Handbolti

Íslenska U-19 landslið karla tapaði nú í kvöld fyrir Þjóðverjum 24-32 í úrslitaleik á Hela Cup. Staðan í hálfleik var 19-14 fyrir Þýskaland. Íslenska liðið lenti því í öðru sæti á mótinu og er þetta þetta besti árangur íslenskt liðs til þessa á þessu móti. Stóðu strákarnir sig með stakri prýði og eiga hrós skilið. Helgi Héðinsson skoraði eitt mark í úrslitaleiknum en Hörður Másson kom lítið við sögu.

Í dag lék u-88 lið Íslands tvo leiki, gegn Pólverjum og Svisslendingum og unnust þeir báðir.

Í dag lék u-88 lið Íslands gegn Þjóðverjum á Hela Cup í Þýskalandi. Með þessu liði leika tveir Selfyssingar, Helgi Héðinsson og Hörður Másson.

Auk þeirra Ragnars, Einar og Guðmundar Árna sem voru valdir til æfinga með U-16 landsliði Íslands, þá var Helgi Héðinsson einnig valin til þátttöku í verkefni með U-18 landsliðinu sem er að fara á mót á milli jóla og nýárs.
Þessu til viðbótar hefur Hörður (Sjóli) Másson frá Dalbæ einnig verið kallaður til æfinga með U-18 liðinu og fer hann einnig út með þeim á milli jóla og nýárs. Þetta er í fyrsta skipti sem hann er valin í landslið. Til hamingju Hörður með verðskuldaðan árangur alls erfiðisins.

Dregið var í 8 liða úrslit í bikarnum í yngri flokkunum á miðvikudaginn var og enn einu sinni elti ólánið Selfossi. Öll liðin sem enn eru í keppninni fengu leik á útivelli. Í síðustu umferð spiluðu lið Selfoss alls 5 leiki af 6 á útivelli. Í pottinum að þessu sinni voru lið 4. fl. A kk, 3. fl. 90, 3. fl. 89 og 2. flokks. 

Síðustu helgi spilaði 2. flokkur tvo leiki í Íslandsmótinu og Selfoss 89 í bikarnum í 3. flokki á móti IBV í Vestmannaeyjum. Ferðin byrjaði með því að við mættum á Bakkaflugvöll kl. 14.00 en þá tók við 3 klst. bið eftir flugi og síðan þegar flugi var aflýst kl. 17.00. Þá tók við bílferð til Þorlákshafnar og loks til Eyja með Herjólfi. Til Eyja vorum við komnir um 23.00 og var farið beint í háttinn enda vakið 06.00 daginn eftir því að fyrsti leikur var kl. 08.30 í 2. flokki, síðan 3. flokkur kl. 11.00 í Bikarnum og loks aftur 2. flokkur kl. 13.30. Sem sagt frekar stíf dagskrá þann daginn.   

Tveir strákar úr Umf. Selfoss þeir Ragnar Jóhannsson og Einar Héðinsson æfa nú af fullum krafti með U-17 ára landsliði Íslands í handknattleik. Guðmundur Árni Ólafsson var einnig valin í hópinn en átti ekki heimagengt þar sem hann er staddur á Kúbu í góðu yfirlæti í frí með fjölskyldunni. Á myndinni er landliðshópurinn samankomin eftir eina æfinguna.

Helgi Héðinsson 18 ára Selfosshnokki var á dögunum valinn í 16 manna hóp U-19 ára landsliðs karla sem fer á Hela Cup í Þýskalandi milli jóla og nýárs. Fyrsta æfingin hjá liðinu verður á þriðjudaginn kl. 08:00 í Víkinni.

Selfyssingurinn Þórir Hergeirsson varð um helgina Evrópumeistari í handknattleik. Þórir er aðstoðarþjálfari norska kvennalandsliðsins í handknattleik og hefur verið búsettur og þjálfað í Noregi undanfarin 20 ár en áður þjálfaði hann yngri flokka Selfoss.

4. flokkur karla lék fjóra leiki um helgina. Á laugardag sigraði A liðið Valsmenn 24-19 og Selfoss B2 vann Aftureldingu 26-12. Á sunnudag lék B2-liðið við A-lið HK og lauk leiknum með sigri HK manna 26-31. B-liðið lék svo við á eftir við HK b og vannst sá leikur örugglega 31-12.

Um helgina leika öll þrjú 4. flokks liðin okkar hér á Selfossi, alls fjóra leiki. Leikirnir fara fram á laugardag og sunnudag.

B1 liðið í 4. flokki karla vann góðan sigur á HK í Kópavoginn í gær. Eftir erfiðan fyrri hálfleik var staðan 13-10 fyrir okkar menn. Í seinni hálfleik bættu okkar menn í og unnu örugglega 31-20.

Um helgina fóru strákarnir í handboltaakademíunni á Selfossi í skemmtilega óvissuferð. Eins og sannri óvissuferð sæmir vissu strákarnir ekkert hvað til stóð þegar lagt var af stað. Þeir héldu að það ætti að vera vídeóæfing í rútunni. Farið var frá Selfossi niður á Eyrarbakka og til baka og síðan Gaulverjabæjarhringurinn sem endaði svo á jólahlaðborði á Rauða húsinu.

Leiknum sem átti að spila á fimmtudaginn kemur hefur verið frestað að beiðni Víkings fram yfir áramót. Þar með er Selfoss 90 komið í jólafrí og spila strákarnir ekki aftur fyrr en 13. og 14. janúar en þá fara þeir norður og spila tvo leiki í sömu ferð, við Þór og KA. Liðið er í 3. sæti eftir 5 leiki, hafa unnið 4 og tapað 1, fyrir FH 31-34.

Öll þrjú 4. flokks liðin léku um helgina. A og B2 léku hér á Selfossi á laugardagin, A-liðið gegn FH og B2-liðið gegn Fram. B1-liðið lék í gær við Val í Reykjavík.

Þrír Selfyssingar hafa verið valdir í unglingalandslið Íslands skipaða leikmönnum fæddum 1990 og síðar. Þetta eru örvhenta skyttan Ragnar Jóhannsson, línumaðurinn Einar Héðinsson og örvhenti hornamaðurinn Guðmundur Árni Ólafsson. Þeir munu æfa stíft um jólin og eftir áramótin. Piltarnir fara væntanlega á móti í Noregi um miðjan maí á næsta ári og á Hela-cup í Þýskalandi um jólin 2007.

Jæja, þá er stórleiknum lokið. Selfoss 90 vann Selfoss 89 31:29 í hörku skemmtilegum leik fyrir framan tæplega 200 áhorfendur. Leikurinn bauð upp á allt sem skemmtilegir leikir eiga að gera, hraða, spennu, mistök, dramatík, góðar leikfléttur og frábær einstaklingstilþrif. Það er ekki annað hægt en að vera stoltur yfir því að Selfoss eigi tvö jafn góð lið og raun ber vitni í 3. flokki karla.

2. flokkur gerði góða ferð í Grafarvoginn í gærkvöldi og sigraði sterkt lið Fjölnis 37-39 eftir framlengingu í æsispennandi leik. Staðan í lok venjulegs leiktíma var 32-32. Sigurinn kom í síðari hluta framlengingar eftir mikla baráttu.

Í kvöld unnu strákarnir í A liði 4. flokks lið Stjörnunnar 23-19 í bikarnum. Leikurinn var liður í 16 liða úrslitum og eru þeir því komnir áfram í 8 liða úrslit.

Dagana 2. og 3. desember s.l. spiluðu stelpurnar í 4. flokki tvo leiki. Fyrri daginn fengu þær KR í heimsókn og unnu 25-19.  Seinni daginn léku þær við Gróttu á útivelli og endaði leikurinn 23-14 fyrir Gróttu. 

Á fimmtudagskvöldið n.k. verður spilaður leikur í Vallaskóla sem á sér ekki hliðstæðu í íslenskum handknattleik. Þá munu lið Selfoss og Selfoss 2 spila gegn hvort öðru í 1. deild á Íslandsmótinu í 3. flokki. Þetta er í fyrsta skipti svo vitað sé að tvö lið frá sama félagi mætist í efstu deild á Íslandsmóti í nokkurri boltaíþrótt.

Strákarnir í  A-liði 4. flokks töpuðu í dag gegn Fram í miklum hörkuleik. Fram hefur hingað til haft besta liðið í þessum flokki. Jafnt var á flestum tölum í fyrri hálfleik, en Framarar skoruðu 3 síðustu mörk fyrri hálfleiks og höfðu yfir 12-14.

Í dag kl. 13.30 leikur 4. flokkur A lið gegn Fram í Vallaskóla. Um hörkuleik er að ræða en bæði liðin eru taplaus til þessa. Framarar hafa hingað til haft besta liðið í þessum árgangi og verður fróðlegt að sjá hvernig okkar mönnum tekst upp gegn þeim.
Við hvetjum alla til að kíkja á leikinn og sjá leikmenn framtíðarinnar spila.

4. flokkur vann ÍR í keppni B-liða í dag. Í hálfleik var staðan 16-3 og lokatölur urðu 31-6. Sem sagt einstefna allan leikinn þar sem yfirburðir Selfoss voru algjörir í leiknum. Ekki er hægt að hrósa neinum einum leikmanni sérstaklega fyrir sína frammistöðu. Liðið í heild lék vel og agað og hafði þolinmæði að leiðarljósi í varnarleiknum.

Í dag lék 90 liðið í 3. flokki gegn Gróttu og vann þar yfirburðar sigur, 36-19 eftir að staðan hafi verið 21-8 í hálfleik. Einar Héðinsson, Guðmundur Árni, Örn Davíðsson og Ástgeir markmaður áttu allir skínandi leik en hafa ber þó í huga að mótspyrnan var ákaflega lítil í þessum leik.

Haukar 2 komu í heimsókn á föstudagskvöldið og léku gegn mfl. Selfoss. Haukar unnu okkar menn fyrr í haust í vægast skelfilegum leik. Leikurinn var í járnum framan af og höfðu gestirnir yfir í hálfleik 13-15. Lokatölur urðu 33-28 og því má segja að okkar strákar hafi náð fram hefndum frá því í haust.

Það eru þrir leikir í yngri flokkum á heimavelli í dag.

Ungl.kk 1.deild    Selfoss    kl.15.00  Selfoss - Grótta
4.kvk A-lið 2.d     Selfoss    kl.16.30  Selfoss - KR
4.kk B-lið 1.d       Selfoss    kl.18.00  Selfoss - ÍR

Við viljum hvetja fólk til þess að koma og hvetja strákana í Selfoss1 á morgun laugardag kl. 15.00 í Vallaskóla þegar þeir spila á móti Gróttu í 1. deild 3. flokks.

Í gærkvöldi tók Selfoss2 á móti Haukum í 1 deild 3. fl. karla. Haukar sem eru með eitt sterkasta lið landsins í þessum flokki byrjuðu Íslandsmótið mjög vel og höfðu aðeins tapað einum leik. Okkar strákar unnu síðasta leik eftir mjög erfiða byrjun og voru staðráðnir í því að halda áfram þar sem frá var horfið. 

Næsti heimaleikur meistaraflokks í 1. deildinni verður föstudaginn 1. des. kl. 19:00. Nú verða allir að mæta og hvetja strákana svo þeir nái að hífa sig upp stigatöfluna. Eftir 7 leiki er liðið í 7. sæti með 5 stig. Markatala liðsins er +6 sem er mun betra en hjá liðunum sem eru í 5. og 6. sæti. Þau eru með einu stigi meira en Selfoss. Mætum á völlinn - Áfram Selfoss!!!

Helgina 24.-26. nóvember fór fram deildarmót HSÍ í 5. flokki karla og fóru þrjú lið frá Selfossi á mótið. Í keppni A-liða gekk strákunum ágætlega og lentu strákarnir að lokum í 3. sæti í 2. deild eftir að hafa unnið tvo leiki, gert eitt jafntefli og tapað tveim leikjum.

4.fl. kvenna gerði jafntefli við Fjölni á útivelli á föstudagskvöldið, 15-15 eftir að staðan í hálfleik hafði verið 12-6 Fjölni í vil. Á sunnudaginn tóku stelpurnar á móti Val heima og töpuðu 11-16. Staðan í hálfleik var 3-10 gestunum í vil. Þess má geta að í þeim leik brenndu Selfoss stelpurnar af 6 vítaköstum.

Bæði A og B lið Selfoss í 4.flokki karla tóku á móti Haukum á sunndaginn. B liðið vann sinn leik örugglega 24-20 og A liðið lék síðan við A lið Hauka og unnu 30 -27 eftir að staðan í hálfleik hafi verið 15-15.

Meistaraflokkur Selfoss í handbolta vann öruggan sigur á Hetti frá Egilsstöðum í 2.deild íslandsmótsins í handknattleik, lokatölur urðu 36-26 eftir að Selfoss hafi verið yfir í hálfleik 15-12.

4. flokkur karla A-lið hefur byrjað vel á Íslandsmótinu í vetur. Strákarnir eru taplausir það sem af er. Þeir unnu alla sína leiki í undankeppninni og eru komnir áfram í bikarnum.

Selfoss tapaði naumlega fyrir toppliði Aftureldingar í gærkvöldi lokatölur urðu 25-27. Leikurinn var jafn og spennandi allan tímann og hið unga Selfosslið átti í fullu tré við sterkt lið Aftureldingar. Það var síðan á loka mínútunum sem Afturelding silgdi fram úr og Selfoss strákarnir gáfu eftir.

Í gærkvöldi spilaði Selfoss 90 við ÍR í 1. deild í unglingaflokki karla.  Fyrir leikinn höfðu ÍRingar unnið alla 4 leikina sína og flesta þeirra sannfærandi. Leikurinn fór frekar rólega á stað og bar þess merki að um toppslag væri að ræða í deildinni.

Í gærkvöldi var skrifað undir samninga við styrktaraðila handbolta-akademíunnar á Selfossi. BT-músin var að sjálfsögðu mætt enda nýtt lukkudýr deildarinnar. Hvatning músarinnar skilaði sér vel því strákarnir í unglingaflokki Selfoss 90 lögðu ÍR-inga í hörku leik 30-28.

Fjölmargir handboltaleikir verða á Selfossi um helgina. Meistaraflokkur leikur tvo leiki, föstudagskvöld og á laugardag, Selfoss´90-liðið leikur í kvöld og 4.fl. karla og 4.fl. kvenna leika á sunnudaginn.

Strákarnir í 6.flokki karla A-lið gerði sér lítið fyrir og sigruðu í 1.deild íslandsmótsins, en mótið fór fram í Austurbergi í Reykjavík um helgina. Strákarnir unnu Fjölni 16-9, Fylki 15-9 og Gróttu 11-10. Þeir gerði jafntefli við FH 9-9 og Fram 12-12. Þetta skilaði liðinu 8 stigum og efsta sætinu á Íslandsmótinu.

Handboltastrákarnir í 7. flokki sigruðu á vinamóti Víkings um helgina, en mótið var fyrsta mótið af þremur á Íslandsmótinu. Selfoss var með þrjú lið á mótinu og unnu öll liðin alla sína leiki.

Krakkarnir í 6. fl. karla og kvenna í handbolta stóðu sig frábærlega á fyrsta móti vetrarins sem fór fram um s.l. helgi.

Selfoss ’90 liðið í handbolta sigraði gesti sína í HK í miklum markaleik í fyrsta leik Íslandsmótsins. Lokatölur urðu 51-36.

Selfoss ’90 liðið sigraði gesti sína í HK í miklum markaleik á sunnudag. Lokatölur urðu 51-36 þar sem um helmingur marka Selfyssinga kom úr hraðri miðju, hraðaupphlaupum eða seinni bylgju. Okkar menn léku alls ekki vel og var vörnin fjarri því nógu góð. Hins vegar keyrðu þeir hraðan mikið upp og áttu Kópavogsbúar engin svör við því.

Krakkarnir í 6. fl. karla og kvenna í handbolta stóðu sig frábærlega á fyrsta móti vetrarins sem fór fram um s.l. helgi. Mótafyrirkomulag Íslandsmótsins er þannig að öll liðin á landinu leika á 5 stórum mótum yfir veturinn. Strákarnir léku í Kaplakrika og á Strandgötu í Hafnarfirði, en stelpurnar í Fram-húsinu.

Selfoss lék í gær gegn ÍR í 2. flokki karla. Eftir frekar dapran fyrri hálfleik, þar sem okkar menn leiddu þó 18-12, tóku þeir öll völd á vellinum í þeim síðari og urður lokatölur 41-21. Okkar drengir keyrðu upp hraðan og skoruðu mikið úr seinni bylgju og hraðaupphlaupum.

Bæði Selfossliðin í unglingaflokki karla náðu að tryggja sér sæti í efstu deild Íslandsmótsins. Er þetta í fyrsta skipti sem sama félagið á tvö lið í efstu deild í þessum aldursflokki. Strákarnir í 4. flokki stóðu sig einnig vel og leika í efstu deild.

Um helgina fór fram undankeppni A og B liða í 4. flokki karla í handknattleik. Selfoss hefur á að skipa þremur liðum í þessum flokki, einu A liði og tveimur B liðum. Öllum liðum Selfoss gekk vel um helgina og komst A liðið í fyrstu deild ásamt B liðinu.  B2 liðið verður hins vegar í 2. deild þrátt fyrir að hafa leikið vel um helgina. Þar eru reyndar flestir á yngra ári og verða reynslunni ríkari eftir veturinn.

Forkeppni 3. fl. karla í handknattleik fór fram helgina 15.-17. sept. Selfoss 1 spilaði í riðli á Selfossi  en Selfoss 2 í riðli í Hafnarfirði. Selfoss 1 tryggði sér sæti í 1. deild en Selfoss 2 komst í milliriðil og leikur um þrjú laus sæti ásamt þremur öðrum liðum helgina 22.-24. sept.

Ragnarsmótið í handbolta hefst miðvikudaginn 30. ágúst kl. 18:00 með tveimur leikjum. Alls taka 6 lið þátt í mótinu en þau eru auk Selfoss, Íslandsmeistarar Fram, Deildarmeistarar Hauka, Bikarmeistarar Stjörnunnar, HK og Fylkir.