu sinni og afa, þeim Fanneyju og Hergeiri á Birkivöllunum. Þegar hún hefur dvalið hér hefur hún iðulega mætt á fótboltaæfingar hjá yngri flokkum Selfoss.

Selfyssingar héldu norður á laugardag og leku þar við KS/Leiftur, sameiginlegt lið Siglfirðinga og Ólafsfirðinga. Eftir 6 tíma ferðalag mættu Selfyssingar í 4 stiga hita rigningu og roki á Siglufjörð. Það fyrsta sem blasti við mönnum er þeir mættu á völlinn var önd að svamla í polli á vellinum. Aðstæður á Siglufirði voru sem sagt ekki upp á marga fiska.

Næsti leikur Selfoss verður í Fjallabyggð, nánar tiltekið á Siglufirði, en þar keppa Selfyssingar við sameiginlegt lið KS frá Siglufirði og Leifturs frá Ólafsfirði. Leikurinn hefst kl 16.00. laugardaginn 28. júní. KS/Leiftri var spáð neðsta sæti 1. deildar, en í síðasta leik sínum sýndu þeir að þá ber að varast. Eftir að hafa lent undir gegn Njarðvík 2-0 komu þeir til baka og skoruðu þrjú mörk á síðustu tuttugu mínútum. Norðanmenn sitja nú í 11. sæti deildarinnar með 5 stig. Selfyssingar unnu Víking Ó 4-0 í síðasta leik með mörkum frá Agnari Braga, Boban, Dusan og Andra.  Selfoss er við topp deildarinnar með 18 stig, stigi á undan Stjörnunni og þremur stigum á eftir ÍBV.

Mánudaginn 30. júní hefst nýtt einnar viku knattspyrnunámskeið (Flottar í fótbolta) sem eingöngu er ætlað stelpum. Þjálfarar á námskeiðinu verða þau Guðmundur Garðar Sigfússon íþróttafræðingur og Laufey Guðmundsdóttir þjálfari (UEFA B). Námskeiðið er ætlað stelpum sem fæddar eru frá 1995-2001. Sjá nánar...

Samsýning allra félaga sem fara á Eurogym í Albi í Frakklandi 11.-18. júlí verður haldin í Stjörnuheimilinu Garðabæ mánudaginn 30. júní kl. 19.00.

Sýningaratriði verða í þessari röð:

1. Grótta, Stjarnan, Hamar

2 FIMA

3. Selfoss

4. Gerpla

5. Fjölnir

6. Gala-atriði (Gerpla-Selfoss)

Aðgangur er ókeypis. Við hvetjum alla til að mæta og sjá glæsilega fimleikasýningu.

Selfyssingar tóku á móti Víkingi Ólafsvík á Selfossvelli í dag. Selfyssingar tefldu fram nokkuð breyttu liði frá síðustu tveimur leikjum. Sævar Þór var í banni og þeir Arnar Þór, Ingþór og Guðmundur Þórarins voru allir meiddir. En svona leit þá byrjunarliðið út: Jóhann Ólafur, Siggi Eyberg (Ólafur Tryggvi 86), Dusan, Jón Sveins, Agnar Bragi, Einar Ottó, Henning, Gunnar Borgþórs (Andri Freyr 72), Arilíus (Ingó Tóta 72), Boban og Viðar Örn.

Næsti leikur Selfoss er gegn Víkingi Ólafsvík í 1. deildinni. Leikurinn er sunnudaginn 22. júní og hefst kl. 16.00.  Selfyssingar eru enn taplausir í öðru sæti deildarinnar, en Víkingar eru í sjötta sæti. Selfoss og Víkingur Ólafsvík hafa mæst 16 sinnum í leikjum á vegum KSÍ. Selfyssingar hafa haft gott tak á Víkingi í gegnum árin og hafa unnið 10 sinnum. Jafntefli hefur orðið í 4 leikjum og Selfoss hefur aðeins tapað 2 leikjum. Þannig að tölfræðin er okkur mjög hagstæð, en hafa skal hugfast að tölfræði ein og sér hefur aldrei unnið leik.

Laugardaginn 21. júní mun Herraverslunin Blaze láta 20% af veltu dagsins renna beint til knattspyrnudeildar Umf. Selfoss. Þetta er mjög skemmtileg leið til að sýna deildinni stuðning í verki. Þú verslar herravörur eða gjafabréf á venjulegu verði, en upphæðir sem skipta máli munu renna beint í íþróttastarfið. Boðsmiði á völlinn fylgir öllum seldum jakkafötum þennan dag!

Næsti leikur Selfoss er í VISA-bikarkeppninni, en þá heldur Selfossliðið fyrir fjall og leikur þar við Hamar úr Hveragerði á Grýluvelli. Leikurinn verður fimmtudaginn 19. júní og hefst kl 19.15. Hvergerðingar eru í sókn í fótbolta og fóru upp um deild í fyrra og leika nú í 2. deild í fyrsta sinn.  Hvergerðingar eru með nokkuð breytt lið frá því í fyrra og leika m.a. 5 útlendingar með liðinu í ár.

Njarðvík og Selfoss gerðu 2-2 jafntefli í fyrstu deild karla í gær sunnudag. Selfyssingar náðu sér aldrei á strik, náðu ekki upp sínu spili en verða þó að teljast óheppnir að taka aðeins annað stigið miðað við færin í leiknum. Það var Viðar Örn Kjartansson sem skoraði jöfnunarmark Selfoss á lokamínútum leiksins.

5. flokkur kvenna kom heim í gær eftir skemmtilega ferð til Vestmannaeyja þar sem þær tóku þátt á pæjumóti ÍBV. Alls fóru 22 stelpur með til Eyja og vorum við með tvö lið, A og B lið. Á lokahófinu í gær var leikmaður Selfoss, Erna Guðjónsdóttir valin besti leikmaður mótsins og er það annað árið í röð. Selfoss-stelpa hefur því hlotið þennan titil 3 ár í röð og það eru því greinilega mikil fótboltagen í Selfoss-stelpunum.

Selfyssingar halda í Reykjanesbæ sunnudaginn 15. júní og leika þar við Njarðvík.  Búast má við hörku viðureign, eins og oftast er, þegar þessi lið mætast. Njarðvíkingar töpuðu á dögunum illa í VISA-bikarnum fyrir KB, en KB er varalið Leiknis í Reykjavík.

Selfyssingar tóku á móti Stjörnunni í blíðsakapar veðri á Selfossvelli í kvöld.  Fyrir leikinn voru Selfyssingar í öðru sæti og Stjarnan í því þriðja. Liðin skildu jöfn í skemmtilegum leik þar sem bæði lið spiluðu góðan fótbolta. Staða beggja liða í deildinni er því óbreytt. Byrjunarlið Selfoss var örlítið breytt frá síðasta leik. Gunni Borgþórs kom aftur í liðið og Guðmundur Þórarinsson var í fyrsta sinn í byrjunarliði í deild, en hann er ný orðin 16 ára.

Ísland mun halda Opna Norðurlandamót U16 stúlkna nú í sumar en mótið var hér síðast sumarið 2002 og fór þá fram í Reykjavík. Fyrstu leikir mótsins fara fram 30. júní og leikið verður um sæti og til úrslita 5. júlí.  A riðill fer fram á Suðurlandi og fara tveir leikir fram á Selfossvelli. B riðill fer fram á Suðurnesjum. Leikir um sæti, þar með talinn úrslitaleikurinn, fara fram á Stór-Reykjavíkursvæðinu. Þarna er gott tækifæri að sjá knattspyrnukonur framtíðarinnar en á þessu móti taka þátt þær þjóðir sem eru í fremstu röð í knattspyrnu kvenna. Sjá nánar...

Snyrtistofan Myrra styrkir næsta heimaleik Selfoss sem er við Stjörnuna. Leikurinn fer fram í kvöld þriðjudag og hefst kl. 20:00. Þórdís Erla Þórðardóttir í Myrru kom og færði meistaraflokksliðinu gjafir á síðustu æfingu fyrir leik. Þá mun snyrtistofan veita manni leiksins verðlaun sem er veglegur snyrtipakki og öflugt steinanudd sem nýtist vel til að ná sér eftir erfiða leiki. Strákarnir tóku þessu fagnandi og á myndinni tekur yngsti maður liðsins, Guðmundur Þórarinsson, við gjöf úr hendi Þórdísar Erlu.

Selfyssingar fór í Hafnarfjörðinn í gær föstudag og léku við Hauka á Ásvöllum. Fyrir leikinn höfðu Selfysingar ekki unnið Hauka í Hafnarfirðinum síðan 1995. Nú varð breyting á því, 1-3 taktískur vinnusigur varð staðreynd. Mörk Selfoss skoruðu þeir Henning Eyþór eitt og Sævar Þór tvö. 

Handknattleiksdeild umf. Selfoss í samvinnu við Landsbankann verður með handboltaskóla fyrir börn áaldrinum 8-12 ára (3.-6.bekkur) dagana 9.-20. júní í sumarÆfingarnar verða í Íþróttahúsi Vallaskóla alla virka morgna frá kl 10:00-12:00 Þjálfari er Eyþór Lárusson leikmaður m.fl.Farið verður í almenna leiki og tækniæfingar tengdar handbolta, mikil áhersla verður lögð á fjölbreytta hreyfingu, keppni og spil.   Skráning er á staðnum og verðinu er mjög stillt í hóf aðeins kr.2500.  

Eru foreldrar/forráðamenn þeirra barna sem ætla í sumarfótboltaskólana sem byrja mánudaginn 9. júní beðnir skrá börn sín sem fyrst svo að hægt verði að undirbúa skólana sem allra best mið við þann fjölda sem verða á námskeiðunum. Allar upplýsingar um ,,Ofur" fótboltaskólann má finna hér og upplýsingar um hin fótboltanámskeiðin má finna hér

Skráningar á knattspyrnusnámskeið sumarsins standa nú yfir á fullu. Það er margt í boði og vonandi finna allir eitthvað við sitt hæfi.

Það verður ekta derby viðureign er Selfyssingar halda til Hveragerðis og leika þar við Hamar í VISA bikar KSÍ.  Selfyssingar slóu út Skallagrím 1-4 í síðustu umferð og Hvergerðingar unnu Hamrana/Vini 1-7.  Leikurinn fer fram miðvikudaginn 18. júní eða fimmtudaginn 19. júní og má búast við hörku viðureign og stemmningu sem ávalt skapast í nágrannaslögum.
 

Nokkrir strákar ú 4. flokki Selfoss í fótbolta hafa verið í Knattspyrnuskóla Kristjans Bernburg í Belgíu. Strákarnir hafa staðið sig mjög vel og var Steinar Sigurjónsson Selfossi m.a. valinn besti leikmaður skólans, ásamt Emil Ásmundssyni úr Fylki. Fotbolti.net birti frétt um málið og hana má sjá hér fyrir neðan, eða klikka beint á linkinn: http://www.fotbolti.net/fullStory.php?action=viewStory&id=62190. Þegar hópmyndin er skoðuð má sjá nokkra þekkta stráka frá Selfossi. 

Eitthvað hefur verið um það að fólk hafi verið að misskilja hvernig fótboltaskólarnir  verða hjá okkur í sumar og skildi enginn undra, því á fáum stöðum á landinu er eins glæsileg dagskrá, í næstu viku(mánudaginn 9. júní) hefjast þrjú fótboltanámskeið sem öll eru á vegum Knattspyrnudeildar Selfoss og Knattspyrnuakademíu Íslands. Aðal styrktaraðili námskeiðanna er Toyota á Selfossi og kunnum við þeim bestu þakkir fyrir það.
Hér að neðan má sjá meira um námskeiðin:

Þeir Gísli Þór Axelsson, Sverrir Pálsson, Jóhann Erlingsson og Gísli Örn Þórisson voru um síðast liðna helgi á úrtaksæfingum fyrir leikmenn fæddir 1994 og síðar. Um er að ræða 60 manna æfingahóp sem síðar verður valið úr unglingalandslið í haust. Selfoss strákarnir stóðu sig allir mjög vel á  æfingunum og sérstaka athygli vakti Gísli Þór enda hefur önnur eins stórskytta ekki komið fram lengi í íslenskum handbolta. Gísli er reyndar fæddur 1995 og því einu ári yngri en flestir á æfingunum.

Það verður mikið um að vera á knattspyrnuvellinum í sumar. Fyrir utan æfingar flokkanna verða nokkur skemmtileg námskeið í boði fyrir hressa fótboltakrakka. Skráning er þegar hafin og hér fylgja upplýsingar um öll þau námskeið sem í boði verða. Allir ættu að finna eitthvað við sitt hæfi, þetta verður fótboltasumar!

Í dag, laugardaginn 31.maí ætla strákarnir í Fornminjanefnd knattspyrnudeildarinnar að bjóða yngri flokkunum í bíó. Myndin þeirra, Saga knattspyrnunnar á Selfossi er nú tilbúin og tími til kominn að bjóða knattspyrnuiðkendum að sjá þessa skemmtilegu og fróðlegu mynd.

Fotbolti.net sem er vinsælasti íþróttavefur landsins tók í gær skemmtilegt viðtal við fyrirliða Selfoss í knattspyrnu. Hér á neðan má lesa viðtalið í heild sinni og eins er hægt að fara á þennan link til að sjá það http://www.fotbolti.net/fullStory.php?action=viewStory&id=62035

Selfoss tekur á móti Þór frá Akureyri föstudaginn 30. maí kl 20.00 á Selfossvelli, en þetta eru liðinn sem skipa 2. og 3. sæti 1. deildar.  Bein útsending er frá leiknum á Útvarpi Sögu. Útsendingartíðnin hjá þeim á Suðurlandi fm 99,1 og um að gera fyrir þá sem ekki komast á leikinn að stilla sig rétt

Nokkrir ungir efnilegir strákar úr 4. flokk Selfoss eru nú staddir í Lokeren í Belgíu, en þar er knattspyrnuskóli Kristjan Bernburg starfræktur.  Fotbolti.net greinir frá þessu í dag og birti mynd af hópnum, en eftirtaldir strákar eru í Belgíu: Gunnar, Ísak, Markús, Albert, Steinar, Fúsi, Jón Óskar, Hjörtur Leó, Þorstein Daníel og Hjalti Péturs.

Æfingabúðir 2.-7.júní með gestaþjálfurum frá Svíþjóð
Vikuna 2.-7.júní koma gestaþjálfarar frá Svíþjóð og verða með æfingabúðir fyrir krakkana í deildinni.  Þessar æfingabúðir eru iðkendum deildarinnar alveg að kostnaðarlausu. Tveir þjálfarana eru karlkyns og sjá þeir um stökkin aðallega.  Þriðji kennarinn er kvenkyns og hún sér um danskennsluna.  Einnig verður staddur hér hópur frá Danmörku sem stundar nám við Lýðháskólann í Viborg og eru á fimleikabraut.  Þau munu einnig sjá um einstaka æfingar hjá nokkrum hópum. Við vonum að þessar æfingar verði okkar iðkendum hvatning til áframhaldandi iðkunar og er það okkar ósk að sem flestir sjái sér fært að mæta samkvæmt eftirfarandi töflu.

Anton Freyr Traustason hefur verið valin í unglingalandslið leikmanna fæddir 1992 og síðar. Anton kemur úr Þorlákshöfn og er örvhentur hornamaður sem einnig getur leikið sem skytta. Hópurinn er skipaður 28 leikönnum og kemur saman um næstu helgi. Hópinn má sjá HÉR. Heimasíðan óskar Antoni til hamingju með áfangann og þetta verður honum vonandi hvatning til frekari afreka á handboltasviðinu.

Selfyssingar fóru norður í dag og spiluðu við K.A.  K.A byrjaði betur í leiknum og komust yfir 2-0.  Sævar minkaði muninn fyrir hlé og Henning jafnaði svo leikinn í seinni hálfleik.  Selfyssingar voru  óheppnir að taka ekki öll stiginn í restina, en 2-2 jafntefli fyrir norðan þykja góð úrslit.

1-0 Guðmundur Óli Steingrímsson (´32)
2-0 Norbert Farkas (´40)
2-1 Sævar Þór Gíslason (´41)
2-2 Henning Eyþór Jónasson (´68)

Vikuna 9.–13. júní mun Knattspyrnuakademía Íslands og knattspyrnudeild Umf. Selfoss standa fyrir fótboltanámskiði Toyota á Selfossi fyrir 9-14 ára stráka og stelpur. Er námskeiðið hugsað bæði fyrir krakka frá Selfossi og annars staðar á landinu og má því búast við miklu fjöri á Selfossvelli þessa viku. Þjálfarar á námskeiðinu verða þjálfarar frá enskum atvinnumannaliðum. Hægt er að fá allar nánari upplýsingar um námskeiðið á www.knattspyrnuakademian.is og hjá Sævari í síma: 863-8299.

Selfyssingar halda norður föstudaginn 23. maí og þar taka á móti þeim K.A. menn. Leikurinn hefst kl. 19.15 og verður að öllum líkindum spilaður á aðalvellinum á Akureyri. Selfyssingar hafa byrjað mjög vel og eru nú í 1.-2. sæti.

 Að þessu sinni er það super sub-inn Hartmann Antonsson sem sýnir á sér hina hliðina.  hann var á dögunum lánaður í Árborg til að öðlast meiri spila reynslu, ásamt Hartmanni fengu markmenninir Aron Leifs og Bjarki Jóns leikheimild með Árborg, en búið er að gera samning á milli félagana og tefla þau því fram, að nafninu til, sameiginlegum 2. flokk.  Hartmann er markheppinn leikmaður, en að öðru leiti svipaður og bróðir sinn Einar Ottó.  Kíkjum á hvað Harti hafði að segja 

Selfoss lék sinn fyrsta heimaleik í næst efstu deild í 14 ár á sunnudagskvöld. Frábær stemning var á vellinum og talið að um 500 manns hafi þjappað sér í brekkuna við gerfigrasvöllinn. Umgjörð leiksins var sérlega glæsileg og gaman að sjá yngri iðkendur mætta í búningum og fylkja sér um liðið sitt. Fyrir leik og í leikhléi voru undirritaðir styrktarsamningar við nokkur fyrirtæki á Selfossi en það eru Lögmenn Suðurlandi, Bílasala Selfoss og Blaze tískuverslun. Vonandi gefur hin góða byrjun fyrirheit um gengi liðsins í sumar og verður spennandi að fylgjast með leikjum sumarsins.

Lokahóf barna- og unglingastarfs handknattleiksdeildar Umf. Selfoss verður föstudaginn 23. maí kl. 16:00 í Íþróttahúsi Vallaskóla. Á dagskránni eru leikir, skemmtiatriði, verðlaunaafhending, myndataka, grillveisla og softball-mót. Mikilvægt að allir iðkendur mæti í búningum vegna myndatöku, foreldrar og forráðamenn þeirra eru hvattir til að mæta. Það má taka með sér gesti.

Fyrsti leikur hjá 2. flokki karla í Íslandsmótinu verður á gervigrasinu í kvöld kl. 20:00 þegar stákarnir mæta Völsurum. Mætum á völlinn og styðjum 2. flokkinn. Áfram Selfoss!

Selfyssingar taka á móti Leiknismönnum í sínum fyrsta heimaleik í ár. Leikurinn verður sunnudaginn 18. maí og hefst kl. 20:00. Grasvöllurinn okkar er óðum að taka við sér eftir smá endurbætur og má segja að hann komi ágætur undan vetri. Selfyssingar unnu óvænt sinn fyrst leik á móti Víkingum Reykjavík, en Víkingum er spáð sigri í deildinni. Selfyssingar unnu leikinn sannfærandi 2-3 með mörkum frá Agnari Braga og Sævari Þór (2). Leiknismenn fóru til Eyja í fyrstu umferð og þrátt fyrir góðan sigur þar í fyrra, tókst þeim ekki að endurtaka leikinn og töpuðu núna 2-0. 

Þórir Ólafsson er óviss um hvort hann verði áfram hjá þýska handboltaliðinu Lübbecke en hann meiddist öðru sinni á æfingu í vikunni. Þórir hefur verið frá lengst af á tímabilinu eftir að hann þríbrotnaði á viðbeini. Hann byrjaði aftur að æfa í apríl og hefur verið að komast í sitt besta form. Á þriðjudaginn meiddist hann hins vegar öðru sinni eftir að hafa lent illa eftir samstuð við félaga sinn.

Selfyssingar fengu í dag góðan liðsstyrk fyrir meistaraflokk félagsins, en Fylkismaðurinn Arnar Þór Úlfarsson kom að láni út sumarið, en þó með ákvæði í samningi.  Arnar er 28 ára og hefur mest allan sinn feril leikið í með Fylki í Árbænum. Arnar er sterkur, fljótur og með góða sendinga tækni, auk þess sem hann hefur mikla reynslu úr efstu deild.

Selfyssingar léku sinn fyrsta leik í fyrstu deild Íslandsmótsins í ár er liðið sótti Víking Reykjavík heim. Víkingum er spáð sigri í fyrstu deildinni og flestir bjuggust við sigri þeirra í dag en annað kom á daginn. Okkar menn sýndu hvers þeir eru megnugir í sumar.

Strákarnir í 6.flokki drengja B-liða urðu á dögunum Íslandsmeistarar í handbolta. Þeir unnu alla sína leiki í síðustu umferðinni sem haldin var á Akureyri. Þessir drengir eru fæddir 1997 og hafa á að skipa frábæru liði sem leikur hraðann og skemmtilegan handbolta. Þeir unnu tvö mót af fimm og voru með efstu liðum í hinum þremur mótunum og voru með bestan samanlagðan árangur. Á Akureyrarmótinu unnu þeir FH 10-6, ÍBV 12-5, Hauka 10-9 og Gróttu 8-6.

Liðið skipuðu í vetur þeir Ómar Ingi, Oliver, Richard, Elvar, Magnús, Hákon, Símon, Eiríkur, Sindri, Andri Orri og Guðlaugur.

Undankeppni fyrir Evrópumót landsliða í handknattleik skipað leikmönnum 18 ára og yngri lauk um helgina. 8.riðill var leikinn í Reykjavík og átti Selfoss fjóra fulltrúa þá Ragnar Jóhannsson, Guðmund Árna Ólafsson, Bjarka Má Elísson og Einar Héðinsson.

Íslenska liðið er undir stjórn Einars Guðmundssonar og hafði talsverða yfirburði í þessum riðli og unnu alla sína leiki með 12-15 marka mun. Liðið hefur þar með tryggt sér sæti í lokakeppninni um Evrópumeistaratitilinn sem haldin verður í Brno í Tékklandi dagana 8.-17 ágúst n.k

Ísland sigraði Tyrkland 42-27 í síðasta leiknum í undankeppni EM U-18 ára liða karla, en undankeppnin fór fram í Austurbergi nú um helgina. Staðan í hálfleik var 17-11 Íslandi í vil.Fyrir leikinn var ljóst að Ísland kæmist áframá úrslitakeppni EM 18 ára liða sem fer fram í Tékklandi í ágúst, enda sigruðu strákarnir Letta 43-31 á föstudag og Finna 38-24 í gær, laugardag.

U-18 ára karlalandslið Íslands sigraði í dag Finna 38-24 í undankeppni EM U-18 ára liða og tryggði sér með því sæti á úrslitakeppni EM U-18 ára liða sem fer fram í Tékklandi í ágúst. Markahæstir hjá Íslandi voru Aron Pálmarsson með 8 mörk og Sigurður Ágústsson og Ragnar Jóhannsson með 6 mörk hvor. Ragnar átti mjög góðan leik í vörn og sókn. Guðmundur Árni gerði 3 mörk

Íslenska u-18 ára landslið karla hóf í dag leik í undankeppni fyrir EM sem fram fer í Austurbergi í fyrsta leik sínum lögðu strákarnir Lettland að velli 43-31 eftir að hafa verið 21-17 yfir í hálfleik.Selfyssingurinn Guðmundur Árni Ólafsson átti stórleik fyrir íslenska liðið og skoraði mörk í öllum regnbogans litum. Markahæstir hjá Íslandi voru: Guðmundur Árni Ólafsson með 13 mörk og þeir Aron Pálmarsson og Oddur Grétarsson skoruðu 7 hvor. Ragnar Jóhannson skoraði þrjú mörk og Bkarki Már Elísson 2. Einar Héðinsson lék ekki vegna meiðsla Í fyrri leik dagsins lögðu Finnir lið Tyrkja að velli 31-25 eftir að hafa verið 18-13 yfir í hálfleik.

Fyrsti leikur Selfoss í 1. deild verður leikinn í Víkinni mánudaginn 2. í Hvítasunnu þ.e.a.s mánudaginn 12.05 og eru það Víkingar sem taka á móti okkur, en þess má geta að Víkingum er spáð meistaratitlinum í haust.

Opna Norðurlandamót U16 kvenna verður haldið í sumar og er skipulag þess í höndum KSÍ.  Fyrstu leikir mótsins fara fram 30. júní og leikið verður um sæti 5. júlí.  Riðill A fer fram á Suðurlandi og verður leikið víða um Suðurland en riðill B fer fram á Suðurnesjum. KSÍ óskar eftir sjálboðaliðum til að vinna við mótið,  sérstaklega á Selfossi og nágrenni og í Keflavík og nágrenni. Sjá nánar...

Fimmtudaginn 8. maí verður salurinn í Sunnulæk formlega opnaður. Hátíðarganga verður frá Vallaskóla kl. 16:30 og gengið yfir í Sunnulæk. Hátíðarsamkoma verður í Fjallasal þar sem flutt verða ávörp, lúðrasveit spilar og nemendur Sunnulækjarskóla verða með skemmtiatriði.  Að lokum verður fimleikasýning í nýja salnum á vegum fimleikadeildar Umf.Selfoss.  Á samkomunni fær nýji fimleikasalurinn nafn. Að lokinni sýningu verður kaffisala á vegum fimleikadeildarinnar.Við hvetjum alla okkar iðkendur og aðstandendur þeirra til að fjölmenna í gönguna og klæðast Selfossgallanum ef þeir eiga hann. Mæting við Vallaskóla klukkan 16:20. Að sjálfsögðu er öllum velkomið að ganga með okkur yfir. Hefðbundnar æfingar á þessum tíma þ.e. frá kl. 16:00-18 falla niður. Stjórn og þjálfarar fimleikadeildar Umf.Selfoss.

Meistaraflokksliði Selfoss er spáð 6. sæti í 1. deildinni í sumar.  Það er fotbolti.net sem tekur saman spána, en spámenninir eru þjálfarar og fyrriliðar liðana í deildinni.

Hér er linkur á fréttina: http://www.fotbolti.net/fullStory.php?action=viewStory&id=61069

og eins má lesa hana í heild sinni hér að neðan.

Þriðja og síðasta mót TSH-bikarmótaraðarinnar á tímabilinu 2007-2008 fór fram helgina 26.-27. apríl í Íþróttahúsinu við Sunnubraut í Keflavík. Frá Selfossi fóru 13 af 16 keppendum sem tóku þátt í sparring á verðlaunapall. Krakkarnir unnu 4 gull,5 silfur og 4 brons. Einnig hlaut Daníel Jens brons verðlaun í brotum.

Minningarmótið um Magnús Arnar Garðarsson var haldið í íþróttahúsinu Iðu á sumardaginn fyrsta. Öll börn fædd 2000 og eldri tóku þátt í þessum hluta mótsins og var gaman að sjá hvað krakkarnir eru orðnir duglegir. Keppt var eftir byrjendareglum og landsreglum. Á þessu móti hefur verið hefðin að veita viðurkenningar til einstaklinga fyrir framfarir, mætingar og annað  og var það einnig gert nú.

Selfoss tók á móti Fylki á grasvellinum á Stokkseyri í dag. Eftir jafnan fyrri hálfleik tóku Fylkismenn leikinn í sínar hendur og unnu öruggan sigur 0-7. Staðan í hálfleik var 0-2 fyrir Fylki, þrátt fyrir að Selfoss hafi átti fleirri færi í hálfleiknum. Fylkismenn refsuðu fyrir bæði mistök Selfyssinga í hálfleiknum.

Næsti æfingaleikur meistaraflokks Selfoss verður gegn Fylki og verður spilað á morgun laugardag, kl. 11.00 á STOKKSEYRAVELLI. Er þetta fyrsti leikur beggja liða á grasi og þess vegna mjög mikilvægur fyrir liðin og undirbúning fyrir Íslandsmótið sem hefst 13. maí.

Á fundi aðalstjórnar Umf. Selfoss, sem haldinn var í gærkvöldi, var ákveðið að fresta áður auglýstum aðalfundi félagsins til fimmtudagsins 15. maí. Verður aðalfundurinn haldinn í félagsheimilinu Tíbrá og hefst hann kl. 20:00. Ástæða frestunarinnar er sú að samningar við sveitarfélagið eru á lokastigi og er stefnt að því að þeir verði undirritaðir við upphaf aðalfundarins. Samningurinn var samþykktur í aðalstjórn Umf. Selfoss á fundinum í gærkvöldi.

Aldursflokkamót HSK verður haldið á Hvolsvelli (25m útilaug) 3. maí 2008. Upphitun hefst kl. 9:30 en mótið sjálft kl. 10:15.
Sundmenn og -konur verða skráð í þau sund sem henta félaginu stigalega eins og venjulega.
Allir synda með og við reynum AÐ VINNA HSK MÓTIÐ Í ÞETTA SKIPTIÐ.

Strákarnir í unglingaflokki urðu nú fyrir stundu Íslandsmeistarar þegar þeir unnu Hauka 33-30 í úrslitaleik. Selfoss hafði forustu nær allan leikinn og unnu verðskuldað. Glæsilegur árangur hjá frábæru SELFOSSLIÐI. Meira síðar..

Meistaraflokkur Selfoss leikur æfingaleik við KR mánudaginn 28. april kl 19.00. Það verður gaman að sjá strákana spreyta sig gegn meistaraefnunum úr Vesturbænum. Nú er um að gera að fjölmenna á völlinn á mánudagskvöldið og sjá strákana leika gegn einu besta liði landsins.

Í dag kl. 16.30 fer rúta frá Vallaskóla stundvíslega. Handboltaáhugafólk getur þá fengið FRÍTT far með þessari sömu rútu og séð úrslitaleik Selfoss og Hauka í 3. flokki í handbolta. Sá leikur hefst kl. 18.00 í Austurbergi. Við hvetjum alla stuðningsmenn að grípa þetta tækifæri og hvetja strákana til sigurs. Áfram Selfoss!

Skemmtilegt viðtal sem fotbolti.net tók við Ingó Tóta. Hér er linkur á viðtalið, sem er líka birt í heild sinni í glugganum fyrir neðan. http://www.fotbolti.net/fullStory.php?action=viewStory&id=60747

Yngri flokkarnir hjá knattspyrnudeildinni verða í fríi á morgun, fimmtudag- SUMARDAGINN FYRSTA!

Ef eitthvað er óljóst er um að gera að hafa samband við þjálfara sem fúslega veita upplýsingar.

Gleðilegt sumar og allir út í fótbolta!

Kv. unglingaráð og þjálfarar.

Strákanir í 2. flokki tóku á móti ÍA á gervigrasinu á Selfossi í kvöld. Leikurinn var ágætlega leikinn og á köflum sáust góð tilþrif hjá báðum liðum.  Það fór þó svo að Skagamenn unnu með tveimur mörkum gegn einu. Mark Selfoss skoraði Hartmann Antonsson.

Selfoss mætti úrvalsdeildarliði Grindavíkur á gervigrasvellinum í gærkvöldi.  Selfyssingar komu mun beittari til leiks og eftir 10 mínútur skoraði Sævar Gíslason mark, sem var dæmt af. Í fyrstu sókn Grindavík varði Elli vel en meiddist við það og þurfti að fara af velli. Skömmu seinna skoraði Viðar Kjartans fallegt mark með skoti fyrir utan teig.

Selfyssingar tóku á móti Grindavík á gervigrasinu í kvöld. Selfoss var betri aðilinn og vann leikinn 3-1 með mörkum frá Viðari Kjartans, Sævari Gíslasyni og Einar Ottó Antonssyni. (Umfjöllun væntanleg).

Í gærkvöldi léku Selfyssingar gegn FH hér heima í Vallaskóla. Hafnfirðingar áttu ekki mikið í ákveðna heimamenn og lauk leiknum með tíu marka sigri okkar manna, 42-32 eftir að okkar menn leiddu í hálfleik 21-13.

Umfjöllun væntanleg.

Mikill eftirvænting er í hópnum fyrir keppnina í dag en fyrsta áhald stelpnanna er klukkan 13:30 á norskum tíma.  Komnar eru myndir inná blogsíðuna þeirra endilega kíkið! http://selfoss-t1.blogcentral.is/ 

ÁFRAM SELFOSS

Kl. 19:15 í kvöld mæta Selfyssingar FH-ingum í 1. deild karla. Hafnfirðingar hafa nú þegar unnið sig upp í efstu deild og óskum við þeim til hamingju með að vera orðnir deildarmeistarar. Við hvetjum okkar FRÁBÆRA stuðningsfólk að mæta á pallana og öskra strákana okkar áfram. Vonandi fáum við jafn kröftugan leik og á móti ÍR-ingum um daginn. Það fer enginn frá Selfossi með tvö auðveld stig.

Faxaflóamótin eru í fullum gangi. Svo virðist sem Selfoss-liðin komi vel undan vetri þrátt fyrir heldur daprar æfingaraðstæður á gervigrasinu sem varla sást í svo vikum skipti vegna snjóalaga í vetur.

5.flokkur kvenna er þar engin undantekning en stelpunum hefur gegnið vel í sínum leikjum.

Í leik Selfoss og Víkings á föstudaginn síðastliðinn fengu tveir Selfyssingar rautt spjald. Ramunas Mikalonis elsti leikmaður Selfyssinga og Sebastían Alexandersson þjálfari liðsins.

Þeir verða því í banni í leiknum á föstudaginn kemur. Sá leikur er hér heima gegn toppliði FH.

Handknattleiksdeildin ætlar nú einu sinni í viku að birta gamlar myndir úr starfi deildarinnar. Myndin sem ríður á vaðið var tekin þegar Ramunas Mikalonis skrifaði undir samning við Selfoss í maí árið 2000. Ramunas hefur verið á Selfossi allar götur síðan, er sestur hér að og fyrir löngu talinn Selfyssingur. Þess má geta þó myndin sé í svart/hvítu voru komnar litaljósmyndir á þessum tíma. Jón Ragnar var formaður á þessum tíma og er unglegur að sjá.

HSK-mótið í fimleikum verður haldið í íþróttahúsi Vallaskóla laugardaginn 3.maí 2008. Skráningar berist á netfangið steinunnh@internet.is 

Helgina 5.-6. apríl fór fram Meistaramót Íslands 12-14 ára í frjálsum íþróttum í frjálsíþróttahöllinni í Reykjavík. Skemmst er að segja frá því að krakkarnir okkar stóðu sig alveg frábærlega. 12 ára stelpurnar okkar urðu Íslandsmeistarar í sínum flokki með miklum yfirburðum og mörg met féllu á mótinu en flestir keppendur voru að bæta árangur sinn verulega í mörgum greinum.

Selfoss kepptu sem gestir á Stjörnutrompi sem fram fór í Ásgarði í dag sunnudag.  Þær keyrðu æfingar sínar sem og Gerplustúlkur og voru alþjóðlegir dómarar að dæma æfingar þeirra til undirbúnings NM.  Mikið stress og þreyta var í hópnum en mikill spenningur er vegna Norðurlandamótsins.  Þær áttu samt sem áður ágætis dag og voru með næsthæsta skorið sitt í vetur eða samtals 22,3 stig.  Með því að keyra æfingarnar í dag undir pressu er enn hægt að fínpússa í vikunni fram að brottför og toppa á réttum tíma eða um næstu helgi í Bergen.  Miðvikudaginn 16.apríl eru stelpurnar með opna æfingu frá klukkan 18-20 í Sunnulækjarskóla en þar gefst fólki kostur á að sjá þær og hvetja. 

Stúlkurnar halda erlendis aðfaranótt fimmtudagsins 17.apríl.

Selfoss og Gerpla eyddu föstudeginum 11.apríl saman í samæfingu og óvissuferð. Gerplustúlkur sóttu Selfoss heim og byrjaði það með ljósmyndamaraþoni. Stúlkurnar þrömmuðu um bæinn klæddar kúrekafötum og tóku myndir af hinu og þessu.  Eftir ljósmyndunina sem tókst einstaklega vel lærðu þær kúrekadans undir stjórn Olgu á skólalóð Sandvíkurskóla með tilheyrandi undirspili.  Þá var haldið á æfingu í nýja salinn þar sem liðin skiptust á að keyra æfingarnar sínar með tilheyrandi hvatningarópum og svo var endað á matarveislu í Tíbrá og hlegið að myndunum.  Dagurinn heppnaðist vel og voru stúlkurnar kátar með daginn. 

Knattspyrnudeild Selfoss mun halda knattspyrnumótið Meistaradeild Olís í fjórða skipti í sumar og er mótið alltaf að verða flottara. Fer mótið fram helgina 8-10 ágúst á Selfossi og er ætlað fyrir stráka í 5. flokki. Aðeins verður tekið á móti 48 liðum eins og í fyrra og þar af leiðandi borgar sig að skrá sitt lið tímanlega, því eins og allir vita, vilja allir bestu fótboltamennirnir spila í meistaradeildinni. Félög sem mæta með 3 lið eða fleiri fá frítt hótelherbergi fyrir þjálfarann.

Sólin skein í allan dag og var það í fyrsta sinn í fjóra daga, Viðar og Siggi æfðu eðlilega ekki neitt, enda alltaf hægt að fara í fótbolta.  Reyndar fannst mér, þegar ég leit yfir hópinn í kvöldmatnum að þeir Viðar Örn Kjartansson og Samúel Ochieng Sewe héfðu tekið mestan lit.

Hér eru myndir sem Kristinn R. Ólafsson, okkar maður á Spáni, tók fyrir okkur af meistaraflokknum á æfingu á Spáni. Ekkert smá flottir í nýja æfingasettinu.

Þeir Sigurður Már Guðmundsson, Árni Steinn Steinþórsson og Matthías Örn Halldórsson voru valdir í landsliðshóp pilta fæddir 1991. En liðið kemur saman nú um helgina til æfinga. Áður höfði þeir Ragnar Jóhannsson, Guðmundur Árni Ólafsson, Bjarki Már Elísson og Einar Héðinsson verið valdir í landsliðið leikmann fæddir 1990.

Fjöldi fólks á besta aldri stundar nú fimleika einu sinni í viku í íþróttahúsinu við Sunnulæk undir leiðsögn Sigríðar Ó. Harðardóttur og Lindu Ó. Þorvaldsdóttur. Aðsóknin hefur farið fram úr björtustu vonum og mæta milli þrjátíu og fjörtíu manns á hverja æfingu. Æfingarnar eru þannig uppbyggðar að eftir góða upphitun með styrktarþjálfun er farið í ýmsar grunnæfingar fimleika í stöðvaformi. Hópurinn er mjög fjölbreyttur, byrjendur sem og lengra komnir og æfir hver á sínum hraða. Æfingar eru á miðvikudagskvöldum frá 20:00-21:30.

Talvan á hótelinu er ekki að standa sig nógu vel. Hún hefur krassað tvisvar þegar ég hef verið búinn að skrifa smá ritgerð. Óskar og hótelstjórinn áttu snarpann fund í dag. Ég dreg tungumálakunnáttu Óskars ekki í efa, en ég held að það hljóti að vera misskilningur að Óskar eigi að leika í auglýsingu fyrir ABS hjálparstarfið. Óskar er núna að æfa sig í að segja ‘‘öll börn eiga skilið tækifæri‘‘ á spænsku.

Við höfum ákveðið að skyggnast ítarlega á bakvið tjöldin hjá þessum örfáu "gamlingjum" sem eru í Selfossliðinu í dag. Mönnum sem eru nýhættir eða að stíga sín síðustu spor í boltanum. Það er komið að þeim síðasta. Áður höfum við tekið þá Sebastian og Arnar en núna er það Ramunas Mikalonis.

Fimleikadeild Umf.Selfoss stendur á tímamótum í dag. Mikil eftirvænting ríkir hjá iðkendum og þjálfurum deildarinnar að hefja æfingar í dag við bestu mögulegu aðstæður. Í gærkvöldi lauk vinnu við að setja niður gryfjur og stórt trampólín í gólfið í sal Sunnulækjarskóla og voru foreldrar NM-fara mættir til að hjálpa til við síðustu handtökin. Óhætt er að segja að vel hefur tekist til með aðstöðuna og eru spennandi tímar framundan hjá öllum þeim sem að fimleikadeildinni koma. Hægt er að sjá myndir inná ýmsar fimleikamyndir á fimleikasíðunni.

Á laugardaginn lék 92-lið Selfoss gegn Víkingum í Víkinni. Selfyssingar unnu örugglega 16-25 eftir að hafa leitt 7-10 í hálfleik. Getumunur liðanna er talsverður og fengu menn að spreyta sig í hinum ýmsu stöðum sem þeir eru ekki vanir. 92-liðið hefur leikið vel í vetur og bætt sig jafnt og þétt sem einstaklingar og ekki síst sem lið.

Enn gengur allt eins í sögu á Spáni hjá strákunum í meistaraflokki Selfoss og ekki von á öðru en að það haldist óbreytt.

Leikurinn var frábær skemmtun fyrir þá 412 áhorfendur sem mættu á leik liðsins gegn ÍR síðastliðinn föstudag. Stemmningin og stuðningurinn frábær og ekki vantaði dramatíkina heldur. Allir 4 leikir liðanna hafa verið svona spennandi og úrslitin ráðist á síðustu augnablikunum.

HSK-mót í handbolta í 5. flokki karla fór fram í Iðu laugardaginn 5. apríl. Tvö lið sendu samtals sex lið til leiks. Selfoss var með fjögur lið og Dímon tvö. Aku þess kepptu ÍR-ingar sem gestir með tvö lið. Liðunum átta var skipt í tvo riðla og var keppt um sæti að lokinni riðlakeppni. Selfoss A endaði sem HSK-meistari eftir góðan 12-5 sigur á ÍR A. Mótið fór mjög vel fram og skemmtu strákarnir sér hið besta. Úrslit urðu eftirfarandi:

Baldur Þór meiddist illa í leik gegn Gróttu á dögunum. Skoðun hefur nú leitt í ljós að hann er með slitið krossband og rifinn liðþófa í hægra hné. Ekki er vitað hversu fljótt hann kemst í aðgerð en við vonum að hann nái sér sem fyrst sjálfs síns og liðsins vegna.

Eftir fremsta megni mun ég undirritaður skrifa einhvers konar vísi af dagbók, með því helsta sem gerist í æfingaferd meistaraflokks Selfoss sem nú stendur yfir.

Á síðastliðnu Íslandsmeistaramóti í júdo keppti Árný Rún Helgadóttir á sínu fyrsta móti utan félags. Árný er úr Hveragerði og hefur sótt æfingar hjá deildinni um nokkurt skeið. Hún stóð sig vel og kom heim með bronsverðlaun. Í ljósi þess að það er orðin nokkur tími síðan stúlka keppti síðast fyrir deildina og fór á pall, þá eru þetta ánægjulegar fréttir. Við óskum Árnýju Rún til hamingju með áfangann.

Leik Selfossliðanna sem átti að vera á sunnudag hefur verið frestað til fimmtudagsins 10. apríl kl. 20:30 vegna landsliðsæfinga hjá U-90 og vegna útileiks í 2. flokki sem er móti Stjörnunni á sunnudaginn. Það er frestaður leikur frá síðsutu helgi.

Í gærkvöldi fóru strákarnir í sinn síðasta útileik í deildinni og höfðu sigur 28-34. Þeir unnu því 7 útileiki, gerðu 1 jafntefli og töpuðu 1. Strákarnir unnu alla heimleikina sína og eiga einmitt 2 heimaleiki eftir í deildinni. Sigur í öðrum þeirra tryggir þeim Deildarmeistaratitilinn. Leikurinn í gær..

Laugardaginn 12. apríl er félögum í HSK boðið að vera með í fimleikafjöri sem stúlkurnar úr HM1 á Selfossi standa fyrir. Fimleikafjör er þáttur í fjáröflun stúlknanna sem munu fara þann 17. apríl n.k. út til Noregs og keppa fyrir Íslands hönd á Norðurlandamóti juniora. Yfirumsjón með FJÖRINU hafa Sigga, Olga og Linda Ósk þjálfarar stúlknanna. Fimleikafjörið er frá kl. 13:30 – 16:30 og kostar æfingin 1500 kr. og greiðist það á staðnum. Skráning er hjá Olgu yfirþjálfara deildarinnar (olgab@khi.is).

Meistaraflokkur Selfoss fer á laugardaginn í sína árlegu æfinga- og keppnisferð. Að þessu sinni verður haldið til Isla Canela á Spáni og verða strákanir í eina viku við æfingar og keppni. Æft verður tvisvar á dag og verða leiknir tveir æfingaleikir. Fyrri leikurinn er við Bikarmeistara FH og fer hann fram á mánudag. Seinni leikurinn fer fram á fimmtudag og er hann gegn Ayamonte, utandeildarmeisturum suðurdeildar á Spáni. Fréttir af ferð strákana og úrslit leikjana munu birtast hér á vefnum og einnig á vefnum selfossfc.com. Hér að neðan má sjá ferðaplanið. 

Tékkinn Michal Dostalic línumaður Selfyssinga hefur verið úrskurðaður í tveggja leikja bann af aganefnd HSÍ. Michal fékk rautt spjald í haust í leik gegn Haukum og fór þá í eins leiks bann.

Æfing hjá 8. flokki sem átti að vera í Iðu miðvikudaginn 2. apríl kl. 17:15 fellur niður. Þjálfari.

Aðalfundur fimleikadeildar UMFS verður haldinn fimmtudaginn 10. apríl kl. 20.00 í Tíbrá. Á dagskrá eru hefðbundin aðalfundarstörf. Allir velkomnir. Stjórn Fimleikadeildar UMFS

Undirbúningur stúlknanna í HM1 í fimleikunum fyrir Norðurlandamótið gengur ágætlega.  Stelpurnar eru þó í erfiðum aðstæðum vegna framkvæmda við Sunnulækjarhúsið. Síðastliðinn laugardag var samæfing hjá Selfossi og Gerplu í Versölum og gekk sú æfing ágætlega. Stúlkurnar eru að kynnast og mynda góðan móral fyrir keppnina.

Hópur HL3 sem á að vera á æfingu frá 18:30 í dag mánudag fellur niður vegna framkvæmda.  Reiknað er með að framkvæmdum ljúki í byrjun næstu viku.

Síðasta laugardag komu Framarar í heimsókn til að spila við 90 liðið í 3. flokki. Leikurinn var hvorki skemmtilegur á að horfa né vel leikinn en Selfoss vann 36-30 eftir að hafa verið 20-17 yfir í hálfleik. Langt er síðan liðið hefur spilað svona illa en kosturinn er sá að liðið vann engu að síður og fékk nauðsynlega áminningu fyrir lokasprettinn.

Við kíkjum á hina hliðina á Ómari Vald að þessu sinni. Ómar er aðstoðarþjálfar hjá meistaraflokki. Hann er einn reynslumesti knattspyrnumaður sem Selfoss hefur alið og er það mjög dýrmætt fyrir ungu strákanna að hafa Ómar í brúnni. Ómar hóf sinn feril og lauk honum sem leikmaður hjá Selfossi. Í millitíðinni var hann fyrrilið Fylkis. Fótboltagenin virðast erfast, því dætur hans eru ekki síður góðar í fótbolta en pabbinn. Það er því eindregin ósk knattspyrnuráðs Selfoss að Ómar geti fleiri börn! Kíkjum á hvað Ómar hefur að segja......

Selfoss tapaði síðasta leik sínum í Lengjubikarnum, en sá leikur var gegn íslandsmeisturum Val.  Leikar enduðu 2-4 og voru það Sævar Þór Gíslason og Boban sem skoruðu mörk Selfyssinga.  Valsmenn voru betri mestan hluta af leiknum, en Selfyssingar áttu sína spretti í leiknum.

Selfyssingar fengu í dag góðan liðsstyrk þegar Henning Jónasson kom til þeirra frá KR. Henning lék fimm leiki í Landsbankadeildinni með KR síðastliðið sumar og skoraði í þeim eitt mark, en í félagsskiptaglugganum var hann lánaður í Selfoss og átti mikinn þátt í að hjálpa liðinu að komast upp í 1.deild.

Stelpurnar í 2.flokki kvenna hafa undanfarið verið að spila í Faxaflóamótinu. Þeim hefur gengið mjög vel og m.a. verið að sigra með allt að 9 marka  mun....

Faxaflóamótið er hafið af fullum krafti. Á laugardagsmorgun lögðu galvaskar Selfoss- stelpur í rokkbæinn Keflavík og má segja að þar rokkuðu Selfossstelpunar mest af öllum..

Íslandsmeistaramót JSÍ yngri en 20 ára var haldið daganna 14. og 15. mars síðastliðinn.  Júdodeild UMF Selfoss sendi 18 keppendur á mótið og stóð hópurinn sig mjög vel og kom heim með hvorki meira né minna en 6 gull, 3 silfur, 4 brons og einn eignabikar !  Frammistaða hópsins var eftirfarandi:

Á föstudagskvöld sóttu Selfyssingar Gróttumenn heim á Seltjarnarnes. Leikir liðanna hafa hingað til  einkennst af mikilli baráttu og bakhrindingum. Leikurinn í kvöld var enginn undantekning á því.

Leikur Selfoss við Íslandsmeistara Vals sem fyrirhugaður var á Selfossvelli hefur verið færður í Egilshöll í Grafarvogi. Leikurinn, sem er síðasti leikur liðana í A riðli 1. deildar Lengjubikarins, verður föstudaginn 28. mars kl. 21.00. Eru allir Selfyssingar hvattir til að mæta og sjá snillingana okkar taka á Íslandsmeisturunum.

Selfoss-91-liðið sótti hið sterka og sigursæla lið FH heim í gærkvöld. FH-liðið er eitt það besta á landinu og hefur unnið marga titla, hvort sem er á Íslandi eða erlendis. Því var alveg ljóst að um erfiðan leik yrði að ræða fyrir okkar stráka.

Einhverjar raskanir kunna að verða á fimleikaæfingum næstu daga. Alla vega verða þær ekki með hefðbundnu sniði þar sem verið er að setja upp gryfjur og trampólín í fimleikasalnum .  Æfingar hafa verið felldar niður í dag hjá hópum HL2 og HL7.  Æfing hjá G1 fellur niður á morgun fimmtudag 27.mars  frá kl. 13-14. Foreldrum er bent á að fylgjast með inn á heimasíðunni eða hafa samband við þjálfara vegna nánari upplýsinga.

Hornamaðurinn knái Guðmundur Árni Ólafsson lék með unglingalandliðið Íslands skipað leikmönnum fæddir 1988 og síðar um páskana. En Guðmundur er fæddur árið 1990 og er því að ,,spila upp fyrir sig”. Liðið tók þátt í undankeppni fyrir heimsmeistaramótið sem haldið verður í Rúmeníu í sumar.

Í þessari viku kíkjum við á hina hliðina á Elvari Gunnarssyni.  Elvar átti eins og margir ungir drengir þann draum heitastann að verða atvinnumaður í knattspyrnu, en á 24 aldurs ári gaf hann drauminn upp á bátinn eftir að hafa aldrei spilað meistaraflokksleik.  Elvar hefur mikið vit á fótbolta, en þegar kemur að þeim enska er eins og allar rásir stíflist....kíkjum á hvað Elvar hefur að segja.........

Þann 22. mars síðastliðinn þreytti Daníel Jens Pétursson svartbeltapróf 1. dan í taekwondo. Einnig þreytti þjálfari Daníels, og yfirþjálfari taekwondodeildar Umf. Selfoss Magnea Kristín Ómarsdóttir 2.dan próf og stóðust þau bæði með mikilli prýði.

B-lið 4. flokks spilaði tvo leiki fyrir páska. Í þeim fyrri gerðu strákarnir jafntefli við hörkusterkt lið KA 18:18, en töpuðu þeim síðari í mjög döprum leik gegn HK 18:22.

Á skírdag fór 17 manna hópur frá taekwondodeild Selfoss og þreyttu beltapróf í Reykjavík. Master Sigursteinn Snorrason 5. dan gráðaði nemendur allt frá gulri rönd upp í rautt belti. Er skemmst frá því að segja að allir nemendur Umf. Selfoss stóðust prófið með prýði.

Aron Bragason 13 ára vann til gull verðlauna á Íslandsmótinu í Sparring í minior flokki. Daníel Jens Pétursson 17 varð í öðru sæti í junior flokki. Daníel Jens var einnig valinn keppandi mótsins í junior flokki.

Allir yngri flokkar knattspyrnudeildar eru nú komnir í páskafrí. Æfingar hefjast að nýju á sama tíma og skólarnir.

Um helgina sem leið þá fór 2. flokkur til Eyja að spila við ÍBV. Á dagskránni voru 2 leikir. Frábært veður gerði það að verkum að flugfært var allla helgina. Báðir leikirnir unnust en ferðin er samt athyglisverð fyrir þær sakir að engir voru dómararnir frá HSÍ. Þarna er þó ekki við mótanefnd að sakast því að allir dómarar sem hún talaði við neituðu verkefninu þrátt fyrir að það væri fært með flugi. Það er engan veginn boðlegt í 2. flokki karla.

Selfoss lék á móti ÍBV í Reykjaneshöllinni í fjórðu umferð Lengjubikarins á sunudaginn. Leikurinn var jafn og spennandi lengst af og á köflum leikinn ágætis fótbolti. Eyjamenn byrjuðu betur og áttu tvö góð færi á fyrstu 10 mínútunum sem þeir nýttu ekki. Eftir það tóku Selfyssingar yfirhöndina í leiknum. Það voru þó Eyjamenn sem skoruðu fyrsta markið eftir að hafa stolið boltanum á vallarhelmingi Selfyssinga. Skömmu síðar jafnaði Einar Ottó og var staðan 1-1 í hálfleik.

Leikur KA gegn 91-strákunum var spennandi og einkenndist af mikilli baráttu. Selfyssingar léku án Þórs Davíðssonar sem komst ekki í tæka tíð í leikinn þar sem júdómót er hann tók þátt í tafðist frameftir degi. Þór vann gull á mótinu og er honum því fyrirgefið. Okkar menn byrjuðu leikinn hörmulega og komst KA í 2-7 og 3-9. Á þeim kafla varð Selfoss fyrir áfalli er Andri Hrafn Hallsson fór úr axlarlið í annað sinn á hægri hönd eftir um sex mínútna leik. Selfyssingar tóku við sér og náðu að jafna í 11-11 fyrir leikhlé.

KA-menn komu í heimsókn á laugardaginn og léku tvo leiki gegn 3. flokks liðum okkar Selfyssinga. Fyrst léku þeir gegn 90-liðinu og varð sá leikur aldrei spennandi né skemmtilegur. KA-menn ákvaðu að leika með varamenn sína í þeim leik til að hvíla lykilmenn gegn 91-liðinu sem þeir áttu að leika gegn síðar um daginn. Einstaklega furðuleg ráðstöfun verður að teljast, að stilla upp varaliði gegn einu besta liði landsins.

Í dag kíkjum við á hina hliðina á eyjastelpunni Eddu B. Eggertsdóttur.  Hún þjálfar litlu stelpunar í fótbolta og hefur gert það með glæsibrag, mjög góð að miðla af reynslu sinni, enda margfaldur Íslandsmeistari í boltaíþróttum. Kíkjum á hvað Edda hefur að segja....

Selfyssingar taka á móti ÍBV í Reykjaneshöllinni í gömlu Keflavík sunnudaginn 16. mars kl 12.00. Liðin leika í A deild í 1. riðli í Lengjubikarnum.

Aðalfundur sunddeildar Umf. Selfoss var haldinn í gærkvöldi. Í skýrslu stjórnar kom fram að starfið hefur verið blómlegt og vaxið á árinu. Rætt var um fjáraflanir, keppnisferðir, þjálfun, foreldra- og félagsstarf, búningamál o.fl. Reikningar deildarinnar voru lagðir fram ásamt fjárhagsáætlun þessa árs. Fram kom að sunddeild var rekin með hagnaði síðasta ár. Guðmundur Jóhannesson var kosinn formaður sunddeildar og er hann eini karlinn í átta manna stjórn deildarinnar.

Sunnudagana 30. mars og 6. apríl næstkomandi kl. 10.00-16.00 verður verklegt námskeið í Íþróttaakademíunni í Reykjanesbæ. Námskeiðið er ætlað öllum sem leiðbeina í styrktarþjálfun, svo sem einkaþjálfurum, íþróttakennurum og þjálfurum. Fróðleiksþyrstum einstaklingum sem hafa mikinn áhuga á styrktarþjálfun er einnig frjálst að koma. Sjá nánar...

Í gærkvöldi spilaði 3 fl. 90 árg. loksins aftur eftir tæplega mánaða pásu. Mótherjarnir voru FH2 en þeir hafa staðið sig vel á heimavelli í vetur. Okkar strákar leiddu í hálfleik 11-18 og unnu svo sannfærandi sigur 20-40.

Fyrstu heimaleikir 5. flokks kvenna í Faxaflóamótinu verða sunnudaginn 16. mars kl. 11:00. Mæting í Tíbrá kl. 10:15. Spilað er á gervigrasinu og verður spilað 2x 25 mín. Mikilvægt er að vera klædd eftir veðri og ekki síður mikilvægt er að hafa borðað góðann morgunverð fyrir mætingu. Við erum skráð með eitt A- lið á Faxaflóamótinu og fá allar að spila

Strákar fæddir 1991 unnu í gær félaga sína í gær fædda 1992 með níu marka mun, 35-26. Í hálfleik stóðu leikar 15-11 fyrir eldra árið. Leikurinn gekk vel og tókust menn vel á í mesta bróðerni þó. Nokkur munur er á líkamlegum styrk á milli liðanna og vóg það þungt. Ýmsir hlutir voru æfðir í leiknum sem og útfærð ný varnarafbrigði. Gekk það allt saman vel og verða þeir hlutir án efa framkvæmdir í komandi leikjum liðanna.

Tímaáætlun vegna ÍM 2008 yngri en 20 ára. Vegna mikillar þáttttöku, um 150 keppendur og fermingar hjá einhverjum á sunnudag hefur verið ákveðið að skipta mótinu á tvo daga og þeir sem eru á fermingaraldri keppa fyrstir. Mótið verður haldið í Júdódeild Ármanns í Laugardal föstudaginn 14. og laugardaginn 15. mars. Sjá nánar hér fyrir neðan...

Við höfum ákveðið að skyggnast ítarlega á bakvið tjöldin hjá þessum örfáu "gamlingjum" sem eru í Selfossliðinu í dag, mönnum sem eru nýhættir eða að stíga sín síðustu spor í boltanum. Nú er komið að þeim næsta.

Í dag kl 17.30 verður æfingaleikur á milli 91-liðsins annars vegar og 92-liðsins hins vegar. Fróðlegt verður að sjá hvort stubbarnir í 92-liðinu stríði hrímþursunum í eldra liðinu. Hart verður barist, flestir spá eldra liðinu sigri en spurning er hvað dómarinn Jón blindi gerir? Mun hann halda með yngra liðinu? Ef svo verður, hvernig bregðast þá þursinn við?

Það er Agnar Bragi Magnússon sem sýnir hina hliðina í dag. Agnar kom að láni frá Fylki í fyrra og líkaði svo vel að hann skipti yfir í Selfoss í byrjun árs. Agnar hefur farið vel á stað í vorleikjunum og skoraði m.a í leiknum við Blika. Hann hefur staðið vörnina með miklum sóma og verður eflaust einn af hlekkjum Selfossliðsins á næsta ári. Það er nokkuð ljóst að mamma hans hefur ekki reiknað með að hann yrði svona stór þegar hún skráði hann í dansskóla Heiðars Ástvaldssonar, en vonandi fáum við smá dans frá Braga í sumar.... Kíkjum á hvað hann hafði að segja.....

Viðar Örn Kjartansson framherji Selfoss skrifaði undir nýjan tveggja ára samning í dag.  Viðar hefur verið í u-17 ára liði Íslands og æfir nú með u-19 ára landsliðinu. “Viðar hefur styrkt sig mikið, bæði líkamlega og andlega. Hann er mjög einbeitur ungur leikmaður með mikinn metnað og ef hann heldur svona áfram er framtíð hans björt” Sagði Zoran Þjálfari Selfyssinga.

Guðmundur Þórarinsson hefur verið valinn á úrtaksæfingar KSÍ fyrir leikmenn í U17 landsliði Íslands. Í hópnum eru 31 leikmaður frá 17 félögum og er Lúkas Kostic þjálfari. Æfingarnar fara fram í Kórnum 15/3 og í Egilshöllinni 16/3. Gummi hefur verið valinn í þennan hóp í vetur og staðið sig vel.

Íslandsmótið í landsreglum (hópfimleikar) fór fram samhliða íslandsmótinu í Team-gym um nýliðna helgi.  Liðin vinna sér inn þátttökurétt á íslandsmót með árangri á mótum vetrarins en 6 stigahæstu lið á hverju áhaldi næla sér í þátttökurétt.  Selfoss átti tvö lið á trampólíni og í gólfæfingum en eitt lið á dýnu.  Liðin stóðu sig með glæsibrag á öllum áhöldum.  Á trampólíni varð Selfoss 1 í 2.sæti með einkunnina 6,5 og Selfoss 2 í fjórða sæti með einkunnina 6,4.  Á gólfi varð Selfoss 2 í þriðja sæti með 7,6 og Selfoss 1 í 6.sæti með 7,0.  Á dýnu hafnaði svo lið Selfoss í fjórða sæti með 6,5 í einkunn.  Þetta er stórglæsilegur árangur.  Ekki má gleyma því að annað lið Selfoss á gólfi voru stúlkur fæddar 1997 og voru þær yngstu þátttakendurnir sem unnu sér keppnisrétt á stærsta móti ársins. 

Stelpurnar í meistaraflokki Selfoss í hópfimleikum 16 ára og eldri unnu sér inn þátttökurétt á EM í hópfimleikum sem fram fer í Ghent í Belgíu í október.  Íslandmótið í hópfimleikum fór fram um helgina í Ásgarði í Garðabæ og var fyrri dagur mótsins föstudagurinn 7.mars notaður sem úrtökumót fyrir Evrópumótið.  Efstu tvö lið föstudagsins nældu sér í þátttökuréttinn en keppnin var einstaklega jöfn og spennandi.

Selfyssingar fæddir 1991 sóttu Hauka heim á laugardaginn og var búist fyrirfram við hörkuleik. Haukar hafa á einu besta liði landsins á að skipa og eru þar allir leikmenn fæddir 1990. Okkar strákar lögðu sig alla í verkefnið en því miður dugði það skammt.

A lið 4. flokks lék tvo leiki um helgina. Gegn Fylki og Þrótti og báða á útivelli. Báðir unnust þeir örugglega og sigrarnir aldrei í hættu. Fylkismenn voru sigraðir 29-23 eftir að staðan í hálfleik hafi verið 15-11. Þróttarar voru svo teknir örugglega 30-17 eftir að staðan í hálfleik hafi verið 14-7.

Allir leikmenn skiluðu sínu og stóðu sig vel. Það vantar sterka menn í liðið en menn snúa bökum saman og halda áfram. Liðið á nú þrjá leiki eftir og eigir smá glætu á að komast í úrslitakeppnina.

Selfoss og Breiðablik áttust við í þriðju umferð deildarbikarsins á föstudagskvöldið í Kórnum í Kópavogi.  Fyrir leikinn voru Blikar efstir með 6 stig og markatöluna 12-1, en Selfoss var í þriðja sæti með tvö stig og markatöluna 2-2.

Nú um helgina fór fram fjölmennasta íþróttamót á Selfossi á þessu ári, þegar Landsbankamótið í handbolta fór fram á Selfossi. Um 600 keppendur mættu til leiks, 62 lið lið tóku þátt og leiknir voru 140 leikir á þremur dögum. Mótið tókst með afburðum vel, allar tímasetningar stóðust og fjölmargir sjálfboðaliðar unnu frábært starf á mótinu. 50 dómarar dæmdu leikina 140 en þess má geta að þeir voru allir 17 ára og eldri. 55 tímaverðir úr 5. og 4. flokki sá um skráningar.

Mér finnst ég verða að biðja stuðningsmenn okkar og alla Selfyssinga afsökunnar á frammistöðu okkar í leiknum í gærkvöldi. Ég sem þjálfari liðsins verð að bera ábyrgð á þessu "slysi" og skoða það hvað fer úrskeiðis í undirbúningi minna leikmanna fyrir þessa leiki þegar við spilum við liðin í neðri hluta deildarinnar. Það er ekki nóg að spila vel á móti þeim bestu ef að við klárum ekki þau verkefni sem við "eigum" að klára.

Í gærkvöldi fengu okkar menn afar harða lendingu þegar Haukar 2 kipptu þeim niður á jörðina eftir frækin útisigur á ÍR fyrir viku. Ótrúlega léleg frammistaða liðsins í fyrri hálfleik gerði útslagið. Enn einn leikinn byrja okkar menn illa á móti liði úr neðri hluta deildarinnar en í þetta skipti náðu þeir ekki að snúa slakri byrjun í sigur eins og áður í vetur.

Fyrsta útiæfing hjá krökkunum í 8. flokki verður á morgun laugardag kl.10:00 á gervigrasinu við Engjaveg. Mikil spenna ríkir hjá krökkunum og er þetta í fyrsta skipti sem margir prófa að æfa fótbolta úti. Æfingin er liður að því að kynna börnunum íþróttina og aðal reglur hennar. Í 8. flokki eru um 40 krakkar, strákar og stelpur frá 4 til 6 ára. Allir eru velkomnir að koma og fylgjast með.

Selfoss og Breiðablik eigast við í Kórnum Kópavogi í Lengjubikar KSÍ í kvöld föstudaginn 7. mars kl. 21.00.  Breiðablik hefur farið mjög vel af stað í ár og eru þeir efstir í 1. riðli í A. deild. Þeir unnu m.a ÍBV 7-0 í síðustu viku. 

Við ræddum við Sebastian þjálfara Selfoss liðsins fyrir viðureign þeirra við Hauka 2 í kvöld.

Nú fáið þið Hauka 2 í heimsókn verður þetta ekki bara auðvelt? Það er enginn leikur auðveldur. Þeir eru bara misjafnlega erfiðir. Oftast nær stjórnast erfiðeikastuðullinn eingöngu af hugarfari okkar sjálfra.

Okkur á heimasíðunni datt í hug að skoða aðeins á bakvið tjöldin hjá þeim örfáu "gamlingjum" sem eru í kringum hið gríðarlega unga meistaraflokkslið Selfoss. Allir eru þeir nýhættir eða að taka síðustu skrefin sín með Selfossliðinu. Allir eiga það sameinginlegt að hafa lagt sitt af mörkunum við að spyrna Selfossi af botninum og lagt mikið á sig á erfiðustu tímum félagsins við að koma liðinu á þröskuld árangurs.

Lífshlaupið er fræðslu- og hvatningarverkefni ÍSÍ sem höfðar til allra aldurshópa. Selfyssingar eru hvattir til þess að huga að sinni daglegri hreyfingu og auka hana eins og kostur er þ.e. í frítíma, heimilisverkum, vinnu, skóla og við val á ferðamáta. Lýðheilsustöð gefur í fyrsta skipti út ítarlegar ráðleggingar um hreyfingu nú í upphafi árs 2008. Börnum og unglingum er ráðlagt að hreyfa sig í minnst 60 mínútur á dag og fullorðnum í minnst 30 mínútur á dag. Inn á vef Lífshlaupsins er hægt að velja um þrjár leiðir.

Síðastliðinn fimmtudag var stofnuð mótokrossdeild inna Ungmennafélags Selfoss. Er deildin sú níunda sem starfar innan félagsins. Í stjórn voru kosnir Auðun Daníelsson formaður, Andri Ólafsson gjaldkeri, Sigurður Bjarni Richardsson ritari og Daníel Karlsson og Björn Bragi Sævarsson meðstjórnendur. Ýmislegt er á döfinni hjá deildinni, m.a. brautarmál.

Knattspyrnudeild Umf. Selfoss óskar eftir húsgögnum og leirtaui sem fólk er hætt að nota. Það vantar allt og það má vera mikið notað. Best er að hringja í Sveinbjörn í síma 897-7697 og allt verður sótt um hæl. Með fyrirfram þökk, meistaraflokksráð.

Laugardaginn 8. mars fer fram Íslandsmót í hópfimleikum í Ásgarði Garðabæ. Þátttökurétt eiga þau lið sem náð hafa bestum árangri á einstökum áhöldum í vetur. Fjögur lið frá Selfossi hafa tryggt sér rétt til að keppa á mótinu. Á meðfylgjandi skjali má sjá þau lið sem tryggt hafa sér rétt til að keppa á mótinu og hæstu einkunn sem þau hafa fengið á mótum vetrarins. Búast má við spennandi móti hjá TeamGym hópum enda mikið í húfi.  Gerpla P1 náði sigri á Bikarmóti, Selfoss öðru sæti og Gerpla P2 lenti í því þriðja. Munu sömu lið raða sér í verðlaunasætin eða ná Fylkir eða Stjarnan að rugla röðinni? Þrjú efstu liðin frá föstudegi komast áfram með sín stig til keppni á laugardegi.  Á laugardegi keppa einnig blöndu lið frá Stjörnu og Ármanni um Íslandsmeistaratitilinn, sem og karlalið Ármanns.

Knattspyrnudeild Umf. Selfoss óskar eftir efnilegum kvikmyndagerðarmanni eða einhverjum sem vill spreyta sig á vídeó-upptökuvél. Knattspyrnumenn ætla að taka upp eitthvað af leikjum liðsins í deildarbikar og Íslandsmótinu í sumar og gæti þetta verið gaman fyrir áhugamann um fótbolta eða kvikmyndagerð að taka þátt í skemmtilegu uppbyggingar starfi. Áhugasamir hafi samband við Tómas í síma 699-0660.

Selfoss og Grindavík gerðu 1-1 jafntefli í öðrum leik Selfoss í Lengjubikarnum. Bæði liðin fóru upp um deild síðasta haust. Selfoss fór upp í 1. deild, en Grindavík í úrvalsdeild. Selfoss byrjaði leikinn mun betur og komst yfir eftir að Viðar var klipptur niður inn í vítateig. Ingó Tóta fór á punktinn og setti boltann í hægra hornið og kom Selfoss yfir.

Það er ýmislegt fleira sem gerist í fótboltanum en að sparka í bolta því um síðustu 2 helgar hafa fótboltapæjur verið með kvöldvöku í Tíbrá og gistingu og svo aukaæfingu á laugardagsmorgninum.

Á laugardag tapaði 2. flokkur síðasta heimaleik sínum í vetur fyrir Haukum 29-31. Liðið á nú einungis 4 útileiki eftir á þessu tímabili. Liðið hefur hægt og bítandi verið að bæta sinn leik í vetur. Með þessum ósigri er þó ljóst að strákarnir komast ekki í 8 liða úrslit þetta árið. Langflestir leikirnir hafa tapast naumt í vetur eða með 2-4 mörkum. Megin ástæða þess að liðið er ekki í úrslitum er sú að ekki náðist að innbyrða fleiri stig úr jöfnum leikjum.  

Strákar fæddir 1991 í handboltanum á Selfossi gerðu sér aldeilis glaðan dag síðastliðinn laugardag. Leikmenn ásamt þjálfara hittust kl 13.00 í Vallaskóla og horfðu á leik Selfoss og Hauka í 2. flokki. Strax að þeim leik loknum var brunað í Laugardalshöllina og horft á leik Fram og Vals í bikarúrslitum Eimskipsbikarsins.

Yngra árs lið fjórða flokks keppti tvo leiki um helgina, annan gegn Gróttu á útivelli og hinn hér heima gegn HK.  Fyrri leikurinn tapaðist full stórt 31-17, en síðari leikurinn vannst eftir æsispennandi lokamínútu, 28-26.

ÍR og Selfoss mættust í Austurbergi í kvöld og lauk leiknum með sigri Selfoss 31-32 í hörku spennandi leik.Það var spennuþrungið andrúmsloftið í Austurbergi í kvöld þegar ÍR fékk Selfyssinga í heimsókn í toppslag í fyrstu deildinni í kvöld. Selfyssingar höfðu harm að hefna frá fyrri viðureign liðanna á Selfossi og ÍR-ingar ætluðu ekki að láta Selfyssinga koma á sinn heimavöll og taka af sér stig.

Í gær áttust við Selfoss 91 og Stjarnan í 3. flokki á Selfossi. Fyrir stuttu vann Stjarnan allt of stóran sigur á sömu Selfossdrengjum og voru þeir svo sannarlega ekki búnir að gleyma því er leikurinn hófst. Okkar menn náðu fljótlega þriggja marka forystu og bættu jafnt og þétt ofan á hana í fyrri hálfleik.

Á morgun laugardag átti að fara fram fyrsta útiæfingin fyrir 8.flokkkinn. Því miður hefur snjóað mjög mikið og völlurinn er ekki í góðu ástandi. Veðurspáin er ekki hagstæð og er spáð mikilli snjókomu í kvöld sem gerir vonir okkar um útiæfingu að engu.

Helgina 7.-9. mars verður Landsbankamótið í 6.fl. drengja haldið á Selfossi, Mótið er eitt fjölmennasta handboltamót sem haldið hefur verið hér á landi. Handknattleiksdeild Umf. Selfoss heldur mótið sem er hluti af Íslandsmeistaramótinu í 6. flokki drengja. Á Selfoss munu streyma strákar á aldrinum 10-11 ára. Alls eru 57 lið skráð til leiks og búast má við yfir 600 keppendum og öðru eins af foreldrum og liðstjórum

Bæjarstjórn Árborgar hefur boðað til opins fundar fimmtudaginn 28. febrúar kl. 20:00 í aðalsal Hótel Selfoss. Þar verður kynnt ný skýrsla Ræktar ehf. sem fjallar um tillögur í íþrótta- og tómstundamálum 2008-2015. Eru allir áhugamenn innan raða Umf. Selfoss hvattir til að mæta og liggja ekki á skoðunum sínum.

Hér fyrir neðan eru myndir af stelpunum í 5. flokki sem tóku þátt í fjórðu umferð Íslandsmótsins sem haldin var að Varmá í Mosfellsbæ. A-liðið vann alla sína leiki og voru þessar myndir teknar seinni daginn.

Um nýliðna helgi fór fram annað af tveim deildarmótum 5. flokks kvenna í handbolta. Mótið var háð í Mosfellsbæ og fór það mjög vel fram. A-liðið var skipað þeim: Kristínu, Kristrúnu, Hrafnhildi Hönnu, Alexöndru Bíu, Thelmu Björk, Díönu, Esther og Birtu. Stóð liðið sig frábærlega og sigraði alla sína leiki og þar með sína deild. B-liðið var skipað þeim: Auði, Auði, Gerði, Þuríði, Ágústu, Andreu Ýr, Huldu Dís og Hörpu Sólveigu. Liðið vann tvo af fimm leikjum sínum og héldu sæti sínu í 2. deild.

Í vikunni var undirritaður samningur milli Handboltaakademíu Umf. Selfoss og Guðmundar Tyrfingssonar ehf. um samstarf næstu 4 árin. Í samningnum er samið sérstaklega um notkun á bifreiðum með þriggja punkta öryggisbeltum í öllum sætum. Á samningstímanum mun Guðmundur Tyrfingsson ehf. einnig styrkja akademíuna m.a. í formi auglýsingakaupa.

Fjórða keppnishelgi 5. fl. karla og kvenna fór fram um helgina. Mótið var deildaskipt þannig að hvert lið lék 4-6 leiki í sinni deild. Strákarnir spiluðu á Seltjarnarnesi, en stelpurnar í Mosfellsbænum.

Addi þjálfari var í viðtali á handbolti.is í vikunni. Hér kemur það sem Addi hafði að segja við þann ágæta vefmiðil.  ,,Við tókum púlsin á Arnari Gunnarssyni leikmanni Selfoss eða Adda Púng eins og hann er oft kallaður"

Það er Sævar Sigurðsson fyrrverndi þjálfari og framkvæmdastjóri unglingaráðs knattspyrnudeildar og núverandi yfirmaður Kórsins, sem sem hér sýnir á sér hina hliðina. Sævar hefur verið duglegur liðsmaður knattspyrnudieldar og er það enn þrátt fyrir að vera kominn til starfa í Kópavogi og er það brottfluttnum til eftirbreytni.  En það er hreint með ólíkindum að sjá Sævar í fótbolta miðað við að hann byrjaði að æfa 5 ára. Kíkjum á hvað Sævar hefur að segja… 

4. flokkur karla tapaði mikilvægum leik á heimaveli í gær fyrir Fram 22-25 eftir að hafa verið yfir í hálfleik 14-9. Við þetta minkuðu möguleikar liðsins á öðru sætinu í deildinni. Á mjög góðri heimasíðu Fram er mjög skemmtileg umfjöllun um leikinn og flottar myndir. http://www.fram.is/frettir.asp?act=1&nid=3640&did=3

Þeir Guðmundur Þórarinsson og Viðar Örn Kjartansson voru valdir á úrtaksæfingar KSÍ sem fram fara í Kórnum og Egilshöll 1. og 2. mars. Gummi er í U17 hópnum sem Lúkas Kostic þjáfar og Viðar Örn í U19 hópnum sem Kristinn Rúnar Jónsson þjálfar. Alls eru 28 strákar fæddir 1990 og 1991 í U19 hópnum, en 29 strákar fæddir 1992 í U17 hópnum.

Í gærkvöldi fékk Selfoss sína fyrstu rasskellingu á tímabilinu og vonandi þá síðustu í vetur. FH vann 35 - 23 eftir að staðan í hálfleik hafði verið 14 - 11. Selfoss spilaði án Ívars og Mikalonis sem eru meiddir og þá misstu Michal, Atli, Birkir og Halldór allir úr æfingum mest alla vikuna vegna veikinda.

Héraðsþing HSK- fór fram í Þorlákshöfn á laugardaginn. Selfoss átti rétt á 13 þingfulltrúum og mætti að sjálfsögðu með vel mannaða og fullskipaða sveit. Á þinginu fékk félagið afhentan stigabikar HSK fyrir sigur í heildarstigakeppni félaga. Tíu ár eru síðan félagið vann bikarinn síðast. Þá fékk handknattleiksdeildin unglingabikar HSK fyrir frábæran árangur í unglinga og yngri flokkastarfi.

Lið Selfoss HM1 hafnaði í 2. sæti á Bikarmóti FSí sem haldið var á Selfossi laugardaginn 23. febrúar. Liðið átti mjög góðan dag og ógnaði norðurlandameisturum Gerplu sem urðu bikarmeistarar. Í þriðja sæti varð lið Gerplu 2. Lið Gerplu 1 fékk 24,1 stig, Selfoss 22,8 stig og Gerpla 2 20,55 stig. Fyrr um daginn var keppt eftir landsreglum og keppti Selfoss HM2 á því móti.  Stelpurnar stóðu sig rosalega vel, en keppt er á einstökum áhöldum í landsreglum. Lentu þær í 2. sæti á dýnu og í 5. sæti í dansi sem er mjög góður árangur því alls kepptu 16 lið í flokknum.

Selfoss lék sinn fyrsta leik í Lengjubikarnum í gær þegar liðið fór í nýju höllina á Akranesi og keppti þar við Víking frá Ólafsvík. Selfoss byrjaði mun betur í þessum leik og voru sterkari aðilinn allan fyrri hálfleik. Leiknum lauk með jafntefli 1-1, eftir að staðan hafði verið 1-0 fyrir Selfoss í hálfleik.

Selfoss hefur fengið góðan liðsstyrk fyrir komandi keppnistímabil í 1. deild. Markvörðurinn Jóhann Ólafur Sigurðsson er fenginn að láni frá Fylki og einnig hefur Hjalti Jóhannesson gengið til liðsins frá KFS. Jóhann Ólafur lék með Selfossi áður en hann gekk í Fylki. Hjalti hefur undanfarin fjögur ár keppt með KFS, en var áður fastamaður í liði ÍBV.

Bikarmót FSÍ í hópfimleikum verður haldið í íþróttahúsi Vallaskóla á Selfossi laugardaginn 23. febrúar. Mótið verður í tveimur hlutum. Kl. 11:40-14:20 er keppt í landsreglum táninga og fullorðinna (upphitun 9:10-11:15) og kl. 15:45-17:00 verður keppt í teamgym (upphitun 14:20-15:26). Mörg lið hafa skráð sig til keppni. Við hvetjum alla áhugasama til að koma í íþróttahúsið og fylgjast með spennandi og skemmtilegri keppni. Sjá meðfylgjandi keppnisplan. Þess má geta að tvö þátttökuliða, Selfoss og Gerpla, hafa tryggt sér keppnisrétt á Norðurlandamóti jruniora sem fer fram í Bergen 19. apríl n.k.

Í gærkvöld lék 91-lið Selfoss í 3. flokki gegn ÍR í Austurbergi. ÍR skartar fjórum unglingalandsliðsmönnum og telja margir þá vera með sterkt lið. Okkar drengir báru helst til mikla virðingu fyrir ÍR-ingum í byrjun leiks og eftir 20 mínútna leik var staðan 6-11 ÍR-ingum í vil. Lokatölur urðu 28-31 fyrir ÍR.

Selfyssingar, sem undirgangast nú leyfiskerfi KSÍ í fyrsta sinn, hafa skilað fjárhagslegum leyfisgögnum sínum vegna umsóknar um þátttökuleyfi í 1. deild karla 2008, og hefur nú þriðjungur félaganna í 1. deild skilað sínum gögnum. Selfoss varð fjórða félagið af félögunum í 1. deild til að skila inn fjárhagsgögnum. Fjárhagsleg leyfisgögn eru m.a. ársreikningur með fullri áritun endurskoðanda. Skilafrestur var 20. febrúar s.l.

ÍSÍ hefur hleypt af stokkunum nýju og spennandi hvatningar- og átaksverkefni, Lífshlaupið, sem höfðar til allra aldurshópa. Markmið þess er að hvetja landsmenn til þess að hreyfa sig og huga að sinni hreyfingu í frítíma, heimilisstörfum, vinnu, skóla og við val á ferðamáta. Sjá nánar...

Handboltaakademían bauð á dögunum Zoran Ivic, einum af færustu þjálfurum Evrópu hingað til lands til að skoða starfið og skiptast á upplýsingum um ýmsa hluti tengda handknattleiksþjálfun.

Héraðsþing HSK verður haldið í Þorlákshöfn laugardaginn 23. febrúar. Dagskrá þingsins hefst kl. 10:00 og eru þingslit áætluð kl. 18:00. Umf. Sefloss á rétt á að senda 13 fulltrúa á þingið. Hverri deild er ætlað að senda a.m.k. 1 fulltrúa og að auki mæta 3 úr framkvæmdastjórn. Ef einhver áhugasamur félagsmaður hefur áhuga á að mæta sem fulltrúi Selfoss á þingið getur sá haft samband við framkvæmdastjóra félagsins í síma 4822477 eða 8976323. Nánari upplýsingar um þingið má finna á heimasíðu HSK www.hsk.is.

Þann 16.-17. febrúar var haldið Gullmót KR í Laugardalslauginni í Reykjavík. Mótið er næst sterkasta barna- og unglingamót Íslands. Sunddeild Selfoss fór með 8 hressa sundmenn sem bættu sig allir þó svo synt hafi verið í 50 metra laug. En öll áttu þau tíma í 25 metra og 16 metra laug þar sem snúningarnir eru fleiri og tímarnir betri.

Það er Gissur Jónsson sem sýnir okkur hina hliðina í dag. Gissur er fyrirmyndar-nýbúi á Selfoss að öllu leiti, nema hann er með stjórnmálaskoðanir eins og meðal frjálsíþróttamaður. Gissur, ásamt duglegum 2. flokks foreldrum tóku að sér getraunastarfið í haust og eru vægast sagt búin að rífa það upp með ferskum hugmyndum. Gissur svarar spurningum dagsins af hreinskilni og með sínum launhúmor, en fer þó aðeins yfir strikið í seinasta svarinu........ 

Glitnir á Selfossi hefur með sérstaklega myndarlegum hætti ákveðið að styrkja tippara vikunnar þar sem spár eru birtar á íþróttasíðu Umf. Selfoss í Dagskránni. Jafnframt hefur verið gerð smá breyting á þessum skemmtilega leik. Hér eftir munu kynin kljást og verður gaman að sjá hvort kynið hampar tippinu oftar. Ekki verður síðra að fylgjast með hvort konur eða menn skili fleiri krónum til styrktar góðu málefni.

Ívar Grétarsson verður frá æfingum og keppni um óákveðinn tíma eftir að hafa fengið talsverðan heilahristing í síðasta leik við Víking. Vonandi hefur hann sloppið við að fá mar á heilann en næstu dagar munu leiða það í ljós. Við nánari skoðun á upptöku leiksins kom í ljós..

Strákarnir í 90 liðinu mættu ÍR á laugardaginn síðasta. Leikurinn endaði 37 - 29 eftir að staðan í hálfleik hafði verið 15 - 15. ÍR liðið spilaði skynsamlega í fyrri hálfleik og var Selfossliðið í miklum vandræðum á stórum köflum í fyrri hálfleik en..

Síðasta föstudagskvöld vann Selfoss Víking í 1. deild karla 34 - 28 að viðstöddum  328 áhorfendum. Staðan í hálfleik var 14 - 10 okkar mönnum í vil. Þessi sigur er gríðarlega sætur þar sem Víkingur sem er afar vel mannað lið og verið að spila frábærlega síðan í desember undir góðri stjórn Reynis Þórs Reynissonar.

Það var toppslagur í 1.karla í kvöld, þegar Selfyssingar tóku á móti Víking. Leikurinn endaði 34-28. Leikurinn fór hægt af stað og var jafnræði með liðunum framan af. Síðan fóru Selfyssingar að síga hægt og bítandi fram úr og leiddu þeir í hálfleik 14-10. Mikið líf var í heimamönnum og voru þeir einfaldlega sterkari og betri á öllum sviðum handboltans. Það var eins og bikarleikurinn í vikunni sæti ennþá í Víkingunum og náðu þeir aldrei að spila sinn handbolta.

Hildur Öder Einarsdóttir var valin í 23. manna unglingalandsliðshóp sem valin var um helgina. Telma Sif Kristjánsdóttir datt hins vegar úr hópnum en hún var í 30 manna úrtakinu. Þetta er glæsilegur árangur hjá stelpunum og ætti að vera hvatning fyrir þær að ná enn lengra. Hópurinn er eftirfarandi:

Selfoss og ÍH áttust við í Kórnum í Kópavogi í dag.  Selfoss vann leikinn 6-2 og voru strákarnir að spila góðan bolta á köflum.  Mörkin fyrir Selfoss skoruðu: Henning 2. Alli 2, Halli 1 og Sævar 1. 

Þann 26. janúar síðastliðinn tóku níu ungir júdomenn úr júdodeild Umf. Selfoss  þátt í afmælismóti JSÍ í Reykjavík. Mótið, sem var haldið í glæsilegum sal Glímufélagsins Ármans, var bæði fjölmennt og sterkt. Vegna veðurs mættu þó því miður ekki allir keppendur frá Selfossi.   

Unglingadómaranámskeið í knattspyrnu verður haldið á Selfossi í kvöld, fimmtudaginn 14. febrúar kl. 20 í Iðu. Farið verður yfir námsefni og má reikna með að það taki ca. tvo tíma. Viku síðar eða fimmtudaginn 21. febrúar kl. 20 verður létt próf á sama stað. Unglingadómaranámskeið eru opin öllum sem náð hafa 15 ára aldri og hafa brennandi áhuga á knattspyrnu. Ekkert þátttökugjald er á þessu námskeiði. Vonandi sjáum við sem flestar mömmur og pabba. Allir sem hafa áhuga á knattspyrnu eru velkomnir.

Strákarnir í 7. flokki (fæddir 1998) gerðu sér lítið fyrir um síðastliðna helgi og unnu keppni C-liða í 6. flokki !! Þeir hafa unnið alla sína leiki í 7. flokki í vetur, en auk þess taka þeir líka þátt í keppni c-liða í 6. flokki þar sem þeir etja kappi við stráka sem eru einu og tveimur árum eldri en þeir.

Meistaraflokkur Selfoss í knattspyrnu spilaði sinn fyrsta æfingaleik á sunnudaginn, þegar strákannir frá Vestmannaeyjum komu upp á land og hittu okkar stráka í nýju og stórglæsilegu knattspyrnuhöllinni í Kópavogi, Kórnum.

Það er engin annar en Kjartan Björnsson sem sýnir hina hliðina í dag. Kjartan hefur verið duglegur í starfi fyrir deildina. Hann þekktari á velli fyrir flautuna en fima fætur. Hann er líka við það að verða þekktasti vallarkynnir landsins og þar er ótrúlegt innsæi í ættartölu mótherjana hans helsta vopn. Kjartan hefur líka verið duglegur búa til fótboltakrakka og það má ekki vanmeta.....kíkjum á hvað Kjartan hafði að segja....

Bikarmót FSÍ í hópfimleikum verður haldið í íþróttahúsi Vallaskóla á Selfossi laugardaginn 23. febrúar næstkomandi. Mótiið verður í tveimur hlutum, kl. 11:30-14:10 er keppt í landsreglum táninga og fullorðinna (upphitun 9:10-11:15) og kl. 15:40-17:00 verður keppt í teamgym (upphitun 14:10-15:26). Fjölmörg lið hafa skráð sig til keppni. Við hvetjum alla áhugasama til að koma í íþróttahúsið og styðja sín lið. Sjá meðfylgjandi keppnisplan.

Handboltaakademían hefur ákveðið að fá til Íslands erlendan toppþjálfara, Zoran Iviv að nafni, til þess að koma og vera gestaþjálfari hjá sér dagana 13.-17. febrúar. Ivic hefur þjálfað mörg af landsliðum Serbíu og náð þar frábærum árangri.

A lið 4. flokks tók á móti ósigruðu liði Gróttu í miklum toppbaráttuslag í 2. deild nú á sunnudaginn síðasta. Gróttumenn gjörsigruðu okkar stráka í fyrri leik liðanna í vetur og því greinilega erfiður leikur fyrir höndum. Okkar strákar mættu hins vegar fullir sjálfstraust til leiks og gáfu Gróttu strákum ekkert eftir, og var staðan í hálfleik jöfn, 12-12. Síðari hálfleikinn leiddu okkar strákar síðan alveg frá upphafi og uppskáru frábæran sigur á toppliðinu, 25-22, og hefði sigurinn alveg getað orðið stærri.

6. flokkur kvenna í handbolta (stelpur fæddar 1996 og 1997) tóku þátt á deildarbikarbikarmóti sem haldið var af Fylki í Reykjavík. Stelpurnar voru í mjög sterkum riðli og aðeins 2 efstu liðin komust áfram. Á Laugardeginum var spilað í riðlinum og unnu stelpurnar alla leikina í riðlinum.

Það kom þá loks að því að Selfoss vann Aftureldingu í 2 fl. en Afturelding hefur hingað til haft tak á Selfoss undanfarin 3 ár. Í þetta skipti voru okkar menn staðráðnir að kveða burt þessa "grýlu" og gerðu það með glæsibrag. Þeir unnu öruggan sigur 34 - 26 en staðan í hálfleik var 19 - 13 fyrir Selfoss.

Í gærkvöld fór fram fyrri leikur 3.flokks liða Selfoss í handbolta í 1. deild. Fjölmargir áhorfendur lögðu leið sína á völlinn og létu þeir vel í sér heyra. Þessi tvö lið eru skipuð leikmönnum fæddum 1990 Le og 1991.

Meistararmót Íslands í frjálsum íþróttum fór fram í Frjálsíþróttahöllinni 9.-10. febrúar s.l.  Þrír keppendur frá frjálsíþróttadeild Umf. Selfoss tóku þátt í mótinu. Mun fleiri voru skráðir til leiks frá deildinni en veður hamlaði þátttöku þeirra. Ágústa Tryggvadóttir náði góðum árangri á mótinu, en hún vann til tveggja silfurverðlauna og einna bronsverðlauna.

Á laugardaginn náði meistarahópur fimleikadeildarinnar þeim glæsilega árangri að vera valinn til að keppa fyrir Íslands hönd á Norðurlandamóti í hópfimleikum, 18 ára og yngri.  Eftir hörkukeppni varð lið Umf. Selfoss í öðru sæti á unglingamóti FSÍ sem fram fór á laugardaginn og vann sér þar með rétt til að keppa fyrir Íslands hönd á Norðurlandamóti sem fram fer í Bergen í Noregi hinn 19. apríl nk.

Nú í vikunni verður litla íþróttahúsið við Sunnulækjarskóla tekið í notkun hálfum mánuði eftir að íþróttakennsla hófst þar af einhverjum ástæðum. Það þýðir að fimleikadeildin flytur alla sína starfsemi í nýja húsið og handknattleiksdeildin veður eingöngu með sínar æfingar í íþróttahúsi Vallaskóla.

Við tókum stutt viðtal við við Sebastian Alexandersson fyrir viðureign ÍR og Selfoss í 1. deildinni sem fer fram í kvöld, mánudag. Sebastian var spurður hvort þetta yrði ekki bara auðvelt. Auðvelt er afstætt hugtak. Síðast þegar við mættum þeim í Austurbergi þá var þetta frekar auðvelt fyrir okkur, en alls ekki fyrir dómarana sem því miður fóru á taugum síðustu 15 mín. leiksins. Þegar við spiluðum við þá hér á Selfossi þá var þetta frekar auðvelt fyrir þá nema að þeir gátu bara ekki skorað hjá mér af neinu viti.

Meistaraflokkur Selfoss í knattspyrnu spilar sinn fyrsta æfingaleik sunnudaginn 10.febrúar í Kórnum í Kópavogi og er um að gera fyrir stuðningsmenn Selfoss að taka sunnudagsbíltúrinn í Kópavog.

Síðastliðinn miðvikudag vann Selfoss lið Fjölni 35-10 eftir að staðan í hálfleik hafði verið 14-4. Leikurinn fór fram í Grafarvogi og var aldrei spurning hvort liðið færi með sigur af hólmi. Sveinn (Sven Hassell) varði vel í markinu og Anton skoraði 15 mörk í leiknum.

Næsti leikur liðsins er heima á Selfossi gegn toplliði Gróttu og fer hann fram næsta sunnudag kl 13.30 í Vallskóla.

Framhaldsaðalfundur knattspyrnudeildar Umf. Selfoss verður haldinn fimmtudaginn 14. febrúar í Tíbrá kl. 20:30. Þar verða endurskoðaðir reikningar félagsins fyrir síðasta ár lagðir fram og afgreiddir og málin rædd frekar og eru allir hvattir til að mæta.
Stjórn knattspyrnudeildar

Stjórn knattspyrnudeildar ákvað fyrir skömmu að fresta ráðningu í framkvæmdastjórastöðu þar til komnar væru niðurstöður í samningamál Ungmennafélagsins við sveitarfélagið sem nú standa yfir um stuðning við starfsmannahald deildarinnar og rekstrarfyrirkomulag vallarsvæðisins. Ákveðið var að ráða við Sveinbjörn Másson úr hópi umsækjenda til að gegna stöðu starfsmanns deildarinnar. Verður Sveinbjörn í hálfu starfi frá 1. febrúar.

Á miðvikudag lék Selfoss 91 gegn FH 91. Þetta eru líklega tvö bestu lið landsins sem skipuð eru leikmönnum fæddum 1991 og því mátti búast við hörkuleik. Bæði lið leika nokkuð öflugan varnarleik en mjög ósvipaðan engu að síður. FH grimma 3-2-1 vörn en Selfyssingar öfluga 6-0 vörn. Lokatölur urðu 22-21 fyrir FH eftir að staðan í leikhléi hafði verið 11-11.

Það var tipphópurinn Merida sem sigraði hópa leik íslenskra getrauna og Umf. Selfoss. Hópinn skipa þeir Ómar Valdimarsson og Tómas Þóroddsson og fá þeir að launum fótboltaferð til Englands. Í stuttu spjalli við umfs.is sögðust þeir ætla á Emirates leikvanginn í London að sjá Arsenal spila.

Umf. Selfoss sigraði í heildarstigakeppni HSK fyrir árið 2007. Keppnin var æsispennandi á árinu og munaði aðeins 1,5 stigi á Selfoss og Dímon þegar mótum ársins var lokið. Þessi félög höfðu mikla yfirburði á önnur félög, Selfoss hlaut 207,5 stig en Dímon 206 stig.  Hamar varð síðan í þriðja sæti með 115,5 stig.

Vegna ófærðar á Hellisheiði hefur dómaranámskeiði sem vera átti í kvöld verið frestað um viku. Námskeiðið verður fimmtudaginn 14. febrúar (á Valentínusardaginn) í Iðu kl. 20:00. Prófið (þetta létta) verður fimmtudaginn 21. febrúar. Nú gefst rómantískum knattspyrnupörum tækifæri á að mæta á dómaranámskeið á sjáfan Valentínusardaginn! Hafið þið vitað það betra?

Vegna snjóþynglsa og slæms veðurs falla allar æfingar niður á gervigrasvellinum í dag og að öllum líkindum líka á morgun. Unglingaráð.

STORMVIÐVÖRUN FRÁ VEÐURSTOFU ÍSLANDS Í DAG! Vegna væntanlegs óveðurs og fannfergis fellur útiæfing niður hjá litlu fótboltapæjunum í 5. og 6. fl. kvenna. Haldið ykkur heima stelpur í dag en mætið í IÐU á laugardag kl. 14-16 því þá er aukaæfing.....

Við hvetjum ALLA til þess að gefa sér tíma til þess að mæta á sunnudaginn kl. 19:30 á innbyrðis viðureign Selfossliðanna í 1. deild 3. fl. karla. Síðast þegar liðin mættust þá vann 90-liðið 21 - 20 í dramatískum leik. Búast má við frábærri skemmtun og það er öruggt að Selfoss fær stig í þessum leik.

Annað mót TSH-bikarmótaraðarinnar á tímabilinu 2007-8 fór fram helgina 2.-3. febrúar í íþróttahúsinu Iðu á Selfossi. Alls tóku um 160 keppendur þátt frá 11 félögum. Mótið gekk frábærlega og eiga starfsfólk og dómarar hrós skilið fyrir það. Ingibjörg Erla Grétarsdóttir, Fjölni, var valin keppandi mótsins í fullorðinsflokkum og Aron Bragason, Selfossi, í barnaflokkum.

Unglingamót FSÍ verður haldið í íþróttahúsi Gróttu á Seltjarnarnesi laugardaginn 9. febrúar. Fimleikadeild Selfoss sendir 8 lið til þátttöku á þessu móti eða um 110 iðkendur. Keppt er í þremur flokkum og á Selfoss lið í öllum þeirra.  Landsreglur börn, unglingar og svo Team gym Junior. Mótið er mikilvægt fyrir meistarahóp Selfoss en þær reyna að ná lágmörkum til að keppa á Norðulandamóti Juniora sem haldið verður í Bergen 19. apríl 2008. 

Þar sem nokkrar æfingar hjá þessum flokkum hafa verið felldar niður vegna veðurs og aðstöðuleysis undanfarið, hafa þjálfarar þessara flokka ákveðið að fara með krakkana í nýju íþróttahöllina í Kópavogi Kórinn, n.k. sunnudag- 10.febrúar. Þetta er hugsað sem aukaæfing og skemmtun og tilvalið fyrir foreldra að fylgjast með úr stúkunni á meðan á æfingu stendur!

Þeir Guðmundur Þórarinsson og Viðar Örn Kjartansson voru valdir á úrtaksæfingar KSÍ sem fram fara í Kórnum og Egilshöll 9. og 10. febrúar. Gummi er í U17 hópnum sem Lúkas Kostic þjáfar og Viðar Örn í U19 hópnum sem Kristinn Rúnar Jónsson þjálfar. Alls eru 26 strákar fæddir 1990 og 1991 í U19 hópnum, en 30 strákar fæddir 1992 í U17 hópnum.

Selfoss vann mikilvægan sigur í toppbaráttunni í 1 deild á laugardaginn. Leikurinn endaði 47 - 37 eftir að staðan í hálfleik hafði verið 22- 17 fyrir Selfoss. Sóknarleikur og hraðupphlaup einkenndu leikinn og lítið var um varnarleik og markvörslu að þessu sinni sem þó var betri hjá okkar mönnum og gerði það líklega gæfumuninn.

Selfoss og Grótta mættust á Selfossi á Föstudaginn var. Selfoss og Grótta mætust á föstudaginn var í 1 deild karla á Selfossi Liðin voru frekar jöfn þótt að Selfyssingar væru alltaf einu skrefi á undan.Staðan í hálfleik var 15-12 Í seinni hálfleik náðu leikmenn Gróttu aðeins að klóra í bakkan en allt kom fyrir ekki og Selfyssingar sigruðu leikinn 32-30

B lið 4.flokks tók á móti Þórsurum frá Akureyri, í því sem reyndist vera hörkuleikur.  Selfossliðið byrjaði fyrri hálfleikinn alveg skelfilega, 6-0 vörnin náði engan veginn að smella og ekki var sóknarleikurinn skárri. 

Í dag komu Fjölnismenn í heimsókn til okkar á Selfoss og léku við A lið 4. flokks. Mikill getumunur er á þessum tveimur liðum og óhætt að segja að sá munur hafi verulega gert var við sig í dag.

Agnar Bragi Magnússon varnarmaðurinn efnilegi skrifaði undir tveggja ára samning við Selfoss í gær . Agnar Bragi, sem verður 21 árs í dag, 3. febrúar

7. flokkur drengja vann alla sína leiki í á fjölliðamóti um helgina, mótið fór fram í Digranesi í Kópavogi og var önnur umferð íslandsmótsins. Strákarnir í A-liðinu unnu alla sína leiki með talsverðum yfirburðum en þessir strákar hafa aldrei tapað leik á íslandsmóti. Þeir leika mjög hraðan handbolta og eru komnir mjög langt í íþrótt sinni miðaða við jafnaldra annars staðar frá. Strákarnir í B-liðinu unnu líka alla sína fjóra leiki þó öllu meiri spenna væri í þeirra leikjum.

Í dag kíkjum við á hina hliðina á Ómari Valdimarssyni. Ómar er einn af bestu fótbolta synum Selfoss.  Hann lék með öllum yngri flokkum Selfoss og svo með meistaraflokk þar til hann varð 25 ára, en þá reyndi hann fyrir sér hjá Fylkismönnum í efstu deild.  Þar var hann m.a fyrriliði áður en hann gekk aftur í raðir Selfoss og kláraði sinn ferill á Selfossi.  Nú er Ómar aðstoðarþjálfari meistaraflokks Selfoss og hefur leyst það starf virkilega vel af hendi eins og allt sem hann gerir.  Báðar dætur Ómars æfa fótbolta og eru þær jafnvel efnilegri en Ómar var á sínum yngri árum.  En þess má nú líka til gamans geta að Ómar er með getspakari mönnum Selfoss og er hópur hans Merida nú kominn í úrslit í hópleik UMFS.  Sjáum hina hliðina á Ómari.......

Þeir Guðmundur Árnason frá Baldvin & Þorvaldi og Eiður Sigurðarson frá Smíðanda á Selfossi komi færandi hendi á æfingu hjá 6.fl drengja á dögunum. Þeir gáfu öllum strákunum upphitunarpeysur í nafni fyrirtækja sinna. Strákarnir voru að vonum himinlifandi með þessa höfðinglegu gjöf og ganga nú um allt stoltir í sínum Selfoss peysum. Meðfylgjandi myndir voru tekna við afhendinguna.

Laugardaginn 19. janúar fór vaskur hópur krakka 14 ára og yngri og keppti á Stórmóti ÍR sem haldið var í Frjálsíþróttahöllinni í Laugardal.  Þátttakendur á mótinu voru tæplega 700 og komu alls staðar af landinu. Skemmst er að segja frá því að segja að krakkarnir okkar stóðu sig alveg frábærlega, settu fimm Selfoss-met og jöfnuðu eitt, þrjú HSK-met og eitt Íslandsmet var nærri fallið.

Ekkert verður af innbyrðisviðureign Selfossliðanna í 3 fl. á fimmtudaginn kemur þar sem mikið er um meiðsli í 90 liðinu. Það var ljóst eftir æfingu í gær að aðeins 6 leikmenn af 10 í 90 liðinu eru leikfærir og því nær 90 liðið ekki í lið. Leikurinn hefur því verið færður til 10 febrúar kl. 19:30

Í dag mánudag á einn ungur og sprækur Selfossdrengur afmæli. Hann fæddist þennan dag fyrir fimmtíu árum. Drengurinn hefur frá því elstu menn muna haft mikið dálæti á fótafimi hvers konar og þá einkum knattpyrnu sem hann hefur stundaði af miklum þrótti um langa hríð. Hann er leikjahæsti knattspyrnumaður Selfoss frá upphafi með alls 386 leiki og hefur unnið mikið og frábært staf fyrir félag sitt árum saman. Drengurinn heitir Einar Jónsson og færum við honum innilegar hamingjuóskir í tilefni þessa merka áfanga.

Gunni Borgþórs miðjumaðurinn knái gekk á dögunum í raðir Selfyssinga frá Aftureldingu. Gunni er nú búsettur á Selfossi og hefur þjálfað yngri flokka Selfoss síðan í september. En það er gríðaleg ánægja með störf hans þar, en áður hafði Gunni þjálfað í Mosfellsbæ við góðan orðstír. Það er mikill fengur að fá mann eins og Gunna á Selfoss og verður gaman að sjá hann í Selfossbúning í sumar. Kíkjum á hvað hann hefur að segja....

Enn einu sinni tapar 2 fl. naumt þrátt fyrir að spila vel. Nú fyrir Stjörnunni sem er með gríðarlega sterkt lið. Leikurinn endaði 26 - 28 en staðan í hálfleik var 13 - 19. Leikurinn byrjaði skelfilega hjá okkar mönnum og eftir u.þ.b. 15 mín. var staðan..

Selfoss tapaði fyrir FH í bikarkeppninni í gærkvöldi í framlengdum leik 28 - 32 en staðan að loknum venjulegum leiktíma var 24 - 24. Eftir fyrri hluta framlengingarinnar var enn jafnt 26 - 26 en FH vann svo 28 - 32 og seinni helming framlengingarinnar 2 - 6... 

Þar sem slæmt veður og mikill snjór er í dag falla niður æfingar hjá 5. og 6. flokki kvenna sem áttu að vera úti kl. 17.00. Inniæfingar verða á mánudag í Iðu. Góða helgi, Laufey þjálfari.

Rétt fyrir jólin var ráðinn þjálfari fyrir 2. flokk kvenna í knattspyrnu. Guðmundur Sigmarsson sem hefur verið með stelpurnar í haust, féllst á að vera með þær áfram, en í hálfri stöðu. Því var farið að leita að þjálfara til að sjá um flokkinn með Guðmundi. Nú hefur Guðjón Bjarni Hálfdánarson verið ráðinn sem þjálfari 2. flokks kvenna og hefur hann þegar hafið störf með Gumma Sigmars.

Í kvöld mætast tvö bestu lið landsins í 3 fl., Selfoss og FH, í 16-liða úrslitum Bikarkeppninnar. Fyrsta viðureign liðanna í vetur endaði 27 - 26 fyrir FH en sá leikur var spilaður á heimavelli FH og er það eina tap Selfoss í vetur.

Þing Fimleikasambands verður haldið á Selfossi laugardaginn 26. janúar. Þingið er haldið annað hvert ár og á HSK á 10 fulltrúa á þinginu. Nokkrar lagabreytingar hafa verið lagðar fram fyrir þingið sem miða flestar að því að færa lög sambandsins til samræmis við núverandi verklag og til einföldunar. Hér má sjá dagskrá þingsins.

Nýlega fundaði jólasveinanefnd Umf. Selfoss þar sem m.a. var farið yfir öryggismál. Eins og flestum er kunnugt varð sprenging er kveikt var í þrettándabrennu á þrettándanum. Annar brennustjóra brenndist nokkuð, en betur fór en á horfðist. Mun hann að mestu ná sér eftir slysið. Ekki er vitað nákvæmlega um orsök sprengingarinnar en líklegt er talið að gasgufur hafi myndast inn á milli í bálkestinum. Brennustjórar hafa séð um þessi verk í yfir 30 ár og því einsdæmi að svona gerist.

Þá byrjum við aftur stelpur, eftir gott jólafrí. Æfing kl. 22.00 í IÐU í kvöld, miðvikudag. Láttu sjá þig, allar nýjar velkomnar á fótboltaæfingu.! MIKILVÆGT AÐ FJÖLMENNA Í KVÖLD. Kv. nefndin.

Knattspyrnumenn og konur á Selfossi undirbúa sig nú af kappi fyrir komandi keppnistímabil. Láta menn erfiðan vetur og færð ekkert aftra sér í þeim efnum. Árið 2007 var að mörgu leyti mjög gott knattspyrnuár fyrir Selfoss. Meistaraflokkur og 2. flokkur karla unnu sig bæði upp um deild og spila árið 2008 í 1. deild.  Á lokahófi fotbolti.net og KSÍ var Sævar Gíslason valinn leikmaður ársins af fulltrúum allra liða, ásamt því varð Sævar markakóngur deildarinnar.

Þann 20. janúar sl. var alþjóðlegt boðsmót í Frjálsíþróttahöllinni í Reyjavík. Þangað var boðið nokkrum erlendum keppendum og öllu besta frjálsíþróttafólki landsins, þar á meðal þeim Ágústu Tryggvadóttur og Þórhildi Helgu Guðjónsdóttur, en báðar keppa þær undir merkjum Umf. Selfoss.

Þrír keppendur frá frjálsíþróttadeild Umf. Selfoss tóku þátt í Stórmóti ÍR sem haldið var í frjálsíþróttahöllinni helgina 19.-20. janúar sl. Það voru hin efnilega Þórhildur Helga Guðjósdóttir, 15 ára, Agnes Erlingsdóttir, 17 ára og Dröfn Hilmarsdóttir 18 ára. Þær stórðu sig mjög vel, unnu tvenn bronsverðlaun og settu persónuleg met.

Æfingar verða úti í dag hjá stelpunum í 6.og 5.flokki kvenna. Þegar þetta er skrifað virðist heldur vera að bæta í vind á ný og því verða foreldrar að meta það sjálfir hvort það sé of hvasst að senda þær af stað út á völl.

Í gærkvöldi tapaði 2. flokkur fyrir Haukum 29 - 25 á Ásvöllum eftir að staðan í hálfleik var 15 - 13 fyrir heimamenn. Selfossliðið sýndi góða kafla í leiknum en duttu niður þess á milli. Þegar upp var staðið voru þessir slæmu kaflar liðinu allt of dýrir.

Í dag leik A lið 4.flokks gegn Völsurum úr höfuðsjávarplássi okkar Íslendinga, Reykjavík. Um hörkuleik var að ræða þar sem okkar menn náðu að sigra með einu marki eftir mikla baráttu.

Selfoss ´90 vann stórsigur á Þórsurum frá Akureyri í 1.deild íslandsmótsins á laugardaginn. Lokatölur urðu 50-35 eftir að staðan í hálfleik hafði verið 29-14. Selfoss i komust í 17-7 strax í byrjun og þá voru úrslitin ráðin, strákarnir misstu einbeitingu í síðari hálfleik og jafnaðist leikurinn nokkuð.

Það er ekki á hverjum degi sem áhugafólk og sjálfboðaliðar knattspyrnunnar á Selfossi mæti á völlinn með skóflu til að moka snjó. Það átti sér hins vegar stað í gær og mættu um 50 manns og náðu að moka um fjórðung vallarins.

www.handbolti.is tók stutt viðtal við hinn unga og efnilega Gústaf Lilliendahl en Gústaf var markhæstur Selfyssinga gegn Þrótturum, sem fram fór fyrr í kvöld og var með 10 mörk úr 10 skotum.

Það var ekki mikið um dýrðir í snæfiþöktum Mjólkurbænum þegar neðsta lið 1 deilar, Þróttur mætti liði Selfyssinga. Leikurinn fór rólega af stað og voru það Þróttarar sem skoruðu 2 fyrstu mörk leiksins og komust í 0-2. Þróttarar spiluðu langar sóknir og drápu niður allt tempó sem virtist virka á hið hraða og spræka lið Selfyssinga. Selfyssingum líkaði illa að vera í vörn mest allan fyrri hálfleikin og sást það á sóknarleiknum en hann einkenndist af ótímabærum skotum og tæknifeilum.

Anton Hartmannsson varði mark Selfyssinga í áraraðir seinni hluta síðustu aldar. Toni er einn leikjahæðsti leikmaður Selfoss frá upphafi og vann sér m.a. annars til frægðar að spila handleggsbrotinn heilan leik. Fótboltagenin erfast, það sanna Toni og Ragga því synir þeirra þeir Einar Ottó og Hartmann leika með meistarflokki og 2. flokki Selfoss. Kíkjum á hvað Toni segir......   

Undanfarna daga hefur verið snjór yfir gervigrasvellinum og æfingar fallið niður. Þar sem ekki er leyfilegt að fara með snjóruðningstæki inn á gervigrasið hafa nokkrir hressir knattspyrnuunnendur boðað til hand-snjómoksturs. Mömmur, pabbar, ömmur og afar, stjórnarfólk, þjálfarar, iðkendur og annað áhugafólk er hvatt til að mæta með skóflu.

Síðasta sunnudag var Júlíus Jónasson landsliðsþjálfari kvenna og ein helsta landsliðshetja Íslands gestaþjálfari hjá akademíunni. Hann var með 2. árið á æfingu og var þemað varnarleikur. Það var virkilega gaman og fræðandi að láta Júlíus segja strákunum til með varnarleikinn en Júlíus er að mati fréttaritara besti varnarmaður Íslands enn sem komið er.

Endanleg leikjarniðuröðun er kominn fyrir lengjubikarkeppni KSÍ. Selfoss er í A deild og 1. riðli og er það vægast sagt erfiður riðill. Fyrsti leikur Selfyssinga verður í höllinni á Akranesi, þar sem keppt verður við Víking Ó. Síðasti leikur er virkilega athygglisverður, því þá koma íslandsmeistarannir í Val í heimsókn og keppa á Selfossvelli. Ár og dagar síðan ríkjandi Íslandsmeistarar hafa heimsótt Selfyssinga heim. En hér að neðan má sjá hvenær leikinir eru.....

Um síðustu helgi vann 3. flokkur Fram á útivelli 28-34 og 2. fl. vann IBV á heimavelli 25-21. Beðist er velvirðingar á því hversu seint þetta er sett inn. Á laugardeginum vann..

Þar sem ekki hefur verið hægt að æfa úti síðustu daga hefur verið sett á aukaæfing inn í IÐU á laugardagsmorguninn næsta frá 10-11 fyrir 5. og 6.fl. kvenna

Útiæfingar sem áttu að vera í dag hjá 5. og 6.flokki kvenna falla niður í dag. Útiæfing hjá 6. flokki karla sem vera átti í dag fellur einnig niður. Eins og staðan er í dag.....

Meistaraflokkur Selfoss mætir Þrótti í 1.deild íslandsmótsins á föstudagskvöldið og hefst leikurinn kl 19:15. Á laugardaginn mæta síðan stelpurnar í unglingaflokki HK kl 13:30 og strax á eftir leika Selfoss ´90 og Þór í unglingaflokki karla. Á sunnudaginn leika svo Selfoss og Valur í 4.flokki karla A-lið. Allir leikirnir fara fram í íþróttahúsi Vallaskóla

Nú er komið að hinum létt geggjaða Herði Bjarnarsyni handboltakappa að sýna okkur hina hliðina á sér. Hörður spilar í hægra horni með Selfyssingum í 1. deildinni. (Það er spurning hvort það er hægri eða vinstri hliðin sem við fáum að sjá?). Viðtalið byrtist á handbolti.is

Vegna ófærðar innanbæjar og mikillar snjókomu falla allar útiæfingar niður í dag miðvikudag. Kveðja, unglingaráð og þjálfarar.

3. fl. kvenna kepptu fyrsta leik sinn eftir jólafrí á laugardaginn á móti KR og var spilað í DHL höllinni. Leikurinn byrjaði hægt og voru stelpurnar á hælunum í vörn til að byrja með og óöruggar í sókninni. En síðan fóru þær að spila góða vörn og einnig var markvarslan mjög góð. Eftir það voru stelpurnar komnar í gang og fóru inn í klefa í hálfleik með 5 marka forskot 11-6.

Á síðasta fundi aðalstjórnar Umf. Selfoss sem haldinn var 9. janúar var samþykkt úthlutun barna- og unglingastyrks til deilda félagsins. Úthlutunin byggir á ákveðnum reglum þar sem tekið er mið af iðkendum á grunnskólaaldri. Heildarupphæð styrksins sem skiptist á milli átta deilda er 2.575.000 kr. Hefur sú upphæð verið sú sama frá 2004.

Laugardaginn 19. janúar verður alþjóðlegt HÓPFIMLEIKAMÓT í Laugardalshöllinni. Meistarahópi Umf. Selfoss er boðið að taka þátt í keppni í Team Gym hluta mótsins og mun þar etja kappi við bestu íslensku liðin og einnig hið sænska Stockholm Top Gymnastiks (STG) junior lið. Keppni í landsreglum hefst kl. 11:15 og í Team Gym hlutanum hefst kl. 15:00. Gott tækifæri til að sjá bestu hópfimleikamenn landsins!

Föstudaginn 18. janúar verður opin æfing í Iðu íþróttahúsi FSu. Foreldar eru hvattir til að mæta og sjá strákana spila innbyrðis. Allir eiga að mæta í búningum. Æfingin er frá kl. 16:30-17:30 og verða fulltrúar frá unglingaráði á staðnum og taka á móti greiðslum æfingagjalda. Fulltrúar frá fyrirtækjunum Baldvin & Þorvaldur og Smíðanda á Selfossi mæta með peysur sem þeir ætla að gefa stráknum. Framundan er síðan vinavika 21.-27. janúar, mót hjá 7. fl. 2.-3. febrúar og hjá 6. fl. 8.-10. febrúar.

Fundargerðir aðalstjórnar og framkvæmdastjórnar félagsins hafa um nokkurt skeið verið aðgengilegar á heimasíðunni. Til vinstri á aðalsíðu er tengill undir Stjórn félagsins. Þar er hægt að fara inn í fundargerðir síðustu tveggja ára. Einnig má finna þar fundargerðir síðustu aðalfunda félagsins. Nokkrar deildir hafa einnig sett inn á síðuna fundargerðir sínar.

Þeir Guðmundur Þórarinsson og Viðar Örn Kjartansson voru valdir á úrtaksæfingar KSÍ sem haldnar verða 19. og 20. janúar í Kórnum og Egilshöll. Gummi er í U17 hópnum sem Lúkas Kostic þjálfar og Viðar Örn í U19 hópnum sem Kristinn Rúnar Jónsson þjálfar. Í U17 hópnum eru 32 strákar fæddir 1992 boðaðir, en 27 strákar fæddir 1990 og 1991 í U19 hópnum.

Við sjáum nú hina hliðina á Einari Ottó leikmanni meistaraflokks íknattspyrnu. Einar stundar nám við K.H.Í á Laugarvatni og er að vinna spennandi verkefni um fótboltaakademíuna á Selfossi. Einar er, þrátt fyrir ungan aldur, einn af leikjahæstu mönnum Selfossliðsins og búinn að vera lykilmaður Selfoss síðustu ár, baráttuhundur sem aldrei gefst upp. Ef hann fengi að breyta einni reglu fótboltans, myndi hann vera búinn að spila enn fleiri leiki. 

4. flokkur b-liða (strákar fæddir 1993) spiluðu í dag við b-lið Stjörnunnar úr Garðarbænum í efstu deild. Vaninn hefur verið sá undanfarin ár að lið Stjörnunnar hefur átt nánast gefinn sigur gegn okkar mönnum, og það yfirleitt mjög stóran, en annað er greinilega uppi á teningunum þessa dagana því framförin á okkar strákum hefur verið gífurleg vægast sagt. 

Víkingar frá Reykjavík sóttu Selfyssinga heim í dag í 4. flokki karla í keppni A-liða. Mikill getumunur er á liðunum og áttu Víkingar aldrei möguleika gegn okkar strákum sem léku sterka vörn og keyrðu hraðaupphlaup af miklum móð.

Alls fóru átta keppendur á Norðurlandamótið í Finnlandi, og komust þrír Íslendingar á verðlaunapall, Auður Anna Jónsdóttir, Daníel Jens Pétursson og Valdimar Pardo.

Fyrir stuttu kom eldra lið FH í heimsókn og lék gegn yngra liði Selfoss í 3. flokki karla. Selfyssingar náðu sér aldrei á strik og virtust enga trú hafa á verkefninu og lentu fljótlega undir, þó voru þeir ekki langt undan. Í stöðunni 5-7 breyttu FH-ingar stöðunni í 5-14 sér í vil.

Haukar 2 og Selfoss mættust í miklum baráttuleik á Ásvöllum í kvöld. Leikurinn endaði 25-32 Selfyssingum í vil. Það stóð ekki steinn yfir steini hjá gestunum frá Selfossi í byrjun leiks á meðan ungir og sprækir Haukamenn léku við hvern sinn fingur og skoruðu mörkin í öllum regnbogans litum í fyrri hálfleik gegn andlausri vörn Selfyssinga. Haukamenn leiddu allan fyrri hálfleikinn úr stöðunni 4-4 í 8-5,  10-6 og hálfleikstölur voru svo 17-13 heimamönnum í vil.

www.handbolti.is tók skrautlegt viðtal við Sebastian Alexandersson þjálfara Selfyssinga vegna leiks Hauka 2 og Selfoss sem fram fer á morgun. Er viðtalið birt hér á síðunni.

Þórir Ólafsson kom í heimsókn á æfingu hjá 6.flokki drengja í gær. Eftir æfinguna ræddi Þórir við strákana, sagði þeim frá lífi atvinnumannsins, gaf þeim góð ráð varðandi æfingar og hvað möguleika þeir ættu. Strákarnir hlustuðu af athygli og svona heimsókn er mjög hvetjandi fyrir unga og metnaðarfullu drengi. Af 39 manna hópi sögðust 38 stefna hiklaust á atvinnumennsku í handbolta.

KSÍ heldur að venju fjölda þjálfaranámskeiða á þessu ári og eru fyrstu námskeiðin á dagskránni strax í janúar. Hér að neðan má sjá þau námskeið sem liggja fyrir árið 2008...

Bæði lið fjórða flokks léku um helgina í bikarnum. A liðið gegn FH og B liðið gegn UMFA. Báðir leikirnir töpuðust og liðin því úr leik. FH og UMFA hafa á sterkum liðum á að skipa og því vitað fyrir leikina að við rammann reip væri að draga. Ekki gekk að sigra þessi lið og geta nú Selfoss liðin einbeitt sér að deildinni.

Næsta júdomót sem deildin tekur þátt í er Afmælismót JSÍ.  Mótið fer fram í æfingaraðstöðu JR í Reykjavík 26. janúar næstkomandi. Hægt er að nálgast allar upplýsingar hér.

Þjálfarar deildarinnar, þeir Guðmundur í síma 863 3040 og Bergur í síma 862 0858 veita frekari upplýsingar.

Síðasta föstudagskvöld töpuðu strákarnir í hörkuleik á móti taplausum FH-ingum en þeir sitja á toppi deildarinnar. Leikurinn endaði 27 - 30 fyrir FH. Selfoss átti alla möguleika á að vinna þennan leik en..

Skráning fer fram í Tíbrá þriðjudaginn 8.janúar 2008 milli 16 og 18.  Föstudaginn 11. janúar í íþróttahúsi Vallaskóla frá 16-18:30 og svo á laugardaginn 12.jan. í íþróttahúsi Vallaskóla frá klukkan 9:30-11.  Námskeiðið eru 10 skipti og kostar það krónur 7000 sem greiðist við skráningu.  Umsjón með íþróttaskólanum hafa Guðrún Hrafnhildur Klemenzdóttir íþróttakennari og Steinunn H. Eggertsdóttir kennari.

Tímar:

Börn fædd 2004 og 2003         10:00-10:50

Börn fædd 2005 og 2006         11:00-11:50

Stjórn fimleikadeildar Umf. Selfoss

Dagana 18.-22. desember síðasliðinn fór hópur afburðanemenda til Reykjavíkur á sparring æfingabúðir hjá Master Sigursteini Snorrasyni (5. dan). Keppendur frá flestum Ssangyong-félögunum mættu til leiks og var hópnum skipt í minior og junior/senior. Frá Selfossi fóru Aron Bragason, Daníel Jens Pétursson, Davíð Arnar Pétursson og Salvör Ágústa Ófeigsdóttir. Hópurinn var valin af Master Sigursteini á síðasta beltaprófi.

Taekwondo-æfingar byrja aftur á mánudaginn 7. janúar kl. 17:30 hjá börnum og kl. 18:30 hjá fullorðnum. Vonast er eftir að sem flestir mæti í Gagnheiðina. Nýir félagar velkomnir.

Heimasíðan fékk hinn snjalla þjálfara Arnar Gunnarsson eða Adda eins og hann er oftast kallaður í viðtal til að fara yfir stöðu handboltans á Selfossi. Addi hefur náð frábærum árangri sem þjálfari yngri flokka á Selfossi, hann hefur til að mynda skilað þremur Íslands- og deildarmeistaratitlum síðustu tvö ár. Hann er í dag þjálfari 91- liðsins og 4. flokks karla, auk þess að sopila með meistaraflokki.

Nú kíkjum við á hina hliðina á Óskari Arilíussyni fyrverandi knattspyrnumanni ef svo má kalla.  Óskar var ekki bestur í fótbolta í gamla daga en virðist vera taka framförum í dag.  Óskar var valinn félagi ársins 2007 og var vel að þeim verðlaunum kominn.  Hann er liðstjóri hjá meistarflokk Selfoss og sálfræðingur liðsins......heyrum hvað Óskar segir

Minnum iðkendur í knattspyrnu á að skila andvirði geisladiskasölu og óseldum diskum ef einhver eru í Tíbrá laugardaginn 05.01.08 milli kl 11.00-12.00

Skil vegna kertasölu. Minnum iðkendur á að skila skal andvirði kertasölu og óseldum kertum ef einhver eru í Tíbrá þriðjudaginn 8. janúar 2008 kl. 16-18. Með nýárskveðju, stjórn Fimleikadeildar UMFS.

UMFÍ bíður ungmennum á aldrinum 16 – 20 ára sem eru án tóbaks og vímuefna í skemmtigferð að Laugum. Leikir, útvist, kvöldvökur og fleira þar sem hinn eini sanni ungmennafélagsandi ræður ríkjum. Þátttakendum stendur til boða að gerast sjálfboðaliðar í starfi Flott án fíknar í kjölfar ferðarinnar. Lagt verður af stað frá Þjónustumiðstöð UMFÍ, að Laugavegi 170, föstudaginn 18. janúar kl. 20.00 og komið til baka sunnudaginn 20. janúar kl. 16.00. Áhugasamir skrái sig á netfangið: gudrun@umfi.is  Allar nánari upplýsingar eru gefnar í Þjónustumiðstöð UMFÍ í síma 568-2929.

Á uppskeruhátíð ÍTÁ voru veittir styrkir úr Afreks- og syrktarsjóðum Árborgar. Veittir voru þrír styrkir fyrir íþrótta- og tómstundastörf og tíu styrkir úr afreks- og styrktarsjóði. Úthlutun var efirfarandi:

Ágústa Tryggvadóttir, frjálsíþróttakona, var kjörin íþróttakona Árborgar 2007 á uppskeruhátíð ÍTÁ. Sigursteinn Sumarliðason, knapi, vark kjörinn íþróttakarl Árborgar.  Hvatningaverðlaun hlaut knattspyrnudeild Umf. Selfoss og Jólasveinafjölskyldan fékk Menningarviðurkenningu 2007, fyrir mikið og gott starf sl. 30. ár.

Landslið Íslands skipað leikmönnum undir 18 ára varð í öðru sæti á Hela-Cup í Þýskalandi milli jóla og nýárs, en átta sterk landslið tóku þátt í mótinu. Selfoss átti þarna fimm fulltrúa, þá Ragnar Jóhannsson, Einar Héðinsson Guðmund Árni Ólafsson og Bjarka Má Elísson sem leikmenn og þjálfarann Einar Guðmundsson. Hér fyrir neðan eru myndir af okkar stráknum á mótinu.

Þær Hildur Öder Einarsdóttir og Thelma Sif Kristjánsdóttir voru valdar í landsliðshóp stúlkna fæddar 1990 og 1991 í handknattleik. Hildur og Thelma sem báðar eru fæddar 1991 og eru báðar örvhentar. Þetta er í fyrsta skiptið í 10 ár sem Selfoss eignast leikmenn í kvennalandslið og ætti þetta að vera hvatning í allt kvennastarf deildarinnar. Fyrsta æfing liðsins er laugardaginn 5. janúar kl. 12.15 í Fylkishöll.