Frálsíþróttir

Örn Davíðsson, 17 ára kastari í Frjálsíþróttadeild Umf. Selfoss, var í feiknarstuði á Coca Cola móti FH þann 29. apríl. Hann náði þeim frábæra árangri að kasta 1,5 kg kringlu 53,24 m og náði þar með lágmarki fyrir Heimsmeistaramóti Unglinga, 17 ára og yngri.  Örn náði lágmarki á HM, í spjótkasti í æfingabúðum deildarinnar í Portúgal í byrjun apríl þannig að þessi efnilegi piltur er búin að ná lágmarki á HM í tveimur greinum. 

HSK-met í drengjaflokki
Örn náði einnig þeim frábæra árangri á Coca cola mótinu að kasta karlaspjótinu 58,95 m sem er HSK met í drengjaflokki, fyrra metið var 58,20 m og var það í eigu Magnúsar Arons Hallgrímssonar. Örn keppti einnig í kringlukasti í karlaflokki og bætti sig með karlaþyngd er hann kastaði 43,10 m en hann átti best áður 42,20 m. Sannarlega glæsilegur árangur hjá þessu frábæra íþróttamanni og verður spennandi að fylgjast með honum á næstu mótum.