Frálsíþróttir

Aðalfundur Frjálsíþróttadeildar Umf. Selfoss var haldinn í Tíbrá í gærkvöldi. Í skýrslu formanns Helga S. Haraldssonar kom m.a. fram að síðasta starfsár var mjög öflugt á íþróttassviðinu. Félagið hefur átt marga afreksmenn sem eru í fremstu röð og efniviðurinn er mikill hjá yngri flokkunum. Ötullega hefur verið unnið að kynningarmálum og fréttum af viðburðum jafnharðan komið í fjölmiðla. Hefur það aukið orðspor deildarinnar og auðveldað aðgang að fyrirtækjum og styrktaraðilum. Fjármál deildarinnar eru í góðu standi og var hún rekin réttum megin við strikið. Grílupottahlaup og Brúarhlaup voru bæði haldin og hafa gegnið vel. Þátttaka Selfyssinga hefur þó heldur dalað hin síðari ár ef miðað ver ið það sem best var og er stefnt að því að bæta þar úr. Fram kom að mikil ánægja er með að Landsmót UMFÍ skuli verða haldið á Selfossi 2012 og vonast frjálsíþróttafólk til að bætt verði úr aðstöðuleysinu sem verið hefur um árabil.

Á fundinum var kosin ný stjórn en hana skipa:
Helgi S. Haraldsson formarður
Páll Leó Jónsson gjaldkeri
Halla Baldursdóttir ritari
Meðstjórnendur:
Sólveig Guðmundsdóttir
Þuríður Ingvarsdóttir
Dröfn Hilmarsdóttir
Íris Sigrid Guðmundsdóttir