Frálsíþróttir

Hópur af frjálsíþróttafólki frá Frjálsíþróttadeild Umf. Selfoss er þessa dagana staddur í æfingabúðum í Portúgal og verður þar fram yfir páska. Frjálsíþróttafólkið æfir þar af krafti, fyrir komandi keppnistímabil, við góðar aðstæður.

 

Á móti sem haldið var í dag, 2. apríl, gerði Örn Davíðsson sér lítið fyrir og bætti árangur sinn í spjótkasti um rúma 13 metra og tryggði sér keppnisrétt á Heimsmeistaramóti Unglinga sem fram fer í Tékklandi í sumar. Kastaði hann spjótinu 58,22 metra, en lágmarkið fyrir þátttöku á mótinu er 58 m. Má með sanni segja að með þessum árangri hafi Örn stimplað sig rækilega inn í hóp bestu og efnilegustu unglinga í frjálsum íþróttum á Íslandi í dag.