Nýjustu fréttir

Á uppskeruhátíð ÍTÁ sem haldin var í gærkvöldi í sal FSu var Sævar Þór Gíslason knattspyrnumaður útnefndur íþróttamaður Árborgar 2009 og Ágústa Tryggvadóttir frjálsíþróttakona íþróttakona Árborgar. Taekwondodeild Umf. Selfoss fékk hvatningarverðlaun ÍTÁ fyrir uppbyggingarstarf. Á hátíðinni voru veitt verðlaun og afreksstyrkir til einstaklinga og íþróttahópa fyrir góðan árangur á árinu. Meistaraflokkur karla fékk hæsta styrkinn eða eina milljón króna fyrir að vinna sér sæti í úrvalsdeildinni í knattspyrnu.

Í gær mánudag opnaði flugeldasala knattspyrnudeildar en hún er staðsett er við íþróttavöllinn, Engjavegi 50, Selfossi. Í ár erum við með fullt af nýjum rakettum og tertum sem voru reynsluprófaðar í fyrra og vöktu mikla athygli hjá þeim sem fengu að skjóta. Við þurfum ekki að taka það fram að við ætlum að vera ódýrastir eins og í fyrra. Við viljum sérstaklega taka það fram að boðið verður upp á kaffi og með því, fyrir gesti og gangandi, á meðan flugeldasalan stendur yfir.

Hin árlega uppskeruhátíð Íþrótta- og tómstundanefndar Árborgar verður haldin í sal Fjölbrautaskóla Suðurlands þriðjudaginn 29. des. kl. 20:00. Þar verða afhentir styrkir úr Afreks- og styrktarsjóðum Árborgar og íþróttafélaganna, þ.e. Umf Selfoss, Íþf. Suðra og Íþr. FSu. Hvatningarverðlaun verða veitt, afhentir styrkir fyrir afburðaárangur og jafnframt tilkynnt um kjör íþróttakonu og íþróttakarls árborgar 2009. Boðið verður upp á skemmtiatriði og kaffiveitingar. Allir eru velkomnir.

Miðvikudaginn 30. desember verður Áramótamót frjálsíþróttadeildar Umf. Selfoss haldið í íþróttahúsi Vallaskóla og hefst keppnin klukkan 18. Keppt verður í kúluvarpi, langstökki án atrennu, þrístökki án atrennu, hástökki án atrennu og hástökki í flokkum karla og kvenna.  Einnig verður keppt í kúluvarpi pilta og telpna. Skráning fer fram á staðnum.

Stelpurnar í mfl. kvenna, sem eru undir stjórn Helenu Ólafsdóttur, spiluðu tvo æfingaleiki um daginn. Í fyrri leiknum var þeim hent beint í djúpu laugina er þær mættu meistaraliði Vals. Sá leikur fór nú ekki betur en svo að stelpurnar steinlágum í valnum. Seinni leikurinn var gegn Haukum rétt fyrir jól og endaði með jafntefli.

Síðustu helgi spilaði 3. flokkur B lið sinn síðasta leik fyrir jól. Verkefnið var útileikur á móti Gróttu2 sem er einnig B lið í 2. deild Íslandsmótsins rétt eins og Selfoss 2. Leikurinn tapaðist 21-20 og skoraði Grótta sigurmarkið 11 sekúndum fyrir leikslok.

Árum saman hefur Ungmennafélag Selfoss sinnt ákveðnum þjónustustörfum fyrir jólasveinana þrettán sem búa í Ingólfsfjalli. Á aðfangadag hafa jólasveinarnir boðist til að fara með jólapakka heim til krakka á Selfossi. Til að nýta sér þá þjónustu þarf að koma pökkunum í Tíbrá, félagsheimili Umf. Selfoss, Engjavegi 50 (við íþróttavöllinn), á Þorláksmessu 23. des. kl. 18:00 - 21:00. Hver sending kostar kr. 1.000 á fjölskyldu. Sveinarnir koma síðan í heimsókn kl. 10-13 á aðfangadag

HSK-mót í meistaraflokki karla í handknattleik fór fram í Vallaskóla föstudaginn 18. desember s.l. Var þetta í þriðja skipti sem mótið er haldið eftir að það var endurvakið. Spilað var hraðmót þar sem hver leikur var 2x10 mín. Fjögur lið mættu til leiks, Árborg, Baldur, Dímon og Selfoss. Svo fór að lið Selfoss sigraði nokkuð örugglega. Í liðinu voru nokkrir liðsmenn úr 1. deildarliði Selfoss auk stráka úr 2. og 3. flokki. Úrslit leikja urðu eftirfarandi:

Á morgun mánudag hefst sala á jólaggjöf knattspyrnuáhugamannsins. Þetta er að sjálfsögðu árskort á völinn þ.e.a.s. frítt á alla heimaleiki Selfoss sumarið 2010. Einnig veitir ársmiðinn aðgang að veitingum í hálfleik á leikjum og ýmsum uppákomum fyrir valda leiki í sumar. Auk þess verða í boði fyrir árskorthafa, óvæntar uppákomur samhliða leikjum í Deildarbikarnum, en hann byrjar nú í febrúar.

Í gær laugardag dró Gunnar Örn Jónsson, fulltrúi sýslumanns, vinningshafana úr Jólahappdrætti unglingaráðs knattspyrnudeildar Selfoss. Unglingaráð knattspyrnudeildar þakkar öllum þeim harðduglegu sölumönnum (krakkarnir í yngri flokkum) fyrir þeirra þátt í þessari skemmtilegu fjáröflun. Einnig þökkum við þeim fyrirtækjum sem gáfu vinninga fyrir þeirra góða framlag. Hér að neðan eru númer vinningshafa.

Knattspyrnudeild Selfoss ætlar á Þorláksmessu að halda skötuveislu í Tíbrá félagsheimili UMFS við Engjaveg á Selfossi. Í boði verður veglegt skötuhlaðborð: skata, saltfiskur, síld og allt tilheyrandi meðlæti. Verð fyrir hlaðborðið er aðeins 2.200 krónur. Þetta er að sjálfsögðu opið öllum, hvort sem fótboltaáhugi er fyrir hendi eða ekki, en munið að um takmarkað sætaframborð að ræða og því um að gera að panta strax. Húsið opnar kl. 11.15 og verður borinn fram matur til kl. 14.00. Miðapantanir eru í síma: 897-7697 Sveinbjörn og 699-0660 Tómas. Einnig er hægt að senda inn pantanir á netfangið tommi@talnet.is

Selfoss er komið í 8 liða úrslit í Bikarkeppninni í 2. flooks karla með naumum sigri á Fram 29-30 í gær. Andri Már Sveinsson skoraði sigurmarkið 9 sekúndum fyrir leikslok.

Heimasíðan ákvað að taka saman nokkur atriði um stöðuna hjá meistaraflokki nú um áramót. Mótið er nú tæplega hálfnað og hlé er á mótinu til 22. janúar, en þá byrjar fjörið aftur með heimaleik við ÍBV sem er í 3. sæti deildarinnar.

Okkar drengir í 3. flokki sóttu Framara heim síðastliðinn þriðjudag og urðu því miður að játa sig sigraða 34-32 eftir að heimamenn leiddu í hálfleik 19-15. Selfoss lék mun betur en í leiknum á undan gegn sama Framliði. Nú var liðið einbeitt, þorði og lagði sig allt í verkefnið. Það dugði þó ekki að þessu sinni.

Knattspyrnudeild Umf. Selfoss er um þessar mundir að safna liðsmyndum af öllum flokkum frá nýliðnu sumri. Ef foreldrar eða aðrir eiga myndir af liðum þá má endilega senda þær á netfangið tommi@talnet.is og eins láta fylgja með hvaða lið þetta er t.d „5 fl. karla b-lið“

Nú hefur verið dregið í riðla í Deildarbikar KSÍ 2010. Selfyssingar eru í skemmtilegum riðli með úrvalsdeildarfélögunum FH, Fram og Val og svo 1. deildarfélögunum Fjölni, KA, Leikni og Víkingi Reykjavík.

HSK-mótið í júdó var haldið í júdósal UMFS 10. desember s.l. Alls voru 56 keppendur skráðir til leiks, 54 frá UMFS og 2 frá UMFL. Mörg góð tilþrif sáust á mótinu, þá sérstaklega hjá yngsta hópnum 6-10 ára. Eru þar margir efnilegir júdómenn á ferð. Athygli vakti árangur Sturlaugs Eyjólfssonar sem er einungis 16 ára, en hann náði 2. sæti í +81 kg. 15 ára og eldri. En úrslit urðu eftirfarandi.

Síðustu tímar í ungbarnasundi á þessu ári klárast með jólasundi í vikunni. Ný byrjenda- og framhaldsnámskeið hefjast í byrjun janúar. Nánari upplýsingar og skráning hjá Guðbjörgu Bjarnadóttur í síma 848 1626 eða 482 2808.

Íslensk jólatré af Suðurlandi verða til sölu helgina 19. og 20. desember á íþróttavellinum við Engjaveg. Opið laugardag og sunnudag kl. 10-18. Komum og kaupum íslensk tré og styðjum í leiðinni 4. fl. kenna í handbolta, sem er á leið á Partille Cup í Svíþjóð næsta sumar. Veljum íslenskt Stafafura, blágreni og rauðgreni.

Bæði 3. flokks liðin hafa leikið að undanförnu sem og yngra lið 2. flokks. Sigur náðist í tveimur leikjum af þremur. 92 lið Selfoss tapaði gegn Fram, 93 vann lið Þróttar og svo vann 91 (2. fl) lið Aftureldingar.

Á laugardaginn þreyttu 59 einstaklingar beltapróf í Iðu. Allir iðkendur stóðu sig með prýði og voru deildinni til mikils sóma. Master Sigursteinn Snorrason 5. dan gráðaði hópinn og var hann mjög ánægður með árangurinn og sérstaklega með þjálfunina í vetur. Alls tóku 29 iðkendur próf fyrir 10. gráðu sem einstaklega ánægjulegt fyrir deildina og ber vitni um þá miklu grósku og vöxt sem er í deildinni.

Selfoss heimsótti Keflavík í dag. Leikið var í Reykjaneshöllinni og endaði leikurinn 2-2, eftir að Selfoss hafði leitt leikinn 0-2. Það voru þeir Arilíus og Árni Páll sem skoruð mörk Selfoss. Átta leikmenn Selfoss voru meiddir í leiknum og voru þeir því aðeins með 14 manna hóp, en eins og flestir vita vann yngra liðið Árborg í gær og því erfiðara að nota þá leikmenn aftur. En þeir þrír sem á bekknum voru spiluðu reyndar allir deginum áður

 

Selfoss tók á móti Árborg í Kórnum í gær, föstudag. Selfoss var með U-20 ára lið sitt, en fékk Ella markmann til að vera strákunum til halds og traust. Árborg komst yfir í leiknum og leiddu sanngjarnt 1-0 í hálfleik eftir að hafa verið mun betri aðilinn. Í seinni hálfleik vöknuðu ungu strákarnar og náðu að knýja fram sigur 1-2 með tveimur mörkum frá Hartmanni Antonssyni. Þess má geta að Mummi átti þrjú stangarskot í leiknum og því ljóst að það styttist í hans fyrsta mark fyrir meistaraflokk.

Þeir Haukur Ingi Gunnarsson og Björn Ingi Harðarson voru valdir til að æfa með U-16 ára landsliði Íslands í knattspyrnu. Æfingarnar fara fram í Kórnum í Kópavogi um helgina. Haukur Ingi hefur áður verið valinn, en þetta er í fyrsta sinn sem Björn Ingi er valinn. Þetta er mikill heiður fyrir strákana og óskar heimasíða umfs.is þeim innilega til hamingju með þennan áfanga.

Guðrún Arnardóttir var í vikunni valin til að æfa með U-16 ára landsliði Íslands í knattspyrnu, en fyrir í því landsliði voru þær Erna Guðjónsdóttir og Eva Lind Elíasdóttir frá Selfossi. Þetta er að sjálfsögðu mikill heiður fyrir þessar stúlkur og óskar heimasíða umfs.is þeim að sjálfsögðu innilega til hamingju með þennan áfanga. Æfingar eru hjá stelpunum í Kórnum um helgina. Þjálfari stelpnanna er Þorlákur Árnason.

Í kvöld sóttu okkar menn Víkinga heim og unnu sigur 30-32. Staðan í hálfleik var 14-17 fyrir Selfoss. Sigurinn setur okkar menn á toppinn í jólafríinu og það sem skiptir meira máli er að Selfoss hefur unnið báða leikina við þetta sterka Víkingslið.

Jólasýning Fimleikadeildar Umf. Selfoss verður laugardaginn 12. desember í íþróttahúsi Vallaskóla. Sýningarnar verða tvær eins og undanfarin ár og hefst fyrri sýningin kl. 10:00 og sú seinni klukkan 12:30. Þetta árið ber sýningin nafnið "Jól í Strumpalandi".  Á milli sýninga verður kaffihúsastemming í anddyri Vallaskóla þar sem hægt verður að gæða sér á súpu og öðru góðgæti. Undirbúningur er búinn að standa yfir í um það bil þrjár vikur og er allt að taka á sig rétta mynd. Undanfarin ár hefur stúkan verið full á báðum sýningum og vonum við að svo verði einnig í ár. Aðgangseyrir verður kr. 500 fyrir 16 ára og eldri og gildir miðinn á báðar sýningarnar. Forsala miða verður föstudaginn 11. des í íþróttahúsi Vallaskóla frá kl. 16-19, við bendum á að röð gæti myndast á sjálfan sýningardaginn. Hlökkum til að sjá ykkur!
Fyrir hönd Fimleikadeildar Umf. Selfoss. Æðstistrumpur 

Þær Erna Guðjónsdóttir og Eva Lind Elíasdóttir hafa verið valdar til að æfa með U-16 ára landsliði Íslands. Þetta er í fyrsta skipti sem þessar tvær stelpur eru valdar í landsliðið, enda eru þær einungis 13 og 14 ára gamlar á þessu ári. Æfingar verða hjá stelpunum í Kórnum á laugardag og Egilshöll á sunnudag. Þjálfari U-16 ára landsliðsins er Þorlákur Árnason, en hann er einnig með U-17 ára landsliðið. UMFS.is óskar stelpnum að sjálfsögðu til hamingju með árangurinn.

Selfoss tapaði í gær fyrir HK í 8 liða úrslitum í Bikarkeppninni. Leikurinn endaði 18-25 fyrir HK, en staðan í hálfleik hafði verið 9-10 fyrir gestina. Okkar menn náðu sér aldrei á strik í sókninni að þessu sinni og því fór sem fór. 

Unglingamót HSK í sundi fór fram þann 5. desember í Sundhöll Selfoss. Sunddeild Umf. Selfoss vann mótið annað árið í röð með 160 stigum, en næst kom Sunddeild Hamars með 108 stig. Sunddeildin sendi 13 sundmenn á aldrinum 11-14 ára til leiks, en hver sundmaður má taka þátt í þremur greinum sem geta gefið stig sé hann í einu af 6 fyrstu sætunum. Fyrsta sæti gefur 6 stig, annað sæti 5 stig og þannig koll af kolli.

Íslensk knattspyrna 2009 eftir Víði Sigurðsson íþróttafréttamann er nú komin út. Þetta er 29. bókin í samnefndum bókaflokki sem hóf göngu sína árið 1981. Bókin í ár er sérstaklega eiguleg fyrir Selfyssinga, því eðlilega er mikið fjallað um þá í bókinni. En það er bókaútgáfan Tindur gefur bókina út.

B-lið 4. flokks karla lék gegn Stjörnunni í gær. Stjarnan er með hörkulið og vann m.a. A-lið ÍR í bikarnum. Selfyssingar léku gríðarlega vel lengst af í leiknum og var leikurinn í járnum löngum stundum. Í lokin hins vegar sigu Stjörnumenn nokkuð fram úr og náðu að sigra.

4. flokkur Selfoss mætti Gróttu í bikar í gærkvöldi. Leikurinn var afar sérkennilegur og er óhætt að segja að lítið sem ekkert hafi fallið með Selfossi í leiknum. Eftir að hafa verið þremur mörkum yfir í hálfleik vann Grótta 28-21 sigur. Selfyssingar reyndu í leiknum en ólán þeirra var algjört þennan daginn og sem dæmi um það þá átti Selfoss heil 12 skot í annað hvort stöng eða slá í leiknum.

Það var sannkallaður sunnlendingaslagur sem fram fór í knattspyrnuhöllinni á Akranesi á fimmtudaginn. Þar mættust úrvalsdeildarlið Selfoss og ÍBV í nokkuð góðum leik miðað við árstíma og æfingavikuna sem var að líða hjá Selfyssingum. ÍBV vann leikinn 1-0 og var það nokkuð sanngjarnt.

Fimmtudaginn 3. des. hélt handknattleiksdeild Umf. Selfoss jólahlaðborð fyrir iðkendur í 3. flokki og upp úr. Auk þeirra mættu stjórn handknattleiksdeildar ásamt helstu styrktaraðilum handboltaakademíunnar. Alls voru um 75 manns sem gæddu sér að glæsilegum kræsingunum í Tíbrá.

Knattspyrnudeild Umf. Selfoss fékk í gær heiðursverðlaun Tinds –Íslensk knattspyrna sem afhent var í höfuðstöðvum KSÍ í tilefni útgáfu bókarinnar Íslensk knattspyrna 2009. Árið 2008 var það kvennalandsliðið í knattspyrnu sem fékk þessi sömu verðlaun fyrir að tryggja sér þátttöku í lokakeppni Evrópumótsins sem fram fór í Finnlandi. Við sama tilefni fékk Guðmundur Benediktsson, þjálfari Selfoss, einnig sérstök verðlaun.

Selfoss tekur á móti ÍBV í Akraneshöllinni í dag fimmtudag kl. 21.30. Leikurinn átti að fara fram á gervigrasinu á Selfossi, en því miður er það ekki hægt vegna þess að völlurinn er þakinn snjó. Selfyssingar hafa því ekkert náð að æfa í vikunni. Þetta er fjórði æfingaleikur Selfoss undir stjórn Gumma, en alls verða sjö æfingaleikir fram að áramótum. 

Þeir Guðmundur Þórarinsson og Jón Daði Böðvarsson munu æfa með U-19 ára landsliði Íslands um helgina, en strákarnir hafa æft með liðinu í haust. Gummi hefur áður keppt með liðinu, en þá var hann á yngra ári. Báðir spiluðu þeir svo með U-18 ára landsliðinu fyrr á árinu. Reynir Óskarsson æfir líka með sínu landsliði um helgina. Hann er í U17 ára landsliðinu, en áður æfði Reynir með U-16 ára landsliðinu.

Sala happdrættismiða í jólahappdrætti unglingaráðs knattspyrnudeildar er hafin. Búið er að dreifa miðum á alla flokka og krakkarnir þegar byrjuð að ganga í hús og selja miða. Fjöldi glæsilegra vinninga er í boði m.a. sjónvarp frá Árvirkjanum, flakkari frá TRS, kaffivél frá Fossraf og ýmsir fleiri hlutir, auk gjafabréfa frá nokkrum fyrirtækjum. Útgefnir miðar eru 1.500 og dregið verður 19. desember. Aðeins verður dregið úr seldum miðum. Verð miða er 1.000 kr. eins hefur verið undanfarin ár.

Í dag þriðjudaginn 1. des mun unglingaráð knattspyrnudeildar taka niður pantanir á Selfoss-göllum, vínrauðir og svartir frá Hummel. Við verðum í Tíbrá frá kl. 16:00-19:00 í dag. Hægt er að máta galla á staðnum og gera pöntun. Gallarnir koma í eftirfarandi stærðum og eru verðin eftir þeim: Barnagallar 4-6-8-10-12-14 kosta 6.990 kr., (7.790 kr. með merkingu).  Fullorðinsgallar S-M-L-XL-XXL kosta 8.990 kr., (9.790 kr. með merkingu). Stjórn unglingaráðs knattspyrnudeildar Selfoss

Strákarnir í 4. flokki Selfoss fór í gær ferð til Akureyrar og léku bæði A og B liðin gegn KA. Því miður var þetta ekki ferð til fjár því bæði lið töpuðu í æsispennandi leikjum. Möguleiki var í báðum leikjum að ná í það minnsta jafntefli og jafnvel sigri, en því miður fór ekki svo. B-liðið spilaði sinn besta leik í vetur og er það jákvætt. A-liðið hins vegar var langt frá sínu besta.

Fimm ungir og efnilegir leikmenn skrifuðu um helgina undir KSÍ samning við Selfoss. Selfyssingar hafa verið óhræddir við að gefa sínum ungu og efnilegu strákum möguleika með meistaraflokki og verður þess örugglega ekki langt að bíða að einhverjir af þessum strákum fái sín fyrstu tækifæri þar.

Arilíus Marteinsson framlengdi samning sinn við Selfoss um helgina. Samningur hans var útrunninn og framlengdi Alli til tveggja ára. Arilíus sem er 25 ára hefur leikið allan sinn meistaraflokksferil með Selfossi og í fyrra lék hann alla 22 leiki liðsins í deildinni og skoraði í þeim 5 mörk. Alls hefur Arilíus leikið 174 leiki fyrir Selfoss í deild og bikar og skorað í þeim 54 mörk.

Framarar gerðu góða ferð til Selfoss í gær og unnu okkar menn 33-35 í hörkuleik. Selfyssingar leiddu í 57 mínútur af 60 í leiknum, en það dugir víst ekki.  Í hálfleik stóð 19-17 fyrir heimamenn.

Selfoss tapaði í morgun fyrir liði Víkings Reykjavík 2-1 eftir að Selfyssingar höfðu verið yfir í hálfleik. Jón Guðbrands kom Selfyssingum yfir í fyrri hálfleik og voru þeir sterkari aðilinn. Leikurinn jafnaðist svo í seinni hálfleik og skoruðu Víkingar drauma sigurmark. 

Í gær sunnudag tók A lið 2. flokks á móti FH. Gestirnir mættu frískir en það entist bara fram að hálfleik en þá var staðan 18-14 fyrir Selfoss. Í seinni hálfleik settu okkar með í 5. gír og unnu sanngjarnan sigur 42-25.

Á laugardaginn mætti B liðið okkar A liði Hauka í 2. deildinni á Íslandsmótinu í 3. flokki. Haukar hafa ekki tapað leik í vetur og tróna á toppi deildarinnar. Haukar unnu 31-27. Staðan í hálfleik var 14-13 fyrir Hauka.

Selfosskrakkar gerðu það gott á Íslandsmótinu í almennum fimleikum sem lauk á Selfossi sunnudaginn 29. nóv. Þau hömpuðu sjö Íslandsmeistaratitlum og unnu yfir 50 verðlaunasæti. Á laugardeginum fór fram seinni hluti Íslandsmótsins í almennum fimleikum, en á sunnudeginum var keppt í þrepum 1-6.

Í kvöld tóku okkar menn á móti Fjölni í 1. deildinni í handbolta. Það var ljóst frá upphafi í hvað stefndi því að heimamenn settu strax í fluggírinn og héldu honum allan tímann. Staðan í hálfleik var orðin 18-6 og leikurinn endaði síðan með öruggum 19 marka sigri Selfyssinga, 36-17.

Selfoss tekur á móti Víkingi Reykjavík í Víkinni á morgun kl. 11.00. Þetta er þriðji æfingaleikur strákanna undir stjórn Gumma Ben. Fyrsta leiknum töpuðu þeir gegn KR, en unnu svo Val fyrir rúmlega viku. Alls voru mættir 26 leikmenn á æfingu hjá Selfossliðinu í gær og má því búast við að einhverjir séu fái að leika sinn fyrsta meistaraflokksleik fyrir Selfoss á morgun laugardag.

Seinni hluti Íslandsmótsins í almennum fimleikum fer fram í Vallaskóla um helgina. Þetta er síðari  hluti mótsins, en í fyrri hlutanum var keppt í 1. þrepi og 2. þrepi. Nú verður keppt í 3. - 6. þrepi. Fimleikadeild Selfoss á fjölda þátttakenda í 3. þrepi, 3 keppendur í 4. þrepi og 3 í 5. þrepi. Á laugardaginn er keppt  í 3. þrepi og er keppnin tvískipt. Fyrra mótið hefst kl. 12:30, en þá keppa 15 ára og eldri og 13 ára. Seinni hlutinn hefst kl.14:50, en þá keppa 12 ára og 14 ára. Tíu efstu eintaklingarnir óháð aldri komast svo áfram í úrslit á meistaramótið sem haldið er á sunnudaginn í Vallaskóla. 

Á þriðjudaginn var dregið í 8 liða úrslitum Eimskips bikars karla. Selfoss dróst á móti HK og verður leikurinn í Vallaskóla sunnudaginn 6. desember kl. 19:00. Í hinum leikjunum eigast við FH og Haukar, sama dag kl. 16:00, Valur og Fram mánudaginn 7. des kl. 19:30 og svo Víkingur og Grótta 7. des kl. 19:30. Nú verða Selfyssingar að þjappa sér vel saman og styðja strákana dyggilega í leiknum við HK.

32 keppendur frá Frjálsíþróttadeild Umf. Selfoss tóku þátt í Silfurleikum ÍR sem haldnir voru í frjálsíþróttahöllinni í Laugardalnum þann 21. nóvember sl. Í flokkum 11 ára og eldri var keppt til verðlauna en hjá 10 ára og yngri fengu allir sem tóku þátt verðlaun. Keppendur 8 ára og yngri fóru í gegnum þrautabraut sem samanstóð af 10 þrautum. Árangur Selfoss krakkanna var eftirfarandi:

Næstu þrjá laugardaga mun meistaraflokkur Selfoss leika þrjá æfingaleiki. Laugardaginn 28. nóv verður leikur gegn Víkingi á gervigrasinu í Víkinni og hefst hann kl. 11.00. Annan laugardag, eða þann 5. des verður leikur gegn ÍBV á gervigrasinu á Selfossi og hefst sá leikur líka kl. 10.30. Að lokum verður leikið gegn Keflavík í Reykjaneshöllinni laugardaginn 12. des og hefst sá leikur kl. 10.00.

Guðmunda Brynja Óladóttir leikmaður 3., 2. og meistaraflokks hefur verið valin til æfinga með U-17 ára landsliði Íslands. Gumma hefur nokkrum sinnum áður æft með landsliðinu og eins tekið þátt í stórmóti með því. Æfingarnar eru á laugardag og sunnudag í Kórnum í Kópavogi. Þjálfari stelpnanna er Þorlákur Árnason.

Sunddeild Umf. Selfoss hyggst hefja nýstárlega fjáröflun sem felst í því að safna gömlum fartölvum og GSM símum sem ekki eru lengur í notkun á heimilum og hjá fyrirtækjum á Selfossi. Deildin fær greitt fyrir þau tæki sem safnast en þau eru flutt út í endurnýtingu.
Fyrirtækið Græn framtíð annast flutning á tækjunum  til viðurkenndra endurvinnslufyrirtækja erlendis sem tryggja endurnýtingu á þeim með ábyrgum hætti. Heilir símar og fartölvur verða nýttir áfram í þróunarlöndum og íhlutir úr ónýtum tækjum verða nýttir í annan búnað. Þá verður spilliefnum úr þeim eytt með löglegum hætti.

Sex kepppendur frá júdódeild Umf. Selfoss kepptu á kyumóti á Akureyri 14. nóvember s.l. Stóðu þeir sig frábærlega jafnt innan vallar sem utan. Allir komu heim með verðlaun, en afrakstur ferðarinnar var 3 gull, 1 silfur og 2 brons. Árangur einstakra júdómanna var eftirfarandi:

Fyrsta mót kraftlyftingadeildar Umf. Selfoss, sem jafnframt var Íslandsmeistaramót í réttstöðulyftu, var haldið laugardaginn 21. nóv. s.l. í Toppsport á Selfossi. Þátttaka var mjög mikil eða 29 keppendur. Þetta er fyrsta mót deildarinnar, en deildin hefur verið að móta starfið í nýstofnaðri deild undanfarna mánuði.

Hádegisfundur ÍSÍ verður haldinn föstudagurinn 27. nóv. Jón Sigfússon framkvæmdastjóri og Álfgeir Logi Kristjánsson rannsóknarstjóri hjá Rannsóknum og Greiningu við HR munu fara yfir rannsóknina Ungt fólk 2009 og rýna í þá þætti sem snúa að íþróttum og/eða íþróttaiðkun. Fyrirlesturinn verður í E-sal Íþróttamiðstöðvarinnar í Laugardal frá kl. 12.00-13.00. Hann er ókeypis og öllum opinn á meðan húsrúm leyfir.

Á laugardaginn mættu strákarnir okkar, sem eru í B liði 3. flokks og spila í 2. deild Íslandsmótsins, liði HK sem er eitt það besta í deildinni. Strákarnir ákváðu að gefa allt í leikinn og sjá hverju það myndi skila. Það skilaði jafntefli 37-37 en í hálfleik var 18-18. Frábær leikur hjá strákunum. 

Liðsmenn meistaraflokks Umf. Selfoss í handbolta ásamt stuðningsmönnum stóðu fyrir gerð auglýsingarskiltis fyrir heimaleiki liðsins í vetur. Verður skiltið notar til að minna á leiki liðsins og verður staðsett á Austurvegi á leikdag. Skiltið var gert með stuðningi BYKO og eru plöturnar með nöfnum keppnisliðanna framleiddar í númeragerð fangelsisins á Litla Hrauni. Fagform skiltagerð á Selfossi annaðist merkingu þess. Vilja liðsmenn meistaraflokks og stuðningsmenn þakka ofangreindum aðilum stuðninginn.

HSK mótið í 4. flokki í handknattleik fór fram í Vallaskóla í dag. Fjögur lið kepptu þar, tvö frá Selfossi auk þess sem Biskupstungur og Dímon frá Hvolsvelli léku á mótinu. Mótið gekk verulega vel og stóð Selfoss 1 að lokum uppi sem sigurvegari með fullt hús stiga (6 stig). Mikil barátta var milli hinna liðanna um sæti. Tveir af þremur leikjum þeirra lauk með jafntefli og náði Selfoss 2 að vinna Dímon með einu marki og tryggja sér þannig 2. sætið með 3 stig. Biskupstungur enduðu í 3. sæti með 2 stig og að lokum varð Dímon í 4. sæti með 1 stig.

Selfyssingar munu taka á móti nágrönnum sínum í Fylki í fyrsta leik liðsins í efstu deild, en dregið var í gær. Í annarri umferð halda Selfyssingar í Vesturbæinn og heimsækja KR. Það má búast við því að það verði gaman fyrir Gumma Ben þjálfara Selfoss að koma í Vesturbæinn, því þar gerði hann garðinn frægan. Lokaleikur Íslandsmótsins verður svo gegn Grindavík á Selfossi.  

Reynir Óskarsson var valin til að æfa með U-17 ára landsliði Íslands, en æfingar fara fram um helgina. Reynir hefur æft með KFR frá upphafi, en hafði félagsskipti í Selfoss á dögunum. Hann er fæddur 1994 og lék 14 af 15 leikjum meistaraflokks KFR á síðasta ári og skoraði eitt mrk. Um leið og umfs.is óskar honum til hamingju með að hafa verið valinn til að æfa með landsliðinu, bjóðum við hann hjartalega velkomin í Selfoss.

Selfyssingar tóku á móti Val í Egilshöllinni á fimmtudagskvöld og sigruðu 2-0. Þetta var annar æfingaleikur Gumma Ben með Selfossliðið og var mun betri bragur á liðinu nú, en í síðasta leik. Eins og flestir vita stjórnar Gulli Jóns liði Vals, en þetta var fyrsti leikur þeirra undir hans stjórn. Selfoss og Valur áttust við í æfingaleik fyrir tímabilið í fyrra og unnu Selfyssingar þá líka nokkuð öruggan sigur 1-0.

HSK-mótið í 4. flokki fer fram um helgina. Á mótinu eru bæði lið Selfoss í flokknum auk þess að Dímon og Biskupstungur munu taka þátt. Mótið fer fram á sunnudaginn og er fólk eindregið hvatt að mæta og sjá skemmtilegt handboltamót. Leikjafyrirkomulag er hér fyrir neðan.

Í kvöld unnu okkar menn lið ÍR 32-28. Sigurinn var mun öruggari en tölurnar gefa til kynna, en Selfoss komst mest í 25-12 þegar um 19 mín. voru eftir af leiknum. Staðan í hálfleik var 16-9.

Í kvöld sækja ÍR-ingar Selfyssinga heim í 1. deild karla í handbolta. Þetta verður án efa stórleikur, eins og ávallt þegar þessi lið hafa mæst undanfarin tímabil. Eftir 5 umferðir er Selfoss í 2. sæti deildarinnar með 8 stig, en ÍR-ingar eru í 3.-4. sæti ásamt Víkingum með 6 stig. Selfyssingar hafa bara tapað einum leik með einu marki gegn Aftureldingu sem er efst í deildinni með fullt hús stiga. Nú er um að gera að skella sér í Vallaskóla í kvöld og sjá spennandi viðureign. Leikur Selfoss og ÍR hefst kl. 19:30.

Þórðarmótið í sundi fór fram s.l. laugardag í Sundhöll Selfoss. Þátttaka á mótinu var góð en auk krakka úr Sunddeild Umf. Selfoss var Íþróttafélaginu Dímon boðið að vera með. Frá Dímon mættu nokkrir krakkar til leiks. Árangur á mótinu var góður þrátt fyrir að flensa og veikindi hafi sett aðeins strik í reikninginn varðandi æfingar undanfarnar vikur. Úrslit mótsins verða ekki tíunduð hér að öðru leyti en því að Hrólfur Laugdal Árnason hlaut Þórðarbikarinn fyrir besta árangur mótsins en hann synti 50m skriðsund á 27,89 sek. og hlaut 555 stig samkvæmt stigatöflu Alþjóða sundsambandsins.

Knattspyrnudeild Umf. Selfoss vill fá að þakka RÚV fyrir góða og vandaða umfjöllun um knattspyrnu á Selfossi síðastliðið sumar. Knattspyrnumönnum finnst ástæða til að árétta að umfjöllun um Selfossliðið síðasta sumar var mjög fagleg og í alla staði til fyrirmyndar hjá öllum þeim fjölmiðlum sem um íþróttir fjalla.

Í gærkvöldi vann Selfoss lið Þróttar á útivelli 30 - 15 og er því komið í 8 liða úrslit Bikarkeppninnar. Sigurinn var sannfærandi eins og tölurnar gefa til kynna. Varnarleikur og markvarsla heldur áfram að vera aðall liðsins og þá lagaðist sóknarleikurinn aðeins frá síðustu leikjum.

Í gærkvöldi áttust við Þróttur og Selfoss í 16 liða úrslitum Eimskips bikars karla í handbolta. Fór leikurinn fram í Laugardalshöllinni. Margir hafa eflaust beðið spenntir eftir úrslitunum í 10 fréttunum í Sjónvarpinu og að fá að sjá svipmyndir úr leiknum. Í lok fréttatímans var sagt frá leik Hauka og Hauka 2, sem einnig var í 16 liða úrslitunum og sýndar myndir úr þeim leik. Ekki var svo mikið sem minnst einu orði á leik Þróttar og Selfoss, hvað þá að sýndar væru myndir úr leiknum. Með þessu er Sjónvarpið augljóslega að mismuna félögum.

Selfyssingar taka á móti Val í Egilshöll næstkomandi fimmtudag og er þetta annar æfingaleikur Selfyssinga fyrir komandi tímabil. Leikurinn er eins og áður sagði fimmtudaginn 19. nóvember og hefst hann á hefðbundnum brasilískum leiktíma eða kl 21.30. Búast má við hörkuleik, en þjálfari Vals er eins og flestir vita Gunnlaugur Jónsson sem kom Selfyssingum upp í efstu deild síðastliðið sumar.

Þeir Jón Daði Böðvarsson og Guðmundur Þórarinsson voru valdir á úrtaksæfingar u-19 ára landsliðs KSÍ. Þeir hafa báðir æft með liðinu undanfarin misseri. Alls voru 32 strákar valdir á æfingarnar sem fara fram í Kórnum og Egilshöll 21. og 22. nóvember n.k. Landsliðsþjálfari er Kristinn Rúnar Jónsson.

Íslandsmeistaramótið í réttstöðulyftu fer fram á Selfossi laugardaginn 21. nóvember næstkomandi. Mótið sem er í umsjón Umf. Selfoss fer fram í líkamsræktarstöðinni Toppsport, Gagnheiði 43 og hefst kl.14:00. Metþátttaka er á mótinu, en 8 konur og 25 karlar eru skráð til leiks. UMFN Massi og Breiðablik mæta með 11 keppendur hvort og Ármann með 10. Heimamenn setja traust sitt á Daníel Geir sem er eini keppandinn frá Selfossi. Það stefnir augljóslega í spennandi og skemmtilegt mót. Nánari upplýsingar fyrir keppendur og áhorfendur munu birtast hér fljótlega.

Á sunnudaginn komu HK menn í heimsókn í 1. deildinni í 2. flokki. Okkar strákar voru mun betri í leiknum og skiluðu af sér 12 marka sigri 37 - 25 eftir að hafa leitt í hálfleik með 8 mörkum eða 17 - 9.

Haukar frá Hafnarfirði sóttu okkar menn heim í gær og léku gegn 91-liði Selfoss. Ekki var leikurinn neitt áferðarfallegur, en tvö stig í hús fyrir okkar menn er jú það sem skiptir öllu. 30-22 sigur eftir að í hálfleik stóðu leikar 13-10.

Á laugardaginn unnu heimamenn á Selfossi lið Mosfellinga 35-26 eftir að í leikhléi hafi staðið 17-13. Leikurinn var sveiflukenndur, en lauk þó með öruggum sigri okkar manna.

Rúmlega 100 manns mættu í dögurð (brunch) hjá Selfoss-Getraunum og 2. flokki knattspyrnudeildar í Tíbrá 7. nóvember. Aldrei hafa fleiri mætt á viðburð hjá Selfoss-Getraunum enda mikil gróska í starfinu og sífellt fleiri sem bætast í góðan hóp tippara hér á Selfossi. Við sama tækifæri voru veitt verðlaun fyrir vorleik Selfoss-Getrauna.

A-liðið í 4. flokki fór í Kópavoginn í dag að leika við HK. Um var að ræða hörkuleik sem var jafn lengst af. Selfyssingar voru lengi í gang, en náðu að leiða 14-15 í hálfleik og vinna 25-31 í furðulegum leik. Strákarnir stóðu saman þegar mest á reyndi og héldu áfram þrátt fyrir mótlæti og geta þakkað því að þeir náðu að sigra leikinn.

Helgina 14. og 15. nóvember sl. var haustmót FSÍ haldið á Akranesi. Keppt var í fyrsta sinn eftir nýjum Evrópureglum í Team-Gym (hópfimleikum). Fimleikadeild Umf. Selfoss sendi 12 lið til keppni, en alls voru 57 lið skráð til þátttöku í 6 flokkum. Liðin frá Selfossi voru ellefu kvennalið og eitt mix lið, þ.e. lið skipað bæði stúlkum og drengjum. Keppendur frá Selfossi voru á aldrinum 9-25 ára. Gaman var að sjá hve margir foreldrar fylgdu börnum sínum á mótið en góður stuðningur er mikilvægur fyrir liðin þegar mikið liggur við. Helstu úrslit voru þessi:

Fyrr í dag vann Selfoss lið ÍBV á erfiðasta útivelli landsins. Það var frekar sætur sigur því að í lokin stefndi allt í það að Selfoss myndi kasta frá sér sigrinum á sama hátt og gegn Aftureldingu á þriðjudaginn. Í þetta skipti var liðið þó ekki rænt sigrinum heldur má segja að liðið hafi í lokin stolið til baka því sem var búið að tapa niður, þ.e. sigri.

B-lið 4. flokks lék gegn FH í dag í Vallaskóla. Fyrri hálfleikur var jafn lengst af en í síðari hálfleik sigu FH-ingar fram úr og unnu 17-23. Selfoss bætti sig mikið frá seinasta leik þótt enn sé margt sem megi gera betur.

Það er margt að gerast í handboltanum hér á Selfossi um helgina. Á morgun fara fram tveir leikir í Vallaskóla. Kl. 13.00 Selfoss - UMFA í 3. fl. 1. deild. Strax á eftir þeim leik eða kl. 15.15 er leikur í 4. fl. B karla, Selfoss - FH. Á sunnudaginn fara fram þrír leikir. Kl. 12.15 Selfoss - Grótta í 3. fl. kvenna, tveir leikir í 2. fl. karla, kl. 17.00 og 18.45. Selfoss2 - Haukar2 og Selfoss - HK. Góða skemmtun og áfram Selfoss!

Gróttumenn af Seltjarnarnesi sóttu okkar heim á Selfoss í gærkvöld og léku í 3. flokki karla. Þeir höfðu ekki erindi sem erfiði og fóru heim tómhentir. Selfyssingar báru sigur úr býtum 38-33 eftir að hafa leitt í hálfleik 19-16.

Hvað á maður að segja annað en ótrúlegt! Selfoss átti sigurinn algjörlega skilinn í gær en á einhvern ótrúlegan hátt tapaðist leikurinn. Það má segja að það hafi verið margt smátt frekar en eitthvað eitt atriði sem varð til þess að leikurinn tapaðist. Sjá meira..

Strákarnir í B-liði 4. flokks mættu Gróttu í bikarnum um helgina. Selfoss liðið náði sér aldrei á strik í leiknum. Frá fyrstu mínútu voru okkar menn langt frá sinni eðlilegu getu. Í sókninni vantaði alla ákveðni og leikmenn virkuðu smeykir. Varnarlega var liðið afar lengi í gang.

Um næstu helgi verður fyrsta FSÍ-hópfimleikamót vetrarins haldið á Akranesi. Fimleikasamband Íslands (FSÍ), stendur fyrir fjórum stórmótum keppnistímabilið 2009-2010: Haustmóti á Akranesi 14. og 15. nóvember, Íslandsmóti unglinga 6. og 7. febrúar í Kópavogi, bikarmóti 13. og 14. mars í Garðabæ. Keppnistímabilinu lýkur síðan með Íslandsmótinu, sem er tvískipt, fyrri hluti á Selfossi 23. apríl og úrslitamótið í Garðabæ 24. apríl 2010Fimleikadeild Umf. Selfoss sendir 12 lið til keppni á haustmótið um næstu helgi.

Gamla myndin að þessu sinni er af 3.flokki karla á leið á Partille-cup trúlega sumarið 1992 eða 1993. Þjálfarar voru Einar Gunnar Sigurðsson og Daði Steinn. Þetta eru árgangar 1977 og 1978.Þarna voru kempur eins og Halli Geir, bræðurnir Gísli og Jói, Steindór Tryggva, Óttar, Bent o.fl.

Guðmunda Brynja Óladóttir var valin til að taka þátt í landsliðæfingum U17 ára landsliðs kvenna. Æfingarnar fara fram helgina 14.-15. nóvember. Á laugardeginum er æfing í Kórnum, en á sunnudeginum æfingaleikur við U19 kvenna í Egilshöll. Landsliðsþjálfari U17 kvenna er Þorlákur Árnason.

Á föstudagskvöldið strax á eftir leiknum við Þrótt í mfl. tóku strákarnir í B-liði 3. flokks á móti ÍBV í 2. deild karla á Íslandsmótinu. Tæpri viku áður höfðu þeir spilað við ÍBV í Eyjum en þá vann ÍBV með 5 mörkum. Í þetta skipti snérist það við og Selfoss vann 29 - 26.

Á laugardaginn fór 2. flokkur til Akureyrar og mætti þar heimamönnum. Akureyri er með eitt besta liðið á landinu og því var þetta mikilvægur leikur í toppbaráttu deildarinnar. Akureyri tapar mjög sjaldan á heimavelli og það breyttist ekkert í þetta skipti. Akureyri vann leikinn 33 - 31.

Alls mættu 110 manns í dögurð (brunch) hjá knattspyrnudeildinni og 1X2 getraunum sem haldin var í gær, laugardag, í Tíbrá. Þetta er að sjálfsögðu metþátttaka og sýnir kannski best þá knattspyrnuvakningu sem nú er á Selfossi. Það voru Guðnabakarí og Kjötvinnslan Krás sem útveguðu hráefnið sem foreldrar krakkanna í 2. flokki elduðu og báru fram.

Fyrsti heimaleikur A-liðs 4. flokks karla fór fram í Vallaskóla í dag. Hátt í 100 manns mættu á leikinn sem var vel leikinn af hálfu Selfoss. Strákarnir höfðu yfirhöndina nær allan leikinn og unnu að lokum góðan 32-25 sigur eftir að hafa verið einu marki yfir í hálfleik. Liðið fer því vel af stað á heimavelli í vetur.

Nú um helgina munu strákarnir í 3. flokki í knattspyrnu hlaupa hús úr húsi á Selfossi og selja bílafána. Fánarnir er merktir með vínrauða ungmennafélagsmerkinu og eru mjög flottir. Strákarnir eru að fara í æfinga- og keppnisferð til Gautaborgar næsta sumar og er þetta liður í fjáröflun fyrir ferðina. Selfyssingar eru hvattir til að taka vel á móti strákunum sem endranær.

Henning Eyþór Jónasson og Andri Freyr Björnsson skrifuðu í dag undir áframhaldandi samning við Selfoss. Þeir komu báðir úr yngri flokka starfi Selfoss. Henning er uppalinn á Stokkseyri og Andri Freyr á Hellu.

Fyrr í kvöld mættu Þróttarar á Selfoss til þess að spila við Selfoss í 1. deild karla á Íslandsmótinu í handknattleik. Selfoss vann leikinn 35 - 22 eftir að hafa haft 11 marka forystu í hálfleik 21 - 10.   

4. flokkur karla leikur um helgina fyrstu heimaleiki sína í vetur. Á laugardag mætir A-liðið Haukum kl. 14:00. B-liðið leikur svo við Gróttu í bikar á sunnudag kl. 13:15. Fólk er eindregið hvatt til að mæta á leikina, en strákarnir í 4. flokki eru staðráðnir í að standa sig vel í vetur og vilja fá sem flesta til að koma á leikina í Vallaskóla í vetur.

Sunnudaginn 8. nóvember kl. 14:00 verður ungmennaþing Árborgar haldið í Pakkhúsinu, ungmennahúsi Árborgar að Austurvegi 2b, (fyrir aftan bókasafnið). Þingið er ætlað öllum ungmennum í Árborg á aldrinum 13 - 30 ára. Markmið þingsins er að skoðanir ungmenna úr öllum byggðarkjörnum Árborgar komi fram. Niðurstöður þingsins verða síðan afhent bæjarstjórn Árborgar.  Yfirskrift þingsins er: "Ekki sitja heima og röfla, komdu þinni skoðun á framfæri". Ragnheiður Hergeirsdóttir, bæjarstjóri Árborgar og Gylfi Þorkelsson, bæjarfulltrúi og formaður íþrótta- og tómstundanefndar munu ávarpa þingið. Boðið verður upp á léttar veitingar. Allir velkomnir

Guðmundur Þórarinsson og Jón Daði Böðvarsson voru í gær valdir til æfinga með u-19 ára landsliði Íslands. Gummi hefur áður leikið með u-19 ára landsliðinu og var þá á yngra ári, en Jón Daði var í síðasta mánuði valinn í fyrsta sinn í þennan landsliðshóp. Áður hafa þeir félagar leikið saman með u-18 ára landsliði Íslands. Æfingar eru hjá þeim um helgina, á laugardag kl 15.00 í Kórnum og á sunnudag kl 09.00 í Egilshöll. Þjálfari strákana er Kristinn Rúnar Jónsson.

Strákarnir í B-liði 3. flokks fóru til Eyja um síðustu helgi. Nánast nýkomnir frá Ísafirði og Akureyri þar á undan. Í þetta skipti náðu þeir ekki að sigra "úti á landi" en A lið ÍBV reyndist betri aðilinn í þessum leik. Slæmur fyrri hálfleikur kostaði möguleika á sigri að þessu sinni

Um síðustu helgi fóru um 40 börn frá fimleikadeild Selfoss á árlegt mót í almennum fimleikum sem haldið var að Varmá í Mosfellsbæ. Keppendur á mótinu komu víðs vegar að af landinu. Keppt var í  1. og 2. þrepi stúlkna og drengja í almenna fimleikastiganum. Keppendur frá Selfossi voru áberandi á mótinu og stóðu sig með mikilli prýði.

Sjöunda herrakvöld knattspyrnudeildar Selfoss sem fram fór í Hvíta húsinu föstudaginn 30. október tókst með eindæmum vel. Uppselt var á herrakvöldið á mánudeginum, en þá var búið að borga fyrir 230 miða, sem er að sjálfsögðu metþátttaka.

Nítján keppendur frá Selfossi tóku þátt í firnasterku bikarmóti í Taekwondo sem haldið var í íþróttahúsinu að Varmá í Mosfellsbæ um helgina. Af þeim fóru 12 á pall í sínum aldurs- og þyngdarflokkum. 4 gull, 5 silfur og 3 brons unnust.

Ragnar Jóhannsson er í viðtali á heimasíðunni í þesari viku. Ragnar er 19 ára unglingalandsliðsmaður. Hann lék með pressuliðinu gegn íslenska A-landsliðinu í siðustu viku og stóð sig mjög vel, skoraði 3 mörk með þrumuskotum og var hvergi banginn við stjörnurnar í landsliðinu. ....

Sundskóli Sunddeildar Umf. Selfoss útskrifaði tvo hópa af framhaldsnámskeiði í október. Hans Jörgen Ólafsson (5 ára) náði þeim frábæra árangri að sýna sömu færni og 7 ára barn nær eftir tvo vetur í skólasundi. Alls ætla 6 börn af námskeiðunum að halda áfram æfingum með Sunddeildinni.

Fimm sundmenn úr Sunddeild Selfoss tóku þátt í árlegu haustmóti Fjölnis sem fram fór í Laugardalslaug 1. nóvember. Öll bættu þau tíma sína í að minnsta kosti einu sundi. Árangur einstakra sundmanna má sjá hér að neðan...

Laugardaginn 7. nóvember bjóða Selfoss - Getraunir öllum tippurum í dögurð/brunch í Tíbrá.
Tækniþjálfarinn kokkar hráefni frá Krás og Guðnabakaríi. Dögurðurinn hefst kl. 11:30 í Tíbrá félagsheimili Umf. Selfoss. Selfoss - Getraunir hvetja tippara til að taka maka sína, börn og aðra fjölskyldumeðlimi með því getraunastarf er félagsstarf fyrir alla fjölskylduna. Mætum öll og eigum notalega stund saman í léttu spjalli og góðum mat. Hlökkum til að sjá þig, Selfoss - Getraunir.

SportTV.is verður með beina útsendingu frá fimleikamóti í 1. og 2. þrepi um helgina en keppt verður á Varmá í Mosfellsbæ. Allt mótið verður í beinni útsendingu og stendur útsending frá 8:30 til 17:20 laugardag og frá 9:20 til 16:10 sunnudag.

Mótið er í fjórum hlutum og keppa börn frá 10 ára aldri. Allt mótið verður í beinni útsendingu og verður grein gerð fyrir útslitum þó ekki verði bein lýsing frá öllum viðburðum mótsins.

Þetta er kjörið tækifæri fyrir þá sem ekki sjá sér fært að mæta í Varmá til að horfa á mótið að fylgjast með og sjá gríðarlegan fjölda bráðefnilegra fimleikakrakka sýna listir sínar.

Fimleikadeild Selfoss á fjöldan allan af ungum keppendum á þessu móti svo um að gera að kíkja inná sporttv.is

Í hálfleik á pressuleiknum sem fram fór í gærkvöld var dregið í 16-liða úrslit karla og kvenna í Eimskips bikarnum. Selfyssingar drógust gegn Þrótti og eiga útileik. Leikið verður í 16-liða úrslitum hjá konunum 10. og 11. nóvember og hjá körlunum 15. og 16. nóvember. Stórleikur þessarar umferðar er án efa leikur Akureyrar og FH á Akureyri. Þá eigast einnig við Stjarnan og Grótta. Bikardráttinn má sjá hér að neðan...

Fyrir stuttu okkar menn í 91-liðinu Stjönumenn heim. Garðbæingar hafa á sterku liði að skipa og var því ljóst að um erfiðan leik yrði að ræða. Því miður náðu okkar menn alls ekki að leika eins og þeir eiga að geta best og unnu heimamenn sanngjarnan og öruggan sigur.

Síðuritari hafði fyrir nokkru síðan samband við einn af okkar ungu leikmönnum, örvhenta hornamanninn Árna Stein Steinþórsson. Var hann svo almennilegur að svara nokkrum spurningum varðandi handboltamál. Síðuritari hafði einnig samband við Arnar Gunnarsson sem þjálfað hefur drenginn í nærri sex ár og spurði hvað honum þætti um Árna Stein.

Nú er myndatökumaðurinn okkar hann Matthías Ægisson að framleiða diska með mörkunum úr síðustu sjö leikjum sumarsins. Ásamt öllum mörkunum verða myndir frá fagnaðarlátunum þegar liðið fór upp og eins viðtöl við leikmenn. Samtals eru þetta 22 mörk sem Selfossliðið skoraði í þessum síðustu leikjum. Fagnaðarlætin eru auðvitað ógleymanleg og eins eru viðtölin mjög skemmtileg. Hægt er að panta diskinn með því að senda tölvupóst á netfangið tommi@talnet.is og kostar diskurinn 3.000 kr., en helmingur af andvirði disksins rennur til knattspyrnudeildarinnar. 

Gamla myndin var tekin árið 1993 eftir nauman sigur. Ásmundur Jónsson (16), Sigurjón Bjarnason (7), Grímur Hergeirsson(3) og Oliver Pálmason(20), þakka áhorendum stuðninginn. Ungur og efnilegur leikmaður Sævar Þór Gíslason hafði greinilega ekkert fengið að fara inná og var ennþá í flotta Rucanor gallanum eftir leik og ennþá með gleraugun á sér.

Uppselt er á Herrakvöld knattspyrnudeildar sem fram fer í Hvíta húsinu föstudaginn 30. október næstkomandi. Síðasti miðinn var greiddur í hádeginu í gær, mánudag. Alls voru seldir 220 miðar í ár og stefnir því í stærsta Herrakvöld frá upphafi. Það er Hlöðver Örn Rafnsson sem hefur yfirumsjón með Herrakvöldinu. Veislustjóri kvöldsins er Kristinn Kjærnested og ræðumaður kvöldsins er Samúel Örn Erlingsson. Það er svo veitingastaðurinn Menam sem sér um matinn á Herrakvöldinu.

A-liðið í 2. flokki spilaði sannkallaðan stórleik í gær gegn stjörnum prýddu liði Hauka. Byrjunarlið Haukamanna innihélt alls 6 landsliðsmenn og 1 fyrrum landsliðsmann. Við Selfyssingar eigum aðeins 1 slíkan og því var ljóst að þetta yrði erfiður leikur. Með Haukum spilar "okkar" maður Guðmundur Árni Ólafsson og var þetta hans fyrsti leikur á heimaslóðum.

Strákarnir í 3. flokki B sem spila í 2. deild Íslandsmótsins brugðu undir sig betri fætinum og spiluðu gegn Herði á Ísafirði á laugardaginn. Talsvert er um veikindi í þessu liði en það náðist í lið og alls fóru 8 leikmenn vestur, þar af 2 markmenn.

Í gærkvöldið unnu okkar menn Víkinga á heimavelli 22 - 20 eftir að staðan hafði verið 10 - 11 í hálfleik fyrir gestina. Leikurinn var ekki sá besti sem hefur sést í Vallaskóla, en spennandi var hann og skemmtilegur fyrir áhorfendur. Í lið Selfoss vantaði alla þrjá leikstjórnendur liðsins að þessu sinni vegna meiðsla.

Stjórn Verkefnasjóðs HSK tilkynnti nýlega úthlutun úr sjóðnum í ár. Alls bárust 63 umsóknir til sjóðsins og af þeim fengu 55 úthlutað styrk. Umf. Selfoss sendi inn 29 umsóknir og fengu 26 styrk. Góður fengur er í stuðningi verkefnasjóðsins sem kemur sér vel fyrir félög og einstakar deildir þegar kreppir að á auglýsinga- og styrkjamarkaði.

Í gærkvöld sóttu strákarnir í 92-liðinu ÍR-inga heim. Heimamenn eru ávallt erfiðir og mátti því búast við hörkuleik. Sem og varð svo raunin.

Sundskóli Sunddeildar Umf. Selfoss býður nú upp á byrjendanámskeið í sundi fyrir 5 ára börn og eldri. Kennt verður á mánudögum og miðvikudögum kl. 14:45-16:25. Námskeiðið kostar kr. 7.000.
Það er um að gera að tryggja sér pláss sem fyrst því aðeins er rúm fyrir 8 börn.
Kennari er Bryndís Ólafsdóttir, íþróttakennari og sjúkraþjálfari.

Þeir Jón Daði Böðvarsson og Steinar Sigurjónsson voru valdir til að æfa með landsliðum Íslands. Jón Daði, sem er fæddur árið 1992 mun æfa með u-19 ára landsliðinu, en áður hefur Jón Daði leikið með u-17 ára landsliðinu. Steinar, sem er fæddur árið 1994 hefur áður æft með u-16 ára landsliðinu.

Frjálsíþróttaráð HSK hélt haustfund sinn í síðustu viku. Farið var yfir helstu málin sem varða framgang frjálsra íþrótta á sambandssvæðinu. Tilkynnt var um áframhaldandi ráðningu Ólafs Guðmundssonar íþróttafræðings sem verkefnisstjóra átaksverkefnis ráðsins. Fundurinn samþykkti einnig framlagða tillögu um sameiningu keppnisliða HSK og Umf. Selfoss á meistaramótum Frjálsíþróttasambands Íslands. Samþykkt var á fundinum að liðið skyldi keppa undir nafninu HSK - Selfoss.

Á laugardaginn síðasta kom KA í heimsókn á Selfoss með liðin sín tvö og léku þau við Selfoss-92 og Selfoss-93. Jafntefli varð í leik 92-liðsins 35-35, en 93-strákarnir unnu sinn leik 33-24. 

Knattspyrnusamband Íslands mun á næstu vikum halda tvö KSÍ II þjálfaranámskeið á höfuðborgarsvæðinu. Annars vegar er um að ræða námskeið sem haldið verður helgina 23. - 25. október og hins vegar 30. október - 1. nóvember. Þátttökurétt hafa allir þeir sem hafa KSÍ I þjálfararéttindi.

KSÍ IV þjálfaranámskeið verður haldið helgina 6.-8. nóvember. Dagskrá námskeiðsins er í vinnslu og verður birt síðar. Bóklegi hluti námskeiðsins fer fram í höfuðstöðvum KSÍ og verklegi þátturinn í Kórnum í Kópavogi. Þátttökurétt hafa allir þjálfarar sem setið hafa KSÍ III þjálfaranámskeið og skilað verkefni af því námskeiði. Skráning á KSÍ IV er í fullum gangi og eru áhugasamir beðnir um að skrá sig með því að senda tölvupóst á dagur@ksi.is eða með því að hringja í síma 510-2977.

Í gærkvöldi komumst Selfyssingar í 16 liða úrslit í Eimskips bikarnum með sigri á Aftureldingu 2. Það lið var skipað fyrrverandi leikmönnum Aftureldingar og sumir þeirra voru auk þess fyrrverandi landsliðs- og atvinnumenn. Okkar menn áttu ekki í teljandi vandræðum með andstæðingana að þessu sinni enda talsverður munur á úthaldi og líkamsstyrk liðanna. Staðan í hálfleik var 22 - 11 fyrir Selfoss og lokatölur urðu 38 - 19.

Það var ólíku gengi að fagna um helgina hjá 2. fl. liðunum. A liðið spilaði á útivelli við Val/Þrótt og B liðið spilaði heima gegn nýliðum HKR (Reykjanesbær). A liðið tapaði óvænt, en B liðið vann sinn leik sannfærandi.

Selfoss sigraði á Landsbankamótinu í handbolta í 6. flokki drengja sem haldið var í íþróttahúsi Vallaskóla og íþróttahúsi Fsu um helgina. Selfoss strákarnir höfðu talsverða yfirburði í undanriðlum og undanúrslitum og unnu svo FH-inga í hörku úrslitaleik 10-7. Selfoss var með tvö A-lið stráð til keppni og náði hitt liðið 10.-12. sæti af 43 liðum, þrátt fyrir veikindi lykilmanna.

Old boys æfingar í knattspyrnu eru hafnar að nýju. Gömlu karlarnir hittast á laugardagsmorgnum kl. 11.00 gervigrasvellinum. Eftir æfingu fara menn í Tíbrá og fá sér kaffi og gómsætt vínabrauð frá Guðna bakara og tippa í getraunarleik 1X2. Oft myndast á laugardagsmorgnum í Tíbrá skemmtilegt spjall um fótboltann á Selfossi og ensku deildina. Þar skiptast helstu sérfræðingar samfélagsins á skoðunum um knattspyrnu. Allir eru velkomnir á æfingar, eða bara í létt spjall og kaffi. 

Leikur Selfoss og Aftureldingar 2 í Eimskipsbikarnum hefur verið færður á Selfoss og fer hann fram í íþróttahúsi Vallaskóla mánudaginn 19. október kl. 18:30. Strax að þeim leik loknum eða kl. 20:15 leikur lið Árborgar við N1 deildarlið HK. Báðir leikirnir eru í 32-liða úrslitum Eimskipsbikarsins. Aðgangseyrir á báða leikina er 500 kr. Frítt er inn fyrir 16 ára og yngri.

Haustannarfjarnám ÍSÍ hefst mánudaginn 2. nóvember næstkomandi. Um er að ræða 1. stig almenns hluta þjálfaramenntunar ÍSÍ sem gildir jafnt fyrir allar íþróttagreinar. Námið tekur 8 vikur og jafngildir íþróttafræði 1024 í framhaldsskólakerfinu. Námið er öllum opið 16 ára og eldri sem áhuga hafa á þjálfun í einhverri íþróttagrein. Hlé verður gert á náminu frá miðjum desember og fram í janúar.  Lokaverkefni verður ekki skilað fyrr en á nýju ári. 

Íslandsmótið í 2. flokki karla hófst um síðustu helgi með útileik hjá Selfossi 2 og heimaleik hjá Selfossi 1. Yngra liðið spilaði við Fjölni á sunnudaginn og eldra liðið við Víking á mánudaginn. Sigruðu lið Selfoss í báðum leikjunum. Selfoss 2 spilar í 2. deild, en Selfoss 1 í 1. deild. Bæði liðin byrjuðu því vel og vonandi tekst þeim að halda sigurgöngunni áfram.

Júdódeild Umf. Selfoss mun standa fyrir byrjendanámskeiði í júdó fyrir fullorðna (old boys). Æfingar fara fram í júdósalnum Gagnheiði 3 á mánudögum kl. 21:00-22:00 og fimmtudögum kl. 20:30-21:30. Nánari upplýsingar veitir Guðmundur Tryggvi í síma 863 3040. Því má svo bæta við að jódódeild getur bætt við iðkendum í 6-8 ára aldursflokki.

Fjórar stelpur frá Selfossi voru valdar í u-15 æfingahóp HSÍ, en hópurinn kemur saman um helgina. Þær sem voru valdar eru Birta R. Antonsdóttir, Díana Sigmarsdóttir, Hrafnhildur Hanna Þrastardóttir og Kristrún Steinþórsdóttir. Þeir Hilmar Guðlaugsson og Sigurgeir Jónsson eru verkefnisstjórar. Fyrsta æfingin er í Digranesi í Kópavogi á föstudaginn.

Þær Guðmunda Brynja Óladóttir og Bríet Mörk Ómarsdóttir voru valdar til að taka þátt í æfingum U-17 landsliðs kvenna. Æfingarnr fara fram um helgina í kórnum og Reykjaneshöllinni. Alls voru 25 stelpur valdar á landsliðsæfingarnar frá 14 félögum. Landsliðsþjálfari er Þorlákur Árnason.

Fimleikahópur frá Odense í Danmörku er í heimsókn hjá fimleikadeild Umf. Selfoss þessa vikuna. Hópurinn sem samanstendur af 41 stúlku á aldrinum 5-19 ára verður með sýningu í íþróttahúsinu Iðu miðvikudagskvöldið 14. okt. kl.20:00. Þetta er góð skemmtun fyrir alla fjölskylduna og er aðgangur ókeypis.

U-19 ára landslið Íslands með þá Gumma Tóta og Stefán Ragnar innanborðs er nú á heimleið frá Bosníu, eftir að hafa leikið síðasta leik sinn í undankeppni Evrópumótsins. Í síðasta leiknum unnu strákarnir sterkt lið Búlgaríu 3-2 eftir að hafa verið undir 1-2 í hálfleik. Stefán Ragnar spilaði allan leikinn og Gummi Tóta kom inná er tíu mínútur voru eftir. Íslendingar skoruðu sigurmarkið mínútu eftir að hann kom inná.

Á föstudaginn vann meistaraflokkur karla fyrsta leikinn sinn í 1. deildinni frekar sannfærandi. Mótherjinn var Fjölnir í Grafarvogi. Leikurinn endaði 32 - 14, en staðan í hálfleik var 11 - 5 fyrir okkar menn.

Strákarnir í 5.flokki drengja yngra ár unnu öruggan sigur í fyrstu umferð Íslandsmótsins í handknattleik en mótið fór fram í Digranesi í Kópavogi. Þessir strákar urðu Íslandsmeistarar í fyrra og byrja þetta keppnistímabil vel. Fyrirkomulag Íslandsmótsins er þannig að öll lið landsins etja kappi í fimm mótum yfir veturinn. Hvert mót telur til stig til Íslandsmeistaratitils. Selfoss-strákarnir unnu alla sína leiki mjög örugglega en unnu síðan gott lið KR í æsispennandi úrslitaleik.

Júdódeild Umf. Selfoss sendi nokkra keppendur á haustmót Júdósambands Íslands sem haldið ver 3. október s.l. Þórdís böðvarsdóttir, sem nú keppir undir merkjum UMFS, náði bestum árangri er hún sigraði glæsilega í sínum flokki. Eftirtaldir náðu verðlaunasætum:

Það þarf nú ekki að taka það fram að árangur Selfyssinga í sumar er sá besti frá upphafi. Selfoss vann deildina með 47 stig, sem þeir fengu úr 22 leikjum og spila því í efstu deild á næsta ári. Hér að neðan eru ýmsar skemmtilegar og mis mikilvægar upplýsingar um sumarið 2009 hjá meistaraflokki karla á Selfossi.

U19 ára landslið Íslands gerði markalaust jafntefli við Norður Írland í undankeppni EM í gær, en leikið var í Bosníu. Stefán Ragnar byrjaði inná og Gummi kom inn þegar 20 mínútur voru eftir. Íslenska liðið var betri aðilinn í leiknum og fékk fjölda góðra tækifæra til að skora. Voru þeir virkilega óheppnir að setja ekki mark og þá sérstaklega í lokin, þegar þeir áttu fjölda færa.

Helena Ólafsdóttir var í gær ráðinn þjálfari kvennaliðs Selfoss í knattspyrnu og mun hún þjálfa liðið næstu tvö árin. Þetta eru frábærar fréttir fyrir stelpurnar, því Helena er einn reynslumesti kvennaþjálfari landsins. Helena þjálfaði síðast lið KR. Hún hætti hjá félaginu síðastliðið haust og hefur ekki komið að þjálfun síðan. Áður hefur hún m.a. annars þjálfað Val og íslenska kvennalandsliðið.

Selfoss vann í gærkvöld Fjölnismenn 32:14 á útivelli. Sigurinn var aldrei í hættu og öruggur 18 marka sigur í höfn. Staðan í hálfleik var 11:5.

Helgina 16.-18. okt. verður Landsbankamótið í handbolta hjá 6. flokki drengja haldið á Selfossi.  Handknattleiksdeild Umf. Selfoss heldur mótið sem er hluti af Íslandsmeistaramótinu í 6. flokki drengja eldra ár. Á Selfoss munu streyma 11 ára strákar.  Alls eru 43 lið skráð til leiks og búast má við um 450 keppendum og öðru eins af foreldrum og liðstjórum. Leikið verður í íþróttahúsi Vallaskóla og íþróttahúsi FSu Iðu.

Sundæfingar falla niður í dag, föstudaginn 9. okt., vegna veðurs. Í hvassviðri eins og núna gengur yfir er einfaldlega full erfitt að synda í lauginni til þess einhver ávinningur hljótist af æfingunni. Sjáumst á æfingum á mánudag. Þjálfarar.

Um síðustu helgi fór 3. flokkur karla norður og atti þar kappi við KA og Þór. 92-liðið lék gegn KA á laugardegi og Þór á sunnudegi, en 93-liðið lék á laugardegi við KA. Þeir drengir léku aðeins einn leik þar sem Þór hefur eitt lið.

Í góðu viðtali á netmiðlinum vinsæla fotbolti.net lýsti Sævar Þór Gíslason því yfir að hann yrði áfram með Selfossi á næsta keppnistímabili. Eru þetta ánægjulegar fréttir enda Sævar búinn að eiga drjúgan þátt í velgengni Selfoss-liðsins síðustu þrjú ár. Við birtum hér viðtalið eins og það birtist á fotbolti.net.

Jóhann Ólafur Sigurðsson, markvörður Selfyssinga, var efstur á listi yfir markverði í 1. deildinni í sumar samkvæmt tölfræði sem birt var á fotbolti.net. Hann spilaði 21 leik í deildinni í sumar og fékk á sig 22 mörk í þeim leikjum. Sandor Matus, markvörður KA-manna, sem var valinn besti markvörður deildarinnar varð í öðru sæti á þessum lista, en hann fékk á sig 24 í 22 leikjum.

Agnar Bragi Magnússon skrifaði í gær undir nýjan samning við Selfoss til ársins 2012. Hann hefur verið einn af lykilmönnum liðsins síðustu 2 ár, en hann kom frá Fylki árið 2007. Agnar Bragi er 22. ára miðvörður og hann og Stefán Ragnar skipa eitt efnilegasta miðvarðarpar landsins.

Steinar Sigurjónsson hefur verið valinn í æfingahóp hjá u-17 ára landsliði Íslands. Þetta er að sjálfsögðu mikill heiður fyrir strákinn sem hefur tekið miklum framförum síðustu ár. Eins hefur Reynir Óskarsson hjá KFR verið valinn til æfinga með landsliðinu og fer þar einnig mikið efni. Gott opinbert samstarf er á milli félaganna sem á eftir að aukast á næstu árum. Heimasíðan óskar þeim félögum innilega til hamingju með þennan árangur til frekari afreka. Gunnar Guðmundsson er landsliðsþjálfari strákana, en hann er einn af færustu þjálfurum landsins.

Stefán Ragnar og Gummi Tóta léku allan tímann er u-19 ára landslið Íslands sem tapaði 1-0 gegn Bosníu í undankeppni EM í Bosníu. Heimamenn í Bosníu skoruðu eina mark leiksins á 21. mínútu og þar við sat. Á föstudag mætir íslenska liðið Norður-Írum, en þeir gerðu 1-1 jafntefli við Búlgaríu.

Lokahóf félaganna í 1. deild karla fór fram í gær á Hótel Borg. Þar sópuðu Selfyssingar til sín verðlaunum. Sævar Þór Gíslason var bestur og markakóngur, Guðmundur Þórarinsson var efnilegastur og Gunnlaugur Jónsson var valinn besti þjálfarinn. Fjórir leikmenn Selfoss voru í liði ársins og einn á bekknum. Þeir Jón Sveinsson, Agnar Bragi Magnússon, Einar Ottó Antonsson og Sævar Þór Gíslason voru í liði ársins og Ingólfur Þórarinsson var varamaður. Alls voru 12 leikmenn Selfossliðsins tilnefndir í lið ársins.

Frí verður gefið frá sundæfingum í dag vegna æfingabúðanna um helgina. Nú er bara um að gera að taka það rólega og safna kröftum fyrir æfingar næstu daga en mæta samt í Hellisskóg í grill og gaman í kvöld frá kl. 18-20.
Stjórn og þjálfarar Sunddeildar Umf. Selfoss

Í kvöld, sunnudaginn 4. október verður haldin fótboltamessa þar sem nýkrýndir Íslandsmeistara í 1. deild karla koma mikið við sögu. Félagar úr úrvalsdeildarliðinu mun lesa ritningarlestra og verður glæstum árangri fagnað í kirkjunni í tali og tónum. Ellen Kristjánsdóttir og Eyþór Gunnarsson munu annast tónlistarflutning og er þetta kjörið tækifæri fyrir fólk á öllum aldri að koma saman í kirkjunni og eiga notalega stund saman.

Á haustin er vani að fara yfir knattspyrnusumarið sem nýliðið er. Fotbolti.net mun á morgun sunnudag kl 16.00 birta lið ársins og veita knattspyrnutengd verðlaun og um að gera fyrir áhugasama að fylgjast með því og sjá hvort Selfyssingar fá einhver verðlaun þar. Selfyssingar taka að sjálfsögðu saman spilaða leiki yfir tímabilið og ætlum við að birta lista yfir þá sem spiluðu flesta leikina. Eins er hér neðst listi yfir flesta leiki spilaða fyrir Selfoss. Eins og flestir vita er það Einar Jónsson faðir Ella markmanns sem leikið hefur flesta leiki, eða alls 386 og í öðru sæti er Anton Hartmannsson faðir Einars Ottó og Hartmanns með 366 leiki.

Fyrsta fimleikaveisla vetrarins verður í Versölum Kópavogi laugardaginn 3. október kl 17:00-18:15. HM og NM farar í áhalda- og hópfimleikum munu sýna listir sínar. Aðgangseyrir er 500 kr. og rennur til styrktar íþróttamönnum. Frítt er fyrir 12 ára og yngri. Nú er um að gera að mæta og styðja við bakið á fimleikafólkinu okkar. Sjá auglýsingu...

Frábæru sumri er lokið hjá knattspyrnudeild Selfoss. Óhætt er að fullyrða að aldrei áður hafa lið frá Selfossi náð viðlíka árangri og nú í sumar. Mfl. karla tryggði sér sæti í úrvalsdeild í fyrsta skipti og mfl. kvenna var hársbreidd frá úrvalsdeildarsæti á sínu fyrsta ári. Árangur meistaraflokka okkar byggir á vinnu undanfarinna ára og gífurlega öflugu yngri flokka starfi hér á Selfossi sem önnur knattspyrnu- og bæjarfélög dást að. Selfoss - Getraunir eru einn af helstu bakhjörlum 2. fl. kvenna og karla og mikilvægur hlekkur í starfi knattspyrnudeildar.

Um tíu manna hópur hefur séð um að velja „S“ fyrir góða frammistöðu í leikjum meistaraflokks í sumar. Til að hafa valið sem hlutlausast voru ekki alltaf sömu einstaklingarnir sem völdu. Að jafnaði hafa fimm manns valið menn leiksins eftir hvern leik. Sumir velja einn eftir hvern leik, á meðan aðrir völdu allt upp í fimm leikmenn. Að sjálfsögðu er svona val alltaf persónubundið og ólíklegt að tveir knattspyrnuspekingar sjái leikinn með sömu augum. Það sama má segja um vali á leikmanni ársins hjá t.d. Fréttablaðinu eða þegar gefin eru M hjá Mogganum. Þessi einkunnagjöf á umfs.is hefur verið hluti af því að undirbúa mannskapinn fyrir átökin í efstu deild, þar sem fylgst er með hverri hreyfingu leikmanna. Fyrst og fremst er þó um skemmtilegan leik að ræða og ber að taka svona einkunnargjöfum ekki of alvarlega. 

Það þarf engum að koma á óvart að Sævar Þór Gíslason varð markahæstur í liði Selfoss í sumar og varð eins og flestir vita markahæstur í deildinni. Þeim sem ekki horfðu á leiki Selfoss í sumar kemur þó örugglega á óvart að einn af ungu leikmönnum liðsins Guðmundur Þórarinsson var með flestar stoðsendingar í liðinu. Hér að neðan er listi yfir þá sem skoruð mest og eins þá sem áttu flestar stoðsendingar. Allir leikir liðsins í deild og bikar eru með og einnig eru mörk í vítakeppni tekin með, en þau gilda og hefur undirritaður aldrei skilið þá reglu að undanskilja þau.

Jón Daði Böðvarsson leikmaður Selfoss hélt í dag til Gautaborgar og verður þar til reynslu í 10 daga. Jón Daði spilaði sitt fyrsta ár í meistaraflokki í sumar og vann sér sæti í u-17 ára landsliðinu. Hann spilaði 18 leiki með Selfoss í deild og bikar í ár.

Dómaranefnd HSÍ mun bjóða aðildarfélögum HSÍ uppá A-stigs námskeið nú í haust líkt og gert var í vor. Námskeiðið munu fara fram hjá félögunum og á mánudagskvöldum. Miðað er við að hefja námskeiðið kl.19.00 og það sé búið um 22.00. Gert er ráð fyrir kaffipásu og verða félögin að útvega veitingar. Þátttakendur verða vera á eldra ári 4. flokks eða eldri. Lámarks fjöldi er 20 manns.

Guðmundur Þórarinsson og Stefán Ragnar Guðlaugsson voru valdir í u-19 ára landsliðið Íslands. Landsliðið tekur þátt í Evrópukeppni u-19 sem fram í Bosníu dagana 7. til 12. október næstkomandi. Gummi og Stefán Ragnar unnu sér báðir fast sæti í meistaraflokksliði Selfoss sem vann 1. deildina á dögunum.

Um næstu helgi (3. og 4. október) standa Knattspyrnuþjálfarafélag Íslands og Knattspyrnusamband Íslands sameiginlega að ráðstefnum í tengslum við bikarúrslitaleiki karla og kvenna. Fram og Breiðablik leika til úrslita í VISA-bikar karla laugardaginn 3. október kl. 14:00 og Valur og Breiðablik leika til úrslita í VISA-bikar kvenna sunnudaginn 4. október kl. 14:00. Dagskrá má sjá hér...

Hörður "Sjóli" Másson er handarbrotinn og verður í gifsi a.m.k. næstu 2 vikurnar. Hann meiddist í leik Selfoss og Vals á Ragnarsmótinu þegar varnarmaður Vals hrinti honum í uppstökki með þeim afleiðingum að hann féll illa á hendina. Í fyrstu var talið að um slæma tognun væri að..

Þá hefjast að nýju badmintontímar fyrir Selfyssinga og nærsveitarfólk. Við höfum fengið lausa tíma í IÐU íþróttahúsi á miðvikudagskvöldum kl. 22.00-23.00. S.l. tvo vetur hefur áhugafólk um badminton komið saman og spilað 1 x í viku.

 

Stelpurnar í fimleikaakademíunni fóru í styrktarþjálfun með svokölluðum ketilbjöllum nú á dögunum. Ketilbjöllur líkjast fallbyssukúlum með handfangi og eru til í mismunandi stærðum og þyngdum.   Val á bjöllum fer eftir æfingum og færni hvers og eins. Þetta eru mjög sérhæfðar æfingar sem þarf að framkvæma með mikilli tækni og var fenginn lærður ketilbjölluþjálfari, Heiðar Ingi Heiðarsson, til að kenna stelpunum undirstöðuatriðin. Æfingarnar auka bæði snerpu, styrk og þol og eru engu síðri en ólympískar lyftingar enda margar æfingar mjög svipaðar og í þeim lyftingum.Tíminn fór fram í Lifandi húsi en þar eru til svona bjöllur. Er skemmst frá því að segja að stelpurnar voru fljótar að læra og tóku hraustlega á í tímanum.

Mánudaginn 28.sept. sóttu nemendur fimleika- og knattspyrnuakademíurnar fyrirlestur hjá Hauki Inga Guðnasyni íþróttasálfræðingi.  Haukur Ingi kynnti fyrir nemendunum niðurstöður úr lokaritgerð sinni og ítrekaði fyrir krökkunum mikilvægi hugrænnar þjálfunar.  Það sem fram kom í fyrirlestrinum var hægt að tengja inná allar íþróttagreinar og könnuðust krakkarnir við margar aðstæður sem hann tók til dæmis.  Áhugi á íþróttasálfræði og viðurkenning á henni hefur verið að aukast jafnt og þétt og koma íþróttasálfræðingar oftar og oftar inní þjálfun afreksliða á undirbúningstímabili. 

Um helgina heldur Fimleikasamband Íslands þjálfaranámskeið 1C.  Menntun FSÍ skiptist upp í Sérgreinanámskeið 1 A,B og C og 2 A,B og C.  Þrír þjálfarar frá deildinni sækja námskeiðið um helgina en dagskráin er þétt bæði laugardag og sunnudag.  Um 60 þátttakendur eru skráðir á námskeiðið um helgina og nýlega luku 60 þjálfarar námskeiði 1A.  Þess ber að geta að allir þjálfarar Fimleikadeildar Umf.Selfoss hafa lokið námskeiði 1A og hafa langflestir tvö eða fleiri námskeið hjá fimleikasambandinu.

Knattspyrnusamband Íslands mun á næstu vikum halda tvö 1. stigs þjálfaranámskeið. Annars vegar er um að ræða námskeið sem haldið verður helgina 9.-11. október og hins vegar námskeið sem haldið verður helgina 16.-18. október. Bókleg kennsla fer fram í fræðslusetri KSÍ og verkleg kennsla í knattspyrnuhúsinu Kórnum í Kópavogi. Enn eru örfá sæti laus á fyrra námskeiðið (9.-11. október) og nóg af lausum sætum á seinna námskeiðið (16.-18. október).

A-lið 4. flokks kvenna spilaði í forkeppni um sæti í 1. deild um síðustu helgi og var keppt í Vallaskóla. Fram vann Fylki sannfærandi í fyrsta leik 22-9 eftir að hafa verið yfir 4-14 í hálfleik. Selfoss vann Fylki örugglega 27-15. Í síðasta leiknum unnu síðan Selfoss-stelpur Fram 18-16 og tryggðu sér þar með sæti í 1. deild í vetur.

HSÍ hefur sent frá sér endanlegt leikjaplan í 1. deild karla í handbolta. Selfyssingar leika í 1. deild í vetur ásamt Aftureldingu, ÍR, Víkingi, ÍBV, Fjölni og Þrótti. Fyrsti leikur Selfoss er útileikur við Fjölni föstudaginn 9. október. Síðan koma tveir heimaleikir, fyrst gegn Víkingi 23. okt. og svo gegn Þrótti 6. nóv. Annars lítur leikjaplanið eftirfarandi út:

Selfyssingarnir Guðmundur Þórarinsson og Stefán Ragnar Guðlaugsson voru valdir á æfingar með u-19 ára landsliði Íslands. Æfingarnar fara fram um helgina. Þeir félagar fóru með þessu sama landsliði til Skotlands í sumar og kepptu tvo landsleiki við Skota. 

Knattspyrnusamband Íslands mun á næstu vikum halda tvö 1. stigs þjálfaranámskeið. Annars vegar er um að ræða námskeið sem haldið verður helgina 9.-11. október og hins vegar námskeið sem haldið verður helgina 16.-18. október. Bókleg kennsla fer fram í fræðslusetri KSÍ og verkleg kennsla í knattspyrnuhúsinu Kórnum í Kópavogi. Þátttökugjald er kr. 15.000,- Sjá nánar hér...

FRÍ er með í undirbúningi að taka upp nýtt fræðslukerfi fyrir frjálsíþróttaþjálfara sem IAAF eða Alþjóða frjálsíþróttasambandið hefur innleitt. Þetta verkefni hefur verið í undirbúningi frá því á vordögum 2008. CECS er fimm þrepa fræðslukerfi þjálfara sem nefnist á ensku: IAAF Coaches Education Certified System eða CECS. Fyrsta skrefið við að innleiða þetta fræðslukerfi hér á landi er námskeið fyrir leiðbeinendur á 1. stigi, sem haldið verður 1.-6. október næstkomandi í Laugardal í Reykjavík. Stefnt er að því að halda fleiri námskeið hérlendis og að senda þátttakendur á námskeið erlendis í framtíðinni.

Taekwondodeild Umf. Selfoss Selfoss hefur hafið samstarf við Ungmennafélag Stokkseyrar um taekwondokennslu. Æfingar verða í íþróttahúsinu Stokkseyri og eru öllum opnar frá 1. bekk grunnskóla og upp í 99 ára. Taekwondo er 1000 ára gömul íþrótt sem byggir á mikilli brennslu, þolæfingum, teygjum og að sjálfsögðu sjálfsvörn. Taekwondo hentar báðum kynjum. Æfingar hefjast mánudaginn 28. september kl.17:00. Allir eru velkomnir í prufutíma í stuttbuxum og bol. Yfirkennari er Daníel Jens Pétursson 1. dan og meistari er Sigursteinn Snorrason 5. dan. Nánari upplýsingar  veita Heiða s. 896 8440 og Pétur s. 861 9010.

Lokahátíð knattspyrnumann fór fram í Hvíta húsinu á Selfossi s.l. laugardagskvöld. Hátíðin tókst mjög vel, húsið hið glæsilegasta eftir endurbætur, maturinn virkilega góður svo og þjónustan. Hilmar Hólmgeirsson stóð sig frábærlega sem veislustjóri og náði að takmarka ræðutíma allra, nema formannsins. Eins voru skemmtiatriðin frábær. Þar fór Dóri Björns fremstur með sitt árlega vídeó. Það sem öllu máli skipti voru auðvitað verðlaunahafar á uppskeruhátíðinni. Hér að neðan eru nöfn allra þeirra sem unnu til verðlauna á hátíðinni.

A-lið 4. flokks karla í handbolta lék í forkeppni um helgina, en þar var spilað um hvort liðið myndi leika í efri eða neðri deild á Íslandsmótinu í vetur. Það er skemmst frá því að segja að Selfoss vann 3 leiki mjög sannfærandi, gegn Þrótti, Fjölni og Haukum, en tapaði svo nokkuð illa fyrir Fram. Með því tryggði liðið sér sæti í efri deildinni í vetur og markmiði helgarinnar því náð. Liðið lék á köflum mjög fínan bolta en þessir fjórir leikir gefa strákunum nokkurn lærdóm.

Selfoss vann í gær góðan 4:2 sigur á Skagamönnum á Selfossi. Með sigrinum kórónuðu Selfyssingar frábært sumar og enduðu sem sigurvegarar í 1. deild karla. Formaður og framkvæmdastjóri KSÍ afhentu þeim verðlaun í leikslok. Þegar tvær umferðir voru eftir hafði Selfoss tryggt sér sæti í úrvalsdeild í fyrsta skipti í sögu félagsins. Að auki tryggði Sævar Þór Gíslason sér titilinn markakóngur 1. deildar annað árið í röð.

Athygli hefur vakið hve margir heimamenn leika með knattspyrnuliði Selfoss sem er á leið upp í efstu deild. Af þeim 16 leikmönnum sem er á skýrslu í lokaleiknum við ÍA í dag eru 14 leikmenn sem farið hafa í gegnum yngri flokka starfið á Selfossi.

Heiðursfélagarnir Kristján S. Jónsson og Hafsteinn Þorvaldsson hafa styrkt knattspyrnudeild Umf. Selfoss um 100.000 kr. hvor í tilefni frábærs árangur meistaraflokks karla í sumar. Selfoss náði þeim glæsilega árangri að vinna sig upp í úrvalsdeild þegar tvær umferðir voru eftir af deildinni. Þeim félögum eru færðar bestu þakkir fyrir höfðinglega styrki.

Stulli bakari hjá Vilbergsbakaríi mun um helgina baka Selfoss-súkkulaðikökur sem hann ætlar að selja í bakaríi sínu. Tertunar sem eru hreinasta lostæti eru með Umf. Selfoss lógói ofan á. Af hverri seldri köku munu 1.000 kr. renna til knattspyrnudeildarinnar. Gott framtak hjá Stulla bakara.

 

Eftir stórfurðulega viku í fótboltanum getur Selfoss tryggt sér sigur í deildinni með sigri á ÍA, hvernig hljómar það? Liðin eigast við í síðustu umferð deildarinnar á Selfossvelli laugardaginn 19. september kl. 14.00. Reyndar þurfa Selfyssingar ekki endilega að sigra, stig er nóg. Selfyssingar eru 3 stigum á undan Haukum og með 10 mörk í plús. Í síðustu umferð gerðu ÍA og HK jafntefli á meðan Selfyssingar í rússi, töpuðu fyrir Haukum 3-2 og urðu þau úrslit þess valdandi að Haukar fylgja Selfossi upp í efstu deild.  

Hin vinsæli dagskrárliður gamla myndin hefur nún göngu sína að nýju eftir sumarfrí. Myndin að þessu sinni er af meistaraflokki keppnistímabilið 1995-96, þegar liðið lék undir stjórn Valdimars Grímssonar. Þetta lið fór í undanúrslitin í bikarkeppninni og féll út í 8-liða úrslitum um Íslandsmeistaratitilinn. Takið sérstaklega eftir hátísku upphitunargöllunum frá ABM-sport.

Íþróttaskóli barnanna hefst laugardaginn 19. september í Baulu, íþróttahúsi Sunnulækjarskóla. Kennt verður í tveimur hópum, börn fædd 2007 og júlí-des. 2006 mæta kl.10-10:50 en börn fædd jan-júlí 2006 og börn fædd 2005 mæta frá 11:00-11:50. Skráning verður í Baulu fimmtudaginn 17. sept. frá kl. 17-19 og laugardaginn 19. sept. á sama stað frá kl. 9:30-11:30. Tíu skipta námskeið kostar 7.000 kr.ónur og greiðist við skráningu.

Stjórn og meistaraflokksráð knattspyrnudeildar Umf. Selfoss og Gunnlaugur Jónsson hafa komist að samkomulagi um að hann láti af störfum sem þjálfari meistaraflokks karla frá og með deginum í dag að telja.

Stelpurnar í 4. flokki í knattspyrnu töpuðu síðasta leik sínum á Íslandsmótinu fyrir toppliði Hauka 5-3. Það var Eva Lind Elíasdóttir sem skoraði öll mörk Selfossliðsins. Þær enduðu því í 4. sæti deildarinnar með 19 stig. Athygli vakt frábær markatala hjá þeim 61-19, sú besta í deildinni. Þær eiga greinilega ekki í vandræðum með að skora mörkin  

Sameiginlegt lið Selfoss/KFR í 3. flokki A hefur tekið miklum framförum seinni hluta sumars. Strákarnir unnu sinn síðasta leik 4-1 gegn Breiðabliki 2 og enduðu í 3. sæti með 27 stig, unnu 9 leiki, gerðu ekkert jafntefli og töpuðu 5 leikjum. Í síðasta leiknum voru það þeir Helgi Axelsson og Daníel Ingi sem skoruð tvö mörk hvor.

Eins og áður hefur komið fram þá unnu FH bikarinn til varðveislu í 1 ár sem sigurvegarar á 20. Ragnarsmótinu og munu því verja titilinn að ári. Hér í nánar má svo sjá hvaða leikmenn voru valdir bestu leikmenn mótsins. Það voru starfsmenn Sport-TV sem skipuðu dómnefndina að þessu sinni enda viðstaddir alla leiki mótsins.

Á laugardaginn var spilað um sæti á mótinu. Í leik um 5. sætið mættust Stjarnan og Grótta, í leik um 3. sætið spiluðu heimamenn á Selfossi við Val og loks léku FH og Akureyri til úrslita á mótinu. Sjá meira í nánar..

Uppskeruhátíð yngri flokka knattspyrnudeildar Umf. Selfoss verður haldin sunnudaginn 13. september kl. 14:00 í sal Fjölbrautaskóla Suðurlands. Þar verður m.a. farið yfir árangur sumarsins og veittar viðurkenningar fyrir góðan árangur. Á eftir eru kaffiveitingar. Iðkendur og foreldrar eru eindregið hvattir til að mæta.

Við hvetjum alla til þess að koma í Vallaskóla á morgun laugardag og fylgjast með leikjum dagsins. Frítt er á alla leikina. Sérstaklega bendum við Selfyssingum á að koma og styðja við bakið á sínum mönnum en þeir spila við Bikarmeistara Vals kl. 18:00 um 3. sætið í mótinu.

 

Í dag var á dagskrá fyrst leikur Stjörnunnar og Akureyrar og svo leikur Vals og Gróttu. Að sjálfsögðu voru leikirnir í beinni á Sport-TV. Í dag réðust einnig úrslitin í riðlakeppninni. Sjá meira í nánar...

Á dögunum kom aðstoðarskólameistar FSU, Þórarinn Ingólfsson, með umslag sem hann átti að færa knattspyrnudeildinni. Í umslaginu reyndust 30.000 krónur sem samkennari Tóta, Lárus Ágúst Bragason frá Miðhúsum í Hvolhreppi, hafði heitið á knattspyrnudeildina ef liðið færi upp. Lárus nefndi það í vor við Tóta að ef liðið færi upp þá fengi deildin andvirði eins lambsskrokks. Gaman er þegar menn sýna stuðning sinn í verki. Það sem er kannski sérstak við þessa sögu er að Lárus er ekki beint knattspyrnuunnandi og hefur ekki komið á Selfossvöll í sumar. Líklega verður breyting á því á næsta ári.

Á síðasta heimaleik Selfoss sem var gegn Aftureldingu 4. september síðastliðinn var gríðarleg stemning. Úrslitin gátu ekki verið betri því með stórsigri tryggði Selfoss sér sæti í úrvalsdeild á næsta tímabili þó tveir leikir séu eftir. Hér eru nokkrar myndir frá stemningunni...

Leikir dagsins voru FH - Valur og Selfoss - Akureyri. Leikirnir voru afar ólíkir en báðir skemmtilegir fyrir áhorfendur. Fyrri leikurinn var mjög hraður og mikið skorað, en í þeim síðari bar meira á góðum varnarleik og markvörslu. Sjá meira í nánar...

Stefán Ragnar Guðlaugsson og Guðmundur Þórarinsson léku báðir með íslenska landsliðinu skipað leikmönnum undir 19 ára þegar það vann seinni æfingaleikinn gegn Skotum. Stefán Ragnar var í byrjunarliðinu og lék aftur allan leikinn. Gummi Tóta kom inná í byrjun seinni hálfleiks, en báðir stóðu þeir sig mjög vel í leiknum sem Íslendingar unnu 1-3.

Selfyssingar tryggðu sér sæti í úrvalsdeildinni í knattspyrnu með 6-1 stórsigri á Aftureldingu um síðustu helgi. Í sömu umferð unnu Haukar góðan sigur á HK 0-2 og fóru með sigrinum í 38 stig. Þeir eru því með þremur stigum meira en HK í keppni þeirra um að fylgja Selfossi upp. Haukar fá einmitt Selfoss í heimsókn á Ásvelli laugardaginn 12. september kl. 14.00.   

Guðmunda Brynja Óladóttir heldur áfram að standa sig vel með landsliði Íslands skipað stelpum undir 17 ára aldri. Í kvöld unnu þær Ísrael í síðasta leik sínum í undankeppni Evrópumótsins. Guðmunda opnaði markareikning Íslands á 28. mínútu og fylgdu svo 6 mörk á eftir hjá landsliðinu.

Strákarnir í 2. flokki Selfoss/KFR léku sinn næstsíðasta leik á Íslandsmótinu gegn Víkingi Reykjavík. Leikurinn fór fram á Hvolsvelli og sigruðu okkar menn 1-0 með marki frá Mumma. Í fyrri leik liðanna hafði Selfoss/KFR 1-2 forystu allt þar til þrjár mínútur voru eftir, en töpuðu 3-2. Þetta var því extra sætur sigur hjá strákunum.

Fyrri leikur dagsins var leikur Selfoss á móti Stjörnunni. Síðari leikurinn var viðureign Gróttu og FH. Báðir leikirnir voru jafnir fram að hálfleik, en í síðari hálfleik náði annað liðið yfirhöndinni í báðum leikjunum. Úrslit og markaskor má sjá hér í meira..

Stefán Ragnar Guðlaugsson og Guðmundur Þórarinsson, meistaraflokksleikmenn Selfoss í knattspyrnu, spiluðu báðir með landsliði Íslands skipað leikmönnum undir 19 ára í gær. Íslendingar unnu Skota 0-2 í fyrri leik liðanna í Cumbernauld í Skotlandi. Seinni leikurinn fer fram á morgun miðvikudag í bænum Stirling. Stefán Ragnar lék allan leikinn sem miðvörður og Gummi Tóta kom inná á 54. mínútu. Það var Fylkisstrákurinn Pape sem skoraði bæði mörk Íslands.

Ragnarsmótið í handknattleik hefst á miðvikudaginn kl. 18:30 með leik Selfoss og Stjörnunnar í A riðli og síðan leik FH og Gróttu í B riðli kl. 20:00. Leikirnir á mótinu verða sýndir beint á sporttv.is. Einnig verða tekin viðtöl meðan á mótinu stendur. Frábært framtak sem gerir þetta tuttugasta Ragnarsmót bara glæsilegra fyrir vikið.

Guðmunda Brynja Óladóttir hefur staðið sig virkilega vel með u-17 ára landsliði Íslands í knattspyrnu, sem er þessa dagana að leika í riðlakeppni Evrópumótsins í knattspyrnu. Riðlakeppnin fer fram á Íslandi. Stelpurnar gerðu mjög óvænt 0-0 jafntefli við Þjóðverja í fyrsta leik. Á sunnudaginn kepptu stelpurnar við Frakka. Eftir að Frakkar höfðu leitt 0-1 í hálfleik jafnaði Gumma leikinn með flottu marki. Frakkar skoruðu svo sigurmarkið á lokasekúndum leiksins og 1-2 sigur þeirra því staðreynd.

Strákarnir í 4. flokki enduðu Íslandsmótið með góðum 11-1 sigri á Álftanesi. Mörk Selfoss í leiknum skoruðu þeir Björn Ingi 4, Ísak Eldjárn 2, Birkir Víðis 2 og þeir Haukur Ingi, Sindri Pálma og Gauti Halldórsson eitt mark hver. Tveimur dögum áður unnu þeir Breiðabli2 5-4 með mörkum frá Hauki Inga 2, Birki Péturs 2 og Ísak Eldjárn 1 mark.

Stelpurnar í 3. flokki kvenna kláruðu síðustu leiki sína á Íslandsmótinu fyrir helgi. A-liðið lék á við Víking Reykjavík og unnu sannfærandi sigur 3-0. Mörk Selfoss í leiknum skoruðu þær Guðmunda Brynja, Jóna Guðrún og Karítas. Stelpurnar enduðu í 3. sæti, en ljóst var strax í byrjun móts að þrjú lið myndu stinga af í riðlinum. Stelpurnar léku 12 leiki, unnu 9 og töpuðu 3 leikjum. Markatalan var 49-23 Selfossi í vil. Staða efstu liða varð því eftirfarandi: 1. HK, 2. Afturelding, 3. Selfoss, 4. ÍR, 5. ÍBV.

Selfyssingar unnu stórsigur á Aftureldingu á Selfossi í kvöld og tryggðu sér sæti í úrvalsdeildinni næsta keppnistímabil. Er þetta í fyrsta skipti sem Selfoss vinnur sig upp í efstu deild karla. Afturelding komst yfir á 22. mín, en Hjörtur Hjartarson jafnaði fyrir Selfoss á 31. mín. Sævar Þór kom svo Selfossi í 2:1 á 33. mín. og þannig var staðan í hálfleik. Selfyssingar bætu fjórum mörkum við í seinni hálfleik og gulltryggðu sæti sitt með 6:1 sigri. Hjörtur skoraði 3. og 4. markið, Sævar Þór það 5. og Arelíus það 6. Mikil fagnaðarlæti brutust út í leikslok á meðal leikmanna og stuðningsmanna Selfoss. Langþráður draumur knattspyrnumann á Selfossi er orðinn að veruleika. Til hamingju strákar!!!

Stórskyttan Ragnar Jóhannsson hefur verið í séræfingum hjá margföldum íslands- og norðurlandameistara í karate, Ingólfi Snorrasyni sem hefur einnig getið sér gott orð sem einkaþjálfari. Ragnar hefur bætt sig mjög mikið undanfarið og er í hrikalegu formi þessa dagana og mætir sterkur í komandi keppnistímabil í 1.deildinni með Selfoss og unglingalandsliðinu. Myndband af einni af æfingum þeirra félaga má sjá hér... http://www.youtube.com/watch?v=jG0mv3Uelzw&feature=channel_page

Getraunastarf Umf. Selfoss er nú að fara af stað. Opið er í Tíbrá alla laugardaga milli kl. 11 og 13. Þar geta menn og konur spáð í seðil helgarinnar og í leiðinni farið yfir málefni líðandi stundar í góðum hópi. Alltaf er heitt á könnunni og ilmandi bakkelsi frá Guðnabakaríi. Allir eru velkomnir.

Selfyssingar taka á móti Aftureldingu í athyglisverðum leik á Selfossvelli föstudaginn 4. september kl. 18.30. Ef Selfoss sigrar eða gerir jafntefli, tryggja þeir sér sæti í efstu deild í fyrsta sinn í sögunni. Jafnframt fellur Afturelding ef Selfoss sigrar í leiknum. Selfyssingar unnu glæsilegan 0-4 sigur á Fjarðabyggð í síðasta leik, en Afturelding tapaði 1-3 fyrir HK í sömu umferð.

Í gær, þriðjudaginn 1. september, hófust æfingar hjá Sunddeildinni. Æft er alla daga en æfingahópar æfa 2-5 sinnum í viku eftir aldri og getu. Hjá deildinni eru nú 36 iðkendur auk þeirra sem eru á sundnámskeiðum sem eru fyrir börn sem eru að stíga sín fyrstu skref í sundíþróttinni. Nýjum iðkendum er velkomið að mæta á æfingu og prófa en fyrstu tveir tímarnir eru frítt.

Guðmunda Brynja Óladóttir, leikmaður meistaraflokks Selfoss, hefur verið valin í u-17 ára landsliðshóp Íslands í knattspyrnu. Gumma lék flesta leiki meistaraflokks Selfoss á þessu ári, auk þess sem hún leikur með 3. flokki. Æfingar standa yfir þessa dagana hjá stelpunum. Þær eru að fara að keppa í riðlakeppni Evrópumótsins í knattspyrnu sem fram fer á Íslandi dagana 4. - 9. september. Í riðli með íslensku stelpunum eru Þjóðverjar, Frakkar og Ísraelar.

Stefán Ragnar Guðlaugsson og Guðmundur Þórarinsson, leikmenn meistaraflokks Selfoss, voru báðir valdir í u-19 ára landslið Íslands sem leikur tvo landsleiki við Skotland ytra 7. og 9. september. Er þetta mikill heiður fyrir strákana sem hafa spilað flesta leiki Selfoss í sumar. Þeir félagar halda til liðs við landsliðið laugardaginn 5. september og degi seinna heldur svo landsliðið út til Skotlands. Landsliðið kemur til baka fimmtudaginn 10. september.

Arilíus Marteinsson leikmaður Selfoss var valinn leikmaður 19. umferðar í 1. deild karla á fotbolti.net. Alli er vel að þessari tilnefningu kominn. Hann sýndi frábæran leik fyrir austan er Selfyssingar unnu Fjarðabyggð 0-4, skoraði eitt mark og annað sem var dæmt af. Arilíus er 25 ára á þessu ári og hefur ávalt leikið með Selfossi í deildarkeppni á Íslandi. Hér að neðan er hægt að klikka á viðtal við Arilíus sem fotbolti.net tók við hann.

Meistaramót Íslands 15-22 ára fór fram í Kópavogi helgina 29-30  ágúst sl. Frjálsíþróttadeild Umf. Selfoss sendi vaskt lið til keppni sem stóð sig mjög vel og var afrakstur helgarinnar 4 gullverðlaun, 4 silfurverðlaun og 5 bronsverðlaun auk 10 persónulegra meta og HSK-mets í stúlknaflokki.

Flest lið eiga sitt stuðningslag sem stuðningsmenn syngja gjarnan þegar þeir koma saman. Nokkur undanfarin ár hefur Selfoss notast við lagið „Go west" sem Pet Shop Boys sungu. Mörg stærstu knattspyrnuliðin í Englandi og á meginlandi Evrópu nota þetta lag, enda laglínan lipur til söngs. Nú hefur verið hresst enn frekar upp á lagið og bætt við það erindi.

Fimleikararnir fara af stað í dag samkvæmt nýrri stundaskrá. Nú eiga allir að vera komnir með tíma í fimleika þeir sem skráðu sig á réttum tíma.  Ef þið hafið ekki enn fengið tíma í tölvupósti þá vinsamlegast sendið póst á olgu@simnet.is eða hafið samband í 897-3074.  Um 350 börn eru núþegar komin á skrá. Stjórn Fimleikadeildar Umf.Selfoss

Nýir haustæfingatímar eru nú komnir hjá knattspyrnudeild sem gilda fyrir veturinn 2009-2010. Æfingatímar eru eftirfarandi.

Nokkra lykilleikmenn vantaði í lið Selfyssinga sem fór austur á Eskifjörð og vann Fjarðabyggð 0-4 í skemmtilegum leik. Frændurnir Einar Ottó og Jón Guðbrands voru í banni, Hjörtur Júlíus var slakur með kvennalandsliðinu í Finnlandi og 10 mínútum fyrir leik fann Sævar Þór að hann var ekki orðin góður af meiðslum sínum. Þeir sem komu inn í liðið fyrir þessa fjóra stóðu sig gríðarlega vel og átti sinn þátt í að Selfoss rúllaði yfir Fjarðabyggð.

Fyrsta æfing taekwondodeildar á haustönn verður mánudaginn 31. ágúst sæmkvæmt æfingatöflu. Æfingatíma má sjá hér að neðan.

Æfingar júdódeildar hefjast þriðjudaginn 1. september í æfingahúsnæðinu í Gagnheiði 3. Yfirþjálfari er Bergur Pálsson. Æfingum er skipt í fjóra aldurshópa, 6-8 ára, 8-10 ára, 11-14 ára og 15 ára og eldri. Byrjendur á öllum aldri eru velkomnir. Æfingatíma má sjá hér að neðan...

Tuðran, blað knattspyrnudeildar Selfoss, er komin út. Fyrir þá sem ekki eiga kosta á því að lesa Tuðruna á gamla mátann geta þeir nú tekið hana niður hér af heimasíðunni. Blaðið er eins í rafrænaforminu, nema plagötin af stelpuliðinu og strákaliðinu komst ekki inn. Nokkrir harðir stuðningsmenn Selfoss eru erlendis t.d. á Englandi, í Danmörku og í Noregi. Eins eru margir stuðningsmenn út á landi sem ekki komast á heimaleikina. 
Hér má nálgast Tuðruna.

Eftir góðan 3-1 sigur á Leikni í síðustu umferð mætir Selfossliðið nú Fjarðabyggð í sannkölluðum toppslag í 1. deildinni í knattspyrnu. Fjarðabyggð vann góðan sigur um síðustu helgi á HK í Kópavogi. Selfyssingar sitja á toppi deildarinnar með 38 stig og Fjarðabyggð er með 32 stig í 3.-4. sæti deildarinnar. Leikurinn verður leikinn á Eskifjarðarvelli á laugardag og hefst kl. 14.00. Ljóst er að Selfyssingar eiga harma að hefna frá leik liðanna fyrir austan í fyrra.

 

Systurnar Inga Fríða og Guðfinna Tryggvadætur á Selfossi hafa tekið að sér að þjálfa 5. flokk kvenna í handbolta í vetur. Þær vilja rífa upp kvennaboltann á staðnum og leggja þannig sitt af mörkum til verkefnisins. „Það er spennandi að taka þátt í uppbyggingunni á handboltanum á Selfossi. Handbolti hefur verið mitt líf og yndi og nú þegar ég er hætt að spila sjálf þá lá beinast við að fara út í þjálfun því mér finnst það mjög spennandi, en ekki haft tíma til að gera það vegna æfinga og keppni hjá mér, en nú hef ég tíma“.

Verið er að vinna úr skráningu í fimleika fyrir haustið 2009. Sem fyrr er mjög mikil aðsókn í deildina og biðjum við foreldra um að sýna biðlund til að hægt sé að koma stundaskránni saman. Æfingatímar barnanna verða sendir út á netföng foreldra um helgina. Æfingar hefjast samkvæmt stundaskrá mánudaginn 31. ágúst.
Seinskráningar verða teknar fyrir í næstu viku þegar starfið er farið af stað.

Seinni úrslitaleikur Selfoss í keppni um að fara upp í efstu deild kvenna var leikinn að Ásvöllum í Hafnarfirði í dag. Þar mættu stelpurnar frá Selfossi Haukum, en fyrri leikinn unnu Haukar 1-2 á Selfossvelli. Ljóst var að róðurinn yrði þungur fyrir Selfyssinga og að þær yrðu að vinna leikinn 2-3 eða 0-2, því samanlögð markatala gildir og útivallarmörk geta ráðið úrslitum.

Æfingar taekwondodeildar á haustönn hefjast mánudaginn 31. ágúst skv. æfingatöflu.  Sjá nánar hér...

Stuðningsmenn Selfoss í knattspyrnu ætla að fjölmenna austur á Eskifjörð til að styðja lið sitt í baráttunni um að komast upp í efstu deild. Ferðaplanið er þannig að mæting er kl. 10:00 á Reykjavíkurflugvöll og flogið kl. 10:30 til Egilsstaða. Áætluð lending er kl. 11:30. Rúta fer frá Egilstöðum með hópinn á Eskifjörð, þar sem leikur Fjarðabyggðar og Selfoss fer fram kl. 14:00. Eftir leik gefst tími til að sjá Man.Utd. - Arsenal í sjónvarpinu áður en flogið er til baka kl. 19:25. Áætluð heimkoma til Reykjavíkur er kl. 20:25.  

Stelpurnar í 5. flokki Selfoss eru á mikilli siglingu þessa dagana. Um helgina tryggði B-liðið sér þátttöku í úrslitakeppni Íslandsmótsins með glæsilegum sigri á KR-stelpum. A-liðið sigraði einnig KR um helgina, en þurfti að leika hreinan úrslitaleik við FH um sæti í úrslitakeppninni. Þar töpuðu þær naumlega.

Um helgina var haldið hið árlega Skallagrímsmót 7. flokks í Borgarnesi. Strákarnir frá Selfossi fóru mikla sigurferð og voru með bestan árangur allra liða. Selfoss sendi þrjú lið til keppni. C-liðið hafnaði í 2. sæti, B-liðið gerði sér lítið fyrir og vann sitt mót og A-liðið gerði slíkt hið sama. Þeir unnu mótið á markatölu eftir að hafa gert jafntefli við ÍA í hreinum úrslitaleik. Þjálfari strákana er Gunnar Borgþórsson.

Stelpurnar í meistaraflokki Selfoss tóku á móti Haukum í fyrri leik liðanna í úrslitakeppni 1. deildar í knattspyrnu. Eftir hörkuleik þar sem Selfyssingar komust yfir náðu Haukar að knýja fram sigur 1-2. Mark Selfoss skoraði Rakel Ýr Gunnlaugsdóttir eftir fallega sókn.

Selfyssingar unnu virkilegan góðan sigur á Leiknismönnum á föstudag. Eftir að Selfyssingar komust í 1-0 náðu Breiðhyltingar að jafna og þannig var staðan í hálfleik. Selfyssingar sýndu svo mjög þroskaðan leik í seinni hálfleik, héldu áfram að láta boltann ganga og að lokum opnaðist vörn gestanna og heimamenn skoruðu tvö mörk.

Strákarnir í 3. flokki gerðu góða ferð til Vestamannaeyja nú um helgina þar sem liðið lék tvo leiki. Gerðu þeir 1-1 jafntefli í fyrri leiknum þar sem Jakob Arnarsson skoraði mark Selfoss/KFR. Þeir unnu síðan seinni leikinn 2-3 með mörkum frá Þorsteini Daníel Þorsteinssyni, Markúsi Vernharðssyni og Steinari Sigurjónssyni.

Selfoss mætir Haukum í fyrri leik liðanna í úrslitakeppni 1. deildar kvenna um laust sæti í úrvalsdeild. Leikurinn hefst kl. 14.00 í dag laugardaginn 22. ágúst og verður spilað á Selfossvelli. Seinni leikurinn fer fram í Hafnarfirði á þriðjudag. Samanlögð úrslit úr leikjunum sem gilda, en það lið sem vinnur fer í 4-liða úrslit.

Æfingatímar handknattleiksdeildar eru klárir og hefjast æfingar mánudaginn 24. ágúst samkvæmt stundaskrá. Eins og áður hefur komið fram fær deildin ekki eins marga tíma í íþróttahúsum bæjarins og hún telur sig þurfa til að geta haldið úti fullri starfsemi. Því þurfa nokkrir flokkar að æfa saman. Yngriflokkaráð vill bjóða nýja þjálfara velkomna til starfa og allir iðkendur síðasta árs ásamt nýjum iðkendum eru jafnframt boðnir velkomnir.

Handboltaæfingar yngri flokka hefjast í næstu viku samkvæmt töflu. Æfingataflan verður hengd upp í skólum á mánudaginn. Einnig verður hún auglýst hér á vefnum og í Dagskránni í næstu viku. Foreldrafundur verða í byrjun september og er mikilvægt að við fáum sem flesta foreldra á þann fund til að kynna starfið.

Næsti leikir Selfoss í 1. deild er gegn Leikni á Selfossvelli föstudaginn 21. ágúst kl. 18.30. Bæði lið töpuðu sínum leikjum 1-0 í síðustu umferð, Selfoss fyrir Þór á Akureyri og Leiknir fyrir HK í Breiðholti. Selfyssingar leiða deildina með 35 stig, en Leiknismenn eru í 6. sæti með 24 stig.

Ragnarsmótið verður haldið daganna 9.-12. september í íþróttahúsi Vallaskóla. Mótið er nú haldið í 20 skipti og má því  segja að um stórafmæli sé að ræða. Ragnarsmótið hefur verið besta æfingamót landsins í mörg ár og svo eftirsótt að yfirleitt er mótið fullt um mitt sumar ár hvert. Dagskrá mótsins má sjá hér að neðan.

Selfyssingar töpuð 1:0 fyrir Þór á Akureyri s.l. þriðjudagskvöld. Selfyssingar voru mun meira með boltann, sköpuðu sér fleiri færi, en stundum er það ekki nóg. Þrátt fyrir tapið sitja Selfyssingar enn í efsta sæti deildarinnar, einu stigi á undan Haukum. 

Miklar framkvæmdir hafa staðið yfir á íþróttavallarsvæðinu á Selfossi frá því í vor. Aðalvöllurinn og hluti af æfingasvæðinu voru tekin upp og skipt um undirlag ásamt því að völlurinn á æfingasvæði 1 var lagfærður og settar manir í kringum hann. Í aðalvöllinn voru settar draglagnir, hitakerfi og lagnir fyrir vökvunarkerfi. Ákveðið var að sá í völlinn til að fá þéttara og betra gras. Fengnir voru sérfræðingar í grasafræðum til annast framkvæmdina. Fengið var sérvalið grasfræ, sem hentar vel á knattspyrnuvöllum. Stefnt er að því að völlurinn verður tekin í notkun um mitt næsta sumar og verður hann þá með bestu knattspyrnuvöllum á landsins.

Strákarnir í 6. flokki D-liða urðu á sunnudag Íslandsmeistarar í knattspyrnu á suðvesturlandi. Strákarnir stóðu sig virkilega vel og gerðu sér lítið fyrir og unnu alla sína leiki. Í úrslitakeppninni unnu þeir Stjörnuna 3-2, Hauka 6-4 og Aftureldingu 7-2. Með þessum glæsilega árangri voru þessir yngstu knattspyrnuiðkendur komnir í sjálfan úrslitaleikinn og þar mættu þeir ÍBV og gerðu sér lítið fyrir og unnu eyjapeyja 4-0. Strákarnir skoruðu því alls 20 mörk í úrslitakeppninni og greinilega margir efnilegir gaurar í þessum flokki. Þjálfarar strákanna eru þeir Stefán Ragnar Guðlaugsson og Árni Páll Hafþórsson.

Nú er ljóst hverjir verða mótherjar Selfoss í úrslitakeppni 1. deildar kvenna í knattspyrnu. Eftir 2-0 tap gegn sameinuðu liði HK/Víkings í Kópavogi, lentu stelpurnar í 3. sæti og fá þær lið Hauka í 8-liða úrslitum. Góður árangur Selfoss á sínu fyrsta ári í 1. deild hefur vakið athygli, en þær hafa aðeins tapað gegn efsta liðinu HK/Víkingi.

Eftir 1-6 stórsigur á Víkingi Ólafsvík í síðustu umferð mæta Selfyssingar Þórsurum á Akureyri þriðjudaginn 18. ágúst kl. 18.30 í 17. umferð Íslandsmótsins. Þórsarar töpuðu 3-0 fyrir HK í síðustu umferð eftir að hafa verið á góðu flugi undanfarið. Selfoss er á toppi deildarinnar með 35 stig, en Þór er í 8. sæti með 21 stig. 

Byrjendanámskeið í ungbarnasundi fyrir börn ca. 2-6 mánaða og framhaldsnámskeið hefjast 19. ágúst n.k. Skráning og upplýsingar hjá Guðbjörgu H. Bjarnadóttur í síma 848 1626 og 482 2808.

Selfyssingar fóru vestur á Ólafsvík til að leika sinn leik í 16. umferð 1. deildar í knattspyrnu. Strákarnir voru minnugir þess að hafa tapað þar 4-3 í fyrra í aftakaveðri og ætluðu ekki að láta leikinn endurtaka sig. Sást það strax á fyrstu mínútum leiksins. Veðrið var algjör andstæða þess sem boðið var uppá í fyrra og spiluðu Selfyssingar í takt við það. Þegar dómari leiksins flautaði leikinn af var ljóst að frábær 1-6 sigur Selfyssinga á Víkingi frá Ólafsvík var staðreynd. Sævar Þór skoraði tvö, Hjörtur, Arilíus og Stefán Ragnar sitt markið hver og eitt marka Ólsara var sjálfsmark eftir góða sendingu frá Gumma Tóta.

Fimmtudagskvöldið 13. ágúst var haldið veglegt hóf í Tíbrá, félagsheimili Ungmennafélags Selfoss. Það var Hafsteinn Þorvaldsson, heiðursfélagi Umf. Selfoss, sem stóð fyrir hófinu. Hófið var m.a. haldið til að heiðra minningu eiginkonu hans Ragnhildar Ingvarsdóttur sem hefði orðið 80 ára þennan dag. Auk fjölskyldu Hafsteins mættu í hófið fulltrúar sjö deilda innan Umf. Selfoss, formaður Umf. Biskupstungna, formaður Umf. Vöku og formaður og framkvæmdastjóri HSK. Hafsteinn afhendi þessum aðilum, tíu talsins, peningastyrk að upphæð 100.000 kr. hver.

Aðalsteinn Halldórsson er ungur drengur frá Akureyri og er hann fæddur 1991. Hann er að hefja sitt annað ár á Selfossi og stóð sig afar vel í fyrra og bætti sig mikið. Síðuritari innti Arnar þjálfara hans hvað honum þætti um Steina eins og hann er kallaður. Kvað Arnar hann vera duglegan og samviskusaman og með mikið skap sem öllum væri hollt að láta í ljós sem oftast. Arnar telur Aðalstein afar góða viðbót við þann hóp sem Selfoss hefur í liði vaskra sveina. Aðalsteinn var svo ljúfur að svara nokkrum spurningum fyrir okkur:

Þriðjudaginn 1. september n.k. hefjast æfingar að nýju hjá Sunddeildinni að loknu sumarfríi. Æft verður samkvæmt tímatöflu sem finna má á síðu Sunddeildarinnar undir "Æfingatímar sund" eða með því að smella hér. Nýir iðkendur eru velkomnir og geta skráð sig á staðnum eða með því að hringja í síma 695 1960. Einnig er hægt að nota skráningareyðublaðið hér á síðunni með því að smella hér.

Skráning í fimleika fer fram í Tíbrá við Engjaveg fimmtudaginn 20. ágúst og mánudaginn 24. ágúst frá 17-19.  Mikilvægt er að foreldri eða forráðamaður komi til skráningar. Hægt er að ganga frá greiðslum á staðnum. Þeir sem skrá á réttum tíma ganga fyrir í hópa. Þeir sem hafa skráð barnið/börnin sín nú þegar þurfa ekki að skrá þau aftur. Skráning í fullorðinsfimleika er á sama stað. Æfingar hefjast samkvæmt stundatöflu 31. ágúst. Nýjir sem og eldri iðkendur eru velkomnir. Hlökkum til að sjá ykkur. Stjórn fimleikadeildar Umf. Selfoss

Yngri flokkaráð handknattleiksdeildar hefur ráðið Stefán Árnason sem þjálfara 4. flokks karla. Stefán er einn fremsti unglingaþjálfari landsins hann hefur þjálfað KA undanfarin ár með topp árangri og hann var aðstoðarþjálfari úrvalsdeildarliðs Akureyrar á s.l. leiktíð. Hann er bróðir Adda þjálfara sem hefur gert frábæra hluti í yngri flokka starfinu á Selfossi og sonur Árna Stefánssonar þjálfara HK í meistaraflokki. Stefán hyggur á nám við íþróttakennaraskólann á Laugarvatni næstu 3 árin og verður því vonandi hjá okkur a.m.k. næstu þrjú árin. Æfingar í 4. flokki karla hefjast í vikunni.

Sjö strákar frá Selfossi komu heim í gær eftir 10 daga dvöl í hinum virta Bobby Charlton knattspyrnuskóla í Englandi. Haldin er knattþrautakeppni á vegum skólans og stóðu Selfyssingarnir sig vel þar. Haukur Ingi Gunnarsson og Ísak Eldjárn Tómasson komust báðir í 8 manna úrslit og gerði Haukur Ingi sér lítið fyrir og vann keppnina. Fyrir 1. sætið var Hauk Inga boðið að koma út til Manchester og taka þátt í lokakeppni þar.  

Næsti leikur Selfyssinga í deild er athyglisverður, en þá leika þeir við neðsta liðið í deildinni, Víking frá Ólafsvík. Þó Selfyssingar séu í 1. sæti og Víkingur Ó. í því 12. er ljóst að um hörku leik verður að ræða. Selfyssingar eiga harma að hefna frá leiknum fyrir vestan í fyrra, en þá björguðu Víkingar sér frá falli með sigri á Selfossi í aftaka veðri.

Strákarnir í 2. flokki Selfoss/KFR léku tvo leiki sitt hvoru megin við helgina. Fyrir helgi unnu þeir Þrótt 2-1 á Hellu og í gær unnu þeir ÍR/Létti á Selfossvelli 2:0. Mörk Selfoss/KFR gegn Þrótti skoruðu þeir Jón Daði og Mummi. En gegn ÍR/Létti skoruðu þeir Gummi Tóta og Jón Daði.

Olísmótinu í 5. flokki drengja lauk á Selfossi á sunnudaginn með verðlaunahátíð. FH, Þróttur, Keflavík, KR og Grótta unnu til flestra verðlauna á mótinu. Um 450 strákar kepptu á Olísmótinu í 48 liðum frá 12 félögum. Því miður var ekki hægt að taka á móti öllu liðum þetta árið vegna vallarframkvæmda á Selfossvelli. Á næsta ári er stefnt að því að stækka mótið og gera það enn flottara.

Úrtökumót KSÍ fyrir stráka sem fæddir eru 1994 fer fram á Laugarvatni dagana 14.-16. ágúst. Frá Selfossi fer Steinar Sigurjónsson og frá KFR Reynir Óskarsson, en þessir strákar hafa verið að standa sig mjög vel með sínum liðum undanfarin misseri.

Nokkrir ferskir strákar úr 4. flokki Selfoss í knattspyrnu eru nú staddir í knattspyrnuskóla Bobby Charlton sem staðsettur er í Manchester í Englandi. Strákarnir hafa staðið sig vel á æfingum, en haldnar eru þrjár æfingar á dag. Skólinn stendur yfir í tíu daga. Tveir dagar eru notaðir í annað en æfingar. Fyrri daginn fóru strákarnir í skoðunarferð á Anfield, heimavöll Liverpool og sáu svo á leik Manchester United og Valencia. Seinni daginn fóru strákarnir svo í stærsta tívolí Bretlands.

Mánudaginn 10. ágúst hefjast aftur æfingar hjá yngstu flokkum knattspyrnudeildar eftir stutt sumarfrí. Æfingar verða á hefðbundnum tímum og má sjá æfingatíma flokkanna til hliðar á knattspyrnusíðunni undir Æfingatímar sumar 2009. Sjáumst hress á vellinum. Kv. þjálfarar

Olísmót 5. flokks stráka í fótbolta hófst á Selfossvelli í gær. Eins og undanfarin 3 ár eru 48 lið sem spila á mótinu, en leikið er á 6 völlum. Því miður var ekki hægt að taka á móti öllum liðum sem vildu vera með, því miklar framkvæmdir standa nú yfir á Selfossvelli. En á Olísmótinu 2010 verður spilað á 11 völlum og verður mótið því enn stærra og flottara.

Selfyssingurinn Þórir Ólafsson atvinnumaður í handbolta hjá TUS-N-Lübbecke í þýsku úrvalsdeildinni hefur verið gerður að fyrirliða liðsins. Þórir er að hefja sitt fimmta tímabil hjá liðinu og er reynslumesti leikmaður liðsins. Liðið hefur æft að kappi í 3 vikur og tekur um helgina þátt í móti í Póllandi. Þórir hefur átt fast sæti í landslisðhópi Guðmundar Guðmundssonar síðastliðið ár og hefur sett stefnuna á Heimsmeistaramótið sem haldið verður í Austurríki í janúar n.k.

Selfoss tók á móti HK í toppleik fyrstu deildar á Selfossvelli í kvöld. Mikill vindur og rigning gerðu aðstæður til að spila knattspyrnu erfiðar. HK leiddu 0-1 í hálfleik, en Selfyssingar jöfnuðu í upphafi síðari hálfleiks. HK sýndu svo mikinn karakter með því að koma til baka og skora sigurmarkið. Í lok leiksins sótt svo Selfyssingar stíft, en Gunnleifur Gunnleifsson í marki HK varði nokkrum sinnum vel.

Fallinn er frá góður félagi, Njáll Skarphéðinsson, langt fyrir aldur fram. Njáll var bráðkvaddur í sumarbústað fjölskyldu sinnar aðeins 49 ára að aldri. Njáll starfaði í stjórn knattspyrnudeildar Selfoss á árunum 1988-1992 eða alls í fimm ár. Þar af var hann formaður deildarinnar í þrjú ár, frá 1990-1992. Á þessum árum var liðið í B-deild og gerði atlögu að efstu deildar sæti.

Nú þegar Íslandsmótið er rúmlega hálfnað er ekki úr vegi að skyggnast aðeins inn í hugarheim þjálfara meistaraflokks Selfoss til þess bæði að fara yfir það sem af er móti og eins rýna í framhaldið. Gunnlaugur Jónsson gaf sér klukkutíma eftir æfingu á dögunum og svaraði vel ígrunduðum spurningum blaðamanns umfs.is vefmiðilsins.

Olísmót knattspyrnudeildar Selfoss verður sett föstudaginn 7. ágúst kl. 14.00 á Selfossvelli. Liðin sem keppa í ár eru 48 talsins og er það óbreyttur fjöldi frá fyrri árum. Því miður var ekki hægt að taka á móti öllum þeim liðum sem vildu koma núna. Árið 2010 verður hægt að stækka mótið umtalsvert, en nú standa yfir framkvæmdir á vallarsvæðinu og verða 6-7 nýjir vellir fyrir 7 manna bolta teknir í notkun á vallarsvæðinu á næsta ári.

Skráningar í fimleika eru byrjaðar í gegnum netið.  Hér til hliðar á fimleikasíðunni má sjá flipa sem heitir Skráningarblað haust 2009.  Vinsamlegast fyllið út það eyðublað og sendið á netfangið olgu@simnet.is  fyrir 24.ágúst.  Stefnt er á að æfingar hefjist mánudaginn 31.ágúst samkvæmt töflu.  Tímatafla verður hengd upp í Baulu fyrir þann dag en stundatöflur verða jafnframt sendar í tölvupósti á skráða iðkendur.  Börn fædd 2004 og eldri eru tekin inn í fimleika í vetur.  Eins má skrá sig í fullorðinsfimleika á sama eyðublað.  Ef þið hafið einhverjar spurningar þá hafið samband við Olgu á olgu@simnet.is

Eftir tvo góða sigurleiki í röð leiða Selfyssingar deildina með 7 stiga forystu á næsta lið sem er Haukar. Þar fyrir neðan í 3. sæti er svo lið HK úr Kópavogi 9 stigum á eftir Selfyssingum, en þessi lið mætast á Selfossvelli fimmtudaginn 6. ágúst kl. 19.00. En einn stórleikur Selfyssinga í deildinni, en þeir hafa staðist hverja prófraunina á fætur annarri í ár.

Selfoss og Þróttur R. gerðu 2-2 jafntefli, en leikur liðanna sem fór fram fyrir verslunarmannahelgi. Eftir leikinn er staða liðanna í deildinni því óbreytt. Selfoss í 2. sæti með 18 stig og Þróttur í 3. sæti með 16 stig. En á toppi deildarinnar er sem fyrr HK/Víkingur.

Fyrir nokkru kom upp sú hugmynd að bjóða til sölu Selfoss útifána. Þá gætu menn flaggað heima hjá sér á leikdögum eða þegar eitthvað er um að vera hjá félaginu. Nú höfum við komið hugmyndinni í framkvæmd. Hægt er að kaupa fána (1x1,5m) á skrifstofu félagsins. Hvítir fánar með vínrauðu Selfossmerki kosta 4.500 kr. og vínrauðir fánar með hvítu merki kosta 7.500 kr. Nánari upplýsingar á skrifstofu félagsins s. 482 2477 eða hjá framkvæmdastjóra s. 897 6323.

Ásgeir Örn Ólafsson er farinn aftur til KR, eftir tveggja mánaða lán hjá Selfyssingum. Ásgeir stóð sig mjog vel í herbúðum Selfyssinga. Hann lék níu leiki í byrjunarliði og kom þrisvar inná sem varamaður í 1. deildinni. Hann byrjaði þó ekki tvo síðustu sigurleiki gegn Víkingi Reykjavík og ÍR.

Strákunum í 19 ára landsliðinu tókst ekki að vinna fyrsta gull Íslands á heimsmeistaramóti þegar liðið mætti gríðarlega öflugu króatísku liðið í úrslitaleiknum á Heimsmeistaramóti 19 ára landsliða í Túnis í kvöld. Króatar unnu öruggan fimm marka sigur, 35-40.

Rúv hefur ákveðið að sýna stórviðburð þann sem úrslitaleikur Íslands og Króatíu er. Útsending hefst á morgun klukkan 19.30 og hvetjum við alla og ekki síst Selfyssinga að horfa á þennan leik.

http://mbl.is/mm/sport/handbolti/2009/07/30/urslitaleikur_islands_og_kroatiu_i_beinni_a_ruv/

 Áfram Ísland!

Selfyssingar juku forskot sitt í 7 stig í 1. deildinni í knattspyrnu í gær er þeir unnu Víkinga í Víkinni. Víkingar sem höfðu unnið fjóra leiki í röð er þeir mættu Selfyssingum fundu fáar leiðir framhjá skipulagðri vörn Selfoss. Athyglisvert er að þetta er fjórði sigur Selfyssinga á Víkingum á rúmu ári.

Rétt í þessu var Ísland að vinna heimamenn í Túnis, 33-31 eftir að hafa verið undir í hálfleik 14-15. Þeir mæta Króötum á föstudaginn kemur. Raggi komst ekki á blað og tók aðeins eitt skot í leiknum. Hann á því vonandi eitthvað inni fyrir leikinn á föstudaginn. Áfram Ísland!

Kópavogsmótið í bekkpressu fór fram í íþróttahúsi Breiðabliks við Dalsmára sl. laugardag. Stigahæstu einstaklingar í karla- og kvennaflokkum urðu þau Guðmundur S. Erlingsson og María Guðsteinsdóttir. Þá hlaut Daníel Geir Einarsson frá Selfossi nafnbótina „efnilegasti keppandinn". Fjögur Íslandsmet voru sett á mótinu. Daníel Geir Einarsson, Selfossi, setti drengjamet og unglingamet í -110 kg flokki þegar hann lyfti heilum 140 kg.

Fyrr í dag vann Ísland lið Noregs á heimsmeistaramótinu sem haldið er í Túnis. Ísland hefur unnið til þessa á mótinu, Púertó Ríkó, Frakkland og Brasilíu, en tapaði í hörkuleik gegn Svíum þar sem Ragnar okkar Jóhannsson skoraði 10 mörk. Ísland vann eins og fyrr segir Noreg og voru lokatölur 43-37 eftir að Norðmenn leiddu í hálfleik 21-20.

Selfyssingar halda í Víkina, þriðjudaginn 28. júlí og leika þar við Víkinga frá Reykjavík. Leikurinn hefst kl. 20.00 og má búast við hörku leik þar sem Selfoss situr á toppi deildarinnar, en Víkingar hafa hoppað upp í 4. sæti eftir fjóra sigurleiki í röð. Síðastliðinn fimmtudag unnu Selfyssingar ÍR-inga og juku forskot sitt í deildinni í 6 stig. Í sömu umferð sigruðu Víkingar HK í Kópavogi.

Stelpurnar í 3. flokki Selfoss í knattspyrnu gerðu sér lítið fyrir og unnu Denmark Football Festival sem fram fór í vikunni. Stelpurnar unnu fjóra leiki í riðlakeppninni, gerðu eitt jafntefli og komust áfram í fjögrra liða úrslit á markatölu.

Stelpunar í Selfossi unnu Fjarðabyggð/Leikni 6-0 í leik liðanna í 1. deild í dag. Með þessum sigri komust stelpurnar í 2. sæti 1.deildar A. Eins og tölur leiksins gefa til kynna var leikurinn langt frá því að vera jafn og yfirburðir Selfoss miklir. Í gær tryggðu stelpurnar sér sæti í úrslitunum með jafntefli við Hött frá Egilsstöðum og kom þær því heim úr vel heppnaðri austfjarðarferð með 4 stig í poka.

Meistaraflokkur kvenna lék í gær við Hött frá Egilstöðum í 1. deildinni í knattspyrnu. Af einhverjum ástæðum var leikið var á lélegum grasvelli á Seyðisfirði. Leikurinn endaði með jafntefli 1-1. Með þessu jafntefli tryggðu stelpurnar sér sæti í úrslitakeppni 1. deildar þrátt fyrir að þrír leikir séu eftir. Í leiðinni gerðu þær vonir Hattar um sæti í úrslitunum að nánast engu.

Selfyssingar tóku á móti ÍR-ingum á heimavelli sínum á Selfossi í dag. ÍR byrjaði undan sterkum vindi, en það voru þó Selfyssingar sem voru með undirtökin í fyrri hálfleik. Aðallega voru það hornspyrnur þeirra sem reyndust ÍR-ingum erfiðar. Fyrri hálfleikur var samt heilt yfir ekki opin og bauð ekki upp á mjög mikið. Vörn Selfoss hélt aftur af sóknarmönnum ÍR í rokinu og voru einungis skráð tvö færi í fyrri hálfleik.

Eftir ósigur í síðustu umferð gegn KA norður á Akureyri, taka Selfyssingar á móti Breiðholtsstrákunum í ÍR á heimavelli Selfoss. ÍR vann HK í hörkuleik í síðustu umferð með þremur mörkum gegn einu. Með þessum sigri eru ÍR komnir í 7. sæti með 16 stig, en Selfyssingar sitja á toppi deildarinnar með 26 stig.  

Í 3. flokki léku strákar fæddir 1991 og 1992 og saman stendur hann af hópi ungra drengja sem gríðarlega gaman er að þjálfa og þekkja. Metnaður þessa hóps er mikill og hefur sá hann skilað sér hægt og bítandi í gegnum árin. Tvö lið voru að venju skráð til leiks frá Selfossi í þessum aldursflokki, lék annað lið í efri deild og hitt í þeirri neðri. Liðin er að öllu jöfnu kölluð 91 liðið og 92 liðið.

Árni Páll Hafþórsson leikmaður mfl Selfoss hefur verið lánaður í Árborg út keppnistímabilið. Árni Páll hefur nú þegar leikið einn leik með Árborg, en það var sigurleikur gegn Afríku. Árni Páll hefur leikið 4 leiki með Selfoss í sumar og þar af byrjað inn á í einum leik. Hjá Árborg hittir hann fyrir lánsmennina Arnar Freyr Óskarsson og Ólaf Tryggva Pálsson, en þessir ungu strákar þurfa aðeins spilatíma til að verða tilbúnir og verður því gaman að sjá þá eftir tímabil. 

Útvarpsþátturinn fotbolti.net hefur valið lið fyrri umferðar á Íslandsmóti 1. deildar í knattspyrnu. Er það sérfræðingur þáttarins, Garðar Gunnar Ásgeirsson, sem hafði yfirumsjón með því. Selfyssingar eiga þrjá fulltrúa í liðinu, þá Einar Ottó Antonsson, Jón Sveinsson og Sævar Þór Gíslason. Sævar Þór útnefndur besti leikmaður fyrri umferðar í 1. deildinni. Hér að neðan má sjá lið fyrri umferðar. 

Selfyssingarnir Guðmundur Þórarinsson og Jón Daði Böðvarsson eru komnir heim úr keppnisferðalagi með u-18 ára landsliði Íslands, sem keppti á móti í Svíþjóð. Strákarnir stóðu sig mjög vel á mótinu og spiluðu í öllum leikjum. Þeir skoruðu báðir í 3-3 jafntefli gegn Svíum, Gummi beint úr aukaspyrnu og Jón Daði með skalla.

Selfyssingar töpuðu sínum öðrum leik í 1. deild á laugardag er þeir mættu KA fyrir norðan. Sigur KA var sanngjarn og náðu Selfyssingar ekki upp sínum leik. Akureyringar skoruðu sitt markið í hvorum hálfleiknum og áttu að auki sláarskot, en leikurinn endaði 2-0. Vendipunktur leiksins var þó sennilega á 53. mínútu er Sævar Þór og Ingþór voru báðir bornir af velli úr sömu sókn, en frá upphafi seinni hálfleiks voru Selfyssingar að taka leikinn yfir.

Í vetur voru á milli 27-32 strákar að æfa nokkuð reglulega með 4. flokki karla í handbolta. Tímabilið var skemmtilegt enda um afar skemmtilegan hóp ungra manna að ræða. Í upphafi var lagt upp með tvö lið en þriðja liðinu var bætt inn eftir forkeppnina til að tryggja að allir fengju að spila sem mest. Öll liðiin þrjú bættu sig mikið á árinu.

Í lok júnímánaðar fór 4. flokkur karla í handbolta til Gautaborgar til að taka þátt í hinu árlega handboltamóti, Partille Cup. Alls fóru 27 leikmenn, eða þrjú lið, ásamt fjórum fararstjórum og einum þjálfara. Svo vel tókst til í þessari ferð að mynduð var Þjóðstjórn á meðal fararstjóra og þjálfara. Þjóðstjórn þessi fékk nafnið ÞÁS og vakti hún mikla og verðskuldaða athygli.

Landsmót UMFÍ fór fram 9.-12. júlí í afar góðu veðri á Akureyri. Þjálfari 3. flokks ákvað  á vordögum í samráði við leikmenn að taka þátt í landsmótinu og hafa gaman af, og auðvitað að vinna það. Selfyssingar léku undir merkjum HSK eins og gefur að skilja og öttu þar kappi við ÍBA (Akureyri), UMSE/UFA og UMFN.

Selfyssingar mæta KA í fyrsta leik seinni umferðar á heimavelli KA fyrir norðan. Leikurinn fer fram laugardaginn 18. júlí kl. 14.00. Í síðustu umferð unnu Selfyssingar frábæran sigur á gulum Skagamönnum. Við þennan sigur juku Selfyssingar forskot sitt í 6 stig á liðin í öðru sæti. Á meðan töpuðu KA menn fyrir HK á Akureyri og eru þeir því í 5. sæti með 17 stig.  

Selfyssingarnir Guðmundur Þórarinsson og Jón Daði Böðvarsson skoruðu báðir í 3-3 jafntefli u-18 ára landsliðs Íslands sem lék við Svíþjóð í gær. Að þessu sinni var Gummi í byrjunarliðinu, en Jón Daði kom inná og skoraði síðasta mark Íslands. Í síðasta leik voru þeir báðir í byrjunarliði Íslands og ljóst að þjálfari Íslands, Kristinn R. Jónsson, leggur mikið traust á þá félaga. 

Sóknarmaðurinn Hjörtur Júlíus Hjartarson gekk í dag í raðir Selfyssinga frá Þrótt í Reykjavík. Mikill fengur er fyrir ungt Selfossliðið að fá þennan reynslubolta í seinni umferð Íslandsmótsins. Þegar mótið er hálfnað, leiða Selfyssingar deildina með 6 stiga forskot. Hjörtur hefur leikið níu leiki með Þrótti á tímabilinu, þar af sex í byrjunarliði og skorað í þeim 2 mörk.

Selfyssingar unnu glæsilegan 1-2 sigur á Skagamönnum í 1. deildinni í knattspyrnu, en leikið var á Akranesi. Fjóra leikmenn vantaði í Selfossliðið, þá Gumma Tóta og Jón Daða sem eru að leika með u-18 ára landsliðinu, Sigga Eyberg sem er í banni og Jón Guðbrands sem var meiddur. Ljóst var að leikurinn yrði erfiður, þar sem Skagamenn hafa aðeins náð í 12 stig á Íslandsmótinu í ár og þeir lögðu leikinn upp sem hálfgerðan úrslitaleik.

Selfyssingarnir Guðmundur Þórarinsson og Jón Daði Böðvarsson eru báðir í byrjunarliði u-18 ára landsliðs Íslands sem leikur sinn fyrsta leik á æfingarmóti sem fram fer í Svíþjóð þessa dagana. Ísland spilar leikkerfið 4-5-1 og er þeir báðir á miðjunni. Fyrsti leikur liðsins hefst í dag kl 14.30 og verður leikið við Wales.

Selfyssingar halda upp á Skipaskaga og leika þar við heimamenn í ÍA þriðjudaginn 14. júlí og hefst leikurinn kl. 20.00. Skagamenn töpuðu gegn HK 2-1 í síðustu umferð, en í sömu umferð gerðu Selfyssingar jafntefli við Hauka 2-2 í toppslag 1. deildar. Selfyssingar eru því á toppi deildarinnar með 23 stig, en ÍA er í 8. sæti með 12 stig.

Meistaraflokkur kvenna gerði jafntefli við Sindra frá Hornafirði 1-1 á heimavelli í gær. Stelpurnar voru búnar að vinna austanstelpur tvisvar í ár og því öruggt að um hörkuleik yrði að ræða. Sindrastelpur skoruðu í upphafi leiks, en Selfyssingar jöfnuðu á lokamínútunni. Þetta þýðir að Selfoss er enn í 2. sæti með 13 stig, en Sindri er í 4. sæti með 7 stig.

Uppgjöri toppliðanna Selfoss og Hauka í 1. deild karla lauk með 2-2 jafntefli og eru Selfyssingar því enn á toppnum með þriggja stiga forskot á Hauka. Selfyssingar gerðu þrjár breytingar á liði sínu frá síðasta leik gegn Aftureldingu, en leikið er þétt þessa dagana. Stefán Ragnar kom inn fyrir Gulla, Einar Ottó kom inn fyrir Jón Guðbrands og Gummi Tóta kom inn fyrir Jón Daða.  

Meistaraflokkur kvenna í knattspyrnu tekur á móti Sindra frá Hornafirði, laugardaginn 11. júlí kl. 16.00. Eftir tap í síðasta leik reynir nú á stelpurnar og í ljós kemur úr hverju þær eru gerðar. Þrátt fyrir tap í síðasta leik eru stelpurnar í 2. sæti 1. deildar með 12 stig.

Jón Daði Böðvarsson og Guðmundur Þórarinsson voru valdir í u-18 ára landslið Íslands í knattspyrnu. Liðið heldur til Svíþjóðar, mánudaginn 13. júlí og taka strákarnir þátt í æfingamóti þar. Önnur lið sem keppa á æfingamótinu eru Svíþjóð, Noregur og Walse, en mótinu líkur sunnudaginn 19. júlí. Þetta þýðir það að strákarnir munu að öllum líkindum missa af tveimur leikjum hjá meistaraflokki karla á Íslandsmótinu. Hér að neðan má sjá landsliðshópinn sem þjálfari u-18 Kristinn R. Jónsson valdi.

Selfoss tekur á móti Haukum í 1. deild karla í knattspyrnu og fer leikurinn fram fimmtudaginn 9. júlí kl. 20.00 á Selfossvelli. Þetta er sannkallaður toppslagur, því Selfyssingar eru með 22 stig á toppi deildarinnar og Haukar með 19 stig í 2. sæti. Liðin komu saman upp úr 2. deild fyrir tveimur árum og eiga því að þekkjast vel. Selfoss vann Aftureldingu 0-4 í síðasta leik og Haukar unnu HK á Ásvöllum 2-1.

Stelpunar í 2. flokki kvenna unnu Þrótt Reykjavík 2-4 á útivelli í gær. Selfoss hafði yfirburði í leiknum og var sigurinn síst of stór. Mörk Selfoss skoruðu þær Katrín Ýr 3 og Rakel 1 mark.

Eftir að hafa leitt 0-2 í hálfleik gegn Víkingum í Víkinni stóð ekki steinn við steini hjá strákunum í 2. flokki Selfoss/KFR í seinni hálfleik og Víkingar unnu leikinn 3-2 með sigurmarki á síðustu mínútu leiksins.

Laugardaginn 27. júní var haldið Aldursflokkamót HSK í frjálsum 11-14 ára á flotta frjálsíþróttavellinum í Þorlákshöfn í frábæru veðri s.s. við toppaðstæður. Krakkarnir frá Selfossi stóðu sig rosalega vel á mótinu, þau enduðu í öðru sæti í heildarstigakeppninni en það vantaði nokkra keppendur frá okkur sem munaði mikið um. Árangur einstakra keppenda var sem hér segir:

Selfoss og Breiðablik áttust við í úrslitaleik N1 mótsins í knattspyrnu sem fram fór á KA velli á Akureyri fyrir framan 1000 manns, nú rétt í þessu. Fyrir leik var spilaður íslenski þjóðsöngurinn, en það hefur verið hefð fyrir því í nokkur ár. Eftir að Selfyssingar komust yfir 1-0 í leiknum og virtust vera sterkari, þá náðu Blikar að jafna fljótlega í seinni hálfleik og þeir skoruðu svo sigurmarkið seint í seinni hálfleik.  

Strákarnir í A-liði 5. flokks í knattspyrnu eru að gera góða hluti á N1 mótinu í knattspyrnu, en það er sterkasta knattspyrnumótið sem haldið er fyrir þennan aldursflokk. Strákarnir sem eru fæddir 1997 og 1998 unnu riðilinn sinni fyrr í vikunni og urðu Breiðabliksstrákarnir í 2. sæti í riðlinum. Þessi tvö lið komust því í átta liða úrslit, en HK, Þór Akureyri, Keflavík og ÍBV sátu eftir.

Sævar Þór Gíslason skoraði sitt 100. mark í deildarkeppni fyrir Selfoss er hann skoraði þriðja mark sitt í kvöld gegn Aftureldingu og fjórða mark hans varð því mark númer 101 fyrir Selfoss í deild.

Selfyssingar skelltu sér aftur á topp 1. deildar í knattspyrnu með öruggum sigri á Aftureldingu. Með þessum sigri eru Selfyssingar áfram í efsta sæti með 22 stig. Haukar fylgja í humátt á eftir með 19 stig. Það var markahrókurinn Sævar Þór Gíslason sem skoraði öll mörk Selfoss í 0-4 sigri þeirra í kvöld. Sævar Þór er þar með komin á toppinn í keppni um markakóngstitilinn með 9 mörk. Það var ekki að sjá á liðinu að þeir Stefán Ragnar og Einar Ottó hafi verið í banni, en þeir tveir hafa spilað frábærlega í sumar. Gulli og Ómar þjálfarar Selfoss sýndu enn og aftur kjark er þeir gáfu einum af ungu leikmönnum Selfoss tækifæri í byrjunarliðinu. En Jón Daði Böðvarsson sem skoraði 4 mörk og lagði upp 1 í sigurleik gegn Stjörnunni í 2. flokki fyrr í vikunni stóð svo sannarlega undir væntingum með spilamennsku sinni í kvöld.

Knattspyrnunámskeið fyrir börn fædd 1995-1998, hefst mánudaginn 6. júlí. Námsskeiðið stendur yfir í tvær vikur og er frá kl. 9.00-12.00 virka daga. Áhersla verður á sendingar og skot. Hægt verður að kaupa eina viku á námsskeiðið og skiptir ekki máli hvor vikan er valin. Námsskeiðið kostar: 9.000 kr. fyrir 2 vikur og 5.000 kr. fyrir 1 viku. Glaðningur er fyrir þá sem eru 2 vikur. 

Strákarnir í 5. flokki eru að gera góða hluti á N1 mótinu í knattspyrnu sem fram fer á Akureyri þessa dagana. A-liðið vann A-riðilinn með góðum sigri á Keflavík í morgun. Strákarnir urðu þar með í efsta sæti með 12 stig. Í 2. sæti varð Breiðablik, í 3. sæti HK, í 4. sæti Þór Akureyri, í 5. sæti ÍBV og í 6. sæti varð Keflavík.

Stelpurnar í meistaraflokki kvenna töpuðu sínum fyrsta leik á Íslandsmótinu í gær er þær fengu sameinað lið HK og Víkings í heimsókn. Leikurinn endaði 0-4 fyrir gestina og áttu Selfyssingar ekki mikið í leiknum eins og tölurnar gefa til kynna. HK/Víkingur er því með fullt hús stiga eftir fyrri umferð. Selfyssingar unnu alla aðra leiki í fyrstu umferð sem er frábært á þeirra fyrsta ári í meistaraflokki.

Kvennalandslið stelpna u-17 ára með Selfyssinginn Guðmundu Brynju Óladóttur innanborðs tapaði öllum þrem leikjum sínum á Norðurlandamótinu í knattspyrnu sem fram fór í Svíþjóð. Stelpurnar töpuðu fyrir Norðmönnum, Þjóðverjum og gær fyrir Hollendingum. Nokkrar stelpur í liðinu eru eins og Gumma aðeins 15 ára og er þetta því dýrmæt reynsla fyrir þær. Hér að neðan má sjá umfjöllun um síðasta leikinn í riðlinum, en þær voru mjög óheppnar að tapa honum. Eins er mynd af byrjunarliðinu og er Gumma númer 9 í íslenska liðinu.

Strákarnir í 4. flokki Selfoss í knattspyrnu eru enn taplausir í B-riðli Íslandsmótsins eftir góðan 4-0 sigur á Víkingi frá Reykjavík í dag. Það voru þeir Haukur Ingi 3 og Birkir Péturs 1 sem skoruðu mörk Selfoss og var sigurinn síst of stór.  

Nú styttist óðum í Landsmót UMFÍ, en mótið verður haldið á Akureyri dagana 9.-12. júlí næstkomandi. Eyjafjörður mun væntanlega skarta sínu fegursta og verður án efa gaman að koma þangað. Undirbúningur fyrir mótið er á lokastigi. Heimamenn hafa lagt mikinn metnað í mótið og verður öll aðstaða til fyrirmyndar. HSK mun senda öflugt keppnislið á Landsmótið og tekur þátt í 16 af 20 keppnisgreinum. Margir Selfyssingar eru í liði HSK, en alls munu um 200 keppendur víðs vegar af Suðurlandi keppa fyrir sambandið. Í veglegu Landsmótsblaði HSK, sem fylgir með Sunnlenska fréttablaðinu í dag, má sjá lista yfir alla keppendur.

Skráning er hafin á Kópavogsmótið í bekkpressu, en mótið er haldið undir lögsögu Kraftlyftinganefndar ÍSÍ (KRAFT). Mótið verður haldið í Smáranum, íþróttahúsi Breiðabliks, 25. júlí og er opið öllum löglegum félagsmönnun/íþróttaiðkendum. Iðkendur úr öðrum íþróttagreinum, eins og t.d. kastarar í frjálsum íþróttum, eru sérstaklega boðnir velkomnir.

Selfyssingar leggja leið sína í Mosfellsbæ á föstudaginn og spila þar við Aftureldingu. Leikurinn hefst kl. 20.00 og verður þetta lokaleikur í 9. umferðar 1. deildar. Selfyssingar sitja á toppi deildarinnar með þriggja stiga forskot á Hauka. Afturelding er í næst neðsta lið deildarinnar, en þeir eru með 6 stig ásamt Þór Akureyri og Víkingi Ólafsvík.

Selfyssingar taka á móti sameinuðu liði HK og Víkings í uppgjöri efstu liðanna í 1. deild kvenna í knattspyrnu. Liðin eru efst og jöfn með 12 stig og hafa bæði lið unnið 4 leiki. Leikurinn fer fram á Selfossvelli fimmtudaginn 2. júlí og hefst kl. 20.00.

Stelpurnar í 5. flokki hafa verið að standa sig mjög vel á Íslandsmótinu það sem af er sumri. Eftir að hafa spilað 5 leiki eru stelpurnar í toppsæti síns riðils, bæði a- og b-lið. B-liðið er enn taplaust, en þær hafa spilað 5 leiki og unnið þá alla. Þá hefur a-liðið unnið 4 af 5 leikjum sínum þannig að sumrið hefur farið vel af stað hjá sprækum fótboltastelpum.

Starfsemi íþrótta-og útivistarklúbbsins í sumar hefur gengið mjög vel. Námskeiðin sem eru fjölbreitt hafa verið mjög vel sótt og fá börnin að prófa hinar ýmsu greinar undir leiðsögn góðra þjálfara. Farið er í handbolta, frjálsar, júdó, fimleika, fullt af leikjum, í sund og svo er alltaf skemmtielg lokaferð í seinni vikunni. Hvert námskeið stendur í tvær vikur en einnig er hægt að hafa börnin í eina viku í senn. Meðfylgjandi myndir eru úr síðustu lokaferð.

Strákarnir í 2. flokki Selfoss/KFR tóku á móti toppliði Stjörnunnar/Álftaness á Selfossvelli í gær. Strákarnir gerðu sér lítið fyrir og unnu 5-3, eftir að hafa komist í 5-1. Jón Daði Böðvarsson var í ham í leiknum og skoraði 4 mörk og það var Ingvi Rafn Óskarsson sem skoraði 1 mark fyrir Selfoss. Annars spiluðu allir strákarnir mjög vel í leiknum og var virkilega gaman að sjá nokkrar mjög góðar sóknir í leiknum og eins baráttuandann í liðinu.

Þriðjudaginn 30. júní fer fram Hnátumót KSÍ á Selfossvelli. Hnátumótið er fyrir stelpur sem eru í 6. flokki og munu Selfoss-stelpur mæta með þrjú lið á mótið.

Um helgina fóru 30 strákar fæddir 1999 og 2000 á Shell-mót 6. flokks í Vestmannaeyjum. Mótið tókst í alla staði vel. Þetta var stíf dagskrá frá miðvikudeigi  til sunnudags. Selfoss var með þrjú lið á mótinu og spiluðu strákarnir 10 leiki við hin ýmsu félög ásamt því að fara í rútuferð um eyjuna og sigla inn í sönghellir. Þar var hlustað var á saxafón leik.  Einnig var farið í sprang, sund og á fiskasafnið. Gabríel Werner Guðmundsson (markmaður) var valinn í landsliðið og tók þátt í skemtilegum leik á milli pressuliðsins og landsliðsins sem að landsliðið vann.

Selfyssingar unnu frábæran karaktersigur á Fjarðabyggð á laugardaginn. Eftir að Stefán Ragnar hafði fengið óverðskuldað rautt spjald og Fjarðabyggð komist yfir í kjölfarið náðu Selfyssingar að jafna fyrir hlé. Heimamenn mættu svo mun ákveðnari til leiks í síðari hálfleik og Sævar Þór tryggði Selfoss sigur með öðru marki sínu í leiknum.

Aldursflokkameistaramót Íslands (AMÍ) fór fram á Akureyri helgina 25.-28. júní. Mótið er stærsta barna- og unglingamót á Íslandi og er þekkt fyrir skemmtilegt yfirbragð, mikinn fjölda keppenda, harða keppni og mikla upplifun fyrir unga sundmenn.  Gist er í skólum og er sundlaugin alltaf skammt undan. Lágmörk mótsins eru frekar ströng þannig að aðeins vanir sundmenn eiga tök á að ná þeim.

Ágústa Tryggvadóttir keppti á sterku alþjóðlegu fjölþrautarmóti í Kaldo í Tékklandi dagana 23. og 24. júní. Alls kepptu 12 stúlkur í kvennaflokki og lenti Ágústa í 10. sæti með 4.848 stig sem er besti árangur sem hún hefur nokkru sinni náð og bæting um 181 stig. 

Selfyssingar taka á móti Fjarðabyggð laugardaginn 27. júní kl. 14.00 á Selfossvelli. Selfyssingar eru einir á toppi deildarinnar, þrátt fyrir sitt fyrsta tap í síðasta leik. Fjarðarbyggð eru í 2.-3. sæti ásamt Haukum og eru liðin þremur stigum á eftir Selfossi. Drengirnir að austan eru á mikilli siglingu þessa dagana. Eftir að tap í fyrstu tveimur leikjum sínum, hafa þeir ekki tapað leik í deild og bikar.   

Eijlert Björkman aðalþjálfari unglingaakademíu Gautaborgar verður á Selfossi næstu tvær vikurnar og mun bæði vera með knattspyrnuskóla og eins námskeið fyrir þjálfara Selfoss og þjálfara nágrannafélaganna. Eftir heimsókn Selfyssinga til Gautaborgar í vor, var ákveðið að Eijlert Björkman kæmi til landsins, en félögin eru með vinarsamstarf sín á milli. Er hann annar starfsmaður IFK Gautaborgar sem kemur hingað í sumar.

Ágústa Tryggvadóttir stóð sig mjög vel í Evrópubikarkeppni landsliða, 3. deild, sem haldin var í Sarajevo helgina 20.- 21. júní sl. Hún stökk 1,68 m í hástökki í fyrstu tilraun og krækti sér í bronsverðlaun ásamt stúlku frá Lúxemborg sem stökk sömu hæð. Stúlka frá Ísrael stökk hæst allra þegar hún vippaði sér yfir 1,82 m, en alls kepptu 12 stúlkur í hástökkinu.

Þeir félagar Guðmundur Þórarinsson og Jón Daði Böðvarsson voru valdir til að taka þátt í úrtaksæfingum U-18 ára liðs karla. Æfingarnar sem eru undir stjórn Kristins Rúnars Jónssonar þjálfara U-18 ára landsliðs Íslands fara fram helgina 27. - 28. júní á Tungubökkumí Mosfellsbæ. Alls voru 28 strákar valdir á þessar æfingar.

Guðmunda Brynja Óladóttir var valin í u-17 ára landslið Íslands sem tekur þátt í Opna Norðurlandamótinu í knattspyrnu sem fram fer í Svíþjóð. Gumma hefur vakið verðskuldaða athygli með meistaraflokki Selfoss í 1. deild, en hún er aðeins 15 ára.

Meistaraflokkur karla og kvenna í knattspyrnu sitja nú báðir á toppi 1. deildar í knattspyrnu. Meistaraflokkur kvenna er með þriggja stiga forskot á HK/Víking og Þrótt Reykjavík eftir leiki helgarinnar. Meistaraflokkur karla er einnig með þriggja stiga forskot á Hauka og Fjarðarbyggð eftir leik helgarinnar. 

Selfoss vann Hött frá Egilsstöðum 2-1 í viðureign liðana í 1. deild kvenna. Leikurinn fór fram í gær á Selfossvelli og voru yfirburðir Selfyssinga miklir þrátt fyrir að leikurinn hafi aðeins unnist 2-1. Með þessum eru Selfyssingar á toppi 1. deildar með fullt hús stiga, eða 12 stig eftir 4 leiki. En Höttur situr enn á botni deildarinnar og eru ekki komnar með stig eftir 5 leiki, þær hafa tapað öllum sínum leikjum.

Selfoss brotlenti illa í Breiðholtinu í kvöld er þeir töpuðu 4-0 fyrir Leikni sem fyrir leikinn sat á botni deildarinnar. Segja má að nánast ekki neitt hafi gengið upp hjá Selfyssingum í leiknum á meðan mest allt sem gat gengið upp hjá Leiknismönnum gekk upp. Leiknir lagði upp með leikplan sem Selfyssingar þekkja ágætlega, spiluðu þéttan varnarleik og beittu skyndisóknum sem þeir nýttu til fullnustu á meðan Selfoss gekk afar erfiðlega að brjóta þéttan varnarmúr Leiknis á bak aftur.

Elías Örn Einarsson, markmaðurinn knái, er kominn aftur á Selfoss, eftir að hafa verið í láni hjá Ægi í Þorlákshöfn það sem af er sumri. Jóhann Ólafur markmaður er í banni í leiknum gegn Leikni á morgun sunnudag og mun Elli taka stöðu hans. fotbolti.net skýrði frá þessu í dag og má lesa frétt þeirra hér að neðan.

Stelpurnar í meistaraflokki Selfoss taka á móti Hetti frá Egilsstöðum á Selfossvelli kl. 14.00 á sunnudag, en þetta er fjórði leikur Selfoss í 1. deild. Stelpurnar hafa unnið fyrstu þrjá leikina og eru á toppnum í deildinni ásamt sameiginlegu liði HK og Víkings. 

Selfyssingar halda í sína þriðju ferð í Breiðholtið á rúmum mánuði. Nú fara þeir á Leiknisvöll og leika við heimamenn, en leikurinn fer fram sunnudaginn 21. júní kl 17.00. Selfyssingar eru efstir 1. deild með 16 stig, en Leiknir er í neðsta sæti með 3 stig. En eins og flestir urðu varir við á þjóðhátíðardaginn þá skiptir engu máli hvar lið eru stödd í deild, eða í hvaða deild þau eru. Þetta snýst fyrst og fremst um hugarfar og löngun í að vinna leikinn. Eins má benda á að Leiknir hefur fengið sín 3 stig eftir jafntefli við ÍA, HK og KA, en það eru liðin sem var spáð 1. 2. og 4. sæti deildarinnar.

Námskeið nr. 2 hefst mánudag 22. júní. Þá eiga foreldrar/ forráðamenn að mæta með börnum sínum í Vallaskóla þar sem við erum með aðstöðu. Innangengt frá Sólvöllum - hjá litla gervigrasinu. Börnin mæta á þeim tíma sem óskað hefur verið eftir og fer fyrsti dagurinn í að kynnast, farið verður leiki og o.fl. skemmtilegt verður á döfinni.

 

Sumarfjarnám ÍSÍ í þjálfaramenntun hefst 29. júní næstkomandi. Skráningu þarf að vera lokið fyrir föstudaginn 26. júní. Um er að ræða fyrsta stig þjálfaramenntunar ÍSÍ almennan hluta sem gildir jafnt fyrir allar íþróttagreinar. Námið jafngildir íþróttafræði 1024 í framhaldsskólum og fá því nemendur sem klára námskeiðið þann áfanga metinn og þar með tvær einingar ef til mats kemur inn í framhaldsskóla. Námið tekur átta vikur og er allt í fjarnámi, engar staðbundnar lotur. Nemendur skila verkefnum vikulega auk lokaverkefnis og taka auk þess nokkur krossapróf.

Höttur frá Egilsstöðum stöðvaði sigurgöngu Selfyssinga á heimavelli með sigri í vítaspyrnukeppni í bikarleik liðana á þjóðhátíðardaginn. Fyrir leikinn höfðu Selfyssingar ekki tapað heima síðan 9. september 2007, er þeir töpuðu fyrir Haukum 0-2.

Selfyssingar töpuðu fyrir Hetti í 32-liða úrslitum bikarkeppninnar á Selfossi í dag og féllu þar með úr leik. Eftir að Selfoss hafði komist yfir 2-0 og verið með leikinn í hendi sér tók dómarinn Erlendur Eiríksson dramatíska ákvörðun, er hann rak markmann Selfoss út af og dæmdi víti á Selfoss. Sævar Þór fór í markið og gat lítið gert við tveimur mörkum sem hann fékk á sig þannig að jafnt var því leikslok. Siggi Eyberg varð svo 3. markmaður Selfoss í leiknum þegar Sævar Þór var settur fram. Hattarmenn unnu vítaspyrnukeppnina eftir að Selfyssingar höfðu verið mun hættulegri í framlengjunni.

Selfyssingar unnu sinn þriðja leik í 1. deild kvenna í kvöld, er þær lögðu Þrótt R. á útivelli 2-3. Mörk Selfoss í leiknum skoruðu Aníta, Katrín Ýr og Rakel. Með þessum sigri tylltu stelpurnar sér á topp deildarinnar og sitja þar ásamt HK/Víkingi.  

Selfoss/KFR unnu skemmtilegan sigur á Haukum/ÍH í 2. flokki karla í gær á grasvellinum á Hvolsvelli. Mörk Selfoss skoruðu þeir Narfi og Höddi Jó úr víti. Leikurinn var vægast sagt furðulegur og úrslitin kannski heilt yfir sanngjörn.

Fimmtudaginn 18. júní ætlar Íþrótta- og útivistarklúbburinn að fara í eins konar lokaferð á Laugarvatn. Lagt verður af stað frá Vallaskóla kl. 9:20. Því þurfa allir að vera mættir kl. 9:00. Áætluð heimkoma er kl. 15:45. Þau börn sem eru hálfan daginn eru að sjálfsögðu velkomin með, en þá þurfa þau að koma skilaboð frá foreldrum/forráðamönnum um að þau ætli að þiggja boðið og koma með í ferðina.

Fimmtudaginn 18. júní verður haldið fótboltafjör sem er sameiginleg æfing fyrir alla yngri flokka kvenna innan knattspyrnudeildar Umf. Selfoss. Æfingin hefst kl. 17:00. Leikmenn meistarflokks og 2. flokks kvenna munu æfa og spila með yngri stelpunum. Öllum yngri flokkum kvenna verður síðan boðið á leik Selfoss gegn Hetti í 1. deild kvenna á Selfossvelli sunnudaginn 21. júní kl. 14:00.

Selfyssingar taka á móti Hetti frá Egilsstöðum í 32. liða úrslitum Visa-bikarsins. Leikurinn verður á þjóðhátíðardaginn 17. júní og hefst kl. 14.30, eða strax á eftir skrúðgöngunni. Í annarri umferð bikarsins unnu Selfyssingar Leikni 7-4 í mögnuðum leik, á meðan Höttur vann Sindra auðveldlega 8-1 í sömu umferð. 

Stelpurnar í meistaraflokki kvenna leika í dag sinn þriðja leik í 1. deild í knattspyrnu er þær mæta Þrótti Reykjavík. Leikurinn fer fram á Vallbjarnarvelli og hefst kl. 20.00. Selfyssingar eru í 2. sæti 1. deildar A með 6 stig eftir tvo leiki. Þróttarar eru í 3. sæti, einnig með 6 stig, en lakara markahlutfall.

Selfyssingar fengu í dag undanþágu frá KSÍ til að versla markmann í kvennaboltanum. Eftir langa leit má segja að stelpurnar hafi dottið í lukkupottinn, er þær fengu reynslumikinn markmann frá Breiðablik sem heitir Sigrún Ólöf Ingólfsdóttir. Sigrún er 27 ára gömul og hefur leikið með Breiðabliki, FH, Haukum og KR. Hún hefur leikið 67 leiki í efstu deild og 8 leiki í bikarnum. Sigrún mun leika sinn fyrsta leik með Selfossi í kvöld gegn Þrótti á Valbjarnarvelli.  

Strákarnir í 2. flokk Selfoss/KFR unnu skemmtilegan 2-1 sigur á Haukum/ÍH á Hvolsvelli í kvöld. Leikurinn var mjög kaflaskiptur og litu m.a annars þrjú rauð spjöld dagsins ljós. Þetta var erfiður leikur og baráttu sigur heimamanna, þó svo að flestir sjái að meira búi í liðinu, eins og þeir sýndu í fyrrihálfleik.

Fjóla Signý Hannesdóttir Umf. Selfoss keppti fyrir hönd Íslands á Norðurlandamóti Unglinga í fjölþrautum sem haldið var á Kópavogsvelli 13.-14.júní. Fjóla Signý stóð sig mjög vel í þrautinni og náði að bæta sinn besta árangur í fimm  greinum af sjö greinum þrautarinnar. Alls náði  hún 4236 stigum í þrautinni sem er persónulegt met og bæting um 323 stig.

Ágústa Tryggvadóttir var valin til að keppa fyrir hönd Íslands á Evrópubikarkeppni félagsliða í frjálsum íþróttum sem haldin verður í Sarajevo helgina 20.-21. júní. Ágústa keppir þar í hástökki, en hún hefur verið í stöðugri framför í hástökki síðustu vikurnar. Hún bætti sinn persónulega árangur á Smáþjóðaleikunum þegar hún stökk yfir 1,72 m. Ágústa heldur síðan til Tékklands og keppir  þar í sjöþraut á sterku alþjóðlegu móti sem haldið verður dagana 23.-24. júní. Þar stefnir hún að bætingu í sjöþraut, en hún á best 4667 stig sem hún náði 2006. Að lokum keppir hún í þrístökki á Gautaborgarleikunum í Svíþjóð þann 28. júní. 

Íþrótta- og útivistarklúbbur barnanna, sem byrjaði í Tíbrá í síðustu viku, hefur nú fengið aðsetur í Vallaskóla eins og til stóð. þar verður klúbburinn með höfuðstöðvar í sumar.

Selfyssingar fóru á topp 1. deildar í knattspyrnu í dag með sannfærandi 1-0 sigri á Þór frá Akureyri. Sævar Þór skoraði mark Selfoss eftir vægast sagt frábæra sókn sem Ingó Tóta, Gummi Tóta, Ásgeir Örn og Arilíus voru höfundar af og endaði með flugskalla og glæsilegu marki frá Sævari Þór. Sigur Selfyssinga var aldrei í hættu, þó svo að þeir hafi ekki náð upp sínum besta leik.

Sumaræfingarnar byrjuðu með hvelli í kvöld þar sem 24 iðkendur mættu á fyrstu æfinguna, sem er frábært. Þeir sem æfa í sumar og greiða æfingagjöld, fá 50% afslátt á sumanámskeiði hjá master Sigursteini, sem hefjast í næstu viku.

Sumaræfingar hjá taekwondodeild verða í sumar á mánudögum og fimmtudögum í Gagnheiði kl. 19:00-20:00. Sérstakt sumarnámskeið verður haldið 15.-25. júní fyrir krakka á aldrinum 8 til 14 ára. Sjá nánar í auglýsingu hér fyrir neðan.

Knattspyrnudeild Umf. Selfoss og Olís framlengdu samstarfssamning sinn á dögunum. Meistaradeild Olís, sem er knattspyrnumót fyrir 5. flokk stráka, er samstarfsverkefni deildarinnar og Olís. Mótið verður haldið í 5. sinn í sumar og verður alltaf flottara með hverju árinu.

Selfoss fær Þór frá Akureyri í heimsókn á laugardaginn kl. 14.00. Þetta er 4. heimaleikur Selfoss í 1. deild og sá fyrsti sem er á alvöru grasi. Leikið verður í pott-orma-gryfjunni, sem er nýuppgerður fótboltavöllur, staðsettur fyrir sunnan gervigrasvöllinn. Virkilega skemmtilegur völlur, þar sem áhorfendur verða gjörsamlega ofan í leiknum. Selfyssingar eru á ágætis siglingu í deildinni. Um síðustu helgi unnu þeir Víkinga frá Ólafsvík 3-0, en á sama tíma töpuðu Þórsarar fyrir HK á Akureyri 2-3.

Nú hafa allir flokkar knattspyrnudeildar Selfoss aukið og lengt æfingar sínar. Mikið líf og fjör verður á vellinum í sumar og verða knattspyrnunámskeið fyrir hádegi og almennar æfingar eftir hádegi.

Sævar Þór Gíslason framherji Selfoss í knattspyrnu var í gær valinn leikmaður 5. umferðar í 1. deildar karla. Sævar Þór er vel að þessu kominn, en hann skoraði tvö mörk og fiskaði víti gegn Víkingi Ó. sem vítabaninn Einar Hjörleifs varði frá honum. Eins var Sævar Þór mjög ógnandi í framlínu Selfoss og skapaði mikið fyrir samherja sína. Hér að neðan má sjá viðtal sem fotbolti.net tók við strákinn í gær.

Íþrótta- og útivistarklúbbur Umf. Selfoss hlaut í gær myndarlegan styrk úr Velferðarsjóði barna. Styrkurinn verður notaður til að niðurgreiða námskeiðin sem haldin verða í sumar. Er það m.a. gert til að tryggja börnum jafnan aðgang að námskeiðunum. Sveitarfélagið Árborg leggur verkefninu til fjármagn sem er liður í þjónustusamningi við Ungmennafélagið. Auk þess tengist það Vinnuskóla Árborgar. Klúbburinn er samstarfsverkefni allra deilda félagsins og veitir um 17 ungmennum vinnu í sumar.

Æfingar hjá krökkunum í 8. flokki í knattspurnu fjölgar nú um helming og munu krakkarnir fá að æfa tvisvar í hverri viku í sumar. Æfingarnar eru ætlaðar krökkum fædd árið 2004 og 2003 og er alltað mikið fjör á æfingum 

Sævar Þór Gíslason, framherjinn knái hjá Selfossi, skoraði sitt 200. meistaraflokksmark er hann skoraði seina markið í 3-0 sigri á Víkingi Ólafsvík um helgina. Þessi 200 mörk eru skráð mörk í leikjum á vegum KSÍ. Um leið og hann skoraði mark nr. 200, skoraði hann einnig sitt 150. mark í deildarkeppni á Íslandi. Sævar Þór er þar með 6. leikmaðurinn sem nær að skora 150 mörk í deild frá upphafi.

Stelpurnar í meistaraflokki unnu annan leik sinn á Íslandsmótinu í knattspyrnu í gær laugardag. Um síðustu helgi unnu þær Sindra á útivelli 0-3 og nú unnu þær Fjarðabyggð/Leikni 5-0. Markatalan hjá þeim er 8-0 eftir tvo leiki í Íslandsmóti og þær komnar með 6 stig í hús. Þetta var fyrsti heimaleikur hjá stelpunum í 10 ár og fór leikurinn fram á Eyrarbakkavelli, en meistaraflokkur var endurvakin hjá stelpunum síðastliðið haust.

Héraðsmót HSK fór fram í síðustu viku í blíðskapar veðri í sundlauginni í Laugarskarði í Hveragerði. Sundmenn kepptu í einum flokki til einstaklingsverðlauna svo og í liðakeppni.  Liðakeppnin stóð á milli Sunddeildanna á  Selfossi, Hveragerði og Hvolsvelli. Sunddeild Selfoss vann stigakeppnina eftir spennandi og jafna keppni með 184 stigum. Hamar fékk 181 stig og Dímon 23 stig, en þau sendu ekki marga sundmenn til þátttöku í þetta skiptið.

Sunddeild Umf. Selfoss sendi fimm krakka, Njál Laugdal, Kristínu Ingu, Árný Oddbjörgu, Ólöfu Eir og Hrólf Laugdal, á Sjóarann síkáta , sundmót sem fram fór í Grindavík á sjómannadaginn.  Krakkarnir náðu frábærum árangri og unnu til verðlauna í öllum sínum greinum. Kristín Inga sigraði í sínum aldursflokki í 100m baksundi og Árný Oddbjörg Oddsdóttir náði lágmarki í 200m bringusundi fyrir AMÍ.

Fyrsta námskeið af 5 námskeiðum sumarsins byrjar nú á mánudaginn. Íþrótta- og útivistarklúbbur Umf. Selfoss er samvinnuverkefni allra deilda innan ungmennafélagsins, en sveitarfélagið Árborg kemur einnig að starfi klúbbsins. Þeir sem hafa áhuga á að vera með, en eiga eftir að skrá - ættu að drífa í því í dag. Nokkur pláss eru laus. Allar upplýsingar má að finna hér á heimasíðunni okkar, merkt Íþrótta- og útivistarklúbburinn.

Selfoss vann ótrúlega öruggan sigur á Víkingi Ólafsvík í gær. Allir voru að verjast vel og leyfðu þeir Ólafsvíkingum aldrei að komast inn í leikinn. Til marks um það þurfti Jóhann Ólafur aldrei að verja skot í leiknum. Athyglisvert var að sjá hvað Selfyssingar höfðu mikla yfirburði í leiknum í ljósi þess að þetta var 3 leikur þeirra á 6 dögum. Eftir erfiðan 120 mínútna leik gegn Leikni á þriðjudag fengu þeir aðeins þrjá daga í frí á meðan Víkingur Ó. fékk fjóra daga í frí og munar um minna. Nokkrir leikmanna Selfoss voru því að spila góðar 300 mínútur á 6 dögum og er frábært að fara í gegnum leikinn með 100% einbeitingu. Eins fékk engin Selfyssingur spjald í leiknum. Neðst má svo sjá „S“ Selfyssinga í leiknum. Umfjöllun Einars Matfhíasar á fotbolti.net fér hér á eftri.

Leikurinn hjá meistaraflokki kvenna í knattspyrnu hefur verið færður til kl. 14.15 vegna seinkunar á flugi að austan. Þetta er fyrsti heimaleikur Selfoss í deild um 10 ár, en meistaraflokkur kvenna var endurvakin síðastliðið haust. Leikurinn fer fram á Eyrarbakkavelli og hefst eins og áður sagði kl. 14.15 og verður gaman að sjá stelpunar í þessum fyrsta heimaleik í langan tíma.

Þær Kristrún Steinþórsdóttir, Birta Antonsdóttir, Hrafnhildur Hanna Þrastardóttir og Esther Hallsdóttir voru nú í vikunni valdar í unglingalandslið stúlkna fæddar 1994 og síðar. 30 stúlkur munu æfa saman um komandi helgi. Þessar stelpur voru lykilmenn í liði Selfoss sem varð íslandsmeistari í þessum flokki í vetur.

Umf. Selfoss sýndi gott fordæmi á þessum miklu krepputímum er félagar í knattspyrnudeild tóku að sér að leggja hita- og vatnsbúnað undir fyrirhugaðan framtíðar knattspyrnuvöll Selfoss. Þetta er allt saman gert í sjálfboðavinnu og er gaman að sjá þann einhug sem ríkir hjá knattspyrnuáhugafólki á Selfossi. Sveinn Jónsson fyrrverandi leikmaður Selfoss fer fyrir vöskum hóp sjálfboðaliða við þetta verkefni.

Stelpurnar í meistaraflokki Selfoss taka á móti Fjarðabyggð/Leikni á Eyrabakkavelli, en það er fyrrverandi aðalvöllur þjálfara Selfoss, Halldórs Björnssonar. Annars er þessi staðsetning á fyrsta heimaleik stelpnanna táknræn fyrir þær sakir að hvar sem þær leika í Árborg, þá er það alltaf heimavöllur liðsins.

Næsti leikur Selfyssinga í 1. deild er við Víking Ólafsvík, en Ólsarar sitja í 6. sæti deildarinnar með 6 stig á meðan Selfoss er í 1.-2. sæti með 10 stig. Bæði liðin komust áfram í bikarnum fyrr í vikunni, Víkingur eftir að hafa unnið Siglingafélagið Ými úr Kópavogi 5-6 í framlengdum leik og Selfoss eftir að hafa unnið Leikni úr Breiðholti 4-7 eftir framlengingu og vítaspyrnu keppni. Leikurinn fer fram á Selfossvelli í kvöld föstudaginn 5. júní kl. 20.00.

Dregið var í dag í Visa-bikarkeppninni í knattspyrnu. Selfyssingar voru 11. liðið sem kom upp úr hattinum og var það Bríet Mörk Ómarsdóttir leikmaður 3. flokks Selfoss sem dró andstæðinga fyrir hönd Selfoss úr hattinum fræga. Hún dró lið Hattar frá Egilsstöðum og var það ágætis dráttur, því alltaf er gaman að leika gegn austan mönnum.

Átta ungmenni frá Selfossi voru valin í Handboltaskóla HSÍ, en í hann eru valin krakkar úr 8. bekk. Handboltaskóli HSÍ hefur verið starfræktur undanfarin 16 ár með góðum árangri. Í ár verður hann helgina 12. til 14. júní og gert er ráð fyrir yfir 100 krökkum sem æfa undir stjórn landsliðsþjálfara HSÍ.

Þeir Janus Daði Smárason, Gísli Þór Axelsson og Gísli Örn Þórisson voru á dögunum valdir í 22 manna landsliðshóp pilta í handknattleik leikmanna fæddir 1994 og síðar. Strákarnir æfðu stíft um síðastliðna helgi og stóðu sig vel að sögn þjálfara. Þess má geta að þeir Janus og Gísli Þór, sem eru báðir á yngra ári, eru lykilmenn í öflugu liði Selfoss sem varð í 3. sæti á Íslandsmótinu í vetur.

Miðvikudaginn 4. júní sl. var nýja æfingasvæðið við Langholt tekið í notkun þegar a, b, c, og d-lið 5. flokks karla léku við lið Aftureldingar í bíðskaparveðri. Svæðið sem slíkt er ákaflega skemmtilegt, umlukið gróðri á alla vegu og góð viðbót á þessu flotta svæði. Völlurinn sjálfur er þó enn nokkuð grófur og ósléttur en reiknað er með að það jafni sig fljótlega.

Selfyssingar sóttu Leikni heim í Breiðholtið í 2. umferð Visa-bikarsins í knattspyrnu. Fyrir leikinn var ljóst að um stórleik 2. umferðar var að ræða, þar sem bæði lið leika í 1. deild. Selfyssingar hvíldu nokkra af „gömlu mönnunum“ enda er prógrammið stíft þessa dagana, 3 leikir á 6 dögum. Sævar Þór og Jón Sveins voru hvíldir og eins voru þeir Arilíus og Einar Ottó settir á bekkinn. Svo fór að Selfyssingar unnu leikinn og sýndu mikinn karakter. 

Mikið er um að vera hjá krökkunum í sunddeildinni þessa dagana. Í dag verður héraðsmót HSK í sundi haldið í Hveragerði, en þangað sendir Selfoss vaska sveit þar sem reyna á að vinna sigur í liðakeppninni. Á morgun verður síðan lokahóf sunddeildarinnar, þ.e. grillferð í Þrastarskóg, þar sem mæting er kl. 17.30. Á laugardaginn fara svo 5 keppendur frá sunddeildinni á Sundmót sjóarans í Grindavík, sem er lokatilraun til þess að bæta tímana eða ná lágmörkum fyrir AMÍ.

Sjötta og síðasta Grýlupottahlaupið var haldið laugardaginn 30. maí. Verðlaunaafhending fór fram í Tíbrá 1. júní. Þar voru veitt verðlaun fyrir besta samanlagðan árangur í fjórum hlaupum í öllum aldursflokkum. Bestum tíma náðu Teitur Örn Einarsson 12:48 mín og Andrea Vigdís Victorsdóttir 13:01 mín. Heildarúrslit má sjá hér fyrir neðan.

Sunnudaginn 7. júní mun KSÍ standa fyrir Grasrótarnámskeiði fyrir þjálfara. Námskeiðið er opið öllum þjálfurum, en hentar mjög vel þjálfurum yngri flokka og kennurum og aðstoðarmönnum í knattspyrnuskólum félaga. Því eru félög sem starfrækja knattspyrnuskóla í sumar eindregið hvött til að senda kennarana og aðstoðarmenn þeirra á þetta námskeið og jafnframt aðra sem koma að starfi í knattspyrnuskólum.

Stórleikur 2. umferðar Visa bikarkeppnirnar er viðureign Leiknis og Selfoss, enda einu lið 1. deildar sem mætast innbyrðis. Leikurinn fer fram í efra Breiðholti, nánar tiltekið á Leiknisvelli á í kvöld þriðjudaginn 5. júní kl. 20.00. Liðin áttust við í bikarkeppninni fyrir þremur árum. Þá vann Leikir 3-1, svo það ætti að vera orðið tímabært að kvitta fyrir það.

Selfyssingar léku í gær gegn HK á Kópavogsvelli. Þetta var sannkallaður toppslagur, því fyrir 4. umferðina voru liðin í 1. og 2. sæti 1. deildar með 7 stig ásamt Haukum sem voru þá í 3. sæti. Selfyssingar unnu leikinn 1-2 með mörkum frá þeim Einari Ottó Antonssyni og Guðmundi Þórarinssyni. Selfyssingar eru því enn í 2. sæti, en nú með 10 stig, eða jafn mörg og Haukar sem eru fyrir ofan Selfoss með betri markatölu.

Stelpurnar í meistaraflokki Selfoss í knattspyrnu léku sinn fyrsta deildarleik í 10 ár er þær mættu Sindra á Hornafirði í fyrstu umferð 1. deildar A. Selfyssingar unnu leikinn 0-3 með mörkum frá Guðmundu Brynju Óladóttir, Rakel Ýr Gunnlaugsdóttir og Hafdísi Jónu Guðmundsdóttir.

Fimmtudaginn 28. maí s.l. var haldinn í Tíbrá stofnfundur kraftlyftingadeildar Umf. Selfoss. Verður hún jafnframt níunda deildin sem starfar innan félagsins. Á fundnum var kosin ný stjórn deildarinnar, en hana skipa Bjarni Kristinsson formaður, Sigríður Júlía Wíum Hansdóttir gjaldkeri, Díana Rós Magnúsdóttir ritari og Einar Guðnason og Ísleifur Ástþórsson meðstjórnendur. Í varastjórn eru Daníel Geir Einarsson og Sæmundur Guðmundsson. Stofnfélagar deildarinnar eru 23 talsins. Á stofnfundinn mættu þrír fulltrúar úr kraftlyftinganefnd ÍSÍ, þeir Guðjón Hafliðason, Sigurjón Pétursson og Auðunn Jónsson. Innan ÍSÍ er unnið að stofnun Kraftlyftingasambands Íslands.

Selfyssingar halda í Kópavoginn á laugardag, 30. maí, og leika þar við HK í einvígi toppliðanna í 1. deild. Leikurinn hefst kl 17.00 og er síðasti leikur í 4. umferð. Í síðustu umferð unnu Selfyssingar góðan sigur á Víkingum frá Reykjavík 1-0 og á sama tíma unnu HK Víkinga frá Ólafsvík 4-1. Bæði lið eru með 7 stig, eftir tvo sigra og eitt jafntefli. Selfyssingar unnu ÍR 5-2 og Víking R. 1-0 og gerðu jafntefli við KA 1-1, en HK vann Víking Ó. 4-1 og ÍR 3-1 og gerði jafntefli við Víking R. 1-1.

Stór hluti af starfsmönnum nýja íþrótta- og útivistarklúbbsins sóttu á dögunum skyndihjálparnámskeið sem Ungmennafélagið stóð fyrir. Þar fengu starfsmennirnir/ leiðbeinendur tækifæri til að æfa sig að  blása í dúkkur og æfa hjartahnoð. Einnig var farið yfir það hvernig bregðast skuli við algengustu meiðslum og slysum og fóru allir reynslunni ríkari heim af námskeiði loknu eftir góðan fyrirlestur Önnu Margrétar hjúkrunarfræðings og námskeiðshaldara.

Til að setja smá krydd í tilveruna tökum við aftur upp hinn sívinsæla dagskrárlið, „Hin hliðin“ á þeim sem tengjast Knattspyrnudeild Selfoss með það að leiðarljósi að kynnast þeim betur. Hin hliðin er að þessu sinni í umsjón Babu sem hefur tilnefnt manninn á bakvið tjöldin, sem lætur þetta allt saman gerast hjá meistaraflokknum, Tómas Þóroddsson, liðsstjóra, kokk og tæknitröll með meiru til að sína á sér hina hliðina fyrstur.

Strákarnir í 2. flokki Selfoss/KFR í knattspyrnu unnu stórsigur á Leikni/KB fyrr í kvöld. Selfyssingar unnu 9-2 eftir að staðan hafði verið 4-1 í hálfleik. Þetta var nauðsynlegur sigur fyrir strákana, eftir slæmt tap gegn HK/Ýmir í síðasta leik. Mörk Selfoss/KFR skoruðu þeir Tommi Steindórs 4, Ingvi Rafn Óskarsson 2 og þeir Óskar Guðjóns, Jón Daði og Hörður Jó 1 mark hver.

Stelpurnar í 2. flokki Selfoss töpuðu fyrir Haukum 0-2 á Eyrabakkavelli fyrr í kvöld. Leikurinn var í járnum lengst af, en svo fór að Haukar unnu sanngjarnan sigur 0-2. Þetta var fyrsti leikur 2. flokks í Íslandsmótinu, en þær hafa staðið sig vel í Faxaflóamótinu og er ekki nokkur spurning að þær eiga líka eftir að fara á flug í Íslandsmótinu.

Lokahóf yngri flokka starfs handknattleiksdeildar fór fram miðvikudaginn 20. maí. Keppt var í handboltaþrautum, en síðan var verðlaunaafhending og myndatökur. Í lokin var heljarmikil grillveisla í boði foreldra og unglingaráðs. Milli 150 og 200 krakka skemmtu sér hið besta og var hátíðin vel heppnuð í alla staði. Árangur vetrarins var mjög góður, fjórir íslandsmeistaratitlar, tvö brons og tveir flokkar í 4. sæti. Verðlaunahafar á hófinu urðu eftirfarandi...

Meistaramót Íslands í fjölþrautum var haldið í Þorlákshöfn helgina 23. - 24. maí sl. Ágústa Tryggvadóttir Umf. Selfoss varð Íslandsmeistari í sjöþraut kvenna með 4480 stig og sigraði með miklum yfirburðum. Fjóla Signý Hannesdóttir náði silfurverðlaunum naumlega en eingöngu munaði tveimur stigum á henni og þriðja sætinu. 

Sundnefnd HSK vill minna sundiðkendur á Unglingalandsmót UMFÍ sem fer fram á Sauðárkróki um verslunarmannahelgina nánar tiltekið 31. úlí - 2. ágúst. Unglingalandsmótið er frábær og einstök fjölskylduskemmtun sem enginn ætti að láta fram hjá sér fara. Á Unglingalandsmóti þarf hver keppandi að greiða fyrir sig keppnisgjald en eins og á stóra Landsmótinu er ekkert greitt fyrir tjaldstæði.

Sundnefnd HSK auglýsir eftir sundmönnum 12 ára og eldri, sem áhuga hafa á að keppa á Landsmóti UMFÍ sem fer fram á Akureyri helgina 9.-12. júlí í sumar. Keppnisgjald er kr. 6.000,- sem Héraðssambandið Skarphéðinn (HSK) greiðir fyrir hvern keppanda. Athugið að ekki þarf að greiða fyrir tjaldstæði meðan á mótinu stendur.

Vormót Breiðabliks fór fram um síðustu helgi í nýrri 25m laug í Salarhverfinu í Kópavogi. Þrír keppendur frá sunddeild Umf. Selfoss tóku þátt í einum mótsdegi. Anna Edit Dalmay synti 50 og 200m bringusund og bætti sig um hálfa sek. í 50 metrunum og um 3 sekúndur í 200 metrunum sem er frábær árangur. Anna er í gullhóp sunddeildarinnar eins og hinir keppendurnir og þarf að berjast fyrir hverri bætingu. Hún hefur mætt mjög vel í vetur og er að uppskera erfiðið.

Selfyssingar féllu út úr Visa-bikarkeppninni eftir hörkuleik við stelpurnar í ÍA uppi á Skaga, en Skagastelpurnar unnu leikinn 2-1. Selfossliðið barðist mjög vel og gaf allt sem það átti til að jafna leikinn. Munur var sá að Skaginn nýtti sín færi, en Selfyssingar nýttu ekki öll þau góðu færi sem þær fengu.

Selfyssingar eru komnir í 2. sæt 1. deildar eftir góðan vinnusigur á Víkingi Reykjavík 1-0.  Selfyssingar voru heilt yfir betri í leiknum, áttu fleiri góðar sóknir og fleiri marktilraunir. Samkvæmt tölfræði markmannsþjálfara liðsins, Halldórs Björnssonar, varði markmaður Selfoss Jóhann Ólafur Sigurðsson ekki bolta í leiknum. Segir það heilmikið um varnarleik alls liðsins. Aftur á móti tók Jóhann Ólafur nokkra krossa og hornspyrnur og kom þannig í veg fyrir færi hjá Víkingum.

Vallarstjóri Selfossvallar tók mikinn kipp um miðjan dag í dag þegar vindur tók að blása og gervigrasið að þorna, því leikur fer fram á vellinum í kvöld kl. 20:00. Þá eigast við Selfoss og Víkingur R. í 1. deild karla. Haft var samband við Brunavarnir Árnessýslu sem brugðust skjótt við, mættu með brunabíl og sprautuðu vatni inn á völlinn. Við það verður gervigrasið mýkra og því betra að spila fótbolta. Nú er bara um að gera að drífa sig á völlinn og sjá skemmtilegan fótbolta.

Heimir Ríkarðsson, landsliðsþjálfari u-21 landsliðs karla, hefur valið 25 manna æfingahóp sem kemur saman um helgina. Í hópnum, sem í eru 25 leikmenn, eru þrír Selfyssingar, þeir Birkir Bragason (markmaður), Guðmundur Árni Ólafsson og Ragnar Jóhannsson. Þá hafa einnig þrír ungir Selfyssingar verið valdir í æfingahóp u-15 ára landsliðs, þeir Gísli Þór Axelsson, Gísli Örn Þórisson og Janus Daði Smárason. Gísli og Janus eru báðir 14 ára þ.e. fæddir 95. Hópurinn saman stendur af 30 strákum og kemur saman til æfinga helgina 29.-31. maí.

HSK-mótið í 5. flokki stráka og stelpna var haldið í annað skipti í Iðu fimmtudaginn 21. maí s.l. Sjö strákalið og tvö stelpulið tóku þátt í mótinu. Af þeim voru fjögur gestalið frá Haukum. Svo fór að Selfoss 1 sigraði bæði í stráka og stelpna flokki. Í lok móts voru afhent verðlaun og lið mótsins valið. Mótið var hraðmót þar sem leiktími var 1x15 mín. Úrslit urðu eftirfarandi:

Gunnlaugur Jónsson þjálfari Selfoss verður með stutta tölu í Selinu 45 mínútum fyrir leik gegn Víkingum í kvöld. Þar verður einnig tekið á móti nýjum félögum og eins höfum við heyrt að einhverjir eldri félagar séu dottnir af skrá og eiga þeir að mæta og endurnýja kortin sín.   

Þrír keppendur frá Umf. Selfoss tóku þátt í fyrsta frjálsíþróttamóti sumarisins, JJ-móti Ármanns, sem haldið var á Laugardalsvelli þann 16. mai. Ágústa Tryggvadóttir setti nýtt Selfossmet í spjótkasti þegar hún kastaði spjótinu 37,20 m og bætti eigið met um tæpan metra og náði þriðja sæti.

Stelpurnar í meistaraflokki kvenna léku í gær sinn síðasta æfingaleik fyrir Íslandsmótið sem hefst laugardaginn 30. maí. Í gær fóru þær í Hafnarfjörðinn og gerðu jafntefli við FH 2-2 í skemmtilegum leik.

Eins og fram hefur komið í einhverjum af fjölmiðlum landsins urðu einhver ósætti á milli stuðningsmanna ÍR og Selfoss en þeir voru að spila í 1. deild karla föstudaginn 15. maí sl. á ÍR-velli. Þar hafa stuðningshópar liðanna átt í einhverjum útistöðum og hefur einhver afmarkaður hópur ÍR-inga átt að hafa veist af stuðningsmannaliði Selfoss.

Selfyssingar taka á móti Reykjavíkur Víkingum föstudaginn 22. maí á Íslandsmótinu 1. deild og hefst leikurinn kl. 20.00. Þetta er þriðji leikur Selfyssinga á Íslandsmótinu í ár. Í fyrstu umferð gerðu þeir jafntefli við KA 1-1 og í síðasta leik unnu þeir ÍR 2-5 á útivelli. Víkingar hafa leikið tvo fyrstu leiki sína á heimavelli, fyrst töpuðu þeir óvænt fyrir Víkingi Ó. og í síðustu umferð gerðu þeir jafntefli við HK.

Námskeiðið er hugsað fyrir alla starfandi knattspyrnudómara og þá sem vilja öðlast réttindi héraðsdómara. Héraðsdómaranámskeið verður haldið í Iðu íþróttahúsi FSu á Selfossi föstudaginn 22. maí og hefst kl. 17:00. Námskeiðið er hugsað fyrir alla starfandi dómara og þá sem vilja öðlast réttindi héraðsdómara.  Um er að ræða tveggja og hálfs tíma fyrirlestur.

Skráning gengur vel á sumarnámskeið ungmennafélagsins. Námskeiðin eru ætluð börnum sem fædd eru árin 1999-2004

Haldin verða 5 námskeið í sumar og verða þau öll í 2 vikur í senn... 

Stelpurnar í meistarahóp HM1 í fimleikadeild Selfoss ætla að vera með fimleikadag fyrir börn, stelpur og stráka fædd 2000-2003.  Fimleikadagurinn verður í Baulu íþróttahúsi Sunnulækjarskóla fimmtudaginn 21.maí 2009.  Börn fædd 2003 og 2002 mæti klukkan 10:00-12:00 en tíminn fyrir 2001 og 2000 verður klukkan 12:30-14:30.  Þær lofa miklu fjöri og skemmtilegum æfingum.  Æfingadagurinn er jafnframt fjáröflun fyrir æfingaferð stelpnanna sem þær stefna á í haust sem undirbúning fyrir stórmót næsta vetrar.  Gjaldið er 1000kr. á barn sem greiðist á staðnum.  Allir að fjölmenna og eiga skemmtilega æfingu með stelpunum og styrkja um leið gott málefni.

Sunnudaginn 24.maí verður Fimleikadeild Umf.Selfoss með Bingó fyrir gesti og gangandi í íþróttahúsi Sunnulækjarskóla, Baulu.  Bingóið hefst klukkan 18:00 og verða spilaðar nokkrar góðar umferðir.  Bingóspjaldið er á krónur 500 og eru glæsilegir vinningar í boði.  Stjórn fimleikadeildar Umf.Selfoss

Á morgun fer af stað álfasala SÁÁ.  Þessi sala er í umsjá fimleikadeildar Umf.Selfoss þetta árið sem og undanfarin ár.  Börnin fá afhenta álfa hjá þjálfara og selja þá yfir helgina.  Skil á afgangsálfum og sölupeningum fer fram í Baulu sunnudaginn 24.maí klukkan 18:00.  Umsjónarmaður Álfasölunnar þetta árið er Helga Dagmar 858-8828 og má hafa samband við hana til að nálgast fleiri álfa. 

Uppskeruhátíð Grunnhópa eða yngstu hópa deildarinnar fer fram í íþróttahúsinu Baulu miðvikudaginn 20.maí.  Hópar G-5 og G-4 sem eru yngstu börn deildarinnar mæta með foreldrum sínum klukkan 17:30 og sýna foreldrum sínum afrakstur vetrarins.  Klukkan 18:30 mun svo verða grillað fyrir þátttakendur og viðurkenning veitt fyrir þátttökuna í vetur. 
Hópar G1, G2, G3 og G11 mæta svo klukkan 18:45 og sýna listir sínar til 19:45.  Foreldrar og fjölskylda mæta að sjálfsögðu með og sjá afrakstur vetrarins og fá jafnvel að spreyta sig á nokkrum æfingum.  Í lokin verður svo grillað og viðurkenning veitt fyrir þátttökuna í vetur.

Vormót Fimleikasambands Íslands, sem var jafnframt síðasta fimleikamót vetrarins, var haldið á Egilsstöðum síðastliðinn laugardag þann 16. maí. Mótinu var skipt upp í 3 hluta vegna mikils fjölda keppanda.  Selfosskrakkar fjölmenntu á mótið í fimm hópum og stóðu sig vel. Hópur HL4 hampaði deildarmeistaratitili í 5. flokki sem er aldurinn 9-12 ára og hópur HM3 hampaði deildarmeistaratitli í 2. flokki sem er 11-15 ára flokkur Evrópureglna. Selfoss á því þrjá deildarmeistaratitla af sex mögulegum þennan veturinn. 

þriðjudagskvöldið 19.maí verður landsleikur í handbolta kvenna Íþróttahúsi Vallaskóla og hefst leikurinn klukkan 19:30 Íslenska liðið leikur vináttulandsleik við Sviss. Við hvetjum alla til að mæta og hvetja stelpurnar en þær eru að undirbúa sig fyrir undankeppni EM sem hefst í haust....Áfram Ísland.

Lokahóf yngriflokka handknattleiksdeildar umf. Selfoss ,,SLÚTTIД hjá Handknattleiksdeild umf. Selfoss verður miðvikudaginn 20.maí. í Íþróttahúsi Vallaskóla.Frá klukkan 17-19, einstaklingskeppnir í handboltaþrautum, verðlaunafhending, myndatak og grillveisla. Mikilvægt að allir iðkendur mæti í búningum vegna myndatöku, foreldrar og forráðamenn þeirra eru hvattir til að mæta, það má taka með sér gesti.Unglingaráð handknattleiksdeildar umf. Selfoss

Selfyssingar lánuðu nokkra leikmenn fyrir lok félagsskiptagluggans í gær. Alls voru það fimm leikmenn sem fóru til nágrannaliðanna. Þann 15. júní opnar glugginn aftur og verður þá hægt að fá þá aftur heim.

Selfyssingar fengu g+oðan liðsstyrk á síðustu metrum félagsskiptagluggans er Birkir Hlynsson kom að láni frá ÍBV. Birkir er 20 ára Eyjamaður sem getur leyst margar stöður á vellinum. Hann lék nokkra leiki með ÍBV á síðasta ári þ.á m. leik ÍBV og Selfoss á Hásteinsvelli, en þar var hann aftastur á miðjunni. ÍBV hafa verið duglegir að styrkja sig fyrir átökin í efstu deild og eru nú sex erlendir leikmenn sem leika með þeim og hefur Birkir því ekki fengið eins mörg tækifæri og vonir stóðu til.

Selfyssingar unnu sanngjarnan 2-5 sigur á ÍR fyrr í kvöld. Mörk Selfoss skoruðu Arilíus Marteinsson 2, Jón Guðbrandsson 2 og Ingólfur Þórarinsson eitt. Staðan í hálfleik var 2-4 fyrir Selfoss. Selfoss var mun betra lið í fyrrihálfleik og voru þeir klaufar að fá á sig tvö mörk. Í síðari hálfleik lokuðu Selfyssingar fyrir allar sóknaraðgerðir ÍR-inga. Fimmta mark Selfoss kom á 62. mínútu.

Selfyssingar sækja ÍR úr Breiðholtinu heim föstudaginn 15. maí og hefst leikurinn kl 20.00. Selfyssingar gerðu jafntefli í fyrsta leik sínum í deildinni, en ÍR tapaði fyrir HK í sínum fyrsta leik. ÍR liðinu er spáð 8. sæti af þjálfurum og fyrirliðum liðana í deildinni. Þeir eru nýliðar í deildinni, en þeir fóru næstum því taplausir í gegnum 2. deildina í fyrra. Töpuðu aðeins síðasta leiknum og unnu deildina með nokkrum yfirburðum. ÍR settu á dögunum upp 300 manna stúku við leikvang sinn og var það Sport-tæki úr Hveragerði sem sá um framkvæmdina. Leikur Selfoss og ÍR er að öllum líkindum fyrsti alvöru leikurinn sem áhorfendur fá stúkunar notið. 

Selfyssingar fengu í gær til sín að láni Ásgeir Örn Ólafsson leikmann frá KR. Ásgeir Örn er miðjumaður, sem getur líka leikið í vörn. Ásgeir fékk óvænt tækifæri í byrjunarliði meistaraflokks KR árið 2007, þegar Teitur þjálfaði þá, en Ásgeir var fyrirliði 2. flokks liðsins þegar honum var hent út í djúpu laugina í efstu deild.

Föstudaginn 8. maí var haldið stórglæsilegt lokahóf elstu flokka handknattleiksdeildar Selfoss. Hófið var haldið í Þingborg og mættu um 100 manns á það. Það var hin eina sanna "Lilja okkar" sem sá um matinn á hófinu. Fjölmargir góðir gestir heiðruðu okkur með því að mæta og eyddu þessari kvöldstund með okkur. Kunnum við þeim mestu þakkir fyrir.

Á lokahófi handknattleiksmanna síðasta laugardagskvöld voru m.a. veitt verðlaun fyrir hina ýmsu flokka í 1 . deild karla veturinn 2008 - 2009. Leikmenn frá Selfossi voru tilnefndir í öllum flokkum og tveir þeirra unnu verðlaunin sem þeir voru tilnefndir til...

Guðmundur Þórarinsson var 17 ára og 25 daga gamall er hann skoraði sitt fyrsta mark fyrir meistaraflokk Selfoss í leik gegn KA í gær. Ljóst er að hann er með yngri mönnum sem hafa skorað fyrir meistaraflokk Selfoss í deild. Undirritaður hefur örlítið verið að glugga í gamlar heimildir og samkvæmt þeim er yngsti leikmaður til að skora fyrir Selfoss í deild Stefán Ragnar Guðlaugsson, en hann var 16 ára og 96 daga gamall er hann skoraði, nánast með sinni fyrstu snertingu fyrir meistaraflokk í leik gegn KS/Leiftur á Siglufirði þann 23. júní 2007.

Selfoss og KA gerðu 1-1 jafntefli á Selfossvelli í dag. Gestirnir komust yfir eftir 16 mínútur, en Guðmundur Þórarinsson jafnaði tveimur mínútum seinna. Var þetta hans fyrsta mark fyrir Selfoss, en hann er aðeins 17 ára gamall. Byrjunarlið Selfoss var skipað eftirtöldum leikmönnum: Jóhann Ólafur, Sigurður Eyberg, Stefán Ragnar, Gulli Jóns, Ingþór Jóhann (Jón Daði), Jón Guðbrands, Einar Ottó, Gummi Tóta, Arilíus og Árni Páll.

Stelpurnar í 2. flokk Selfoss halda áfram að gera góða hluti í Faxaflóamótinu. Nú í kvöld unnu þær sameinað lið HK/Víkings örugglega 5-0. Byrjunarliðið skipuðu þær: Dagný P, Herdís (Bríet), Dagný Hróbjarts, Erna Kristín, Íris G, Thelma Sif, Rakel, Katrín Ýr, Elsie (Hanna), Edda, Aníta (Kristrún)

Selfyssingar taka á móti KA frá Akureyri í fyrsta leik sínum á Íslandsmótinu í ár. Selfyssingar sem urðu í 3. sæti á íslandsmótinu í fyrra er nú spáð 5. sæti. En KA sem hafnaði í 4. sæti 14 stigum á eftir Selfoss í fyrra er nú spáð 4. sæti, þannig að búast má við hörkuleik á sunnudag.

Um síðast liðna helgi fór 6.flokkur drengja í handbolta til Vestmannaeyja og urðu tvöfaldir Íslandsmeistarar. Ferðin gekk í alla staði vel 24 strákar fóru, en nokkrir komust ekki vegna veikinda og ferminga. Um 25 foreldrar komu með í ferðina. gist var í Hamarsskóla í þrjár nætur, gott var í sjóinn báðar leiðir og skemmtu strákarnir sér hið besta alla helgina. Þegar ekki var verið að keppa var margt til gamans gert m.a. farið í skoðunarferð um Eyjuna og sprangað. Nokkur fyrirtæki studdu strákana til ferðarinnar, Guðnabakarí, HP kökugerð, MS og Krás og vill yngriflokkaráð koma til skila sérstöku þakklæti til þessa fyrirtækja. Hér fyrir neðan er nokkar myndir úr ferðinni.

Í sumar ætlar ungmennafélagið að bjóða upp á nokkur skemmtilegt íþróttanámskeið.

Námskeiðin eru ætluð börnum á aldrinum 5-10 ára og verða þau fjölbreytt og ættu öll börn á þessum aldri að finna eitthvað við sitt hæfi.

Þriðja Grýlupottahlaupið var haldið 2. maí s.l. Úrslit urðu eftirfarandi:

Námskeið í skyndihjálp verður haldið þriðjudaginn 12. maí í Tíbrá kl. 18:00-22:00. Farið verður yfir algengustu íþróttameiðsli og hvernig á að bregðast við þeim. Umf. Selfoss stendur fyrir námskeiðinu í samvinnu við Rauða krossinn. Námskeiðið er opið öllum deildum, þjálfurum, liðsstjórum, fararstjórum og öðrum sem hafa áhuga.  Skráningar berist til: knattspyrna@umfs.is. Nánari upplýsingar veiti Sveinbjörn Másson í síma 897 7697.

Aldursflokkamót HSK í sundi fór fram á Hvolsvelli laugardaginn 3. maí s.l. Þrjú félög sendu lið til keppni, þ.e. Umf. Selfoss, Hamar og Dímon. Eftir hörkuspennandi keppni varð Hamar stigahæsta félagið með 159 stig eða aðeins fjórum stigum fyrir ofan Umf. Selfoss sem varð í öðru sæti. Góður árangur það og greinilegt að Hamar á sigurinn ekki vísan á komandi HSK mótum eins og nokkur undanfarin ár.
Besta afrek mótsins átti Ólöf Eir Hoffritz, Umf. Selfoss, í 100 metra skriðsundi sem hún synti á tímanum 1:15,21. Það gefur 465 stig samkvæmt stigatöflu Alþjóða sundsambandsins (FINA).

Í maí og júní verða haldin framhaldsnámskeið, byrjendanámskeið og námskeið fyrir börn sem eiga erfitt uppdráttar í skólasundi. Kennari verður Bryndís Ólafsdóttir ásamt aðstoðarmanni. Eftirtalin námskeið verða í boði:
Framhaldsnámskeið fyrir börn sem hafa eitt námskeið að baki og/eða eru fædd 2001 og fyrr. Námskeiðið hefst 19. maí og lýkur 3. júní, 6 skipti. Verður á þriðju- og miðvikudögum kl. 14.30 og 15:15. Verð kr. 4.200.

Strákarnir í 6. flokki urðu nú um helgina tvöfaldir Íslandsmeistarar í handknattleik. Lokamótið fór fram í Vestmannaeyjum og tryggðu Selfoss-strákarnir sér öruggan sigur bæði á eldra ári og yngra ári. Í flokki eldra árs (fæddir 1997) fékk Selfoss 28 stig, Valur varð í öðru sæti með 20 og KR í því þriðja með 20. Í flokki yngra árs (fæddir 1998) fékk Selfoss 26 stig Fram varð í öðru sæti með 22 og HK í því þriðja með 18. Strákarnir eru vel að þessu komnir, hafa æft vel og samviskusamlega í allan vetur. Þeir hafa sinnt félagslega þættinum vel og kringum þennan flokk er mjög öflugt foreldrasamstarf.

Stelpunar í meistaraflokki töpuðu ósangjarnt fyrir Haukum 2-1 á laugardaginn og misstu þar með af úrslitum Lengjubikarins. Leikurinn fór fram á Ásvöllum í Hafnarfirði og var hreinn úrslitaleikur um hvort liðið kæmist áfram. Fyrri hálfleikur var virkilega góður hjá Selfossi og voru þær með nokkra yfirburði, en svo jafnaðist leikurinn í þeim síðari.

Selfoss HM1 átti því miður ekki sinn besta dag í keppni um að komast inn á Norðurlandamót 16 ára og eldri en sú keppni fór fram 1. maí. Um leið var verið að keppa um Íslandsmeistaratitla á einstökum áhöldum og sigraði Gerpla á öllum áhöldum. Í samanlögðum stigum á föstudaginn var Gerpla með 27,25 stig, Stjarnan í 2. sæti með 24,50 og Selfoss með 24,30 í 3. sæti svo það var mjög jafnt og spennandi. Með þessum úrslitum tryggðu Stjarnan og Gerpla sér farseðil á NM- seniora í Finnlandi í haust. Mjög svo skemmtileg stemming var í íþróttahúsi Iðu, en það var vægast sagt troðfullt af áhorfendum sem studdu mjög svo við bakið á keppendum og settu skemmtilegan svip á daginn.  

Stelpurnar í Selfoss HM2 urðu deildarmeistarar í 1. flokki sem er aldursflokkurinn 13-18 ára í úrvaldsdeild hópfimleika. Þær hafa staðið sig mjög vel á mótum í vetur og fengið stig fyrir sætin sem þær hafa lent í.  Stelpurnar uppskáru fyrsta sæti með 24 stig, en lið Stjörnunnar úr Garðabæ varð í 2. sæti með 20 stig og lið Gerplu í 3. sæti með 18 stig. Glæsilegur árangur hjá ungum og efnilegum fimleikastelpum.

Góð mæting var á aðalfundi Ungmennafélags Selfoss sem haldinn var í Tíbrá á fimmtudagskvöldið. Á fundinum fékk frjálsíþróttadeild UMFS afhenta viðurkenningu sem fyrirmyndardeild ÍSÍ. Er hún sjötta deildin innan félagsins sem fær þessa viðurkenningu. Viðurkenninguna afhenti Sigríður Jónsdóttir, stjórnarmaður ÍSÍ. Bæjarstjóri Árborgar, Ragnheiður Hergeirsdóttir, afhenti deildinni, ásamt taekwondodeild, sem fékk útnefningu í febrúar, veglegan fjárstuðning frá sveitarfélaginu.

Nú eru aðeins 9 dagar í fyrsta leik á Íslandsmótinu. Selfyssingar eiga fyrsta leik gegn KA á heimavelli sunnudaginn 10. maí kl. 15.00. Það er því alveg tímabært að rifja upp undirbúningstímabilið sem byrjaði í janúar og þá æfingaleiki sem búnir eru. Hér kemur einfaldur listi yfir leikina og hvernig þeir fóru.

Stelpurnar í meistarahópi Selfoss í fimleikum óska eftir stuðningi og mikilli stemningu á Íslandsmótinu í hópfimleikum sem fram fer í Iðu í dag kl. 15:00. Allir að mæta og öskra SELFOSS!!

Selfyssingar unnu Val 1-0 á grasvellinum í Þorlákshöfn í kvöld. Frábærar aðstæður voru til að spila fótbolta á góðum grasvelli í "Höfninni". Selfyssingar byrjuðu leikinn betur og voru ýfið sterkari í fyrri hálfleik. Skoraði Sævar Þór í honum og eins átti Arilíus gott skot í slá. Í seinni hálfleik komu Valsmenn betur inn í leikinn, án þess þá að skapa sér umtalsverð færi.

Stelpunar í meistaraflokki Selfoss í knattspyrnu spila úrslitaleik við Hauka um hvort liðið kemst áfram í Lengjubikarnum. Leikurinn fer fram á Ásvöllum í Hafnarfirði, laugardaginn 2. mai og hefst kl. 14.00.

Ragnar Jóhannsson sem er 18 ára og átti 1 ár eftir af samningi sínum við Selfoss gerði nýjan 3 ára samning við félagið sem gildir til vors 2012. Önnur félög voru að reyna að fá hann til sín og sum án þess að fara rétta boðleið, þrátt fyrir að hann væri samningsbundinn. Með þessum nýja samningi er verið að senda skýr skilaboð um það að framtíð Ragnars er á Selfossi enn um sinn.

Okkar menn í 3. flokki þurftu að játa sig sigraða í leik um 3. sætið á Íslandsmótinu gegn Þór um síðustu helgi. Lokatölur 26-24 eftir að Þór leiddi 13-11 í leikhléi.

Grunnskólamót Árborgar í frjálsum íþróttum fór fram í Iðu þann 2. apríl s.l. Grunnskólamótið var nú haldið í 11. sinn. Keppendur voru 178 og komu þeir frá  Sunnulækjarskóla, Vallaskóla og Barnaskólanum á Eyrarbakka og Stokkseyri. Sjá nánar...

Annað Grýlupottahlaupið fór fram laugardaginn 25. apríl s.l. Úrslit urðu eftirfarandi:

Selfoss sigraði Stjörnuna 5-2 í leik liðana í 2. flokki kvenna í gær. Leikið var á gervigrasinu á Selfossi við góðar aðstæður, logn og aðeins úða. Byrjunarlið Selfoss var skipað eftirtöldum leikmönnum: Dagný Páls, Íris Gísla (Unnur), Dagný Hróbjarts, Erna Krisín, Elsie, Thelma Sif (Anna) Rakel (Brynja), Katrín Ýr(Karítas) Anita, Edda, Hanna.

Úrslit íslandsmótsins í hópfimleikum fara fram í íþróttahúsi Iðu við fjölbrautaskólann föstudaginn 1.maí.  Selfoss á lið í úrslitum en jafnframt er mótið úrtökumót fyrir norðurlandamót Seniora sem fram fer í Finnlandi í haust.  Mótið hefst klukkan 15:00 og hvetjum við alla til að koma og hvetja Selfossstúlkur áfram.  Þær haf æft stíft undanfarið til að vera sem best undirbúnar og stefnir í hörkuspennandi keppni milli Selfyssinga og liðs Stjörnunnar úr Garðabæ.    Úrslit í fjölþraut fara svo fram laugardaginn 2.maí klukkan 13.30.

Selfyssingar taka á móti Val fimmtudaginn 30. apríl á grasvellinum í Þorlákshöfn. Leikurinn hefst kl. 19.00 og er um æfingaleik að ræða. Flestir leikmenn Selfoss ættu að geta tekið þátt í leiknum, nema að Agnar Bragi varð fyrir örlitlu hnjaski í leiknum gegn KR. Liðin léku leik í Lengjubikarnum síðastliðið vor...

Stelpurnar í 4. flokki kvenna yngra ár urðu í gær Íslandsmeistarar eftir sigur á Fylki í úrslitaleik 18-14 í Vodafone Höllinni. Staðan í hálfleik var 10-6 fyrir Selfoss. Áður höfðu stelpurnar unnið Stjörnuna 28-18 í 8-liða úrslitum og FH 16-14 í undanúrslitum. Þessar stelpur urðu einnig á dögunum deildarmeistarar. Árangur stelpnanna er mjög athyglisverður í ljósi þessa, en flestar af þeim eru enn í 5. flokki. Þær urðu einmitt líka Íslandsmeistarar í sínum flokki á dögunum.

Strákar og stelpur í 5.flokki yngra ár (fædd 1996) fór á Húsavík í síðustu viku og kepptu í síðustu umferð Íslandsmótsins. Mótið stóð yfir í 3 daga og var gist í skólanum á Húsavík. Stelpurnar áttu góða möguleika á titlinum en til þess urðu þær að vinna mótið. Það tókst ekki og þær spiluðu undir getu og urðu að sætta sig við 4. sæti á mótinu og einnig á Íslandsmótinu samanlagt. Strákarnir aftur á móti léku mjög vel og urðu í 2.sæti á mótinu og unnu bronsverðlaun á mótinu samanlagt.

KR sigraði lið Selfoss á grasvellinum á Hvolsvelli nú um helgina. Eftir jafnan fyrrihálfleik voru KR ingar betri í þeim seinni og unnu sanngjarnan sigur 3-1. Byrjunarlið Selfoss var skipað eftirtöldum leikmönnum: Jói, Siggi Eyberg, Stefán Ragnar, Gulli Jóns, Jón Sveins, Jón Guðbrands, Agnar Bragi, Einar Ottó, Jón Daði, Arilíus og Sævar Þór.

Selfoss vann til 20 verðlauna á mjög vel heppnuðu TSH móti í Iðu um helgina. Selfoss fékk 2 gull, 9 silfur og 9 brons sem er okkar besti árangur til þessa á annars mjög sterku móti. Nánari skiping verðlauna verður birt hér á heimasíðunni á morgun.

Í gær lék 3. flokkur Selfoss í undanúrslitum gegn Fram í Víkinni og tapaði þar óverðskuldað að mati síðuritara. Strákarnir stóðu sig frábærlega og börðust allan tímann og gáfu allt sitt í leikinn en því miður dugði það ekki. Liokatölur 33-30 Fram í vil eftir að staðan í hálfleik hafi verið 16-13.

Selfyssingar töpuðu fyrir FH 1-2 á heimavelli í gær. Stelpunnar eiga síðasta leikinn í riðlinum gegn Haukum og verður það hreinn úrslitaleikur um hvort liðið fer áfram í Lengjubikarnum. Sá leikur fer fram laugardaginn 2. mai á Ásvöllum í Hafnarfirði.

2 flokkur karla sem endaði í 2 sæti í deildarkeppninni tapaði í undanúrslitum fyrir FH 37 - 41 síðastliðinn miðvikudag. Staðan í hálfleik var 19 - 18 fyrir Selfoss. Leikurinn var gríðarlega hraður eins og alltaf þegar þessi lið mætast en skammt er síðan Selfoss vann FH 41 - 38.

4. flokkur kvenna eru komnar í undanúrslit eftir góðan sigur á Stjörnunni í 8-liða úrslitum. Leikurinn endaði 28-18 og Selfoss því komnar í undanúrslit og mæta þar FH.

Meistaraflokkur karla tekur á móti KR á grasvellinum á Hvolsvelli á morgun laugardag 25. apríl. Leikurinn hefst kl. 14.00 að staðartíma. Þetta er æfingaleikur og sennilega fyrsti grasleikurinn á Íslandi í ár.

Á vormóti Júdosambands Íslands í eldri flokkum, sem haldið var 4. april síðastliðinn kepptu nokkrir keppendur frá Júdodeild Selfoss. Þar bar hæst sigur Árnýjar Helgadóttur í sínum flokki. Árný hefur æft vel undanfarin ár og er vaxandi júdokona.

Stelpunnar í meistaraflokki Selfoss taka á móti FH í Lengjubikarnum í dag föstudaginn 24. apríl kl. 20.00 á gervigrasinu á Selfossi. Þetta er fjórði leikur beggja liða. Selfyssingar hafa unnið þá þrjá leiki sem þær eru búnar með. Stelpurnar eru því í efsta sæti með 9 stig, en FH í 2.-3. sæti með 7 stig ásamt Haukum. Því er um mjög mikilvægan leik að ræða fyrir bæði lið, en tvö lið komast áfram í úrslitakeppnina.

Selfyssingar tóku á móti Ægir úr Þorlákshöfn á sumardaginn fyrsta. Leikið var á gervigrasinu á Selfossi og var um æfingaleik að ræða. Selfyssingar unnu leikinn 6-0 og skoruðu þeir Ingþór 2, Arilíus, Jón Daði, Jón Guðbrands og Árni Páll.

Selfoss vann FH á þriðjudaginn í hörkuleik á Selfossi 32-30 eftir að hafa leitt í hálfleik 17-13. Selfyssingar leiddu yfirleitt með 3-6 mörkum en fóru illa með mörg dauðafæri sem annars hefðu gert sigurinn mun öruggari. Í lokin minnkuðu Hafnfirðingar muninn aðeins með því að spila framarlega og á þeim kafla voru okkar menn 1-2 leikmönnum færri.

Sunnudaginn 3. maí verður haldin samræðuráðstefna í Íþróttafræðasetri HÍ á Laugarvatni. Markmið ráðstefnunnar er að hefja markvissa umræðu um gildi íþrótta fyrir menninguna og samfélagið og tengja saman áhugafólk og fræðimenn á sviði íþróttafræða og mennta-, hug- og félagsvísinda. Komið verður saman á Laugarvatni í húsnæði íþrótta- og heilsubrautar HÍ kl. 13:00 eftir hádegi og hefst þá ráðstefnan undir stjórn Arnar Ólafssonar lektors. Byrjað verður á þremur inngangserindum.

Í kvöld kl. 21.00 leika í úrslitakeppni HSÍ 3.flokki heimamenn á Selfossi og FH úr Hafnarfirði. Að vanda leika Selfossliðin sína heimaleiki í Vallaskóla og hvetur heimasíðan Selfyssinga að mæta og horfa á og auðvitað hvetja leikmenn framtíðarinnar áfram. Áfram Selfoss!

Fyrsta Grýlupottahlaupið fór fram laugardaginn 18. apríl. Úrslit urðu eftirfarandi:

Þar sem meistaraflokkur hefur lokið keppni í vetur þá báðum við Sebastian um að gera samantekt á vetrinum. Við gefum honum bara orðið..

Selfoss tapaði fyrir Aftureldingu öðru sinni í gær og þar með er liðið úr leik í baráttunni um laust sæti í úrvalsdeild. Selfoss gaf allt í leikinn í gær en varnarleikur heimamanna var frábær. Það má með sanni segja að ef liðið hefði mætt svona ákveðið til leiks á föstudaginn að þá væri staðan núna 1 - 1 í einvíginu.

Um helgina fór fram síðasta keppnishelgi 5. flokks karla, eldra ár, í handbolta á Ásvöllum í Hafnarfirði. Lið Selfoss stóð sig frábærlega á mótinu. Strákarnir unnu fjóra flotta sigra í 1. deild, en töpuðu fyrir FH í úrslitaleik. Liðið endaði í 3. sæti á Íslandsmótinu með 19 stig. Grótta varð í 2. sæti með 21 stig og FH-ingar urðu Íslandsmeistarar með 23 stig. Óhætt er að segja að Selfoss og FH séu með bestu lið landsins í þessum aldursflokki.

Fyrstu formlegu skrefin á samstarfi Selfoss og IFK Gautaborg verða tekin í þessari viku þegar Stefán Ragnar Guðlaugsson og Guðmundur Þórarinnsson munu æfa með unglingaliði IFK Gautaborg. Þar munu þjálfarar Svíanna fylgjast með þessum tveimur af efnilegustu leikmönnum Selfoss. En Gummi sem er fæddur ‘92 og Stefán sem er fæddur ‘91 hafa báðir verið að æfa með u-19 ára landsliði Íslands í vetur, ásamt því að æfa með Selfoss og akademíu Íslands.

Sjálfsvarnar námskeið taekwondodeilda, sem eingöngu var ætluð stelpum á öllum aldri, heppnaðist gríðarlega vel. Alls tóku 25 stelpur þátt þar sem farið var yfir grunnþætti sjálfsvarnarlistarinnar taekwondo.

Öðrum leik Selfoss og Aftureldingar í úrslitakeppninni um laust sæti í efstu deild karla í handknattleik, veður lýst beint á útvarpi Suðurland á fm 96,3. Leikurinn fer fram í Mosfellsbæ, Það verða þeir Gísli Felix Bjarnason og Einar Guðmundsson sem lýsa leiknum eins og þeir gerðu í fyrsta leiknum s.l. föstudag. Einnig hægt að hlusta í gegnum netið á www.963.is . Útsending er í boði Lögmanna Suðurlandi og hefst kl 16:30 í dag. Boðið verður uppá fría rútuferð fyrir stuðningmenn Selfoss-liðsins frá Vallaskóla meðan pláss leyfir. Lagt verður af stað kl. 14:30.

Undanúrslit íslandsmótsins í hópfimleikum fór fram að Versölum í dag.  Lið Selfoss HM1 tryggði sér þátttökurétt í úrslitum en alls 9 kvennalið kepptu um þrjú sæti.   Lið Selfyssinga átti góðar gólfæfingar og keyrði flott trampólín en dýnan gekk ekki upp í dag.  Þetta var mótið til að taka sénsa þar sem ekki var verið að velja þátttakendur á Norðulandamótið í hópfimleikum en sú úrtaka verður á Selfossi 1.maí. 
Selfoss HM2 keppti einnig á mótinu í dag og gekk þeim vel á trampólíni og dansi.  Dýnan var líka að hrella þær og uppskáru þær 5.sætið sem er mjög góður árangur því hér er á ferðinni ungt og efnilegt lið sem safnar reynslu. 
Næsta mót er á Selfossi 1.maí í íþróttahúsinu Iðu og þá þurfum við að fylla húsið og gera allt vitlaust.

Utandeildarlið Selfoss í handbolta sigraði lið Jumboys frá Mosfellsbæ í örðum úrslitaleik liðanna um Íslandsmeistaratitill í keppni utandeildarliða 32-27. Jumboys vann fyrri leik liðanna í Mosfellsbæ 30-23 og varð því Íslandsmeistari þetta árið. Liðið skipa gamlar kempur úr Aftureldingu með Bjarka Sigurðsson fyrrverandi landsliðsmann fremstan í flokki. Selfoss liðið lék vel í dag og átti um tíma möguleika á að vinna upp sjö marka forustu Mosfellinga. Það hafðist ekki en góður sigur á meisturunum engu að síður. Þeir Sævar Gíslason og Ívar Grétarsson voru bestu menn Selfoss, einnig átti Bergsveinn Magnússon góða spretti.

Afturelding vann góðan útisigur á Selfossi í fyrsta umspilsleik liðanna um sæti í efstu deild karla í handknattleik í kvöld, 31:24. Þarf liðið því aðeins einn sigur enn til að tryggja sér sæti í úrslitaleikjunum um sæti í efstu deild. Markahæstir Selfyssinga voru Guðmundur Árni Ólafsson með sex mörk og Helgi Héðinsson með fimm. Hjá gestunum gerði Bjarni Aron Þórðarson átta mörk en Jóhann Jóhannsson gerði sex.

Selfoss HL4 urðu íslandsmeistarar á trampólíni í úrslitakeppni íslandsmótsins í hópfimleikum í 1.deild.  SElfoss átti tvö lið í keppninni og stóðu sig mjög vel.  Selfoss HL4 var yngsta liðið sem hafði unnið sér inn þátttökurétt og gerðu sér lítið fyrir og sigruðu trampólínið og voru krýndar íslandsmeistarar.  Í samanlögðum stigum enduðu Selfoss HL4 í fjórða sæti og Selfoss HL3 í 6.sæti.  Mikið stress var í liðunum fyrir keppnina enda bæði að keppa á stórmóti í fyrsta skipti.  Þetta verður að teljast mjög góður árangur þar sem yfir 50 lið berjast um að komast í sex liða úrslit.   Meðfylgjandi mynd er af íslandsmeisturunum frá því í gær

Þrjú lið frá Selfossi tóku þátt í Garpamóti Gerplu sem fram fór að Versölum í gær.  Selfoss HL5 varð í öðru sæti í samanlögðum stigum og hópur HL9 sem er blandaður hópur stúlkna og drengja varð í þriðja sæti.  Hópur HL7 varð svo í 4.sæti.  Mjög glæsilegur árangur hjá krökkunum.  Mótið var mjög flott og áttu krakkarnir skemmtilegan dag í Kópavogi.  Hér fyrir neðan má sjá mynd af liðunum þremur sem tóku þátt

 

Selfoss og Fram áttust við á gervigrasvellinum á Selfossi í kvöld. Þetta var síðasti leikur beggja liða í Lengjubikarnum í ár. Leikurinn endaði með 1-1 jafntefli og voru Selfyssingar ívið sterkari í leiknum og voru nær því að taka þrjú stig og brenndu Selfyssingar m.a af víti. Einar Ottó var í leikbanni í leiknum, þeir Andri Freyr og Arnar Freyr meiddir og Arilíus var veikur.

Leik Selfoss og Aftureldingar í úrslitakeppninni um laust sæti í efstu deild karla í handknattleik, veður lýst beint á útvarpi Suðurland á fm 96,3. Það verða þeir Gísli Felix Bjarnason og Einar Guðmundsson sem lýsa leiknum og það er einnig hægt að hlusta í gegnum netið á www.963.is . Útsending er í boði Lögmanna Suðurlandi og hefst kl 19:30.

 

Grunskólamót Árborgar í frjálsum íþróttum fór fram 2. apríl s.l. Úrslit mótsins má sjá hér...

Meistaraflokkur karla í knattspyrnu leikur í dag sinn síðasta leik í Lengjubikarnum. Leikurinn fer fram á gervigrasinu á Selfossi og hefst kl 19.00.

Stelpunar í meistaraflokki Selfoss héldu sigurgöngu sinni í deildarbikarnum áfram þegar þær unnu Þrótt úr Reykjavík 2-3 í gær á útivelli. Þetta er þriðji sigur stelpnana í þremur leikjum og eru þær efstar í sínum riðli með 9 stig, en Hafnarfjarðarliðin FH og Haukar eru í 2.-3. sæti með 6 stig og eiga innbirgðis viðureign í dag.

Það verður skemmtileg keppni á laugardaginn þegar undanúrslit Íslandsmótsins í hópfimleikum fara fram í íþróttahúsi Gerplu í Kópavogi. Óhætt er að segja að um loftfimleikasýningu verði að ræða þar sem öll bestu lið landsins verða mætt til keppni. Selfoss á tvö lið af tólf sem keppa á mótinu og verður spennandi að fylgjast með þeim. Selfoss HM1 stefnir á að ná inná Norðurlandamót 16 ára og eldri sem fram fer í Finnlandi í haust en þetta mót mun gefa okkur vísbendingu um þá möguleika. Úrtökumótið fyrir það mót fer fram á Selfossi föstudaginn 1. maí í íþróttahúsinu Iðu, en þá þurfa stelpurnar fulla stúku og mikinn stuðning. Mótið 1. maí er jafnframt úrslitakeppni á einstökum áhöldum á íslandsmótinu en úrslitin í fjölþraut fara fram 2.maí einnig á Selfossi. Allir að stilla á RUV laugardaginn 18. apríl kl. 16:20 - ÁFRAM SELFOSS!  

Tvö lið frá Selfossi verða í eldlínunni þegar úrslitakeppni Íslandsmótsins í hópfimleikum fer fram í íþróttahúsi Gerplu í dag föstudaginn 17. apríl. Lið Selfoss HL3 sem er skipað stúlkum á aldrinum 13-15 ára og lið Selfoss HL4 sem er skipað 12 ára stelpum hafa unnið sér inn þátttökurétt í úrslitum, en aðeins 6 stigahæstu lið vetrarins óháð aldri etja kappi um Íslandsmeistaratitla. Alls hafa 54 lið keppt um þessi sex sæti í vetur og getum við verið mjög stolt af okkar stelpum að hafa náð inn í úrslit. Keppt er um Íslandsmeistaratitla á einstökum áhöldum og í samanlögðum stigum. 

 

Selfyssingar léku á dögunum æfingaleik við Hamar frá Hveragerði. Leikurinn endaði 6-0 og skoruðu þeir Sævar Þór Gíslason 2, Jón Guðbrandsson, Árni Páll Hafþórsson, Jón Daði Böðvarsson og Arnar Freyr Óskarsson mörk Selfoss. En þetta var jafnframt fyrsta mark Arnars fyrir meistaraflokk.

 

Selfyssingurinn Þórir Hergeirsson hefur verið ráðin þjálfari kvennalandsliðs heims- og ólympíumeistara Noregs í handknattleik. Þetta kemur fram í norskum fjölmiðlum í dag. Þórir tekur við af Marit Brevik en hann hefur verið aðstoðarþjálfari hennar í 12 ár. Þórir er borinn og barnfæddur Selfyssingur og þjálfaði á Selfossi áður en hann fluttist til Noregs 1986. Þórir er bróðir Ragnheiðar bæjarstjóra og Guðrúnar formanns unglingaráðs handknattleiksdeildar. Yngri bróðir hans Grímur lék einnig lengi með Selfoss í efstu deild.

Í gærkvöldi fóru strákarnir í Víkina og sigruðu Víkinga og náðu með því 2. sætinu í deildinni. Leikurinn endaði 25-33 en í hálfleik leiddi okkar menn 15-19. Í lið Selfoss vantaði Ragnar en hann er enn að jafna sig af meiðslunum sem hann hlaut á móti FH um daginn.

Þátttakendur á framhaldsnámskeiðinu náðu allir þrepamarkmiði 7 ára grunnskólabarna þrátt fyrir að sum börnin séu aðeins 5 ára. Markmið Bryndísar sundkennara var að börnin myndu ná það mikilli færni á tveimur námskeiðum að þau þyrftu enga frekari utanaðkomandi hjálp til að ganga vel í skólasundi. Auk þess halda alltaf einhverjir áfram og skrá sig í Sunddeild Selfoss. Sunddeildin býður upp á beint framhald í svokölluðum koparhópi sem er tvískiptur með kennara/þjálfara ofaní lauginni.

Feðgarnir Snorri Hjaltason, heiðursformaður Taekwondosambands Íslands og Sigursteinn Snorrason, landsliðsþjálfari í sparring  , fengu viðurkenningu frá samtökunum Frægðarhöll taekwondo íþróttarinnar (THE OFFICIAL TAEKWONDO HALL OF FAME®) á föstudaginn langa og voru þá teknir inní frægðarhöll taekwondo íþróttarinnar. Þeir eru fyrstu Norðurlandabúarnir og einir af fáum Evrópubúum sem hafa hlotið þessa miklu viðurkenningu fyrir störf sín.

Þess má geta að Master Sigursteinn Snorrason hefur umsjón með þjálfun taekwondodeildar Selfoss og félag hans Ssangyoung er móðurfélag deildarinnar.Einnig er haldin mótaröð sem kallast TSH sem stendur fyrir Trésmiðja Snorra Hjaltasonar, sem er aðalstyrktaraðili taekwondo á Íslandi.

2. flokkur karla tryggði sér annað sætið í 1. deild með öruggum sigri á Víkingi í Víkinni í gærkvöldi. Þessi úrslita þýða að strákarnir fá heimaleikjaréttinn í úrslitakeppninni en þar mætir liðið FH. Í hinum undanúrslitaleiknum leika Akureyri og Víkingur. Ljósmyndari handbolti.is var á staðnum og smellti af eftirfarandi myndum. http://www.handbolti.is/?p=300&gal=78473

Nú fara í hönd spennandi tímar í handboltanum á Seflossi, úrslitin ráðast á Íslandsmótunum í öllum flokkum. Meistaraflokkur á í vændum spennandi leiki við Aftureldingu og Stjörnuna eða ÍR um sæti í úrvalsdeild að ári. 2. flokkur náði 2. sæti í deildinni í vetur og leikur við FH í úrslitakeppninni og verður sá leikur á Selfossi. Það lið sem vinnur þá viðreign leikur til úrslita um Íslandsmeistaratitilinn. B-lið meistaraflokks tryggði sér Íslandsmeistaratitilinn á dögunum.

Gamla myndin að þessu sinni var tekin þegar 4. flokkur kvenna varð Íslandsmeistari 1988. Berglind Sigurðardóttir fyrirliði tekur við hamingjuóskum af Birni Gíslasyni formanni Ungmennafélags Selfoss. Kvennaboltinn á Selfossi er á mikilli upppleið þessa dagana og hugsanlegt að Íslandsmeistaratitill vinnist aftur eftir margra ára hlé.

Námskeið í sjálfsvörn  fyrir konur/stelpur á öllum aldri verður haldið helgina 18.-19.apríl.

Stelpurnar í meistaraflokki Selfoss spiluðu við ÍA á heimavelli í öðrum leik sínum í Lengjubikarnum í gærkvöldi. Leikurinn endaði með 2-0 sigri Selfoss. Bæði mörk leiksins voru skoruð í fyrri hálfleik. Markaskorararnir voru Rakel Ýr og Díana. Selfoss-stelpur áttu fullt af marktækifærum og hefði leikurinn geta endað með stærri sigri. ÍA stelpur áttu ekki mörg færi í leiknum.

Grýlupottahlaup Selfoss 2009 hefst laugardaginn 18. apríl næstkomandi. Er þetta jafnframt í fertugasta skipti sem hlaupið er haldið. Grýlupottahlaupið er 850 metra langt. Tveir og tveir hlaupa saman og er ræst með 10 sekúndna millibili. Þátttakendur eru á öllum aldri og er aðalatriðið að vera með. Hlaupið fer fram sex laugardaga í röð. Fyrsta hlaupið er 18. apríl, síðan 25. apríl, 2. maí, 9. maí, 16. maí og 23. maí. Skráning hefst kl. 10:30 í Tíbrá, félagsheimili Umf. Selfoss, á íþróttavellinum. Hlaupið hefst svo kl. 11:00.

Helgina 18.-19. apríl munu Knattspyrnusamband Íslands og Alþjóðaknattspyrnusambandið (FIFA) standa saman að námskeiði í þjálfun barna á aldrinum 6-12 ára. Laugardaginn 18. apríl verður námskeiðið haldið í Kórnum í Kópavogi en 19. apríl verður námskeiðið haldið á Akureyri. Námskeiðið er sérstaklega ætlað þjálfurum barna á aldrinum 6-12 ára en námskeiðið er þó öllum opið. Aðgangur er ókeypis. Sjá nánar...

Helgina 24.-26. apríl mun Knattspyrnusamband Íslands standa fyrir 5. stigs þjálfaranámskeiði í höfuðstöðvum KSÍ. Þátttökurétt á námskeiðið hafa allir þeir þjálfarar sem eru með KSÍ B þjálfaragráðu og fengu a.m.k. 70 af 100 í KSÍ B prófinu (UEFA B prófinu). Námskeiðið er upphafið af KSÍ A (UEFA A) þjálfaragráðu. Sjá nánar...

Í dag er mikið um að vera á Selfossvelli þar sem 4 leikir fara fram. Kl. 14:00 spilar 3. flokkur karla æfingarleik við ÍBV og kl 16:00 spila síðan Eyjamenn við Ægi í Faxaflóamótinu. K. 18:00 spilar meistaraflokkur karla æfingarleik við Hamar og kl 20:00 mun meistaraflokkur kvenna spila vi ÍA í Faxaflóamótinu. Er það annar leikur þeirra í mótinu, en þær unnu Sindra frá Höfn í sínum fyrsta leik.

Sigurganga 2. flokks karla heldur áfram. Nú vann liðið Aftureldingu 18-24 á afar erfiðum útivelli. Mörg lið hafa lent í vandræðum í Mosfellsbænum í vetur. Með sigrinum er Selfoss komið í 2. sætið og getur haldið því ef þeir ná sigri í síðasta leik deildarkeppninnar gegn Víkingum.

Þótt ekki hafi farið mikið fyrir fréttum af B liði meistaraflokks í vetur þá er það með mikilli ánægju að heimasíðan greinir frá því að Selfoss vann B deildina og eru því Íslandsmeistarar. Þeir spiluðu sinn síðasta leik í gær og fengu að honum loknum afhentan veglegan bikar og gullverðlaun. Til hamingju með titilinn strákar!

Meistaraflokkur Selfoss fór til Vestmannaeyja og spilaði þar sinn síðasta deildarleik í vetur. Okkar menn unnu leikinn með 1 marki og það kom úr vítakasti Guðmundar Árna eftir að leiktíminn var liðinn. Talsvert vantaði í lið Selfoss í þessum leik og margir fengu að spreyta sig en leikurinn var víst góð skemmtun fyrir áhorfendur.

Síðasta æfing hjá taekwondodeild fyrir páskafrí verður mánudaginn 6. apríl á venjulegum tíma. Fyrsta æfing eftir páska verður miðvikudaginn 15. apríl. Gleðilega páska!

Í gær lék 92 liðið (B-liðið) sinn síðasta deildarleik og voru gestirnir að þessu sinni Grótta. Selfyssingar áttu möguleika að fara í svokallað umspil með sigri í leiknum og því alveg ljóst að menn ætluðu að selja sig dýrt. Það gerðu leikmenn svo sannarlega en því miður dugði það ekki til gegn A liði Gróttu. Lokatölur voru 23-24 eftir að hvort lið skoraði 12 mörk í fyrri hálfleik.

Annar flokkur karla (´88-´90) á góða möguleika á að ná 2.sæti í 1.deild Íslandsmótsins, liðið á eftir að leika við Aftureldingu og Víking, og með sigri í þeim leikjum tryggir liðið sér annað sætið og heimaleikjaréttinn í úrslitakeppninni. 3.flokkur (´91-´92) missti lið Fram framúr sér á endasprettinum og hafnar í 3.sæti í 1.deild.  tvö óvænt töp m.a. fyrir Stjörnunni reynast liðinu dýrkeypt. En liðið á samt góða möguleika á Íslandsmeistaratitli með góðri frammistöðu í úrslitakeppninni. Sigurður Már Guðmundsson er byrjaður að leika að nýju eftir að hafa verið meiddur í allan vetur. Staðan í deildunum tveimur er eftirfarandi..

Heimir Ríkarðsson, landsliðsþjálfari u-21 árs landsliðs karla, valdi 17 manna hóp til undirbúnings fyrir forkeppni HM sem fram fer um páskana í Hollandi. Í hópnum eru tveir Selfyssingar, þeir Birkir Bragason markmaður og Guðmundur Árni Ólafsson hornamaður. Fyrsti leikurinn er gegn Hollandi 10. apríl. Síðan er leikið gegn Ungverjum og loks Bretum.

Strákarnir í 91 liði Selfoss unnu í gærkvöld Valsmenn 31-24. Heimamenn léku ekki vel í leiknum og voru undir 70% af leiknum, enda lék liðið afar illa. Mikið grimari, einbeittari og viljugri Valsmenn leiddu í hálfleik 12-13. Í fyrri hálfleik tókst Selfyssingum að misnota 12 dauðafæri.

92 liðið tapaði fyrir heimamönnum í ÍBV síðastliðinn miðvikudag, 31-27 eftir að hafa verið undir 13-10 í hálfleik. Selfyssingar voru undir nær allan leikinn og verður þessi leikur að flokkast sem einn lélegasti leikur tímabilsins af þeirra hálfu.

Gamla myndin er af 3. flokki karla árið 1986. Þetta eru piltar fæddir 1970 og 1971. Sítt að aftan greinilega í tísku. Þrír af þessu drengjum áttu eftir að leika með A-landsliði Ísland, þeir Magnús Sigurðsson, Einar Gunnar Sigurðsson og Gústaf Bjarnason. Þjálfari var Steindór Gunnarsson sem einnig þjálfaði meistaraflokk í þrjú keppnistímabil.

Landsbankamót Ármanns í sundi verður haldið um helgina 18.-19. apríl n.k. í Laugardalslauginni. Upplýsingar um mótið eru komnar á vef Sunddeildarinnar undir "Viðburðir". Þeir sem hafa áhuga á að keppa á mótinu hafi samband við Bryndísi yfirþjálfara (eisenfee@hotmail.com, GSM 695 1960)sem fyrst en skráningarfrestur rennur út þriðjudaginn 14. apríl n.k.

Knattspyrnudeild Umf. Selfoss hefur gert nýjan styrktarsamning við nýja Íslandsbanka sem áður hét Glitnir. Þetta þýðir að allir búningar félagsins verða endurnýjaðir enda ekki hægt að vera með lógó gamla bankans þegar keppt verður í sumar. Þessi nýji samningur er sá stærsti sem deildin hefur gert og er hann rökrétt framhald á góðum árangri liðsins í fyrra. Gömlu búningarnir verða gefnir í Tíbrá frá kl 11.00 í dag. Eins og áður sagði er því miður er gamla Glitnismerkið framan á búningum, en þeir eru til í öllum stærðum og munið að þeir sem fyrstir koma geta valið um númer. Búast má við að 10 hans Sævars Þórs verði eftirsótt í öllum stærðum.  

3. flokkur kvenna hefur haft nóg að gera að undanförnu og spiluðu þrjá leiki á 11 dögum og spila aftur í kvöld gegn sterku liði ÍR í Austurbergi. Mikil meiðsli hafa verið í liðinu. Í dag eru 4 leikmenn meiddir og munar um minna í 12 manna hópi.

Knattspyrnudeild Umf. Selfoss og Knattspyrnufélag Rangæinga, KFR, hafa ákveðið að hefja samstarf um rekstur 2. og 3. flokks karla. Samningurinn er til þriggja ára en verður endurskoðaður á hverju ári. Með tilkomu knattspyrnuakademíu í FSU á Selfossi þar sem leikmenn frá báðum félögunum eru nemendur, hefur þessi hugmynd vaknað og verið að þróast. Bæði félögin eru með öflugt unglingastarf sem hefur skilað efnilegum leikmönnum í meistaraflokka félaganna.

Einhver hraðasti og skemmtilegasti leikur sem hefur verið spilaður á Selfossi fór fram í gærkvöldið þegar FH kom í heimsókn. Leikurinn endaði 41 - 38 fyrir Selfoss en staðan í hálfleik var 25 - 19 fyrir okkar menn. Það er ljóst að það eru aðeins örfá lið á Íslandi sem ráða við að spila á þessum hraða. Selfoss og FH eru meðal þeirra enda líklega tvö bestu sóknarlið landsins í þessum aldursflokki.

Selfoss vann Aftureldingu síðasta föstudagskvöld 32 - 30 og tryggðu þar með 2 sætið í deildinni og heimaleikjarétt í 1. umferð úrslitakeppninnar um laust sæti í efstu deild. Staðan í hálfleik var 13 -15 fyrir gestina en góður kafli í upphafi seinni hálfleiks skilaði sigri og 2 sætinu. 

Selfoss hefur unnið þrjá deildarmeistaratitla í kvennaflokkum á einni viku ! Um síðustu helgi unnu stelpurnar í 5.flokki kvenna eldra ár deildarmeistaratitilinn og nú um helgina unnu stöllur þeirra í 5.flokki kvenna yngra ár deildarmeistaratitilinn. Síðan fékk 4.flokkur kvenna yngra ár deildarmeistaratitilinn afhentan eftir glæsilegan sigur á Fram í æsispennandi leik að viðstöddum fjölmörgum áhofendum í íþróttahúsi Vallaskóla á sunnudagskvöldið.

KA menn sóttu okkur Selfyssinga heim á laugardaginn. Fyrirfram var búist við hörkuleik enda KA með marga góða einstaklinga innan sinna raða. Sú varð þó ekki raunin því norðanmenn áttu ekki möguleika gegn heimamönnum sem leiddu í hálfleik 17-11.

Selfoss og Grindavík áttust við í skemmtilegum leik í Lengjubikarnum í dag. Grindvíkingar unnu leikinn 4-3 eftir að liðin höfðu spilað í 45 mínútur án þess að skora. Leikurinn fór fram í Reykjaneshöllinni og var m.a. annar hluti af verkefni hjá Gulla Jóns þjálfara, en hann er nú að taka 7. stigið í þjálfun hjá KSÍ.

Meistaraflokkur Selfoss lék sinn fyrsta opinbera leik í gær þegar þær tóku á móti Sindra frá Hornafirði. Leikurinn var í Deildarbikarnum og gerðu stelpurnar sér lítið fyrir og unnu Sindra 4-1. Byrjunarliðið var eftirfarandi: Dagný, Edda B, Sif, Aníta, Arnheiður, Thelma Sif, Bára Sif, Rakel Ýr, Þóra, Katrín Ýr og Díana.

Selfyssingar leika gegn Grindavík í 4. umferð Lengjubikarsins á sunnudag. Leikurinn hefst kl 16.00 í Reykjaneshöllinni í Keflavík.

Stelpurnar í meistaraflokki kvenna leika sinn fyrsta opinbera leik í 10 ár á laugardaginn. Stelpurnar mæta þá Sindra frá Hornafirði í fyrstu umferð deildarbikarsins og fer leikurinn fram á Selfossvelli og hefst kl. 15.00. Bæði þessi lið munu leika í 1. deild Íslandsmótsins í sumar og eru saman í A-riðli.

Selfyssingar töpuð 3-2 fyrir ÍR-ingum eftir að hafa lent 3-0 undir eftir tæplega 30 mínútna leik. Leikurinn var í Lengjubikarnum og fór fram á ÍR-vellinum í dag. ÍR liðið var mun betra í fyrri hálfleik, en Selfoss átti seinni hálfleikinn.

Páskafrí frá sundæfingum verður sem hér segir: Koparhópur 4.-13. apríl. Bronshópur  4.-13. apríl. Silfurhópur  4.-13. apríl. Gullhópur: 9.-13. apríl. Sundæfingar hjá öllum byrja aftur þriðjudaginn 14. apríl. Sjá nánar hér...

Gamla myndi er af meistaraflokki kvenna 1991. Þetta var öflugur hópur sem lék undir stjórn Kristjönu Aradóttur en hún og Þorgeir Ingi Njálsson eiginmaður hennar sem var formaður deildarinnar á þessum tíma unnu mikið starfs fyrir deildina.

Knattspyrnudeild Selfoss hefur á undanförnum árum staðið fyrir öflugu grasrótarstarfi. Árið 2007 hófust reglulegar æfingar fyrir börn á leikskólaaldri. Æfingarnar hafa gengið vonum framar og eru æfingatímar þessara barna með þeim fjölmennustu og skemmtilegustu hjá deildinni. Að jafnaði eru hátt í hundrað manns á æfingum þegar foreldrar eru taldir með.

Selfyssingar leika sinn þriðja leik í Lengjubikarnum í kvöld fimmtudag gegn ÍR úr Breiðholti. Leikurinn verður á ÍR velli og hefst kl. 18.00. Selfoss og ÍR hafa bæði leikið tvo leiki í Lengjubikarnum og hafa tapað þeim báðum, Selfoss gegn Keflavík og HK, en ÍR gegn Keflavík og Grindavík. Liðin sitja því saman í neðsta sæti riðilsins og má því búast við hörku leik í kvöld.

5. flokkur kvenna spilaði á sínu öðru deildarmóti um helgina, en mótið fór fram í Austurbergi og var í umsjá ÍR. Selfoss-1 vann m.a. Gróttu, Val og Aftureldingu og stóð uppi sem sigurvegari mótsins. Stelpurnar tryggðu sér fyrsta sætið annað deildarmótið í röð og eru í mjög vænlegri stöðu fyrir seinasta mótið. Stelpurnar í Selfoss-2 stóðu sig einnig vel og hafa sýnt miklar framfarir í vetur.

Unglingadómaranámskeið í knattspyrnu verður haldið í Iðu á Selfossi miðvikudaginn 1. apríl kl. 20. Farið verður yfir námsefni og má reikna með að það taki ca. tvo tíma. Viku síðar eða þriðjudaginn 7. apríl kl. 20 verður létt próf á sama stað. Námskeiðið er haldið í samvinnu við KSÍ og mun fulltrúi á þeirra vegum sjá um kennslu og koma með námskeiðsgögn.

Micael sem spilar á línunni hjá Selfoss kom til félagsins 2006 og er að ljúka sínu 3. tímabili. Áður spilaði hann eitt tímabil með ÍBV. Micael er fæddur í Tékklandi og byrjaði að leika handbolta þar. Hann hefur spilað yfir 10 landsleiki fyrir Tékkland. Við lögðum nokkrar spurningar fyrir hann...

Knattspyrnudeild Selfoss hóf í gær markvissa þjálfun fyrir yngri markmenn deildarinnar. Flokkur skipaður markmönnum úr 4. og 3. flokki karla og kvenna munu æfa undir stjórn Elíasar Arnar Einarssonar markmanns meistaraflokks Selfoss fyrir utan æfingar með sínum flokkum.

Að þessu sinni verður megin áhersla lögð á íþróttasálfræði. Aðal fyrirlesari ráðstefnunnar verður Dr. Chris Harwood íþróttasálfræðingur við Loghborough háskólann í Bretlandi. Efni sem Chris Harwood mun fjalla: Fimmtudagur: Íþróttasálfræði fyrir ungt afreksfólk í knattspyrnu. Föstudagur: Rannsóknir á streitu meðal foreldra iðkenda. Laugardagur: Að efla hugræna færni gegnum samskipti þín við iðkendur

Vinsælasti fotboltafréttavefur landsins tók um helgina viðtal við fyrirliða meistaraflokk Selfoss í knattspyrnu. Hér að néðan má sjá viðtalið:

Klikkið hér til að sjá viðtalið. 

Grunnskólamót Árborgar í frjálsum íþróttum verður haldið í 11. sinn fimmtudaginn 2. apríl næstkomandi.  Keppnin fer fram í Iðu (íþróttahúsi Fjölbrautaskóla Suðurlands). Keppni hefst kl. 16.30 í 1.-4. bekk og kl. 18.00 í 5.-10. bekk. Keppt er í eftirfarandi flokkum og greinum hjá stelpum og strákum...

Um þessar mundir eru nokkur fjöldi leikmanna Selfoss í karlaflokki að æfa og spila með landsliðum Íslands og er um að ræða leikmenn í 17 ára, 19 ára og 21. árs og A landsliðum Íslands. Þessir leikmenn eru eftirfarandi:

Föstudaginn 27. mars bjóða Selfoss-Getraunir og 2. fl. kvenna og karla til glæsilegs hátíðarkvöldverðar í Tíbrá. Við viljum biðja þig að gera félaginu okkar þann heiður að mæta í Tíbrá milli kl. 20:00 og 22:00 og eiga með okkur skemmtilega kvöldstund. Við mælumst til þess að þú takir fjölskylduna með þér og gerir samkomuna þannig enn skemmtilegri fyrir okkur öll.

Lið Selfoss 91 og 92 töpuðu bæði fyrir FH síðasstliðinn föstudaginn. 91 tapaði 29-27 eftir að staðan var 16-14 í hálfleik, en 92 tapaði 34-26 eftir að staðan var 17-13 í hálfleik.

Þegar ein umferð er eftir af Íslandsmeistaramótinu í yngri flokknum í handbolta, er Selfoss með mjög góða stöðu í 6. flokki drengja og 5. flokki stúlkna, eldra ári. Í þessum flokkum er Selfoss með nokkuð örugga forustu. Í 5. flokki pilta eldra ár er Selfoss komið upp í 4. sæti eftir góða frammistöðu um helgina og 6. flokka stelpurnar hafa einnig staðið sig vel. Strákar og stelpur í 5. flokki yngra ár keppa síðan um næstu helgi og eru líka bæði í toppbaráttu. Hér fyrir neðan má sjá stöðuna í þessum flokkum.. .

Landsbankamótið í 5. flokki pilta (fæddir 1995) fór fram á Selfossi um helgina. Alls voru 30 lið skráð til leiks og leiknir 120 leikir í íþróttahúsi Vallaskóla og íþróttahúsinu Iðu. Mótafyrirkomulag var þannig að leikið var í sex deildum, 1. deild, 2. deild A og B, 3. deild A og B og 4. deild. Þetta er sjöunda árið í röð sem Landsbankamótið er haldið á Selfossi. Mikil hefð er komin á mótahaldið og gekk skipulagið mjög vel fyrir sig.

Selfyssingar tóku á móti Tindastól frá Sauðakróki í Kórnum í dag. Selfoss vann öruggann sigur 3-0 og voru öll mörkin skoruð í fyrri hálfleik. Byrjunarlið Selfoss var skipað eftirtöldum leikmönnum: Elli, Jón Sveins, Stefán Ragnar, Agnar Bragi, Andri Freyr, Gummi Sig, Gummi Tóta, Einar Ottó, Ingó Tóta, Jón Guðbrands og Ingþór. Varamenn: Jói, Jón Daði, Arilíus, Siggi Eyberg, Ólafur Tryggvi og Arnar Freyr.

7.flokkur kvenna keppti í gær á litlu vinamóti í Kórnum í Kópavogi. Þær voru í feiknarstuði og spiluðu andstæðinga sína hreinlega upp úr skónum. Þær spiluðu nokkra leiki en auk Selfoss-stelpna voru lið Breiðabliks, HK og Grindavíks mætt til leiks. MYNDIR

 

Deildarmót 5. flokks karla, eldra ár, fór fram á Selfossi um helgina. Hér eru úrslit leikja...

7 af 8 keppendum á verlaunapall á Íslandsmeistaramóti í Taekwondo sem fram fór í Iðu um síðustu helgi.

 

Gunnlaugur Jónsson hefur þekkst boð frá John Peacock og enska knattspyrnusambandinu um að fylgjast með æfingum hjá u-17 ára landsliði þeirra, en æfingarnar verða helgina 20.-22. mars. Þetta verður væntanlega mikill skóli fyrir Gulla, en hann er að taka sín fyrstu spor sem þjálfari og gerði tveggja ára samning við Selfoss síðastliðið haust.

2. flokkur er heldur betur á góðri siglingu þessa dagana. Það sem af er mars mánaðar höfðu þeir unnið Val og Fram á útivelli með 8 mörkum og HK með 10 mörkum á heimavelli. Nú var röðin kominn að því að fara norður að spila við topplið Akureyrar. Akureyri hefur leitt deildina sannfærandi í allan vetur og eiga deildarmeistaratitilinn vísan.

Aðalfundur handknattleiksdeildar Ufm. Selfoss verður haldinn í Tíbrá í kvöld og hefst fundruinn kl. 21:00. Á dagskrá eru venjuleg aðalfundarstörf samkvæmt 13. grein laga félagsins. Viljum hvetja sem flesta til að mæta.

Guðmunda Brynja Óladóttir var valin á landsliðæfingar u16 liðs KSÍ. Æfingarnar fara fram laugardaginn 21. og sunnudaginn 22. mars. Þjálfari u16 liðsins er Þorlákur Árnason.

Ungmennafélagið Þór í Þorlákshöfn hélt byrjendamót í hópfimleikum 15. mars sl. Á mótinu kepptu 12 lið frá 5 félögum og voru keppendur á aldrinum 8 - 13 ára. Fimleikadeild Selfoss sendi tvö lið til þátttöku sem voru bæði að keppa á sínu fyrsta hópfimleikamóti utan heimavallar. Það var hópur HB1, stúlkur fæddar árið 2000 og hópur F1, stúlkur fæddar árið 2001 og voru þetta jafnframt yngstu liðin á mótinu. 

Stelpurnar okkar í 4. flokki lögðu ÍR mjög sannfærandi síðastliðinn sunnudag. Stelpurnar héldu áfram að spila mjög framliggjandi vörn með þær Hönnu, Kristrúnu og Estheri í fararbroddi. Við þeirri vörn höfðu ÍR stelpurnar fá sem engin svör og öll 5 mörkin sem þær skoruðu í fyrri hálfleik komu eftir víti eða hnoð þar sem að ÍR stelpurnar fengu frákast eða boltinn datt fyrir þær. Sóknarleikurinn hjá Selfoss var aftur á móti með ágætum og náðu stelpurnar að skapa sér ýmis færi úr flestum stöðum og var staðan í hálfleik 14-5 fyrir Selfoss.

Stelpurnar í 2. flokki halda áfram að gera góða hluti í Faxaflóamótinu. Í kvöld tóku þær á móti Haukum í Hafnarfirði og unnu 1-2 í miklum baráttuleik. Byrjunarlið Selfoss var skipað eftirfarandi leikmönnum: Dagný, Edda B., Bára Sif, Sif Sigurðar, Íris Gísla, Thelma Sif, Rakel Ýr, Íris Sverris, Elsie Kristins, Aníta Kristjáns og Katrín Ýr. Varamenn: Unnur Borgþórs, Herdís Rúts, Guðrún Ásta, Hanna Einars og Erna Kristín.

Úrslit Selfossmeistaramótsins í sundi sem fram síðasta laugardag eru kominn inn á vef Sunddeildarinnar. Úrslitin er að finna undir úrslitasíðunni.

Nýverið var undirritaður styrktarsamningur á milli handknattleiksdeildar Umf. Selfoss og Olís. Með samningnum er staðfestur stuðningur olís við handboltastarfið á Selfossi. Á meðfylgjandi mynd handsala Ingvar Guðmundsson, Olís og Jón Ragnar Ólafsson frá handknattleiksdeildinni samninginn.

Í gær vann 2. flokkur lið HK á heimavelli 40-30. Sigurinn var aldrei í hættu því að heimamenn réðu ferðinni frá upphafi. Liðið spilaði vel og allir liðsmenn að skiluðu sínu hlutverki vel. Liðið virkar þétt og öruggt í sínu spili enda veitir ekki af þar sem framundan eru leikir við þrjú af bestu liðinum í deildinni.

Alls þreyttu 43 einstaklingar beltapróf í Iðu um helgina og stóðust allir prófið með glans. Þeir iðkendur sem eldri eru fengu óvænt en skemmtilegt próf því hluti prófsins fór fram utandyra þar sem fólk gerði form skó og sokkalaust í snjónum. Einnig brutu hærribeltingarnir spítur utandyra og allar armbeygjur voru gerðar úti. Þetta átti að sýna að við getum ekki alltaf átt von á árás við bestu aðstæður, heldur einnig illa klædd.

Harðarmenn frá Ísafirði heimsóttu Selfoss2 í gær og fór leikurinn fram strax á eftir leik eldra liðsins. Afar gaman er að sjá að menn leggi rækt við handboltann á Ísafirði og vonandi mun það starf ganga og blómstra. Selfyssingar virkuðu aftur á móti afar áhugalausir og léku arfaslaka vörn. Þeir nenntu ekki að spila hraðan leik sem hefur hingað til fært þeim auðveldari mörk en ella. Í leikhléi stóð 17-10 en leiknum lauk 33-16.

Selfoss-91 vann Þór frá Akureyri í hörkuleik á Selfossi 33-31. Í hálfleik stóð 19-15 fyrir heimamenn eftir að þeir höfðu mest náð átta marka forystu 17-9. Síðustu átta mínútur hálfleiksins skoruðu Þórsarar 6-2 og munaði þar miklu um klaufaleg mistök Selfyssingar sem gáfu Þórsurum mörg auðveld mörk í kjölfarið.

Selfoss-92 vann í gær UMFA 30-22 eftir að staðan í hálfleik hafði verið 15-11. Selfoss fór vel af stað og komst í 6-1 og 12-6, en þá skoruðu gestirnir fimm mörk án þess að heimamenn næðu að svara. Í síðari hálfleik var munurinn á bilinu 3-5 mörk, en Selfoss komst í átta marka mun 27-19 og sá munur hélst út leikinn.

Í gærkvöldi vann Selfoss lið Hauka U 25 - 38. Staðan í hálfleik var 13 - 16. Í byrjun seinni hálfleiks bættu Selfyssingar í og leikurinn var afgreiddur á 10 mínútum. Það dugði að þessu sinni. Enn og aftur vantaði í liðið vegna meiðsla en kom ekki að sök frekar en hingað til.

Á 57. Sundþingi sem fram fór dagana 27. – 28. febrúar síðastliðinn var stjórn SSÍ falið að skipa áhugafólk í sundknattleiksnefnd til að vinna að frekari uppbyggingu sundknattleiksíþróttarinnar á íslandi. Stjórn SSí hefur nú auglýst eftir áhugasömum aðilum til að koma í sundknattleiksnefnd og/eða eftir tillögum frá varðandi útbreiðslu sundknattleiks. Ef einhverjir innan Umf. Selfoss hafa áhuga eða hugmyndir/tillögur er um að ger að senda póst á sundsamband@sundsamband.is

Í kvöld kl. 20.45 leikur 92-lið okkar á Selfossi gegn UMFA úr Mosfellsbæ. Gestir okkar hafa fínu liði á að skipa og eru þjálfaðir af Karli Erlingssyni, en hann er afar fær þjálfari og hefur gert marga góða hluti fyrir íslenskan handbolta. Fyrri leik liðanna lauk með öruggum sigri okkar manna að Varmá í Mosfellsbæ. Lið Selfoss hefur breyst talsvert síðan þá og er því spurning hvað verður í kvöld.

Alls eru 96 keppendur skráðir á Íslandsmeistaramót TKÍ í sparring sem fer fram í Iðu 14. mars. Keppendurnir koma frá 9 félögum víðs vegar af landinu. Keppt verður í +30 ára flokki í fyrsta sinn og hafa nokkrir keppendur skráð sig í þann flokk, bæði konur og karlar. Einnig verður beltapróf á sunnudeginum þar sem 46 iðkendur frá Selfossi þreyta próf.

 

Fyrir skömmu hófst skráning á Olísmótið sem haldið verður á Selfossi 7.-9. ágúst í sumar. Fyrstu félögin til að skrá lið í mótið voru Álftanes, Grótta og KR. Þátttaka takmarkast við 40 lið og má því búast við að mótið fyllist miðað við áhuga sem félög hafa sýnt. Olísmótið er nú haldið í fimmta skipti og er orðið að árvissum viðburði á Selfossi. Dagskrá verður með svipuðu sniði og í fyrra.

Í byrjun árs ákvað knattspyrnudeild Selfoss að koma til á móts við foreldra og bæjarfélagið með niðurfellingu æfingagjalda í yngsta aldursflokki. Með þessu framsýna framtaki vonast deildin til þess að öll börn á leikskólaaldri í Árborg hafi jafna möguleika til íþróttaiðkunar og að foreldrar sjái möguleika til að verja meiri tíma með barni sínu. Einnig hefur deildin ákveðið að hækka ekki æfingagjöld annarra flokka á þessu misseri.

Síðasta laugardag fóru stelpurnar í 3. flokki í Digranesið og unnu þar góðan sigur á útivelli 22-28. Framfarirnar halda áfram og alltaf fleiri og fleiri leikmenn að taka þátt í aðgerðum liðsins. Það má því segja að breiddin sé að aukast í liðinu sem eru frábærar fréttir.

Mátun og pantanir á nýjum Selfoss-fimleikabolum fyrir stráka og stelpur verður í Baulu miðvikudaginn 18.mars frá 16:30-18 og mánudaginn 23.mars frá 15:00-16:30. 
Stjórn fimleikadeildar Umf.Selfoss

Skemmtileg og jákvæð frétt birtist af meistaraflokki karla á Selfossi á fréttavefnum sunnlendingur.is í dag. Þar er nýstárleg leið sem Selfyssingar fara í fjáröflun fyrir æfingaferð sína þetta árið. Með því að klikka´"hér" er hægt að sjá fréttina á sunnlendingur.is.

Selfoss og FH léku á Selfossvelli í 2. flokki kvenna í kvöld. FH-ingar unnu leikinn 2-3 með tveimur mörkum í restina, eftir að Selfyssingar höfðu leitt mest allan leikinn. Í byrjunarliði Selfoss voru: Dagný, Edda, Íris Gísla, Bára, Unnur, Thelma Sif, Rakel, Íris Sverris (3.fl) Guðrún, Elsí og Erna Kristín. Varamenn: KatrínÝr,Hanna, Jóna, Anna (3.fl.) og Bríet (3.fl.).

Í gær, sunnudag, unnu strákarnir í 2. flokki Fram 27 - 35 á útivelli. Í lið Selfoss vantaði Baldur, Hemma og Gumma vegna meiðsla og Sjóli var veikur. Þá spilaði Helgi bara 5 mín. en hann missteig sig illa á föstudaginn í leiknum við ÍR. Leikurinn var jafn til að byrja með en svo skildu leiðir.

Síðast liðið föstudagskvöld vann M.fl. lið ÍR 29 - 26 eftir að staðan í hálfleik hafði verið 16 -13 fyrir okkar menn. Sigurinn var mikilvægur í baráttunni um 2 sætið í deildinni. Selfoss hefur nú 4 stiga forskot á ÍR og UMFA þegar 3 umferðir eru eftir af deildinni. 

Lesendur síðunar hafa sent inn spurningar fyrir Gunnlaug Jónsson þjálfara karlaliðs Selfoss í knattspyrnu. Margar athygglisverðar spurningar hafa borist og fékk Gulli þær fyrir helgi og er nú búinn að svara þeim. Hér að neðan eru spurningarnar sem Gulli fékk og svörin við þeim.

Selfyssingar tóku á móti Keflavík í gær sunnudag í öðrum leik liðanna í Lengjubikarnum. Keflvíkingar voru betri í fyrri hálfleik og hélt Jói markmaður Selfyssingum inn í leiknum, eða allt þar til á 39. minútu. Þá skoruðu Keflvíkingar þrjú mörk á fjórum mínútum og gerðu nánast út um leikinn. Selfyssingar tók sig á í seinni hálfleik og endaði leikurinn 4-2 fyrir Keflavík.

Bræðurnir Hrólfur og Njáll Árnasynir syntu 100m skriðsund um helgina á Vormóti Fjölnis í Laugardalslauginni. Báðir bættu sig stórkostlega og synti Hrólfur langt undir lágmarki fyrir AMÍ. Hann bætti sig um 5 sekúndur en Njáll bætti sig um 6 sekúndur. Sunddeild Selfoss heldur meistaramót sitt á laugardaginn og hefur sú nýbreytni átt sér stað að mótið er löglegt í alla staði og verður viðurkennt af Sundsambandi Íslands.

Selfoss hélt áfram sigurgöngu sinni á Bikarmóti FSÍ í hópfimleikum sem fram fór í Ásgarði í Garðabæ laugardaginn 7. mars s.l. Keppt var í Úrvalsdeild í þremur flokkum, flokki 11-15 ára, 13-18 ára og svo í meistaraflokki 16 ára og eldri. Ein gull- og tvenn silfurverðlaun náðust á skemmtilegu og spennandi móti.

Daníel Jens Pétursson hefur verið valinn til að vera fyrirliði í landsliði Íslands í taekwondo í flokki juniora & -21 árs. Valið fór fram eftir úrtökuæfingar landsliðsins. Daníel Jens hefur undanfarin ár æft með landsliðinu, fyrst unglingalandsliðinu og síðan A-landsliðinu.

Fjölþrautarkonan Ágústa Tryggvadóttir Umf. Selfoss er í miklum ham þessa dagana. Hún keppti í 200m hlaupi á 5. Coca cola móti FH þann 26. febrúar sl og bætti 5 daga HSK-met Fjólu Signýjar Hannesdóttir um 12 sekúndubrot þegar hún hljóp á tímanum 26,76s. Fjórum  dögum síðar eða þann 2. mars keppti hún sem gestur á Reykjavíkurmeistaramótinu í frjálsum íþróttum og sló ársgamalt HSK-met Agnesar Erlingsdóttir um rúmar 2 sekúndur er hún hljóp 400m á tímanum 62,75s. Innanhúskeppnistímabilinu er nú lokið hjá Ágústu og stífar æfingar framundan og meðal annars æfingabúðir í Portúgal um páskana.

Á þriðjudagskvöldið unnu strákarnir í 2. flokki Val 24 - 32. Staðan í hálfleik var 15 - 13 fyrir Val. Okkar menn voru frekar rólegir í fyrri hálfleiknum en allir voru sammála um það í hálfleik að spýta aðeins í lófana og klára seinni hálfleik með sóma.

Byrjenda- og framhaldsnámskeið fyrir börn frá 2ja mánaða til 5 ára hefjast 19., 20. og 21. mars n.k. Skráning og upplýsingar eru í síma 482 2808 og 848 1626. Guðbjörg H. Bjarnadóttir, íþróttakennari, Sunddeild Umf. Selfoss sér um námskeiðin. 

Aðalfundur Sunddeildar Umf. Selfoss verður haldinn mánudaginn 9. mars n.k. í Tíbrá. Fundurinn hefst kl. 20:00. Á dagskrá eru hefðbundin aðalfundarstörf.

Stelpurnar í 4. flokki gerðu sér ferð í Digranes um helgina og sótti þangað 2 stig. Fyrri hálfleikur var mjög jafn og spiluðu stelpurnar nýja vörn eða svo kallaða 3-3 vörn og gekk hún mjög vel. Mikið af fríköstum fengust og HK-stelpurnar komust ekki langt. Í fyrrihálfleik skiptust liðin á að skora þótt að Selfoss hefði alltaf verið skrefinu á undan. Okkar stelpur tóku síðan góða rispu í lok hálfleiksins og skildu fjögur mörk liðin að í leikhléi, 12-8. Í seinni hálfleik var svipað upp á teningnum og gáfu okkar stelpur aldrei færi á sér. Leikurinn endaði síðan 20-15.

Bikarmót í hópfimleikum verður haldið í Ásgarði í Garðabæ laugardaginn 7. mars. Keppt verður um bikarmeistaratitil í þreimur flokkum þ.e. 1. flokki, 2.flokki og meistaraflokki. Selfoss á lið í öllum flokkum og munu stúlkurnar mæta einbeittar til keppni í Garðabæinn á laugardag. Við hvetjum alla til að koma og styðja við bakið á stelpunum í spennandi keppni. Mótið gengur mjög hratt fyrir sig og er áhorfendavænt. Nánari dagskrá má finna hér fyrir neðan:

Katrín Ösp Jónasdóttir fimleikakona úr Umf. Selfoss var kosin Íþróttamaður HSK árið 2008, en kjörið var kunngjört á Hótel Hvolsvelli s.l. laugardag.

 

Gamla myndin að þessu sinni er af 4. flokki kvenna sem varð íslandsmeistari einhvern tíma á níunda áratug síðustu aldar. Þessi hópur var undir stjórn Gríms Hergeirssonar og þrjár af stelpunum, þær Hulda Bjarnadóttir, Auður Hermannsdóttir og Inga Fríða Tryggadóttir, áttu síðar eftir að leika með A-landsliði Íslands.

Það var mikill fengur í því að fá Dag Sigurðsson landsliðsþjálfara Austurríkis og verðandi þjálfara úrvalsdeildarliðs Fusche Berlin í Þýskalandi til að taka æfingu hjá okkur í handboltaakademíunni. Æfingin gekk vel og var margt sem strákarnir lærðu af því að fá hann i heimsókn.

Á héraðsþingi HSK sem haldið var á Hvolsvelli á laugardaginn fékk taekwondodeild Umf. Selfoss viðurkenningu sem fyrirmyndardeild ÍSÍ. Er þetta fimmta deildin innan félagsins sem lýtur þessa útnefningu. Þrettán fulltrúar mættu á þingið frá Umf. Selfoss. Selfoss varð sitgahæsta félag innan HSK annað árið í röð og fimleikadeildin fékk foreldrabikar HSK. Þá var Tómas Jónsson heiðursfélagi Umf. Selfoss útnefndur öðlingur ársins.

Selfoss tapaði fyrir Haukum 30 - 32 í 2. flokki karla. Haukar sem eru með gott lið og eru í baráttunni við Selfoss um sæti í 4 liða úrslitum stálu sigrinum í lokin en þeir komust í eina skiptið yfir í leiknum þegar innan við mínúta var eftir af leiknum.

Gunnlaugur Jónsson mun halda opinn fund með sponsorum, stuðningsmönnum og stjórnarmönnum Selfossliðsins í knattspyrnu. Fundurinn verður haldinn í Tíbrá þriðjudaginn 3. mars kl. 20.00. Gunnlaugur mun meta stöðu liðsins í dag og fara yfir hvernig hann sér sumarið fyrir sér. Eins verður opið fyrir spurningar úr sal og eru allir þeir sem láta sér annt um fótboltann á Selfossi hvattir til að mæta.

Strákarnir í meistaraflokki leika fyrsta æfingaleik sinn á Selfossvelli nú á mánudag. Leikurinn verður á gervigrasinu og hefst kl 19.00. Þá kemur í heimsókn nýsameinað lið ÍH-Hamrana-Vina sem leika í 2. deild í sumar. Þetta lið á rætur í Hafnafjörð og á Akureyri. Þjálfari ÍH-Hamranir-Vinir er Mikael Nikulásson, en hann lék með liði Selfossi í kringum aldamótin síðustu.

Ingvi Rafn Óskarsson hefur verið valinn til að æfa með u-17 ára landsliði Íslands. Ingvi Rafn er miðjumaður hjá 3. og 2. flokki Selfoss. Hann spilaði einnig sinn fyrsta meistaraflokksleik fyrir Selfoss er liðið tapaði fyrir HK í æfingaleik fyrir áramót. Æfingar u-17 ára liðsins fara fram í Kórnum og í Egilshöll nú um helgina.

87. héraðsþing Héraðssambandsins Skarphéðins verður haldið í grunnskólanum á Hvolsvelli á laugardag og hefst kl. 10:00. Afhending þinggagna er frá kl. 9:30. Umf. Selfoss mun mæta með fullmannaða sveit sem eru 13 fulltrúar. Á þinginu kemur út ríkulega myndskreytt ársskýrsla um starfsemi HSK á liðnu ári. Auk hefðbundinna þingstarfa verður Íþróttamaður HSK 2008 kjörinn á þinginu.  Fimm manna valnefnd sá um að velja íþróttamann líkt og undanfarin ár, en alls voru 18 íþróttamenn í jafn mörgum greinum tilnefndir. Hafa þeir allir verið boðaðir á verðlaunahátíð HSK sem haldin verður á Hótel Hvolsvelli við Hlíðarveg kl. 15:15 á laugardag.

ÍSÍ stendur fyrir fræðslukvöldum á nsætunni og verður það fyrsta fimmtudaginn 5. mars kl. 17-21 í Reykjavík. Hvert fræðslukvöld er 5 kennslustundir. Fræðslukvöld þessi eru liður í þjálfaramenntun 2. stigs ÍSÍ en eru engu að síður öllum opin, s.s. iðkendum, stjórnendum, foreldrum og hverjum þeim sem áhuga hafa. Annars eru námskeiðin eftirfarandi...

91-lið okkar Selfyssinga sótti Valsmenn heim að Hlíðarenda í gærkvöld en þar eru heimamenn ávallt erfiðir viðureignar. Heimamenn byrjuðu mun betur í leiknum og komust fljótlega í 5-1 og virtust okkar drengir ekki ætla að byrja þenna leik. Í stöðunni 7-5 fyrir Valsmenn breyttu okkar menn stöðunni í 7-9 sér í hag, en Valsmenn svöruðu með þremur mörkum og komust yfir á ný. Okkar drengir svöruðu með þremur mörkum til baka og leiddu svo í hálfleik 12-14.

 

Selfyssingar unnu Keflavík 3-4 í mfl. kvenna í Reykjaneshöllinni í æfingaleik liðanna í dag. Stelpurnar spiluðu mjög vel í leiknum. Rétt er að geta þess að Keflavík spilar í efstu deild. Byrjunarlið Selfoss var skipað eftirtöldum leikmönnum: Dagný, Arnheiður, Anita, Sif, Hafdís Jóna, Telma, Bára, Rakel G, Þóra, Katrín og Rakel Páls. Varamenn: Sunna, Þóra G, Erna Kristín, Díana og Unnur.

2. flokkur vann leikinn 36 - 26 en staðan í hálfleik var 17 - 14 fyrir Selfoss. Eftir þokkalegan fyrri hálfleik þá settu Selfyssingar í 5 gír og skelltu jafnframt í lás í vörninni. Valur náði aðeins að skora 4 mörk á fyrstu 20 mín. seinni hálfleiks, en þá var staðan orðin 29 - 18. Eftir það jafnaðist leikurinn.

Sundæfingar falla niður miðvikudaginn 25. febrúar n.k. en þá er öskudagurinn.
Góða skemmtun. Bryndís og Hrafnhildur, þjálfarar

Í gær sótti 91-liðið Framara heim í Safamýri. Selfyssingar voru talsvert betri í leiknum en sú frammistaða dugði þó aðeins fyrir einu stigi. Er 20 mínútur voru til leiksloka var staðan 26-17 fyrir Selfoss en leikurinn endaði 38-38. Í hálfleik stóð 21-13 fyrir Selfoss. Síðuritari innti Arnar þjálfara eftir útskýringum á því hvað gerðist:

Selfyssingar sóttu HK heim í Kórnum í Kópavogi í fyrsta leik liðana í Lengjubikarnum. HK vann leikinn 2-1 og voru Selfyssingar óheppnir að taka ekki alla vega annað stigið. Byrjunarlið Selfoss var skipað eftirtöldum leikmönnum: Elli, Siggi Eyberg, Gulli Jóns, Stefán Ragnar, Ólafur Tryggvi, Jón Daði Ingó, Agnar Bragi, Ingþór, Einar Ottó og Jón Guðbrands. Leikkerfið 4-5-1 var notað.

Selfoss kom sá og sigraði á Íslandsmóti FSÍ í hópfimleikum sem haldið var á Selfossi um helgina.  Keppnin var tvískipt.  Annars vegar var keppt eftir landsreglum í þremur aldursflokkum og eftir alþjóðlegum reglum í tveimur flokkum.  Í flokki Team-gym sem eru alþjóðlegu reglurnar var keppt um íslandsmeistaratitil 13-18 ára en í flokki landsreglna var keppt um að komast áfram á íslandsmót í landsreglum hópfimleika sem haldið verður í Gerplu 18.apríl næstkomandi.

Jóhann Ólafur Sigurðsson gekk í dag í raðir Selfyssinga frá Fylki. Jóhann Ólafur spilaði með Selfoss upp alla yngri flokkana, en fór í Fylki árið 2004 og hefur spilað nokkra leiki með þeim í efstu deild. Í fyrra var hann lánaður hluta af keppnistímabilinu til Selfoss og spilaði 12 leiki.

Sævar Þór Gíslason tók í dag fram takkaskóna á nýjan leik. Sævar hugðist hætta eftir síðasta tímabil en hefur nú, eftir mikinn þrýsting ákveðið að taka fram skóna á nýjan leik. Þetta er mikið ánægjuefni fyrir Selfyssinga og skiptir miklu máli fyrir sumarið. Sævar verður þó ekki með í fyrsta leik Selfyssinga í Lengjubikarnum sem fram fer í dag, sunnudag kl. 16.00 í Kórnum. Hér að neðan má lesa viðtal við Sævar Þór sem birtist á fotbolti.net í gær. Við þetta sama tilefni skrifaði einn okkar efnilegasti knattspyrnumaður undir samning, en það er sóknarmaðurinn Jón Daði Böðvarsson. En Jón Daði skoraði sitt fyrsta mark fyrir meistaraflokk í æfingaleik á dögunum.

Stelpurnar í 2. flokki Selfoss byrjuðu vel í Faxaflóamótinu. Eftir góðan sigur á Stjörnunni í síðustu viku, unnu þær HK-Víking 1-5 í dag. Byrjunarlið Selfoss var skipað eftirtöldum leikmönnum: Dagný, Edda, Herdís, Sif, Íris G, Rakel G, Thelma, Bára, Erna, Katrín og Elsie. Varamenn: Unnur, Aníta, Guðrún og Brynja.

Þann 13.-15. febrúar s.l. fór Gullmót KR fram í Laugardalslaug í Reykjavík. Sunddeild Selfoss sendi 10 keppendur á aldrinum 10-15 ára. Árný Oddbjörg Oddsdóttir og Hrólfur Laugdal Árnason náðu lágmörkum í einni grein hvort, inn á Aldursflokkameistaramót Íslands (AMÍ) sem er stærsta barna- og unglingamót hérlendis. Þau vantar 2-4 sek. upp á að ná lágmörkum í öðrum greinum.

Selfoss vann Þrótt í gærkvöldið 49 - 25 en staðan í hálfleik var 25 - 11. Sannfærandi sigur þar sem liðið slakaði ekkert á nema þá helst síðustu mínútur leiksins. Marga fastamenn vantaði í liðið og allir fengu mikið að spila. Ekki munaði miklu að liðið næði 50 mörkunum en skot Guðmundar á lokasekúndunum for í stöngina. Það hefði þá orðið 20 mark hans í leiknum hefði hann skorað.

Hið eiginlega keppnistímabil Selfossliðsins hefst um helgina, en þá er fyrsti leikur þeirra í Lengjubikarnum. Sá leikur er gegn HK og fer fram í Kórnum í Kópavogi og hefst kl. 16.00 á sunnudag. Strákarnir lofa hörku leik og er allir hvattir til að mæta.

Íslandsmótið í fjölþrautum fór fram í Frjálsíþróttahöllinni í Laugardalnum 14.-15. febrúar síðastliðinn. Frjálsíþróttadeild Umf. Selfoss sendi þrjár stúlkur til leiks sem allar stóðu sig frábærlega vel. Ágústa Tryggvadóttir varð hlutskörpust kvenna í greinunum fimm og varð Íslandsmeistari. Hún bætti sinn fyrri árangur um 253 stig er hún náði 3809 stigum og setti um leið glæsilegt HSK og Selfossmet. Fjóla Signý Hannesdóttir keppti við Ágústu í kvennaflokki og varð í öðru sæti. Franziska Jóney Pálsdóttir, 14 ára, keppti í meyjaflokki. Þetta var hennar fyrsta þraut og uppskar hún 2540 stig sem er Selfossmet í meyjaflokki.

Nú er Lengjubikarinn að byrja, fyrsti leikur er gegn HK í Kórnum á sunnudag kl. 16.00. Ljóst er að stuðningsmenn Selfossliðsins bíða spenntir eftir að sjá liðið og hvernig það kemur undan vetri. Gunnlaugur Jónsson þjálfari Selfyssinga ætlar að leyfa mönnum að skyggnast inní klefann og mun svara spurningum lesenda umfs-síðunar.

Í gærkvöldi töpuðu strákarnir í 2. flokki fyrir Akureyri 37 - 30 í undanúrslitum bikarkeppninnar. Eftir góðan fyrri hálfleik sem endaði 14 - 15 fyrir Selfoss þá sátu okkar menn eftir og spiluðu skelfilega í síðari hálfleik. Vörn og markvarsla var í molum og sóknarleikurinn mjög ómarkviss. Allt of fáir áttu góðan dag í liðinu og því er Akureyri komið verðskuldað í úrslitaleikinn.

Strákarnir í meistaraflokki Selfoss léku um helgina æfingarleik við Aftureldingu og unnu öruggan 1-3 sigur. Byrjunarlið Selfoss var skipað eftirtöldum leikmönnum: Elli, jón Sveins, Gulli, Stefán Ragnar, Ólafur Tryggvi, Agnar Bragi, Einar Ottó, Ingó Tóta, Gummi Tóta, Jón Daði og Jón Guðbrands.

Guðmunda Brynja Óladóttir var valin til úrtaksæfinga fyrir u-17 ára landslið KSÍ. Æfingar verða í Kórnum á laugardag kl. 13.30 og í Egilshöll á sunnudag kl. 09.00.

4. flokkur kvenna spilaði 2 leiki um helgina. Fyrst á föstudeginum gegn ÍBV á heimavelli og síðan á sunnudeginum gegn FH í Kaplakrika. Leikurinn á móti ÍBV byrjaði mjög vel og komust okkar stelpur í 4-1. Þá slökuðu þær á og staðan í hálfleik því 8-6. Í seinni hálfleik spiluðu stelpurnar alveg skelfilega og náði ÍBV að jafna leikinn. En með smá vilja þá komust Selfoss stelpurnar framúr og kláruðu leikinn 13-11.

Stelpunar í 2. flokki Selfoss fara vel af stað í Faxaflóamótinu í ár. Um helgina mættu þær Stjörnunni, sem fyrirfram er talið með eitt af öflugustu liðum landsins. Selfyssingar gerðu sér lítið fyrir og unnu leikinn 1-2 eftir mikla baráttu.

Strákarnir í 2. fl. hafa heldur betur snúið við blaðinu og eru nú komnir í 3. sæti í deildinni. Um helgina unnu þeir UMFA 33-23 eftir að staðan í hálfleik hafði verið 13-12 fyrir heimamenn. Þrátt fyrir að vera í 3. sætinu eru ekki nema 2 stig í 10. sætið, þannig að þeir verða að vera á tánum í næstu deildarleikjum.

Búið er að draga í bikarkeppni KSÍ fyrir tímabilið 2009. Strákarnir fara í efra Breiðholt og leika þar við Leikni og fer leikurinn fram 2. júní.

Í gærkvöld komu ÍR-ingar í heimsókn til Selfoss og öttu þar kappi við heimamenn. Leikirnir voru tveir og unnu okkar menn þá báða, með afar misjafnri spilamennsku þó. 91-liðið lék fyrri leikinn og vann 25-24 í afar lélegum leik þar sem varnarleikurinn var hörmung, þrátt fyrir að fá aðeins 24 mörk á sig. 92-drengirnir unnu 39-23 og var sigurinn aldrei í hættu né nokkur spurning í þeim leik.

Íslandsmót unglinga í hópfimleikum verður haldið 21. og 22. febrúar á Selfossi í umsjón fimleikadeildar UMFS. 51 lið eru skráð til keppni sem gerir mótið að því fjölmennasta hjá Fimleikasambandinu. Fimleikadeild Selfoss á keppnislið í öllum flokkum keppninnar, samtals 11 lið. Keppt er eftir landsreglum í þremur flokkum og eftir Teamgym-reglum (Evrópureglum) í tveimur flokkum. Krýndir verða Íslandsmeistarar unglinga í síðasta hluta mótsins (team-gym) sem er eftir hádegi á sunnudeginum 22. febrúar og hefst kl. 16:10. Selfoss á tvö lið sem keppast um þann titil ásamt öðrum liðum. Í flokki landsreglna munu sex efstu lið óháð aldri komast áfram á íslandsmót í landsreglum sem haldið verður 18.apríl í Versölum Kópavogi. Nánari tímaáætlun:

Gamla myndin í dag er af meistaraflokki karla í handbolta veturinn 1988-1989. Þjálfari á þessum tíma var Guðmundur Magnússon (Dadú). Þarna eru kappar eins og Magnús Sigurðsson, Einar Gunnar Sigurðsson, Sigurður Þórðarson, Grímur Hergeirsson o.fl.

Fyrir stuttu fór Orri Davíðsson alla leið til Nýja Sjálands, en lengra er víst ekki hægt að komast frá Íslandi. Orri verður þar sem skiptinemi í 11 mánuði. Við vonum að hann byrji að stunda handbolta að nýju er hann kemur aftur. Annars er ekki ósennilegt að hann muni kenna þeim í Hringadróttinssögulandinu hvernig á að spila hina göfugu íþrótt handbolta.

Guðmundur Þórarinsson hefur verið valin í U-19 ára landsliðshóp, en 20 strákar voru valdir í hópinn. Athugli vekur að Gummi er ennþá 16 ára, en hann verður 17 ára þann 15. april og getur þá tekið bílprófið. Æfingar hjá strákunum verða í Kórnum og Egilshöll um helgina. Þjálfari strákanna er Kristinn Rúnar Jónsson.

Strákarnir í meistaraflokki Selfoss mæta Aftureldingu í Kórnum í Kópavogi sunnudaginn 15. febrúar. Leikurinn hefst kl. 18.30 og er um æfingaleik að ræða, sem þýðir að allir fá að spila.

Stelpunar í meistaraflokki Selfoss kepptu í gær við ÍA uppi á Akranesi og endaði leikurinn 1-1 eftir að Selfyssingar höfðu komist yfir. Þetta var fyrsti leikur hjá nýjum þjálfara Selfoss, Halldóri Björnssyni. Byrjunarlið Selfoss var skipað eftirtöldum stelpum: Dagný, Edda, Aníta, Sif, Rakel Gunnlaugs, Jóna, Telma, Bára, Katrín, Þóra, Rakel Páls. Notaðir varamenn:DÍANA Arnheiður, Íris, Erna Kristín, Unnur og Elsí. Fyrirliði Selfyssinga var Aníta Guðlaugsdóttir.

Grótta vann Selfoss í gærkvöldi 32-31 og kom sigurmarkið úr víti þegar leiktíminn var liðinn. Það þýðir að Selfoss þarf að fara í úrslitakeppnina til að ná takmarki sínu um sæti í úrvalsdeild. "Ég óska Gróttu til hamingju með úrvalsdeildarsætið. Það voru hlutir að gerast í seinni hálfleik sem eru þess eðlis að það þjónar ekki hagsmunum okkar að tala um þá og því vill ég að öðru leiti ekki tjá mig um leikinn" sagði Sebastian eftir leik í gær.

Sænski netmiðillinn fotbollsverige.se birti frétt um samstarf Selfoss og Gautaborgar í gær. Þar var rætt við Håkan Mild hjá IFK Gautaborg og fór hann í grófum dráttum yfir samstarfið milli liðanna. Þar segist hann m.a. eiga von á Selfyssingum út til sín í apríl og eins að þetta samsarfsverkefni falli ekki inn í "Secrets of soccer" verkefnið sem þeir eru með í Afríku. Selfyssingum hlakkar mikið til að eiga samstarf við Svíana og munu frekari fréttir af samstarfinu birtast hér um leið og næstu skref verða ákveðin. Með því að klikka á hér: fotbollsverige.se má sjá fréttina í heild sinni.

Á íþróttavellinum við Engjaveg safnast alltaf íþróttaföt og óskilamunir. Þeir sem telja sig sakna einhvers geta komið og skoðað óskilamunina í skemmunni á íþróttavellinum frá miðvikudegi 11. febrúar og fram að helgi. Í næstu viku verður síðan farið með það sem ekki gengur út í Rauða krossinn.

Farin verður rútuferð á leik Gróttu og Selfoss í 1. deildinni, en leikurinn fram fer á Seltjarnarnesi miðvikudaginn 11. febrúar. Lagt verður af stað frá íþróttahúsi Vallaskóla kl. 18:00. Leikurinn hefst kl. 19:30. Hér er í raun um úrslitaleik að ræða í baráttunni um að komast upp í úrvalsdeild. Fyrir leikinn er Grótta með 26 stig en Selfoss 24. Áfram Selfoss!

Meistaramót Íslands í frjálsum íþróttum var haldið helgina 7.-8. febrúar í Frjálsíþróttahöllinni í Reykjavík. Umf. Selfoss sendi  7 keppendur til leiks og stóðu þeir sig framúrskarandi vel. Afrakstur helgarinnar voru 6 verðlaun, 2 HSK-met og 7 persónuleg met. Lið Selfoss varð í 3. sæti í stigakeppni kvenna og í 6. sæti í heildarstigakeppni mótsins.

Í vetur hefur lítill hópur fólks á Selfossi komið saman í íþróttahúsinu Iðu á mánudögum og spilað bandminton. Hafa lausir tímar eldri flokka verið notaðir. Ekki þarf að fara mörgum orðum um það að badminton er flott hreyfing sem m.a. losar um streitu og gerir lífið einfaldlega skemmtilegra. Í tímunum er frjálst spil og eru allir velkomnir. Frítt er í tímana sem verða á mánudögum kl. 21:30-22:30. Miðað er við 16 ára og eldri. Nánari upplýsingar veitir Laufey í síma 820 1913.

Selfyssingar tóku á móti Íslandsmeisturum FH í Kórnum í Kópavogi í dag, sunnudag. Selfoss spilaði 4-5-1 eða 4-3-3 leikkerfi. Byrjunarlið var skipað eftirtöldum leikmönnum: Elli, Siggi Eyberg, Stefán Ragnar, Gulli Jóns, Jón Sveins. Á miðjunni voru Einar Ottó, Agnar Bragi og Ingó Tóta. Á köntum voru Andri Freyr og Jón Daði og efstur var Alli.

Það var troðfullt í Vallaskóla í gærkvöldi þegar Selfoss mætti Gróttu í undanúrslitum Bikarkeppni HSÍ. Grótta vann leikinn 30 - 31 eftir framlengingu í leik þar sem Selfoss fékk nokkur tækifæri til þess að sigra leikinn en mistókt að klára verkefnið þegar mest á reyndi.

Klukkan 1930 í kvöld hefst leikur Selfoss og Gróttu í undanúrslitum Eimskipsbikar HSÍ. Forsala á miðum hefur gengið vel fyrir leikinn og er fólk hvatt til að koma tímanlega fyrir leik og ræða margir um að vera mættir 1830. Það er líklega best að vera mættur klukkustund fyrir leik til að ná góðu sæti.

Enn er hægt að verða sér út um miða, bara mæta í Vallaskóla klst fyrir leik og tryggja sér miða. Nú mætum við sunnlendingar og stöndum saman.

Áfram Selfoss!

Næsti æfingaleikur Selfyssinga er gegn Íslandsmeisturum FH og fer leikurinn fram í Kórnum í Kópavogi kl .16.45 sunnudaginn 8. febrúar. FH-ingar eru án efa með sterkasta lið landsins um þessar mundir enda urðu þeir Íslandsmeistarar í fyrra.

Síðuritari hafði samband við Arnar Gunnarsson, aðstoðarmann Sebastíans Alexandersonar, vegna leiks Selfoss gegn Gróttu annað kvöld í bikarkeppni HSÍ. Arnar eða Addi eins og flestir þekkja hann á Selfossi tók vel í það að svara nokkrum laufléttum spurningum.

Markmaðurinn okkar ungi og skemmtilegi Birkir Fannar Bragason, sem sumir kjósa að kalla Bikk Van Quick, tók vel í það að svara nokkrum spurningum varðandi leik Selfoss gegn Gróttu. Sá leikur er í undanúrslitum bikarkeppni HSÍ og fer fram á morgun, föstudaginn 6. feb. kl. 19:30.

Master Cesar Rodriguez 5. dan mun sjá um allar æfingar á miðvikudögum hjá taekwondodeildinni í vetur. Kiosaním Daníel Jens mun stunda æfingar hjá master Sigursteini Snorrasyni landliðsþjáfara á miðvikudögum í vetur.

Um síðastliðna helgi áttust við Selfoss og Hamar í meistaraflokki karla. Leikurinn fór fram í Kórnum og endaði með 2-2 jafntefli. Hamar komst tvisvar yfir í leiknum, en Selfyssingar jöfnuðu um hæl.

Síðastliðna helgi fór fram Meistaramót Íslands í unglingaflokkum. HSK og Selfoss sendu þangað vaskar sveitir  sem stóðu sig með ágætum. Keppendur voru 13 frá HSK og 7 frá Selfossi en Selfoss keppir undir eigin merki.  Alls unnu HSK og Selfoss 5 gull, 1 silfur og 5 brons. Í heildina varð Selfoss í 8. sæti með 48 stig og HSK í 9. sæti með 41 stig. Í einstökum flokkum voru Selfoss-ungkonur sterkar og urðu í 2. sæti í stigakeppninni.

A-lið átti leik við FH snemma á laugardagsmorguninn og var greinilegt að stelpurnar mættu ekki tilbúnar til leiks né á réttum tíma fyrir leik og það er eitthvað sem þarf að bæta. Leikurinn endaði með tveggja marka sigri FH 9-7 eftir að Selfoss hafði leitt nánast allan leikinn, þetta þýddi að Selfossi þurfti að vinna næstu tvo leiki sem voru við Fram og Fjölni.

Íþrótta- og Ólympíusambands Íslands hefur lengi boðið upp á 20 kennslust. helgarnámskeið í þjálfaramenntun, auk fjarnáms í sömu fræðum. Fræðslusvið ÍSÍ hefur nú breytt fyrirkomulagi 20 kennslustunda námskeiðanna, sett þau í nýtt og aðgengilegra form. Frá og með febrúar 2009 verða í boði stutt 5 kennslustunda námskeið kl. 17.00-21.00 virka daga.

A-lið 5. flokks kvenna, yngra ár eða stelpur fæddar árið 1996 og yngri, léku til úrslita á deildarbikarmóti HSÍ og höfnuðu í 2, sæti.

Síðastliðinn laugardag, 31. janúar, syntu krakkarnir í Sunddeildinni maraþonsund til fjáröflunar fyrir æfingaferð til Þýskalands sem fara á í júní n.k. Ferðin er fyrir elstu krakkana en að sjálfsögðu lögðust allir á eitt og tóku því flestir iðkendur þátt í sundinu auk þess sem nokkrir foreldrar og gestir sundlaugarinnar tóku líka þátt. Synt var í 12 tíma, frá kl. 9.00 til kl. 21.00.
Alls voru syntir 25.658 metrar á þessum 12 tímum eða 2.138 m/klst. að meðaltali.

Selfoss-strákarnir í 6. flokki A-liða urðu deildarbikarmeistarar um síðastliðna helgi, en mótið fór fram í Digranesi í Kópavogi. Öll lið landsins voru þar mætt til leiks á sjálfstæðu móti þar sem keppt er um einn titil. B-liðið varði í þriðja sæti og C-liðið vann til silfurverðlauna.

Strákarnir náðu að landa enn einum sigrinum í deildinni að þessu sinni þrátt fyrir að það hafi vantað alls 8 leikmenn í liðið. Sem betur fer féll niður leikur í 3 flokki þannig að þeir þurftu ekki að mæta 8 í leikinn. Sigur vannst að lokum 28 - 33 eftir mikinn barning fram eftir leik. Staðan í hálfleik var 14 - 15 fyrir Selfoss.

Annan leikinn í röð töpuðu stelpurnar naumt fyrir andstæðingi sínum. Að þessu sinni 22 - 24 fyrir Víkingi. Víkingur er með gott lið enda í toppbaráttunni með ÍR og Stjörnunni. Stelpurnar spiluðu frábæra vörn og voru með topp markvörslu á bak við hana. Þá er sóknin alltaf að batna. 

Á föstudaginn vann Selfoss lið Fjölnis 38 - 20 en staðan í hálfleik var 15 - 7. Marga fastaleikmenn vantaði í lið Selfoss en það kom ekki að sök að þessu sinni þar sem aðrir nýttu tækifærið og stóðu sig vel. Enn einn nýlíðinn úr 3 flokki spilaði sinn fyrsta Meistaraflokksleik fyrir félagið.

Um helgina léku á Selfossi 92-liðið gegn Þrótti. Laugardalsmenn hafa góðu liði á að skipa og var alveg á hreinu að ekkert yrði gefið í leiknum. Í lið okkar vantaði Erling Snæ, Árni Felix, Guðbjörn Tryggvason og Einar Sverrisson, sem fékk þá góðu hugmynd að skella sér á snjóbretti með ekki skemmtilegum afleiðingum. Svo er Orri Davíðsson farinn til Nýja Sjálands sem skiptinemi og verður þar í 11 mánuði. Hans verður sárt saknað og kemur fljótlega smá pistill um þann góða dreng.

Á fimmtudaginn síðastliðinn unnu 91-strákarnir Hauka 46-22, en í leikhléi stóð 18-11. Þetta lið átti að leika gegn Val í gær í Reykjavík en var frestað sökum þess að Valsmenn ná ekki í lið sökum meiðsla. Líklega fer sá leikur fram laugardaginn næsta.

Þeir sem voru búnir að panta nýja fimleikabolinn/búninginn fá hann afhentan í Tíbrá þriðjudaginn 3.febrúar 2009 frá klukkan 16-18.
Stjórn Fimleikadeildar Umf.Selfoss

Mjög góður árangur okkar fólks á öðru TSH mótinu í TSH mótaröðinni, en mótið fór fram í Keflavík um helgina. Alls fóru 30 keppendur frá Selfossi og stóðu sig allir mjög vel og voru félagi sínu til mikils sóma.

Afmælismót JSÍ var haldið 25. janúar síðastliðinn.  Júdodeild Umf. Selfoss sendi tuttugu keppendur til leiks og varð árangur þeirra góður í það heila. Þó máttu sumir sigursælir keppendur deildarinnar, sem hafa oftast unnið sína aldursflokka, sætta sig við að vera annarstaðar á verðlaunapallinum í þetta skiptið. Úrslit urðu eftirfarandi:

Á morgun fer fram maraþonsund á vegum Sunddeildarinnar til fjáröflunar fyrir elstu iðkendur deildarinnar vegna fyrirhugðrar æfingaferðar til Rosenheim í Þýskalandi. Krakkarnir munu synda í 12 tíma, þ.e. frá kl. 9.00 um morgunin til kl. 21.00 á laugardagskvöldið.

91-lið Selfoss í flokki vann Hauka úr Hafnarfirði með 24ja marka mun í gærkvöld, 46-22 eftir að hafa leitt 18-11 í hálfleik. Selfoss lék afar vel á köflum í leiknum og menn sem voru skuldum vafnir eftir leik sama liðs gegn HK á dögunum greiddu aðeins til baka í gærkvöld. Tölfræði kemur eftir eða um helgi en gleðifréttirnar eru þær að Matthías gat leikið aðeins í gær og skoraði nokkur falleg mörk með þrumuskotum og stóð vörnina vel og þá er Andri Halls að braggast sem og Aðalsteinn. Enda hefur þjálfari liðsins fyrir löngu síðan bannað meiðsli og veikindi.

Á morgun leikur 92-liðið heima kl 16 gegn Þrótturum úr Laugardal og á sunnudaginn er aftur leikur hjá 91-drengjum, nú á útivelli gegn Valsmönnum og fer leikurinn fram að Hlíðarenda kl 18.30.

Búið er að manna öll knattspyrnuráð og nefndir fyrir sumarið 2009. Óhætt er að fullyrða að aldrei hafa jafn margir komið að uppbyggingu knattspyrnunnar á Selfossi og nú í ár. En alls eru þetta 36 manns sem skipa 7 ráð. Við þetta má auðvitað bæta öllum þeim sem koma að einhverjum hætti að leikjum og mótum, en þeir skipa auðvitað tugum og allt of langt mál að telja þá upp. Hér að neðan má sjá nöfn þeirra sem skipa stjórn, ráð og nefndir.

Gamla myndin að þessu sinni er tekin þegar Siggi Sveins hellir vatni yfir Einar Þorvarðar í miðju sjónvarpsviðtali við Arnar Björnsson eftir leik keppnistímabilið 1992-1993.

Í kvöld koma Haukar úr Hafnarfirði í heimsókn til 91-liðsins og hefst leikurinn kl 21.00 í Vallaskóla.

Um hörkuleik er að ræða eins og venja er hjá þessum flokki. Mikið er um meiðsli hjá 91-liðinu en Matthías og Aðalsteinn Halldórssynir eru báðir meiddir og ekki með í kvöld og þá hefur Andri Hallsson einnig verið meiddur.

Á laugardaginn kl 16 í Vallaskóla koma svo Þróttarar í heimsókn og leika við 92-liðið.

Knattspyrnudeild Selfoss og IFK Gautaborg frá Svíþjóð hafa gert með sér gagnvirkan samstarfssamning. Samningurinn felur meðal annars í sér að Selfyssingar hafa aðgang að leikmönnum sem ekki komast í endanlegan leikmannahóp hjá Gautaborg.

Håkan Mild knattspyrnustjóri IFK Gautaborg telur þetta mjög áhugaverðan kost fyrir IFK og telur að þetta geti nýst ungum og efnilegum leikmönnum þeirra að takast á við verðugt verkefni. Þetta sé mikil áskorun fyrir efnilega leikmenn frá þeim og gæti komið þeim á næsta stig. Einnig mun IFK Gautaborg senda þjálfara sína til að halda námskeið fyrir unglingaþjálfara og knattspyrnuskóla fyrir yngri leikmenn Selfoss og nágrennis.

Selfoss leikur sinn fyrsta æfingaleik á þessu ári, er þeir mæta Hamri frá Hveragerði. Leikið er í Kórnum í Kópavogi, föstudagskvöldið 30. Janúar og verður spilað á Brasilískum tíma, eða kl 22.00. Selfyssingar eiga harma að hefna síðan Hvergerðingar slógu þá út úr bikarnum síðastliðið sumar og má búast við skemmtilegum leik. Það er um að gera að mæta í Kórinn á föstudagskvöldið og sjá hvernig undirbúningur liðsins gengur.

Stelpurnar fóru í Garðabæ um helgina og kepptu við Stjörnuna í 3 sinn í vetur. Fyrstu tveir leikirnir voru gríðarlega spennandi og ekki varð breyting á því á sunnudaginn. Fyrsti leikurinn endaði jafntefli, sá næsti í Bikarkeppninni endaði með 1 marks sigri Stjörnunnar og þessi leikur gerði það sömuleiðis. Lokastaðan var 26 - 25 en staðan í hálfleik hafði verið 11 - 16 fyrir Selfoss.

Knattspyrnuæfingar hjá 7. flokki karla og kvenna voru í fullum gangi í dag þrátt fyrir mikinn

snjó á vellinum. Krakkarnir mættu vel búin undir snjóin og léku sér ásamt þjálfurum m.a í knattspyrnu og ýmsum öðrum leikjum.

 

Í gærkvöldi mættust Afturelding og Selfoss í 8 liða úrslitum bikarkeppninnar í 2 flokki í Mosfellsbæ. Selfoss vann leikinn eftir tvær framlengingar með minnsta mun 36 - 37 og allt of stórum skammti af dramatík og spennu. Leikurinn var "ekta" bikarleikur sem bauð upp á allt sem hægt er að hugsa sér í handboltaleik.

Sunnudaginn 18. janúar var alþjóðlegt boðsmót, Reykjavík International, haldið í nýju frjálsíþróttahöllinni í Reykjavík. Ágústa Tryggvadóttir byrjaði keppnistímabilið með glæsibrag er hún vann ein silfurverðlaun og tvenn bronsverðlaun.

Stórmót ÍR var haldið helgina 17.-18. janúar í frjálsíþróttahöllinni í Reykjavík. Frá Umf. Selfoss mætti vaskur hópur til leiks og stóð sig mjög vel. Fjóla Signý Hannesdóttir keppti í kvennaflokki og vann til 3 gullverðlauna og fékk að auki eitt silfur og eitt brons. Teitur Örn Einarsson, 11 ára, vann gullverðlaun í 800m hlaupi og kúluvarpi.

Stelpurnar í fimleikaakademíu FSU og Meistarahópur Selfoss í fimleikum HM1 eru á leið í hlaupaþjálfun hjá Alberti Þór Magnússyni, yfirþjálfara frjálsíþróttadeildar. Er þetta leinn liður í þjálfun innan akademíunnar, þ.e. að fá sérhæfða kennara til að taka einstaka þætti sem snerta fimleikana. Markmiðið með þessu er að bæta hlaupið á trampólínið. 

Fimleikar fyrir fullorðna hefjast miðvikudaginn 4.febrúar 2009. Kennt verður 2x í viku á mánudögum og miðvikudögum frá 20:00-21:30 í Baulu. Kennari er Torbjörn Kaape. Gamlir og nýjir velkomnir í góða hreyfingu.  Skráning fer fram á netfangið olgu@simnet.is  Hlökkum til að sjá ykkur
Stjórn Fimleikadeildar Umf. Selfoss

Það er með ólíkindum hvað leikmenn liðanna tveggja hafa verið óheppnir með meiðsli upp á síðkastið. Alls hafa hvorki né færri en 12 leikmenn úr 20 manna æfingahópi verið eitthvað frá síðustu vikur. Hér fyrir neðan er listinn..

Innanfélagsmót Sunddeildar Selfoss fór fram síðastliðinn laugardag. Þátttakan var góð og árangurinn ánægjulegur, sérstaklega ef tekið er tillit til þess að þetta var innanfélagsmót. Strákar og stelpur kepptu saman svo keppnin væri sem hörðust og alls bættu sig ¾  af sundmönnunum og 30 bætingar litu dagsins ljós í þeim 13 greinum sem syntar voru.

Á undanfarinni viku spilaði 2 flokkur tvo leiki, báða á heimavelli, á móti Stjörnunni og Fjölni. Báðir leikirnir unnust sannfæarandi og er 2 flokkur kominn á smá skrið, loksins segja sumir. Fyrri leikurinn á móti Stjörnunni fór 35 - 25 og sá síðari á móti Fjölni 35 - 23.

Á laugardaginn unnu strákarnir okkar gríðarlega mikilvægan sigur á Haukum á útivelli. Lokatölur urðu 21 - 29 en í hálfleik var 10 - 18. Það vantaði talsvert í lið Selfoss vegna meiðsla en með góðri vörn og frábærum hraðaupphlaupum í fyrri hálfleik vannst sigur á erfiðum útivelli þar sem bestu lið deildarinnar hafa öll tapað eða þá unnið nauma sigra.

Sunddeild Umf. Selfoss stóð fyrir innanfélagsmóti s.l. laugardag 24. janúar. Alls var keppt í 13 greinum og eru úrslitin komin á úrslitasíðu Sunddeildarinnar sem skoða má með því að smella hér.

Þrír af lykilleikmönnum Selfoss framlengdu samning sínum við félagið í gær. Selfyssingar eru nú að framlengja samninga við þá sem voru með lausa samninga og er búnið að semja við níu leikmenn.

Svipuð staða er uppi í 2. deild 3. flokks karla. Þar hafa okkar menn staðið sig vel og hér er einnig ómögulegt að spá fyrir um lokastöðu. Ekki síst þar sem tvö bestu liðin FH og við á Selfossi munum væntanlega færa bestu leikmenn B-liða sinna í A-liðin áður en tímabilið er úti. Selfoss er búið að fara á afar erfiða útivelli gegn Þrótti og UMFA og sótt þar sigur í báðum leikjum. Sem og er liðið búið að leika gegn Gróttu á útivelli eins og frægt er og tapaði þar, óverðskuldað.

Keppni í 1. deild í 3. flokki karla er mjög jöfn og spennandi. Selfoss er búið að fara á afar erfiða útivelli þar sem Haukar og ÍR spila og sóttu þar fjögur stig. Einnig er liðið búið að fara norður en tapaði þar báðum leikjum fyrir stuttu. Sennilega ræðst það ekki fyrr en í lok tímabilsins hvar liðin enda og ómögulegt að segja hvernig það allt saman fer.

Á morgun, laugardaginn 23. janúar, verður innanfélagsmót í sundi í Sundhöll Selfoss. Mótið hefst kl. 10.30. Við minnum þá iðkendur sem ekki hafa enn skráð sig í greinar að gera það sem allra fyrst hjá yfirþjálfara í síma 695 1960 eða á netfangið eisenfee@hotmail.com.

Annar flokkur kvenna og karla, Selfoss-Getraunir og Guðnabakarí bjóða þér í kaffi og meðlæti í Tíbrá alla laugardaga kl. 11.00. Selfoss-Getraunir eru með öflugt félagsstarf og opið hús alla laugardaga í vetur milli kl. 11 og 13. Þangað getur þú komið í kaffi, hitt gamla félaga og kynnst nýjum úr okkar skemmtilega hópi.

Þrír þjálfarar Selfoss eru að ljúka 6. stigi þjálfunar á vegum KSÍ. Þetta eru þeir Gunnlaugur Jónsson, Gunnar Borgþórsson og Antoine van Kasteren, en þeir hafa dvalið í Englandi í viku við akademísk fræði. Meðal þjálfara á námskeiðinu eru John Peacock, yfirmaður enska pro licence þjálfunarnámskeiðsins, Dick Bate og Andy Cale, doktor í íþróttasálfræði. Er þetta lokastig sem kennt er í gegnum KSÍ og gefur stig rétt til að þjálfa í efstu deild.

Foreldraráð Júdodeildar hefur gefið út sitt fyrsta fréttabréf og sent rafrænt á félagsmenn. Fréttabréfið er einnig að finna hér á netinu.  Fréttabréf janúar 2009

NM í Taekwondo fer fram um helgina í íþróttahúsi Fram við Safamýri. Keppni hefst á laugardagsmorgun kl. 9:00, en viktun og skráning er á föstudag kl. 18:00. Dagskrá mótsins má sjá hér...

Selfyssingar í 91-liðinu sóttu HK menn heim í gærkvöld, ljóst var að um hörkuleik væri að ræða þar sem HK-ingar eru með gott lið og afar færan þjálfara. Það varð svo raunin og eftir mikinn barning og þrautagöngu unnu okkar menn með einu marki, 30-29.

Stjórn KSÍ samþykkti á fundi sínum, 15. janúar, aukinn fjárhagslegan stuðning við aðildarfélög sambandsins. KSÍ tekur yfir ferða- og uppihaldskostnað dómara fyrir árið 2009 í öllum deildum beggja kynja og í leikjum VISA bikarsins. Öll gjöld í jöfnunarsjóð meistaraflokka falla því niður á þessu ári. Framlag til þeirra 24 félaga sem undirgangast leyfiskerfi KSÍ í Landsbankadeild karla og 1. deild karla hækkar úr 250 þúsund krónum í 500 þúsund krónur á hvert félag. Þá skila nýir samningar við Sportfive, vegna sjónvarps – og markaðsréttinda efstu deildar karla og bikarkeppni KSÍ í meistaraflokki karla, auknum tekjum til aðildarfélaga. 

Héraðsmót HSK í fullorðinsflokki í frjálsum íþróttum fer fram í íþróttahúsinu á Hvolsvelli fimmtudaginn 22. janúar og hefst kl. 19:00. Keppt verður í karla- og kvennaflokk í eftirtöldun greinum: Langstökk án atrennu, þrístökk án atrennu, hástökk með atrennu, hástökk án atrennu, kúluvarp  og stangarstökk. Engar hömlur eru settar á fjölda þátttökugreina einstaklinga á héraðsmótum innanhúss. Á héraðsmóti HSK er 15 ára og eldri heimilt að keppa í karla- og kvennaflokkum.

Mátun og pöntun á nýjum Selfossfimleikabol fyrir stráka og stelpur fer fram í Baulu laugardaginn 24. janúar á milli kl. 10:00 og 12:00.  Nú þegar hafa margir lagt inn pöntun sem farin er af stað en þetta er tækifæri fyrir þá sem misstu af fyrri pöntun.
Stjórn Fimleikadeildar Umf. Selfoss

Um síðustu helgi lék 92-lið okkar á Selfossi gegn Gróttu á Seltjarnarnesi. Sá leikur tapaðist 26-27 í mikilli sirkussýningu. Selfoss byrjaði mun betur og komst í 11-6 en heimamenn náði að minnka muninn í 12-11 fyrir leikhlé.

Daníel Jens Pétursson, yfirþjálfari Taekwondodeildar Umf. Selfoss keppir fyrir Íslands hönd á Norðurlandamótinu sem haldið verður í Fram-heimilinu Safamýri, laugardaginn 24. janúar. Mótið hefst kl. 9:00.

Þeim sem hugsanlega gætu haft áhuga á að afla sér dómararéttinda í sundi er bent á að dómaranámskeið verður haldið 27. og 29. janúar. Bóklegi hlutinn verður þriðjudaginn 27. janúar og fimmtudaginn 29. janúar í fundaraðstöðu ÍSÍ, Laugardal. Verkleg kennsla fer fram á Reykjavíkurmeistaramóti 31. janúar og 1. febrúar. Nokkur skortur er á dómurum innan sundíþróttarinnar og því viljum við hvetja fólk til þess að sækja námskeiðið.

Stefán Ragnar Guðlaugsson og Guðmundur Þórarinsson knattspyrnumenn hjá Selfoss voru í dag valdir í æfingahóp fyrir u-19 ára landslið Íslands. Æfingar verða í Egilshöll og Kórnum, helgina 24. og 25. janúar. Stefán Ragnar hefur áður æft með u-19 ára liði Íslands, en Guðmundur, sem er 17 ára er að mæta á sínar fyrstu æfingar um helgina. Báðir hafa þeir kappar leikið með u-17 ára landsliði íslands.

Fimm leikmenn Selfyssinga skrifuðu undir tveggja ára leikmannasamning um helgina. Á næstu dögum mun Selfoss skrifa undir samninga við fleirri leikmenn. Hér að neðan má sjá hverjir skrifuðu undir og eins smá fróðleiksmolar um hvern leikmann.

Hið meiðslum hrjáða lið 2. flokks þjappaði sér saman og spilaði góðan leik á móti sterku liði ÍR sem var í 3. sæti fyrir þennan leik. ÍR vann fyrri leik liðanna á Selfossi og því var mikilvægt að ná sigri í Reykjavík. 2. flokkur virðist vera að ná áttum nú um áramót og nóg er eftir af mótinu þannig að enn má stefna á að ná í úrslit. Leikurinn endaði 32 - 38 en í hálfleik var staðan 13 - 17.

Síðasta föstudagskvöld mættu Fjölnismenn á Selfoss. Leikurinn endaði 32 - 22 fyrir Selfoss en staðan í hálfleik var 11 - 10 fyrir okkar menn og máttu þeir teljast heppnir að vera ekki undir í hálfleik. Marga leikmenn vantar í Selfossliðið um þessar mundir en það er enginn afsökun. Okkar menn spiluðu betur í síðari hálfleik og unnu. Þrír leikmenn úr 3 flokki spiluðu sinn fyrsta leik fyrir hönd félagisns og stóðu sig allir vel.

Strákannir í 2. flokk Selfoss léku í dag sinn fyrsta leik á þessu ári. Þeir kepptu við sameiginlegt lið Stjörnunnar og Álftanes og töpuðu 1-2. Staðan í hálfleik var 1-1 og voru Selfyssingar óheppnir að hafa ekki sigur í leiknum. Byrjunarlið Selfoss var skipað eftirtöldum leikmönnum: Aron, varnarmenn: Brynjar Elvars, Óskar Guðjóns, Hörður Jó og Svenni, miðja: Stefán Ragnar, Siggi Eyberg og Gummi Tóta. Ingvi Rafn og Jón Daði á köntum og Hartmann frammi. Mark Selfoss skoraði Hartmann.   

Staðfest hefur verið leikjaplan í Lengjubikarnum fyrir meistaraflokk kvenna í knattspyrnu. Selfoss er í 1. riðli í C-deild og leika þar gegn FH, Haukum , ÍA, Sindra og Þrótt Reykjavík. Fyrsti leikur hjá þeim er gegn Sindra 28. mars á Selfossvelli.

Leikjaniðurröðun fyrir lengjubikar KSÍ er nú staðfest. Selfoss er í A-deild og riðli 2 með Fram, Grindavík, HK, ÍR og Keflavík. Fyrsti leikurinn er sunnudagurinn 22. febrúar við HK í Kórnum. Allir leikir verða leiknir inni í knatthöllum í Reykjavík og í Reykjanesbæ, nema síðasti leikurinn, hann er gegn Fram og verður spilaður á Selfossvelli föstudaginn 17. apríl.

Reykjavíkurleikarnir voru haldnir í um helgina og var keppt í hópfimleikum í annað sinn.  Eitt erlent lið mætti til keppni en það var lið STG sem kom sá og sigraði.  Selfoss HM2 lenti í þriðja sæti með samtals 18,7 stig en liðið í 2. sæti var með 18,9 stig.  Stelpurnar voru kátar með keppnina og var þetta liður í undirbúning fyrir Íslandsmót unglinga sem haldið verður á Selfossi 21.febrúar næstkomandi. 

Vegna jarðarfarar Guðjóns Ægis Sigurjónssonar, stjórnarmanns knattspyrnudeildar, verða allar æfingar knattspyrnudeildar Umf. Selfoss felldar niður föstudaginn 16. janúar.
Stjórn knattspyrnudeildar

Sundskóli Sunddeildarinnar hefst þriðjudaginn 20. janúar n.k.  Sundskólinn er fyrir ósynd börn, 5 ára og eldri. Æfingar verða tvisvar í viku í innilauginni, á þriðjudögum og miðvikudögum frá kl. 14.30-16.00. Hver hópur er 45 mín. í senn.

Næstkomandi sunnudag, 18. janúar, verða taekwondo æfingabúðir með master Cesar Rodriguez í íþróttahúsinu Gagnheiði 3. Æfingarnar eru iðkendum að kostnaðarlausu og eru sem flestir hvattir til að nýta sér þær.

Miðvikudaginn 21. janúar næstkomandi verður haldið félagsmálanámskeið í Tíbrá sem ber yfirskriftina "Sýndu hvað í þér býr". Farið verður í ýmsa þætti er tengjast ræðumennsku, fundahöldum og félagsmálastörfum. Námskeiðið er einungis ein kvöldstund þ.e. frá kl. 18:00-22:00. Framkvæmdastjórn Umf. Selfoss hefur ákveðið að bjóða öllum félögum í Umf. Selfoss frítt á námsekiðið. Sjá nánar... 

Nýr Selfoss-fimleikabolur fyrir stelpur og stráka verður til sýnis og pöntunar fimmtudaginn 15. janúar á milli kl. 16 og 18 í íþróttahúsi Baulu sem og laugardaginn 17. janúar frá kl. 9:30-12. 
Stúlknabolurinn kostar 5.900 kr., en strákabúningurinn sem er heilgalli og stuttbuxur kostar 7.200 kr.

Guðmunda Brynja Óladóttir og Bríet Mörk Ómarsdóttir hafa verið valdar í æfingahóp u-17 ára landsliðs Íslands. Æfingar eru næstkomandi helgi í Kórnum, Kópavogi og í Egilshöll. Þjálfari landsliðsins er Þorlákur Árnason. Athyggli vekur að báðar stelpunar verða 15 ára á þessu ári og því virkilega góður árangur að komast á æfingar hjá u-17 ára liðinu.

Á sunnudaginn komu 2. flokkur Víkings í heimsókn en þeir hafa 3 landsliðsmenn úr U-20 innanborðs. Leikurinn endaði 31 - 31, en í hálfleik var einnig jafnt 16 - 16. Í lið Selfoss vantaði Baldur, Gumma og Eyþór vegna meiðsla og þá gat Óskar Kúld lítið sem ekkert beitt sér, líka vegna meiðsla.

Besta lið deildarinnar, ÍR, kom í heimsókn á laugardaginn en þær hafa ekki tapað leik í vetur. Okkar stelpur spiluðu líklega sinn besta handbolta í vetur síðustu 40 mín. leiksins en slæm byrjun varð þeim að falli að þessu sinni. Leikurinn endaði 23 - 28 eftir að staðan í hálfleik hafði verið 13 - 16. Þær voru komnar 8 - 16 undir eftir 20 mín. en eftir það var baráttan og viljinn til fyrirmyndar og voru þær betri en toppliðið það sem eftir lifði leiks.

Á fimmtudagskvöldið komu Eyjamenn í heimsókn og léku við Selfoss í 1. deildinni. Í bæði lið vantaði mikilvæga leikmenn vegna meiðsla og annarra fjarvista. Ljóst var strax í upphafi í hvað stefndi því okkar menn tóku öll völd á vellinum og héldu þeim til loka leiksins. Hálfleikstölur voru 19:6 og lokatölur 35:18. Tölfræði og nánari umfjöllun...

Vegna efnahagsástandsins hefur stjórn taekwondodeildar UMFS ákveðið að lækka æfingagjöld iðkenda um 10% á vorönn. Gjaldið var áður 16.500 kr., en verður nú 15.000 kr. Systkinaafsláttur er áfram 20%, foreldri fær 50% afslátt og ef 2 börn æfa fær annað foreldri frítt. (3.000 kr á mánuði fyrir 3 æfingar í viku).

Laugardaginn 10.janúar verður Sundhöll Selfoss lokuð vegna þrifa og frágangs eftir viðgerðir sem hafa átt sér stað síðastliðinn mánuð. Opnað verður aftur sunnudaginn 11. janúar kl. 9:00 og þá verður innilaugin aftur opin eftir viðgerðirnar.
 

Stelpunar í meistaraflokki Selfoss í knattspyrnu taka nú þátt í Íslandsmótinu í Futsal í fyrsta sinn, en Futsal er innanhúsfótbolti. Stelpunar byrjuðu mjög vel og komust í undanúrslit Íslandsmótsins og keppa á morgun við sameinað lið Víkings og HK um það hvort liðið fer í úrslitaleikinn. Undanúrslitaleikurinn hjá stelpunum fer fram í íþróttahúsinu við Austurberg í Breiðholti og hefst kl. 14.30 laugardaginn 10. janúar.

Nú eru 60 myndir af HSK-mótinu í júdó komnar á Netið á slóðinni: http://picasaweb.google.com/Judodeild.umfs  . Þar má sjá mörg brosandi andlit og skemmtileg tilþrif.

Keppni í 1. deild karla hefst að nýju í kvöld með leik Selfoss og ÍBV í Vallaskóla og hefst leikurinn kl. 19:30. Selfyssingar eru í 2.-3 sæti ásamt ÍR-ingum með 16 stig að loknum 11 umferðum. Grótta er tveimur stigum ofar og því efst í deildinni. Eyjamenn eru í 6. sæti með 8 stig. Selfoss vann fyrri leik liðanna í Eyjum í miklum markaleik 34:42.

Steinar Sigurjónsson hefur verið valinn á úrtaksæfingar U16 landsliðs KSÍ. Í hópnum eru 36 strákar frá 22 félögum. Æfinarnar fara fram í Kórnum og Egilshöll dagana 10. og 11. janúar næstkomandi undir stjórn Freys Sverrissonar landsliðsþjálfara U16 landsliðs Íslands.

Elskulegur félagi okkar, Guðjón Ægir Sigurjónsson, hæstaréttarlögmaður og stjórnarmaður í knattspyrnudeild Umf. Selfoss lést af slysförum mánudaginn 5. janúar s.l. Guðjón var 38 ára gamall, fæddur á Selfossi þann 4. janúar 1971. Eiginkona Guðjóns er Þórdís Þórðardóttir og eiga þau tvö börn, Hjört Leó Guðjónsson og Hörpu Hlíf Guðjónsdóttir.

Starfið á vorönn er nú komið á fullt hjá taekwondo-deildinni. Æfingatímar eru þeir sömu og áður (sjá æfingatöflu). http://umfs.is/taekwondo/aefingatimar-taekwondo/  Sjáumst öll hress á nýju ári. Nýir iðkendur velkomnir og munið að það kostar ekkert að prufa. Nóg er að mæta með stuttbuxur og bol.

Íþróttaskóli fimleikadeildar UMFS hefst að nýju laugardaginn 17. janúar. Kennarar verða sem fyrr Steinunn H. Eggertsdóttir og Guðrún Hrafnhildur Klemenzdóttir. Námskeiðið eru 10 skipti og kostar 7.000 kr. Námskeiðsgjald greiðist við skráningu. Íþróttaskólinn er fyrir börn fædd 2007-2004. Börn fædd 2006 og 2007 frá 10:00-10:50
Börn fædd 2005 og 2004 frá 11:00-11:50. Skráning fer fram í Baulu (íþróttahús Sunnulækjarskóla) fimmtudaginn 15. janúar kl. 16-18 og laugardaginn 17. janúar kl. 9:30-12:00. Einnig verður tekið á móti pöntunum á nýja Selfossfimleikabolnum bæði fyrir stráka og stelpur. 

Innritun er hafin í Sundskóla sunddeildar Umf. Selfoss. Skólinn er fyrir 5 ára og eldri, bæði byrjendur og lengra komna. Skráning í síma 695-1960 eða netfangið eisenfee@hotmail.com 
Óvíst er hvenær hægt er að byrja í janúar vegna lokunar innilaugarinnar.

 

Á morgun þriðjudaginn 6. janúar hefjast æfingar hjá yngri flokkum knattspyrnudeildarinnar. Æfingaáætlanir og upplýsingar um flokka má sjá hér á síðu deildarinnar. Kveðja, þjálfarar.

Fimleikar hefjast aftur samkvæmt stundaskrá þriðjudaginn 6. janúar. 

Sundæfingar hefjast að loknu jólafríi mánudaginn 5. janúar n.k. skv. æfingatöflu. Allar æfingar fara fram í útilaug meðan á viðgerðum á innilaug stendur. Nýir iðkendur velkomnir.

Guðmunda Brynja Óladóttir hefur verið valin í u-17 ára landsliðsæfingahóp KSÍ. Æfingarnar verða í Egilshöll og Kórnum nú um helgina. Athygli vekur að Gumma skuli vera valin í u-17 ára landslið, en hún verður 15 ára á þessu ári. Er þetta val góður vitnisburður um þá hæfileika sem Gumma hefur sem knattspyrnukona. Þjálfari u-17 landsliðs kvenna er Þorlákur Árnason.

Áramótamót Umf.Selfoss var haldið í íþróttahúsi Vallaskóla þann 30. des sl. Ágústa Tryggvadóttir Umf. Selfoss sigraði allar 5 greinarnar í kvennaflokki og náði besta afreki ársins í langstökki án atrennu þegar hún stökk 2,57 m og bætti sinn besta árangur um 2 cm. Ólafur Guðmundsson UMSS  sigraði einnig allar greinarnar í karlaflokki. Í hástökki deildi hann að vísu efsta sætinu með Bjarna Má Ólafssyni, Dímoni.