Handboltaakademía

Á fundi aðalstjórnar Umf. Selfoss sem haldinn var 7. september 2011 var ákveðið að félagið myndi veita systkinaafslátt á milli deilda fyrir tímabilið september - desember 2011 og janúar - maí 2012. Systkinaafsláttur er 1.000 kr. á mánuði fyrir fyrir 2. og 3. barn og gildir fyrir fjölskyldur þar sem börn æfa ekki öll sömu íþróttagrein. Afslátturinn gildir einnig fyrir börn sem æfa fleiri en eina íþróttagrein. Nánari upplýsingar veitir framkvæmdastjóri á skrifstofu Umf. Selfoss.

Fyrsti leikur meistaraflokks Selfoss í 1. deild karla í handboltanum verður í kvöld og er hann gegn Stjörnunni í Mýrinni í Garðabæ. Hefst leikurinn kl. 20:00. Auk Selfoss og Stjörnunnar eru í 1. deild karla Fjölnir, ÍBV, ÍR og Víkingur. Þar sem liðin eru aðeins sex verður leikin fjórföld umferð. Fyrsti heimaleikurinn er gegn ÍBV fimmtudaginn 6. okt kl. 18:30. Nú er um að gera að setja sig í rétta gírinn og fylgjast með handboltastrákunum.

Á laugardaginn spilaði 4. flokkur kvenna í forkeppni fyrir Íslandsmótið í Vallaskóla. Andstæðingarnir voru KA/Þór og Fjölnir. Stelpurnar unnu báða leikina og spila því í 1. deild í vetur. KA/Þór fer í milliriðil og Fjölnir spilar í 2. deild.

Sameiginlegur foreldrafundur hjá yngri flokkum í handbolta verður miðvikudaginn 14. september kl. 18:00 í Iðu íþróttahúsi FSu.

Í gær fór fram forkeppni í 3. flokki karla í Vallskóla. Selfoss var í B-riðli og fékk að halda keppnina á heimavelli vegna góðs árangurs í deildarkeppninni í fyrra. Önnur lið í riðlinum voru ÍR og frændur okkar úr ÍBV.

Ragnarsmótinu lauk með úrslitaleikjum á laugardaginn. HK-ingar báru sigurorð af Haukum í úrslitaleiknum 29:21. Fram vann Selfoss 28:24 í leik um 3. sætið og Afturelding vann Gróttu 32:30 í leik um 5. sætið. Úrslit og viðurkenningar á mótinu má sjá hér að neðan.

Ragnarsmótið hófst í gær með tveimur leikjum. Í fyrri leiknum unnu Haukar Fram 28:22 og í þeim síðari unnu HK-ingar Aftureldingu 31:24. Í dag fimmtudag 1. sept eigast við HK og Selfoss í fyrri leiknum kl. 18:30 og síðan Haukar og Grótta kl. 20:00. Aðgangur að leikjunum er ókeypis og því um að gera að skella sér í íþróttahús Vallaskóla og sjá skemmtilegan handbolta.