Frálsíþróttir

Meistaramót Íslands 12-14 ára var haldið á Sauðárkróki helgina 19.-20. ágúst s.l. Selfyssingar sendu 7 krakka á mótið sem stóðu sig mjög vel. Sverrir Pálsson, 12 ára, vann til bronsverðlauna í langstökki með 4.10m stökki. Hann bætti sig síðan í 5 greinum, hástökki með 1.30m stökki, kúluvarpi er hann kastaði henni 9,41m, spjótinu þeytti hann 28,11m, hljóp sitt hraðasta 60m hlaup á tímanum 9,38s og að lokum hljóp hann 800m á 2.57,09m. Frábær árangur hjá þessum efnilega pilti. Eva Þórisdóttir, 13 ára, kastaði kúlunni til bronsverðlauna með 8,55m kasti sem er stórbæting hjá henni, hún bætti sig einnig í spjótkasti er hún kastaði 19,79m. Einn efnilegasti spretthlaupari í HSK, Þórhildur Helga Guðjónsdóttir, hljóp á ársbesta tíma í HSK í 100m hlaupi, 13,39, í úrslitahlaupinu en vindur reyndist vera yfir leyfilegum mörkum. Áslaug Ýr Bragadóttir, 14 ára, stórbætti sig í kúluvarpi með 8,98m kasti, hún náði líka þeim frábæra árangri að komast í úrslit í grindahlaupi í fyrsta sinn sem hún keppir í greininni, á tímanum 14,52s sem er stórgóður tími. Jóhanna Ómarsdóttir, 14 ára, bætti sinn besta árangur bæði í 100m hlaupi á tímanum 14,24s og í 80m grindahlaupi er hún fór undir 15sek múrinn í fyrsta sinn á tímanum 14,97sek. Þórunn Ásta Helgadóttir, 14 ára, bætti sig einnig í tveimur greinum, spjótkasti er hún kastaði 19,06m og í kúluvarpi með kasti upp á 6,98m. Að lokum bætti ein enn 14 ára stelpan, Jóhanna Bríet Helgadóttir, sinn besta árangur í spjótkasti er hún þeytti því 21,79m. Frábær árangur hjá sprækum krökkum frjálsíþróttadeildarinnar.