Nýjustu fréttir

Æfingar hjá 2. flokki karla í knattspyrnu hefjast næsta laugardag kl. 10.30. Þjálfarinn Jón Pétur Róbertsson mun fyrir æfingu skrifa formlega undir samning við Selfoss um þjálfun 2. flokks næstu tvö árin og eiga strákarnir að mæta og vera með í myndatöku. Fyrir æfingu mun Jón Pétur fara yfir verkefni vetrarins og því mjög mikilvægt að allir mæti stundvíslega kl. 10.30 og muna að láta félagana vita af þessari fyrstu æfingu.

Í gærkvöldi var dregið í 32 liða úrslitum Eimskips bikarsins. Selfoss sendi tvö lið til leiks og fékk 1. deildar liðið útileik við Hauka 2. Selfoss 2 fékk heimaleik við HK 2. Af öðrum áhugaverðum viðureignum má nefna Valur-HK, Stjarnan-Víkingur, ÍR-Afturelding og ÍBV-Fram. Íslandsmeistarar Hauka sitja hjá í fyrstu umferð.

Sigurður Eyberg Guðlaugsson og Viðar Örn Kjartansson voru valdir til æfinga hjá u-19 ára liði Íslands í knattspyrnu. Æfingar fara fram á Tungubakkavelli í vikunni og um helgina. Framundan er keppni í undankeppni EM og fer riðill Íslands fram í Makedóníu. Áður hafa strákarnir spilað tvo leiki með liðinu, en það var í byrjun september gegn Norður-Írum. Þjálfari strákana er Kristinn R. Jónsson.

Íslenska landsliðið skipað leikmönnum 17 ára og yngri gerði í gær mánudag jafntefli við Noreg í riðlakeppni EM. Íslenska liðið lenti í neðst sæti á mótinu með aðeins eitt stig og skoruðu strákarnir aðeins tvö mörk. Annað markið í keppninni lagði Gummi Tóta upp. Nú eru verkefni u-17 ára landsliðsins búinn að sinni og öruggt að Gummi setur stefnuna á næsta landslið Íslands.

92-lið 3. flokks karla lék um helgina í millirðli sínum sem skar úr um hvort liðið kæmist í efri eða neðri deild. Liðið þurfti að vinna að báða sína leiki til þess að eiga möguleika en jafnvel gat það farið þannig að þeir tveir sigrar dygðu ekki.

Tveir Selfyssingar þeir Guðmundur Árni Ólafsson og Michal Dostalik voru valdir í lið 2. umferðar hjá handboltavefnum handbolti.is. Selfoss var einnig valið það félag sem var með bestu umgjörðina en um 400 áhorfendur voru á leiknum gegn ÍR. Selfoss fær reyndar athugasemdir um að koma ekki leikskýrslunni til skila á réttum tíma en þess má geta að faxtækið í íþróttahúsinu hefur verið bilað í 5 ár. Úr því þarf að bæta strax.

4. flokkur A-lið lék um helgina í milliriðli sínum um að komast áfram í 1. deild í keppni A-liða. Það tókst ekki þar sem liðið gerði jafntefli við Þrótt og tapaði illa fyrir FH. Liðið leikur því í 2. deild í vetur.

Æfingabúðir með Master Sigursteini Snorrasyni 5. dan og Master Cesari Rodriguez L. 5. dan verða haldnar í íþróttasalnum í Gagnheiði 4. og 5. október næstkomandi. Sjá dagskrá og þátttökutilkynningar hér að neðan. Allir velkomnir

Nýlega lauk farsælu keppnistímabili í frjálsum íþróttum hjá Meistaraflokki Umf. Selfoss. Meistaramót Íslands 15-22 ára fór fram í lok síðasta mánaðar á Sauðárkróki þar sem framúrskarandi árangur náðist hjá liðinu sem vakti mikla athygli.

Árangur Selfossliðsins í sumar er tvímælalaust sá besti sem Selfyssingar hafa náð í fótbolta. Segja má að næstum því hvert sem litið er gagnvart fótboltanum, þá voru met slegin og múrar brotnir, lið sem ekki hefur tekist að vinna lengi, voru lögð, aldrei hafa fleiri komið á völlinn en í sumar og aldrei hafa áhorfendur haft jafn hátt.

Íslenska landsliðið skipað leikmönnum yngri en 17 ára tapaði í dag gegn Úkraínu í viðureign þjóðana í undankdeppni EM. Úkraína vann 1-2 eftir að Íslendingar höfðu komist yfir í leiknum. Selfyssingurinn Guðmundur Þórarinsson var í byrjunarliðinu og átti mikinn þátt í eina marki Íslendinga í leiknum. Það kom eftir hörku aukaspyrnu frá Gumma sem markmaður Úkraínu varði ótrúlega. Keflvíkingurinn Sigurbergur Elíasson fylgdi vel á eftir og skoraði.

Guðmundur Þórarinsson er í byrjunarliði u-17 ára landsliðs Íslands sem mætir Ukraínu í dag. Leikurinn hefst kl 16.00 á KR-vellinum í Frostaskjóli. Gummi spilar á mið-miðjunni og er það hans besta staða en Luca þjálfari hefur einnig notað Gumma í bakvarðarstöðuna. Hér má sjá byrjunarlið Íslands.

Birkir Fannar Bragason, markmann Selfossliðsins, er kosinn var maður 1. umferðar í 1. deild karla um síðast liðna helgi. Hann var af því tilefni í létt spjall við handboltavefinn handbolti.is. Birkir verður í eldlínunni á morgun þegar Selfoss leikur sinn fyrsta heimaleik gegn ÍR í íþróttahúsi Vallaskóla. Leikurinn hefst kl 19:15.

Sævar Þór Gíslason var valinn besti leikmaður lokaumferðar Íslandsmótsins í knattspyrnu. Sævar er vel af þessari útnefningu kominn, enda leiddi hann lið Selfoss í sigurleik gegn ÍBV. Selfyssingar unnu leikinn 3-1 og skoraði Sævar tvö mörk og lagði upp eitt fyrir Viðar Örn. Þetta er í annað sinn í sumar sem Sævar er valinn leikmaður umferðinnar, en hitt skiptið var eftir heimaleik gegn Leikni sem Selfoss vann 4-2 en þar skoraði hann líka tvö og lagði upp eitt. Hér að neðan má sjá skemmtilegt viðtal við Sævar Þór Gíslason.

Lúka Kostic landsliðsþjálfari U17 ára liðs karla valdi á mánudaginn 18 manna hóp sem leikur í undankeppni EM. Í hópnum er Selfyssingurinn knái Guðmundur Þórarinsson. Riðill Íslands verður leikinn hér á landi og er fyrsti leikur strákana er í dag, en þá mæta þeir liði Sviss á Akranesvelli. Leikurinn hefst klukkan 16:00.

Lokahóf fotbolti.net fór fram á veitingastaðnum Silfri á Hótel Borg í kvöld. Selfyssingar komu vel út úr verðlaunaúthlutun fotbolti.net, en sá fjölmiðill er virkasti upplýsingamiðill um knattspyrnu hér á landi. Viðar Örn Kjartansson var valinn efnilegastur í deildinni og Sævar Þór Gíslason var markakóngur deildarinnar. Auk þess voru þeir Henning Eyþór Jónasson, Sævar Þór Gíslason og Dusan Ivkovic allir í liði ársins. Þetta er val þjálfara og fyrirliða allra liða í deildinni og að sjálfsögðu mega þeir ekki velja leikmenn úr sínu liði. 

Vefsetur fyrstudeildarfjélagsins hefur gert opinbert val sitt á liði ársins. Selfyssingar eiga þrjá fulltrúa í liði ársins, en það eru þeir Sævar Þór Gíslason, Henning Eyþór Jónasson og Dusan Ivkovic. Vefsetrið hefur fjallað um deild þeirra næst bestu á einlægan og faglegan hátt í allt sumar og er síða þeirra til fyrirmyndar.

Selfyssingar hafa ráðið til sín þjálfarann Jón Pétur Róbertsson fyrir 2. flokk liðsins. Jón Pétur er fæddur og uppalinn á Selfossi og fór þar í gegnum yngri flokka starfið. Hann hefur starfað við þjálfun og knattspyrnutengd verkefni síðan 1993.

Stelpurnar í meistaraflokki Selfoss í fimleikum eru á stífum æfingum þessa dagana fyrir EM í hópfimleikum sem haldið verður í Belgíu í næsta mánuði. Hópinn skipa fjórtán stelpur á aldrinum 16-23 ára. Mikill spenningur er kominn í mannskapinn en stelpurnar halda utan 21. október. Þær æfa 4-5x í viku og núna á endasprettinum eru samæfingar með öðrum liðum frá Íslandi sem keppa á sama móti. Alls taka 4 lið frá Íslandi þátt en það eru tvö kvennalið og tvö blönduð lið stráka og stúlkna. 

Mikil aðsókn hefur verið í fimleikana nú á haustmánuðum og er starfið rétt að byrja að rúlla eins og það á að vera.  Æft er í 25 hópum og auk þess tveimur íþróttaskólahópum. Hjá deildinni starfa 32 þjálfarar í vetur. Mikill hugur er í mannskapnum en skemmst er frá því að segja að meistarahópurinn skipaður stúlkum 16 ára og eldri heldur utan til keppni á evrópumóti eftir fjórar vikur. Mótið er haldið í Gehnt í Belgíu dagana 24. og 25. október.

Á haustin er vani að fara yfir knattspyrnusumarið sem nýliðið er. Fotbolti.net mun á morgun kl 17.00 birta lið ársins og veita knattspyrnutengd verðlaun og er um að gera fyrir áhugasama að fylgjast með því og sjá hvort Selfyssingar fá einhver verðlaun þar. Selfyssingar taka að sjálfsögðu saman spilaða leiki yfir tímabilið og ætlum við að birta lista yfir þá sem spiluðu flesta leikina. Eins er hér að neðan listi yfir flesta leiki spilaða fyrir Selfoss.

Lokahóf knattspyrnudeildar Umf. Selfoss var haldið laugardaginn 20. sept eða strax eftir sigurinn á ÍBV. Lokahófið tókst virkilega vel, hátt 300 manns voru í mat og eitthvað af fólk bættist við á ballið með Ingó og veðurguðunum. Mörg mjög góð skemmtiatriði voru á slúttinu og ég held það sé ekki á neinn hallað þegar minnst er sérstaklega á vídeósýningu frá Dóra Bjöss, en hún var frábær eins og hans er von og visa. Á slúttinu eru veitt margvísleg verðlaun og verða þeirra hélstu getið hér að neðan.

Selfyssingar efsta liðinu, ÍBV, í lokaleik 1. deildar í knattspyrnu á laugardaginn. Selfyssingar þurftu að vinna og jafnframt að treysta á að Haukar tækju stig af Stjörnunni. Selfoss vann leikinn sannfærandi 3-1 en því miður voru úrslit úr hinum leiknum ekki hagstæð og leika Selfyssingar því í deild hina næst bestu að ári. Selfyssingar voru mun betri í leiknum, Sævar Þór skoraði tvö mörk og Viðar Örn eitt mark. Allt liðið var að spila vel og er erfit að taka einhverja einstaka leikmenn út.

Selfyssingarnir Birki Fannar Bragason markmaður og Ramunas Mikalonis hægri skytta voru valdir í lið fyrstu umferðar á handbolti.is. Fín viðurkenning fyrir þessa leikmenn sem báðir áttu stórleik í leiknum gegn Gróttu á föstudaginn. Einnig er Sebastían Alexandersson valinn sem þjálfari fyrstu umferðar.

 

 

Um helgina fór fram undankeppni 3.flokks fyrir komandi tímabil. 91-liðið lék á Selfossi í riðli með KA, Gróttu, Þrótti og FH-2. 92-liðið lék í Strandgötu gegn Haukum, HK, Þór og Fjölni. 91-liðið vann alla sína leiki örugglega og er því komið í fyrstu deild. 92-liðið tapaði tveimur leikjum, gerði eitt jafntefli og vann einn. Liðið leikur í milliriðlum um næstu helgi.

Þann 15. september s.l. tók gildi vetraropnun í Sundhöll Selfoss. Sundhöllin er nú opin mánudaga – föstudaga 6:45 – 21:15 og laugardaga og sunnudaga 9:00 – 18:00. Athugið: Sölu er hætt 15 mínútum fyrir auglýstan lokunartíma og mælst er til þess að gestir hafi yfirgefið staðinn 15 mínútum eftir auglýstan lokunartíma.

Grótta byrjaði að krafti í leiknum og komst m.a. í 4-0 en þá var eins og allt færi í baklás hjá Gróttu þar sem Selfoss náði að breyta stöðunni í 6-12.  Skömmu fyrir leikhlé náði Grótta að minnka muninn í þrjú mörk og staðan var því 11-14 í hálfleik. Jafnræði var með liðunum í upphafi seinni hálfleiks. Um miðjan seinni hálfleik hafði Grótta tækifæri á að ná tveggja marka forystu í stöðunni 22-21 en Zoltan Belaný náði ekki að nýta sitt færi. Selfoss var síðan sterkari á endasprettinum og vann að lokum góðan fjögra marka sigur á Gróttu 25-29.

 

Bjarki Sigurðsson, fyrrverandi landsliðsmaður sem og fyrrverandi þjálfari Aftureldingar, spáir í hvernig liðunum muni ganga í 1. deildinni í vetur á handbolti.is og hann eins og svo margir aðrir spá Selfossi sigri í deildinni. Selfoss leikur sinn fyrsta leik í deildinni í kvöld kl 19:30 gegn Gróttu á Seltjarnarnesi.

Þar sem það er ekki eingöngu undir Selfossliðinu komið hvort úrvalsdeildarsæti náist á laugardag, verður breytt út af hefðbundni upphitun í þetta sinn. Nú verður upphitunin tvöföld og er skyggnst bæði inn í leik Selfoss og ÍBV annars vegar og leik Hauka og Stjörnunar hins vegar. 

Keppni í 1. deild karla í handknattleik, næst efstu deild, hefst í kvöld með þremur leikjum sem allir hefjast klukkan 19.30. ÍR tekur á móti nýliðum ÍBV í íþróttahúsinu Austurbergi, Afturelding sækir Þrótt heim í Laugardalshöll og Grótta fær Selfoss í heimsókn í íþróttamiðstöðina á Seltjarnarnesi.

Um leið og glæsilegu sumri hjá knattspyrnudeildinni lýkur hefst vetrarstarf Selfoss - Getrauna. Í getraunastarfinu hjá Selfoss sameinast stuðningsmenn í skemmtilegu félagsstarfi. Hvetjum við þig til að ganga til liðs við okkur og taka þátt en getraunastarf er fyrir alla óháð kyni, aldri og búsetu. Hægt er að skrá sig til leiks í félagsheimili okkar í Tíbrá, þar sem við verðum með opið hús frá kl. 11:00 - 13:00 alla laugardaga í vetur. Þar er heitt á könnunni og bakkelsi á boðstólum frá Guðnabakaríi.

Laugardaginn 20. september verður meistarahópur Selfoss í hópfimleikum með fimleikafjör í Baulu, íþróttahúsi Sunnulækjarskóla. Þetta er liður í fjáröflun stelpnanna sem eru á leiðinni á Evrópumót í hópfimleikum í Belgíu 21. október n.k. Stúlkurnar eru nær allar starfandi þjálfarar og eru á aldrinum 16 - 23 ára. Þær ætla að bjóða upp á fjör og skemmtilega æfingu fyrir iðkendur fimleikadeildar Umf Selfoss á milli kl. 12 og 14. Þátttökugjald er kr. 500.

Sebastian Alexandersson, þjálfari meistaraflokks handknattleiksdeildar sem spáð er efsta sæti í 1. deild karla, var í athyglisverðu viðtali á handbolti.is um veturinn framundan. Þar var hann meðal annars spurður um möguleika liðsins í vetur, væntingar og framtíðarhorfur.

Luka Kostic, landsliðsþjálfari U17 landsliðs karla í knattspyrnu, hefur valið æfingahóp en framundan er undankeppni EM og verður riðill Íslands leikinn hér á landi dagana 24.-29. september næstkomandi. Þessi 25 manna hópur mun æfa út vikuna og fara æfingarnar fram á Tungubökkum. Guðmundur Þórarinsson er í þessum hópi, en hann hefur verið valinn í U-17 ára liðið um nokkurt skeið.

Brúarhlaup Selfoss fór fram laugardaginn 6. september síðastliðinn. Hægt er að kaupa ljósmyndir úr hlaupinu á hlaup.is í fullum gæðum, annað hvort sem JPG skrá og/eða útprentaða. Nánari upplýsingar eru hér að neðan...

Selfoss er spáð sigri í 1.deild karla af fyrirliðum, þjálfurum og forráðamönnum annara liða í fyrstu deildinni í vetur. Þetta sýnir að önnur lið hafa mikla trú á hinu unga liði Selfoss og því uppbyggingarstarfi sem unnið hefur verið í handboltanum á Selfossi undanfarin ár. Það er því ljóst að það er skemmtilegur vetur framundan í handboltanum og framtíðin lofar góðu.

Strákarnir í 4.flokki karla B-liða fæddir 1994 stóðu sig vel í undankeppninni fyrir deildarskiptingu íslandsmótsins í handbolta. Þeir léku í Hafnarfirði og sigruðu alla sína leiki með yfirburðum og verða í 1.deild í vetur. Drengirnir fæddir 1993 eða 4.flokkur A-lið fóru norður á Akureyri og léku tvo leiki gegn sterkum liðum KA og Gróttu og töpuðu báðum en komast þó í milliriðil og eiga enn möguleika á að verða í 1.deild.

Athyggli skal vakin á breyttum leiktíma á stórleik Selfyssinga gegn eyjamönnum. Leikurinn verður laugardaginn 20. september kl 16.00. Allir eru hvattir til að mæta og styðja við bakið á Selfoss liðinu í þessum mikilvæga leik. Von er á mörgum Vestmannaeyjingum, enda munu þeir taka á móti bikarnum fyrir sigur í 1. deild strax eftir leik. Eyjamenn ætla að hita upp fyrir leik á 800 bar og von er á að stuðningsmannasveit Selfoss, Skjálfti fjölmenni þar einig og má því búast við ekta upphitun hjá stuðningsmönnum fyrir leikinn.

Þá eru æfingartímar yngri flokka Selfoss í knattspyrnu loks komnir á hreint. Þetta árið fá knattspyrnukrakkar 16 innitíma og skiptast þeir nokkuð bróðurlega á milli þeirra 400 sem æfa fótbolta, en auðvitað fá þau yngstu fleirri tíma inni. Þennan vetur heldur deildin úti 15 flokkum og segir það sig sjálft að 16 tímar hljóta að vera neðri mörk miðað við stærð deildarinnar.

Strákarnir í öðrum flokki léku á laugardag sinn síðasta leik á Íslandsmótinu þetta árið. Selfoss hélt þá á Varmárvöll og tók þar á móti Aftureldingu. Selfyssingar unnu leikinn örugglega 5-1.

Selfyssingar léku við Fjarðarbyggð á föstudag og fór leikurinn ekki alveg eins og til var ætlast. Selfyssingar töpuð 2-1 í ansi skrautlegum leik, þar sem dómaratríóið var í aðalhlutverki. Þó svo að þeir hafi nú ekki verið ástæða þess að leikurinn tapaðist, þá var það frekar röð atvika sem klikkuðu.

Uppskeruhátíð yngri flokka hjá knattspyrnudeild Umf. Selfoss verður haldin sunnudaginn 14. september kl. 16:00 í sal Fjölbrautaskóla Suðurlands.

Áralöng hefð er fyrir slúttinu  og hefur verið veitt viðurkenning fyrir besta leikmann, framför og ástundun í næstum fjóra áratugi. Í fyrra varð sú nýbreytni að farið var að velja besta varnar-, miðju- og sóknarmann. Ásamt því er veitt verðlaun fyrir framför og ástundun. Þessi breyting fellur vel að stefnu deildarinnar um uppbyggilega og árangurstengd markmið félagsins.

Fjarnám ÍSÍ á 1. stigi þjálfaramenntunarinnar fer af stað mánudaginn 22. september næstkomandi. Um er að ræða 60 stunda nám, metið til tveggja eininga enda um sama nám að ræða og kennt er í ÍÞF 102 í framhaldsskólum landsins.  Námið tekur átta vikur og er verkefnum skilað vikulega, auk lokaverkefnis.  Þátttökugjöld eru kr. 24.000.- og eru þá öll námskeiðsgögn innifalin. Sjá nánar...

Iðkendum hjá taekwondodeild Umf. Selfoss hefur fjölgað mikið undanfarið. Í haust byrjuðu yfir þrjátíu nýir iðkendur að æfa taekwondo. Við stofnun deildarinnar í fyrra fjölgaði iðkendum úr 34 í tæplega 60. Í haust stefnir í að fjöldi meðlima fari yfir 90. Æfingar fara fram í þröngu húsnæði í Gagnheiði og ljóst að það er fyrir löngu sprungið. Júdódeild æfir einnig í sama húsnæði.

Katrín Ýr Friðgeirsdóttir hefur verið valin í U-19 ára landslið kvenna. Þetta er mikil heiður fyrir þessa duglegu og hæfileikaríku stelpu og örugglega byrjun á einhverju meira fyrir hana. Katrín hefur verið samviskusöm og tekið framförum upp alla yngri flokka og er nú að uppskera. Hún á einnig eftir að verða ein af lykilleikmönnum meistaraflokks Selfoss sem stofnaður var fyrr í vikunni.

Sundsamband Íslands mun standa fyrir nokkrum dómaranámskeiðum nú á haustmánuðum. Námskeiðin verða sem hér segir:

Ísafjörður – Bolungavík          19. til 21. september
Vestmannaeyjar                      Tímasetning auglýst síðar
Akureyri                                  26. til 28. september
Reykjavík                                8. til 12. október
Hafnarfjörður                          12. til 16. nóvember

Nú er hægt að dressa sig upp fyrir slúttið, já eða afmælið hjá formanninum og styrkja deildina verulega í leiðinni. Lokaspretturinn á knattspyrnutímabilinu verður líka tekinn í Blaze.  Fimmtudaginn 11. september verður síðasta styrktaropnun tímabilsins þar sem 20% af öllum sölum verslunarinnar mun renna til knattspyrnudeildar Umf Selfoss. Hérna eru dæmi sem sýna að kaupin þurfa ekki að vera mikil til að upphæðir sem skipta máli myndast í styrk til íþróttastarfsins...

Vegna umfjöllunar nokkura fjölmiðla um stuðningmenn meistaraflokks Selfoss vill stjórn knattspyrnudeildar koma á framfæri eftirfarandi sjónarmiðum. Stuðningmannaklúbburinn "Skjálfti" er eitt það allra skemmtilegasta sem komið hefur fram í kringum Selfossliðið um langt skeið. Liðsmenn Skjálfta hafa með gleðisöng sínum og stanslausri hvatningu án efa átt stóran þátt í þeirri velgengni Selfossliðsins sem við blasir nú undir lok keppnistímablilsins...

Landslið Íslands skipað strákum yngri en 19 ára lék annan leik sinn á dögunum gegn Norður Írum. Seinni leikurinn tapaðist, eins og sá fyrri 2-0. Selfyssingarnir Sigurður Eyberg Guðlaugsson og Viðar Kjartansson spiluðu báðir í leiknum.

Þeir Guðmundur Þórarinnsson og Jón Daði Böðvarsson hafa verið valdir til æfinga hjá U-17 ára landsliði Íslands í knattspyrnu. Gummi lék með landslinu á Norðurlandamótinu sem fram fór í sumar. Jón Daði er nýkominn í hópinn eftir miklar framfarir í sumar.

Sirkus Agora verður með sýningu á Selfossi föstudaginn 12. september nk. kl. 19.00. Sirkustjald verður sett upp í væntanlegum miðbæ á Selfoss þar sem Krónan var áður til húsa. Sirkus Agora er alvöru sirkus með trúðum, línudönsurum, loftfimleikum, hnífakasti o.fl. Hér er um að ræða frábæra fjölskylduskemmtun og er þetta einstakt tækifæri til að sjá alvöru sirkusfólk. Stelpurnar úr  fimleikadeild Umf. Selfoss sem keppa á Evrópumótinu í hópfimleikum í Belgíu 24. október nk. hafa tekið að sér að selja miða í forsölu í fjáröflunarskyni. Tryggið ykkur miða og styrkið um leið Evrópumótsfara. Sjá nánar...

Selfyssingar unnu góðan 3-1 sigur á KS-Leiftri í síðustu umferð og komu sér þar með á sigurbraut á nýjan leik. Dusan, Kristján Óli og Sævar skoruðu mörkin og var þetta fyrsta mark Kristjáns fyrir Selfoss. Næsti leikur er gegn Fjarðabyggð. Átti hann að vera á grasvellinum á Eskifirði, en búið er að færa hann á gervigras á Norðfirði. Margir okkar bestu leikir í sumar hafa verið á gervigrasi og ólíklegt að þetta hafi annað en jákvæð áhrif á leikmenn. Leikurinn er föstudaginn 12. sept og hefst kl. 18.00.

Senn líður að lokahófi meistaraflokks karla, 2. flokks karla og kvenna og öðru knattspyrnuáhugafólki. Hófið verður haldið á Hótel Selfossi laugardaginn 20. sept. Lokahófið hefur verið auglýst í bæjarblöðunum og eins hér á heimasíðu ungmennafélagsins. Nú fer hver að verða síðastur að skrá sig en frestur rennur út á fimmtudaginn(11.sept.) svo nú er um að gera að drífa sig að skrá sig!

 

Íþróttaskólinn hefst aftur laugardaginn 13. september. Námskeiðið er 10 skipti og kostar 7.000 kr. sem greiðist við skráningu. Börn fædd 2006 og júlí-desember 2005 verða kl. 10:00, en börn fædd jan-jún 2005 og 2004 verða kl.11:00. Kennarar eru sem fyrr þær Guðrún Hrafnhildur Klemenzdóttir og Steinunn H. Eggertsdóttir. 
Skráning fer fram í Tíbrá fimmtudaginn 11.sept. frá 17-19 og í íþróttahúsi Sunnulæk laugardaginn 13.sept. frá 9:30-11. Hlökkum til að sjá ykkur, Fimleikadeild UMFS.

Brúarhlaup Selfoss fór fram í 18. skipti, laugardaginn 6.september sl. Hlaupið fór fram við kjöraðstæður fyrir hlaupara, milt var í veðri en sólarlaust. Aukning var í þátttöku frá fyrra ári og hlupu og hjóluðu 550 manns í ár.  Það hefur löngu verið viðurkennt meðal hlaupara sem hlaupa lengri vegalengdir að brautin í Brúarhlaupi Selfoss sé með "hröðustu" brautum landsins, vegna  þess hversu flöt hún er.

Rúmlega 40 manns mættu á stofnfund meistaraflokks kvenna í knattspyrnu sem haldinn var í kvöld. Mætingin var framar björtustu vonum stjórnar og undirbúningshóp um eflingu kvennaknattspyrnu á Selfossi.

Viðar Örn Kjartansson og Sigurður Eyberg Guðlaugsson spiluðu í dag með U-19 ára liði Íslands. Leikurinn var við Norður-Íra, ytra. Íslendingar töpuðu 2-0 þrátt fyrir jafnan leik. Liðin spila annan leik við írsku strákana á miðvikudag og ætla strákarnir sér sigur í þeim leik. Fotbolti.net fjallar um leikinn hér og er með skemmtilega mynd af strákunum í vínrauðu ásamt Henning Eyþóri Jónassyni sem er einmitt fyrverandi U-21 árs landsliðsmaður.

Uppskeruhátíð yngri flokka hjá knattspyrnudeild Umf. Selfoss verður haldin sunnudaginn 14. september kl. 16:00 í sal Fjölbrautaskóla Suðurlands. Áralöng hefð er fyrir slúttinu og hafa verið veitt viðurkenningar fyrir besta leikmann, framför og ástundun í næstum fjóra áratugi. Í fyrra varð sú nýbreytni að farið var að velja besta varnar-, miðju- og sóknarmann. Ásamt því er veitt verðlaun fyrir framför og ástundun. Þessi breyting fellur vel að stefnu deildarinnar um uppbyggilega og árangurstengd markmið félagsins.

Fullt af nýjum myndum síðan í sumar eru komnar inn á heimasíðuna. Þetta var sannkallað fótboltasumar þar sem fullt af börnum skráðu sig á fjölbreytt námskeið deildarinnar. Allt að 300 börn voru með og var sumarið ógleymanlegt, gott veður, spilaður fótbolti, grillpartý voru haldin, leynigestir komu í heimsókn og fleira og fleira. Takk fyrir sumarið krakkar, kveðja frá þjálfurum. Á forsíðu umfs.is er linkur til vinstri sem heitir myndagallarí. Þar má skoða myndir úr fótboltaskólanum. Fleiri myndir eru væntanlegar.

Stelpurnar í 6. flokki kvenna spiluðu á dögunum til úrslita á Hnátumóti KSÍ. Stelpurnar höfnuðu í 4. sæti á mótinu sem er mjög góður árangur. Hnátumótið er einskonar Íslandsmót þar sem flest öll lið senda lið til keppni. Fyrr í sumar unnu stelpurnar sinn riðil en hann var einmitt spilaður hér á Selfossi í blíðskaparveðri.

Æfingar Júdodeildar Umf. Selfoss hófust 2. september.  Strax á fyrsta degi kom mikill fjöldi barna sem hafði áhuga á að æfa júdo.  Æfingaraðstaðan í Gagnheiðinni varð full út úr dyrum og á næstu æfingum líka. Til að mæta þessum mikla áhuga hefur verið ákveðið að fjölga æfingum hjá yngstu iðkendunum.

Af þessu má ljóst vera að æfingaraðstaðan í Gagnheiði 3 er hamlandi fyrir framgang íþróttarinnar á Selfossi.  Sem betur fer stendur það til bóta þegar ný bygging rýs við Sundhöll Selfoss.

Stjórn knattspyrnudeildar Umf. Selfoss hefur ákveðið að endurvekja meistaraflokk kvenna, en sá flokkur hefur ekki verið starfræktur í nokkur ár. Í haust ganga nokkrar stelpur upp úr 2. flokki og kallar það á nauðsyn þess að stofna meistaraflokk. Mikil gróska hefur verið í kvennaboltanum á Selfossi undanfarin ár. Stofnfundur meistaraflokks Selfoss verður haldinn mánudaginn 8. september í Tíbrá kl. 20:00.

Stelpunar í 4. flokk Selfoss í knattspyrnu léku tvo leiki í úrslitakeppni Íslandsmótsins um helgina. Þær unnu annan leikinn, en töpuðu hinum. Það þýðir að þær spila um 1. eða 3. sæti um Íslandsmeistaratitilinn, en verða að bíða fram til kl 16.00 á sunnudag til að fá úr því skorið um hvort sætið þær spila. Þetta er auðvitað frábær árangur hjá stelpunum og þarf ekki að koma neinum á óvart sem fylgst hafa með þeim í sumar.

Strákarnir í 3. flokk Selfoss í knattspyrnu töpuðu í dag fyrir Fjölni leik í forkeppni úrslitakeppninar og misstu þar með af möguleikanum á að verða Íslandsmeistarar. Leikurinn endaði 2-3 fyrir Fjölni og voru Selfyssingar óheppnir að jafna ekki undir lok leiksins.

Strákarnir í 2. flokki karla í knattspyrnu tóku á móti Haukum í næst síðustu umferð Íslandsmótsins í gær á Selfossvelli. Fyrir leikinn voru Haukar í 7 sæti þremur stigum á undan Selfoss og ljóst að með sigri Selfyssinga hefðu liðin sætaskipti. Það gekk eftir og Selfoss sigraði 3-2 í hörku leik.

Æfingar handknattleiksdeildar eru nú komnar í fullan gang, iðkendum hefur fjölgað mikið í haust og er það eflaust góðu gengi íslenska handboltalandsliðsins að þakka. Sannkallað handboltaæði hefur gripið um sig og krakkar leika sér í handbolta um alla ganga í skólunum. Hinsvegar er engin útihandboltavöllur á Selfossi og er það verr. Vel heppnað grunnskólamót var í vikunni og voru þar þó nokkrir sem stigu sín fyrstu spor á handboltavellinum. Handknattleiksdeild hefur reyndar aðeins færri æfingatíma til umráða í vetur vegna mikilla þrengsla í íþróttahúsum bæjarins. Það er nokkuð ljóst að það þarf að byggja nýtt íþróttahús á næstu árum og spurning um hvort það eigi ekki að fara í forgang í uppbyggingu íþróttamannvirkja. Æfingatímar hafa verið auglýstir í staðarblöðum og hanga upp í íþróttahúsinu í Vallaskóla. Æfingatímar eru sem hér segir :

Strákarnir í 3. flokk Selfoss í knattspyrnu eru komnir í forkeppni úrslita um Íslandsmeistaratitilinn. Strákarnir unnu sinn riðil, og þar urðu nágranar okkar úr ÍBV í 2. Sæti og komast því líka áfram. Selfyssingar leika við Fjölni á Selfossvelli laugardaginn 6. Sept kl 15.15.

Stelpurnar í 4. flokki í knattspyrnu, sem unnu alla sína leiki í sumar eiga fyrsta leik sinn í baráttunni um Íslandsmeistaratitilinn á föstudag. Sá leikur er gegn Aftureldingu og er leikið á Varmárvelli í Mosfellsbæ. Seinni leikur þeirra er gegn KA og verður hann einig spilaður á Varmárvelli í Mosfellsbæ laugardaginn 6.sept. kl 15.00.

Selfyssingar færðust skrefi nær úrvalsdeildarsæti í gær er þeir unnu KS-Leiftur 3-1. Með þessum sigri sendu þeir KS/Leiftur niður í 2. deild. Selfyssingar náðu sér ekki á strik í fyrri hálfleik og var staðan 1-1 í hálfleik. Í seinni hálfleik stóðu þeir sig betur og skoruðu þá tvö mörk. Nú fara leikmenn að byggja ofan á seinni hálfleik og taka það góða úr honum með sér austur á Eskifjörð, en þar eiga Selfyssingar að leika sinn næst síðasta leik, föstudaginn 12. september kl 18.00. Umfjöllun hér að neðan er birt með góðfúslegu leyfi fotbolti.net, en einkunargjöf leikmanna er vísindaleg samantekt, áhorfenda af handarhófi.

Stjórn knattspyrnudeildar Umf. Selfoss hefur ákveðið að endurvekja meistaraflokk kvenna, en sá flokkur hefur ekki verið starfræktur í nokkur ár. Í haust ganga nokkrar stelpur upp úr 2. flokki og kallar það á nauðsyn þess að stofna meistaraflokk. Mikil gróska hefur verið í kvennaboltanum á Selfossi undanfarin ár. Stofnfundur meistaraflokks Selfoss verður haldinn mánudaginn 8. september í Tíbrá kl. 20:00.

Slúttnefndin mun byrja að selja miða á "slúttið" á leiknum í kvöld. Frábær matseðill, flott skemmtidagskrá og veislustjórinn Einar Bárðarson sér til þess að kvöldið verður ógleymanlegt. Ekki missa af slúttinu - tryggðu þér miða strax í kvöld.

 

Stelpurnar í 4. flokki Selfoss í knattspyrnu halda áfram sigurgöngu sinni, en þær hafa sigrað alla sína leiki í sumar. Stelpurnar sigruðu HK í kvöld 3-2 og unnu þar með riðil sinn sannfærandi. Gumma skoraði þrennu í leiknum. Annars voru allar stelpurnar að spila vel. Virkilega skapandi og skemmtilegur leikur hjá liðinu.

Næsti leikur Selfoss í 1. deild er gegn KS/Leiftri, en það er sameinað lið Siglufjarðar og Ólafsfjarðar. Leikurinn verður á Selfossvelli og byrjar kl 18.00 miðvikudaginn 3. September. Þetta er næst síðasti leikur Selfoss á heimavelli og er um að gera að fjölmenna og styðja við bakið á liðinu.

Fimmtudaginn 4. september fer fram Grunnskólamót í handbolta. Leikið verður með minni-bolta reglum; þ.e. lítill völlur, mjúkur bolti, færri reglur og allir geta tekið þátt. Allir sem vilja mega koma og taka þátt. Skipt verður í lið á staðnum en reynt að keppa eftir bekkjardeildum. Allir þjálfarar handknattleiksdeildar verða á staðnum og athuga hvort framtíðar landsliðsmenn leynist ekki í hópnum.

 

 

Strákarnir í 3. Flokk fóru vestur á Snæfellsnes í gær og leku þar við sameinað lið Víking Ó og Stykkishólm. Strákarnir urðu að vinna leikinn til að tryggja sér í úrslit og eins var það örugglega ekki að skemma fyrir þeim að fá að hefna fyrir tapið hjá meistaraflokk tveimur dögum áður. En Selfyssingar unnu leikinn stórt 1-6 og leku á köflum mjög góða knattspyrnu.

 

Selfyssingar fóru í Ólafsvík föstudaginn 29. ágúst s.l. ásamt um 80 manna stuðningssveit. Skemmst er frá því að segja að Selfyssingar töpuðu 4-3 við hörmulegar fótboltaaðstæður. Þess má geta að Ólsarar reyndu allan föstudaginn að fá leiknum frestað vegan vallaraðstæðna, en KSÍ leyfði það ekki.

Knattspyrnuslúttið sem er lokahóf meistaraflokks karla, og 2. flokks karla og kvenna verður haldið á Hótel Selfoss laugardaginn 20. september. Í fyrra mættu yfir 220 manns og er búist við álíka mörgum í ár. Slúttið verður glæsilegt og borgar sig að ná sér í miða tímanlega.