Frálsíþróttir

Örn Davíðsson náði þeim frábæra árangri að sigra í hástökki aðeins 16 ára að aldri en hann sigraði einnig á Meistaramótinu innanhúss í vetur. Örn stökk 1.93cm sem er bæting um 6cm og aðeins 5cm frá gildandi Íslandsmeti í sveinaflokki. Þessi árangur er enn glæsilegri í ljósi þess að Örn er nýkominn heim frá Svíþjóð þar sem hann var án æfinga í 7 vikur. Örn náði einnig stórgóðum árangri í spjótkasti er hann kastaði karlaspjótinu 50,88m sem er HSK met í sveinaflokki  en sjálfur átti hann eldra metið 49,06m. Ágústa Tryggvadóttir var iðinn við kolann að venju. Hún náði öðru sæti í þrístökki með stökki upp á 11.20m og 100m grindahlaup hljóp hún á tímanum 15,77 sem skilaði henni bronsverðlaunum. Ágústa stökk 1.60m í hástökki og hafnaði í 4.sæti, sama sæti og hún fékk fyrir að kasta kúlunni 10.99m. Fjóla Signý Hannesdóttir sýndi mikið keppnisskap er hún bætti sig í þrístökki í mótvindi, stökk 10,61m og hafnaði í 4.sæti, hún hljóp til úrslita í 100m grind á tímanum 16,55 og hafnaði í 5.sæti og að lokum hljóp hún á besta tíma sínum í 100m hlaupi, 13,89 en meðvindur var örlítið yfir leyfilegum mörkum. Tinna Jóhönnudóttir náði 6.sæti í kringlukasti er hún þeytti henni 28,20m og hún setti persónulegt met í kúluvarpi er hún kastaði henni 10,17m. Edda Þorvaldsdóttir hljóp á besta tíma sínum í 100m hlaupi, 13,59s en meðvindur var örlítið yfir leyfilegum mörkum og Þórhildur Helga Guðjónsdóttir, sem er aðeins 14 ára, hljóp einnig á persónulegu meti í 100m hlaupi, 13,68 og stórbætti sinn fyrri árangur. Frábær árangur hjá ungu liði Frjálsíþróttadeildar Selfoss.