Frálsíþróttir

Hún lét ekki þar við  sitja heldur bætti einnig HSK met Ágústu Tryggvadóttur í 60m hlaupi um 0,02 sek er hún kom önnur í mark á tímanum 8,12 sek sem er 0,05 sek bæting á hennar besta tíma. Frábær árangur hjá Þórhildi Helgu, en innanhúskeppnistímabilið er rétt að byrja og hún á örugglega eftir að bæta þessi met ennfrekar. 

Fjóla Signý Hannesdóttir Umf. Selfoss er einnig í mjög góðu formi þessa dagana og bætti hún sinn besta árangur í 60m grindahlaupi um 0,08 sek er hún kom önnur í mark á tímanum 9,18 sek. Hún nálgast nú óðum HSK met Bryndísar Evu Óskarsdóttur sem er 9.09 sek. Fjóla Signý varð einnig í öðru sæti í hástökki er hún vippaði sér yfir 1.61m. 

Ágústa Tryggvadóttir keppti í kúluvarpi þrátt fyrir að vera ekki enn búin að ná sér að fullu eftir að hún varð fyrir því óláni að fótbrotna í haust.  Hún kastaði kúlunni 11.73m og varð í 3. sæti.

Mynd: Sveit HSK sem keppti á Landsmóti UMFÍ á Akureyri s.l. sumar. Frá vinstri: Ágústa Tryggvadóttir, Þórhildur Helga Guðjónsdóttir, Franziska Pálsdóttir og Fjóla Signý Hannesdóttir.