Frálsíþróttir

Skráning stendur nú yfir í fjarnám 1. stigs almenns hluta þjálfaramenntunar ÍSÍ. Skráningin er á namskeid@isi.is eða í síma 514-4000 og stendur hún yfir til 8. október, en námið hefst þann 11. október. Námið er öllum opið, 16 ára og eldri og gildir jafnt fyrir allar íþróttagreinar. Þetta fjarnám hefur verið afar vinsælt til langs tíma og hafa nemendur verið búsettir vítt og breytt um landið. Námið er allt í fjarnámi, það eru engar staðbundnar lotur. Nemendur leysa verkefni og taka krossapróf á vefsvæði námsins sem vistað er hjá Keili í Reykjanesbæ. 

Fjarám 2. stigs almenns hluta þjálfaramenntunar ÍSÍ er framundan og verður það auglýst nánar á næstu dögum á http://www.isi.is/. Námið er framhald af námi 1. stigs, almenns hluta. Sérgreinahluta námsins geta nemendur/þjálfarar sótt hjá viðkomandi sérsamböndum innan ÍSÍ. Þannig geta nemendur/þjálfarar sótt nám hjá einu eða fleiri sérsamböndum allt eftir því í hversu mörgum íþróttagreinum aðilar kjósa að mennta sig upp í sem þjálfarar. Almenna hlutann þarf einungis að taka einu sinni enda gildir hann jafnt fyrir allar íþróttagreinar.