Handbolti

Næsti leikur hjá 3. flokki er á miðvikudaginn í næstu viku, en þá leikur 92-liðið gegn Þrótturum og fer leikurinn fram í Laugardalshöll. Öllum leikjum þangað til hefur verið frestað til annars tíma. Ástæðan er landsliðsæfingar yngri liða hjá HSÍ.

Nú er hægt að panta sér WC-pappír og eldhúsrúllur á góðu verði hér á heimasíðunni. Hægt er að fara inn á eftirfarandi link og ganga frá pöntuninni http://www.umfs.is/handbolti/panta-wc-pappireldhrullur/ Allur ágóði rennur til handknattleiksdeildar félagsins sem sér jafnframt um að koma með pantanirnar heim í hús.

Leik 3. flokks (liðs-92) sem átti að fara fram í dag hefur verið frestað til miðvikud. 5. nóv. árið 2008, vonandi! 3. fl. 91-lið leikur á fimmtudaginn kemur í Vallaskóla við HK kl. 21.00. Hvetjum við alla handboltaáhugamenn að mæta og hvetja leikmenn framtíðarinnar til góðra verka. HK er með gott lið og afar færan þjálfara og því ljóst að hörkuleik er að ræða. Á laugardaginn á svo 92-liðið að leika við FH-2. Afar ósennilegt verður að teljast að sá leikur fari fram þar sem umrædda helgi eru landsliðsæfingar.

Í hádeginu í gær var dregið í 16-liða úrslit í Eimskips bikarnum. Sefoss dróst á móti Akureyri 2 og þarf að halda norður yfir heiðar og keppa við gamlar norðankempur. Leikurinn verður á Akureyri 9. eða 10. nóvember. Möguleikar liðsins á að komast í 8-liða úrslit ættu að teljast nokkuð góðir. Af öðrum viðureignumí 16-liða úrslitunum má nefna Grótta 2 : Grótta, Stjarnarn 3 : Valur, Stjarnan 2 : Þróttur, ÍR : Haukar, Afturelding 2 : Fram, HK 2 : Stjarnan og FH : Akureyri.

Stelpurnar byrjuðu tímabilið á því að spila við lið Stjörnunnar 2 í fyrsta leik vetrarins í 2. deild unglingaflokks kvenna á heimavelli. Nokkrum vikum áður hafði Stjarnan unnið öruggan sigur á Selfossi í forkeppninni. Stelpurnar hafa tekið miklum framförum síðustu vikur og því var allt annar leikur á milli þessara liða núna. Leikurinn endaði 27-27 en staðan í hálfleik var 15-15.

Hörður Másson (Sjóli) leikmaður 2. og meistaraflokks Selfoss í handknattleik hefur verið valinn í 21-árs lið Íslands í handbolta. Hópinn er hægt að sjá hér: http://www.hsi.is/default.asp?cat_id=49&module_id=220&element_id=4510

4. flokkur kvenna sigraði fyrsta deildarleikinn á tímabilinu gegn HK 19-12 í Vallaskóla á sunnudag. Jafnt var á öllum tölum framan af leiknum en Selfoss stelpurnar sigu fram úr í lok fyrrihálfleiks og stóðu leikar 9-6 þegar gengið var til leikhlés. Eftirleikurinn var Selfoss stelpum auðveldur og kláruðu þær leikinn eins og áður sagði 19-12.

Strákarnir í 91-liði Selfoss unnu Hauka í sínum fyrsta leik á tímabilinu. Leikurinn fór fram á Ásvöllum s.l. laugardag. Lokatölur voru 26-30 Selfossi í vil eftir að okkar menn höfðu leitt í hálfleik 12-14.

Í gær áttust við á Selfossi heimamenn og Fjölnismenn. Yfirburðir okkar manna voru miklir í leiknum og vannst leikurinn 36-17 eftir að Selfyssingar leiddu 18-7 í leikhléi. Fjölnismenn áttu aldrei möguleika og létu leikmenn Selfoss þá finna það strax að hingað kæmu þeir ekki til að sækja tvö stig.

Síðasta föstudagskvöld unnu strákarnir okkar Fjölni í Grafarvogi 14-36. Staðan í hálfleik var 5-16. Allir fengu að spila og skiluðu allir sínu hlutverki vel. Athygli vakti þó markvarsla Birkisragasonar, en hann varði 19 skot, þar af 3 víti í fyrri hálfleik, en fékk bara 5 mörk á sig, en það er 80% markvarsla. Ástgeir spilaði seinni hálfleik í marki og varði 12 skot. Markaskorarar...

Í gærkvöldi tapaði 2. flokkur karla fyrir Haukum á Ásvöllum. Leikurinn byrjaði vel og eftir 15 mín. var Selfoss komið í 4 - 8. Þá fór allt í baklás hjá liðinu og 25 mín. seinna, þegar 20 mín. voru til leiksloka var staðan orðin 18 - 11 fyrir Hauka. Staðan í hálfleik var 13 - 10 fyrir heimamenn. Selfoss jafnaði svo metin þegar 10 mín. voru til leiksloka en það dugði ekki því að Haukar náðu að standa áhlaupið af sér. Leikurinn endaði 28 - 25.

Strákarnir spiluðu vel í Vestmannaeyjum og áttu heimamenn í miklum vandræðum með spræka Selfyssinga í leiknum. Hvergi var veikan blett að finna á liðinu og dreifðist ábyrgðin vel á allt liðið. ÍBV reyndi margar aðferðir til að verjast en okkar menn voru með svör við öllu í þessum leik. Besti maður vallarins var Birkir Bragason markmaður sem átti enn einn stórleikinn. Hann varði 25 skot í leiknum.

Selfoss-strákarnir 6. flokki unnu þrefaldan sigur í fyrstu umferð Íslandsmótsins sem fór fram um helgina. Öll lið landsins í þessum aldursflokki vorum saman komin á fyrsta stórmótinu af fimm, þar sem um 700 keppendur kepptu í 65 liðum. Keppt er í flokki A, B og C liða og sigraði Selfoss í öllum flokkum. Það er mjög sjaldgæft að sama félag vinni í öllum flokkum og er þetta hreint út sagt frábær árangur hjá strákunum. Alls unnust 23 af þeim 24 sem Selfoss spilaði.

Á miðvikudagskvöldið spilaði 2. flokkur karla á útivelli á móti Fjölni og hafði sigur 15-33 eftir að staðan í hálfleik hafði verið 7-17 fyrir Selfoss. Margir leikmenn liðsins spiluðu vel að þessu sinni. Markaskor og helsta tölfræði...

Fjölskyldumiðstöð Árborgar hefur ákveðið að bjóða börnum, sem þurfa að komast milli Sundhallar Selfoss/Vallaskóla og Sunnulækjarskóla vegna íþróttaæfinga eða annarra tómstunda, að nýta sér laus sæti í skólarútum sem eru á ferðum strax eftir hádegi. Sjá nánar tímaplan...

Eins og sjá má á töflunni yfir stöðu liða í 1. deild karla, þá stefnir í svakalega baráttu um sæti í N1. deild karla að ári. Þetta eru gríðalega jöfn lið og ómögulegt að segja til um hvaða lið mun standa uppi sem sigurvegari að loknu tímabili. Mikil vakning er í handboltanum hér á landi og fögnum við því. Gríðalega skemmtilegt verður að fylgjast með framvindu mála í 1 deild, og hvetjum við allt áhugafólk handboltans að fylgjast með þessari flottu þróun handboltans.

Í gærkvöldi hófst Íslandsmótið í 2. flokki karla. Leikið var á heimavelli við ÍR. Leikurinn tapaðist 28-31 eftir að ÍR hafði komist í 3-11 á fysta korteri leiksins. Selfoss gerði breytingar á sínu liði og jafnaðist leikurinn við það. Staðan í hálfleik var 13-15.

Afturelding tapaði fyrsta leik sínum á þessu keppnistímabili þegar liðið sótti Selfoss heim í gærkvöldi í 1. deild karla í handknattleik, lokatölur urðu 30:27. Mosfellingar voru marki yfir í hálfleik, 14:13. Um 500 áhorfendur voru á leiknum og rífandi stemning. Afturelding hafði forystu allan fyrri hálfleik og mest munaði fjórum mörkum á liðunum, 11:7. Leikmenn Aftureldingar héldu áfram að hafa frumkvæðið í leiknum fram eftir síðari hálfleik. Selfoss komst svo yfir 24:23 og unnu leikinn 30:27.

Sannkallað handboltaæði greip landsmenn þegar íslenska handboltalandsliðið náði silfurverðlaunum á ólympíuleiknum í Peking í ágúst. Í kjölfarið fjölgaði iðkendum mjög hjá handboltafélögum um allt land og handknattleiksdeild umf. Selfoss hefur ekki farið varhluta af því. Milli 30-35 iðkendur eru nú að æfa í hverjum flokki, sem er fjölgun upp á 25%.

Selfoss lék við Hauka 2 í 32-liða úrslitum Eimskips bikarsins í gærkvöldi. Leikurinn fór rólega af stað, en þegar 10 mínútur voru liðnar var staðan 5-5. Staðan í hálfleik var 13-20 og í byrjun seinni hálfleiks 13-25 fyrir okkar mönnum. Lokatölur urðu 31-43 fyrir Selfoss sem þar með er komið í 16 liða úrslit.

Selfoss vann á laugardaginn ótrúlegan sigur á Þrótti á útivelli í 1. deild karla er liðið vann 23 marka sigur, 14-37. Það var aldrei spurning hvort liðið mundi sigra þennan leik.  Selfoss hreinlega valtaði yfir Þróttara.  Selfoss leiddi með 13 mörkum í hálfleik og lokatölur urðu eins og áður sagði 14-37, eða 23 marka munur sem verður að teljast fullmikið í deildarkeppni í handbolta.

Lið Selfoss B mætir HK 2 í bikarleik í Vallaskóla sunnudaginn 5. okt. kl. 19:30. Í liði Selfoss eru margar gamlar og góðar kempur á borð við Sævar Gísla, Davíð Guðmunds, Reyni, Nonna, Kalla L., Gunnar I, Róbet, Eyþór og Snorra, að ógleymdum fótboltahetjunum Henning og Gumma G. Við hvetjum sem flesta til að mæta á leikinn og sjá þess handknattleiksmenn leika listir sínar. Frítt inn. Selfoss A mætir svo Haukum 2 á Ásvöllum í Hafnarfirði á mánudaginn og hefst sá leikur kl. 21:00.

Hjá Umf. Sefloss er í gangi vinna sem miðar að því að fleiri deildir innan félagsins hljóti útnefningu sem fyrirmyndardeildir ÍSÍ. Handknattleiksdeild er komin langt á leið með vinnu við sína handbók og knattspyrnudeild og frjálsíþróttadeild hafa ákveðið að fara í sína vinnu. Fimleikadeild félagsins fékk fyrstu útnefninguna 2007, sem jafnframt var fyrsta útnefningin á Suðurlandi. Sunddeild Umf. Selfoss fékk síðan útnefningu á aðalfundi félagsins í vor.