Frálsíþróttir

Ágústa Tryggvadóttir sigraði örugglega í þrístökki kvenna er hún stökk 11,42 m. Mjög jákvæð byrjun hjá henni og vonandi að henni takist að rjúfa 12 metra múrinn í vetur. Fjóla Signý Hannesdóttir krækti sér í tvenn verðlaun í kvennaflokki. Hún lenti í 2.s æti í hástökki er hún bætti sinn besta árangur í 1.55 m. Hún varð í 3. sæti í 60 m grind á tímanum 10.01 sek.

Fjóla Signý stórbætti sig síðan bæði í langstökki með 4.86 m og í þrístökki er hún stökk 10.57 m. Þórhildur Helga Guðjónsdóttir stóð sig mjög vel í flokki 15-16 ára. Hún bætti sig verulega í 60 m hlaupi er hún kom þriðja í mark á tímanum 8.39 s og hún náði einnig bronsverðlaunum í sínu fyrsta 400 m hlaupi innanhúss á tímanum 67,30 s. Örn Davíðsson lenti í 2. sæti í hástökki karla er hann vippaði sér yfir 1.80 m. Andrea Ýr Bragadóttir skeiðaði önnur í mark á tímanum 8,31 s í 60 m hlaupi sem er rétt við hennar besta tíma og vonandi að hún nálgist HSK met frænku sinnar, Bryndísar Evu Óskarsdóttir, sem er 8,17 sett árið 2003. Agnes Erlingsdóttir, sem gekk til liðs við Selfyssinga á þessu ári, náði 3. sæti í hástökki með 1.55 m stökki og annar íþróttamaður, Þorsteinn Magnússon, sem einnig er nýgenginn til liðs við Selfyssinga náði 3. sæti í 1500m hlaupi á tímanum 4:57,47 mín.