Frálsíþróttir

Meistaramót Íslands í frjálsum íþróttum 11-14 ára var haldið helgina 16.-17. ágúst í frábæru veðri við bestu aðstæður að Laugum í Reykjadal. Á mótinu voru sjö krakkar frá Selfossi að keppa og stóðu sig öll mjög vel. Samtals unnu þau til 5 gullverðlauna, fengu 1 silfurverðlaun og 3 bronsverðlaun.  Í heildarstigakeppni mótsins urðu krakkarnir í 8. sæti næst á eftir FH sem telst nokkuð gott.  12 ára stelpurnar okkar náðu þeim frábæra árangri að verða íslandsmeistarar í sínum flokki með 89,5 stig og næsta félag kom svo með 37,0 stig, stórkostlegt hjá stelpunum sem voru bara þrjár.

Héraðsmót HSK í starfsíþróttum - fyrri hluti, fram fer á Gaddstaðaflötum við Hellu laugardaginn 23. ágúst n.k. Mótið er hluti af Landbúnaðarsýningunni á Hellu. Að þessu sinni verður keppt í tveimur greinum starfsíþrótta, jurtagreiningu og dráttarvélaakstri. Báðar greinarnar hefjast kl. 14:20. Þar sem mótið er hluti af dagskrá Landbúnaðarsýningarinnar verður þátttaka opin almenningi og ræður fólk hvort það keppir undir merkjum einhvers félags innan HSK eða sem gestir.