Handbolti

Í gærkvöldi duttu stelpurnar út úr Bikarkeppninni í hörkuleik á móti Stjörnunni 19 - 21. Þessi sömu lið gerðu jafntefli 22 - 22 í deildinni ekki alls fyrir löngu. Varnarleikur og markvarsla Selfoss var frábær en sóknarleikurinn varð liðinu að falli að þessu sinni.

2 flokkur karla spilaði 2 leiki nú í nóvember og vann þá báða. Fyrri leikurinn var í Bikarkeppninni á móti Val og sá seinni í deildinni á móti Fram. Báðir leikirnir fóru fram á heimavelli. Strákarnir í 2 flokki sem byrjuðu veturinn frekar illa eru smám saman að ná saman og góðu kaflarnir eru að verða bæði fleiri og betri. Það er ljóst að leikur liðsins á bara eftir að batna í vetur.

Á laugardaginn vann 92-lið Selfoss gestina frá Vestmannaeyjum 24-20, eftir að í hléi hafið staðið 13-10 heimamönnum í vil. Leikurinn var lélegur og frekar hægur. Selfyssingar voru til að mynda allt of hægir í sóknarleik sínum og staðir. Sigurinn var þó aldrei í hættu en menn geta mun betur en þeir sýndu á laugardag. Næsti leikur hjá þessu liði er 1. des heima í bikarnum gegn Val kl. 19:30.

4. flokkur kvenna mætti Fram í 32-liða úrslitum bikarkeppni HSÍ í gær. Leikurinn var jafn allan leikinn. Fram stelpurnar byrjuðu betur og komust í 2-5, en Selfoss saxaði hægt og rólega á forskotið og í hálfleik var staðan 7-8 fyrir Fram. Selfoss stelpurnar komu síðan sterkar inn í seinni hálfleikinn og náðu fljótt yfirhöndinni í leiknum og leiddu með 4 mörkum á tímabili. Leikurinn endaði 19-16 og komust stelpurnar því áfram. Það voru landsliðsmennirnir 3 hjá Selfossi sem stóðu sig best, þær Kristrún, Hrafnhildur Hanna og Birta Rós. Einnig spilaði Esther Hallsdóttir sinn besta varnarleik á tímabilinu og Díana Sigmarsdóttir kom sterk inn í seinni hálfleik.

Nú um helgina fór fram fjölmennt handboltamót á Selfossi, þegar Landsbankamótið í 5. flokki kvenna, yngra ár, fór fram. Um 250 keppendur mættu til leiks, 25 lið lið tóku þátt og leiknir voru 50 leikir á þremur dögum. Mótið tókst mjög vel, allar tímasetningar stóðust. 20 piltar úr handboltaakademíu Fsu dæmdu leikina. 25 tímaverðir úr 5. og 4. flokki kvenna sáu um skráningar.

Selfyssingar hrósuðu sigri gegn ÍR-ingum, 30:31, þegar liðin áttust við í toppslag í 1. deild karla í handknattleik í Austurbergi í gærkvöld. Selfyssingar höfðu yfir í hálfleik, 15:13. Eftir sigur liðsins eru Grótta, Selfoss og ÍR efst og jöfn með 14 stig. Þar á eftir koma Haukar B og Afturelding með 10 stig.Hjá Selfyssingum voru þeir Ramunas Mikalonis og Guðmundur Ólafsson atkvæðamestir með 7 mörk hvor. Atli Kristinsson kom næstur með 5 mörk.

Selfoss fékk úrvalsdeildarlið Stjörnunnar í 8-liða úrslitum bikarkeppinnar, en dregið var í hádeginu í dag. Leikur inn fer fram í íþróttahúsi Vallaskóla annað hvort 7. eða 8. desember. Stjarnan er sem stendur í næst neðsta sæti úrvalsdeildarinnar og hefur ekki gengið vel það sem af er þessu keppnistímabili. Selfoss á því ágætis möguleika á að komast í undanúrslit keppninnar.

Þær Kristrún Steinþórsdóttir, Birta Antonsdóttir og Hrafnhildur Hanna Þrastardóttir voru í dag valdar í undir 15 ára landsliðs Íslands í handbolta. Liðið kemur saman um aðra helgi. Þetta er frábær viðurkenning fyrir stelpurnar sem eru allar hluti af mjög sterkum flokki sem leikur undir stjórn Halldórs Stefáns Haraldssonar.

Nú um helgina verður Landsbankamótið í handbolta hjá 5. flokki stúlkna haldið á Selfossi.  Handknattleiksdeild Umf. Selfoss heldur mótið sem er hluti af Íslandsmeistaramótinu í 5. flokki stúlkna. Á Selfoss munu streyma stelpur á aldrinum 10-11 ára. Alls eru 25 lið skráð til leiks og búast má við um 250 keppendum og öðru eins af foreldrum og liðstjórum. Leikið verður í  íþróttahúsi Vallaskóla og íþróttahúsi FSu Iðu.

Í ljósi efnahagsástandsins og þeirrar óvissu sem ríkir nú í samfélaginu hefur menntamálaráðherra látið vinna samantekt varðandi möguleg úrræði um sálrænan stuðning við börn og ungmenni. Markmiðið með vinnunni er að styðja þá sem starfa að íþrótta- æskulýðs- og tómstundamálum til að veita börnum og ungmennum viðeigandi stuðning og stuðla þannig að velferð þeirra. Þessi samantekt fylgir hér með þegar fréttin er opnuð...

91-liðið tapaði á heimavelli gegn Frömurum frá Reykjavík 33-31 eftir að jafnt hafi staðið í fyrri hálfleik, 1616. Leikurinn var spennandi og jafn nánast allan leikinn, Selfysssingar náðu mest tveggja marka forustu í fyrri hálfleik, en Framarar komust yfir þrjú mörk í þeim síðari. Heimamenn náðu að komast yfir 31-30 en þrjú síðustu mörk leiksins voru Framara.

6. flokkur kvenna stóð sig vel á Íslandsmótinu sem haldið var í Fylkisheimilinu í Árbænum um helgina. Selfoss sendi A- og B-lið á mótið og stóðu bæði lið sig vel.

Selfoss-strákarnir 6. flokki unnu tvöfaldan sigur í annarri umferð Íslandsmótsins sem fór fram um helgina. Öll lið landsins í þessum aldursflokki vorum saman komin á fyrsta stórmótinu af fimm, þar sem um 600 keppendur kepptu í 60 liðum. Keppt er í flokki A-, B- og C-liða. Sigraði Selfoss í flokki A- og B-liða, en töpuðu einum leik í flokki C-liða og unni silfur þar í þetta sinn. Á síðasta móti unnu Selfyssingar þrefalt.

92-strákarnir hjá Selfossi unnu í gær ÍR-2 örugglega 42-19 i Austurbergi. Í hálfleik stóð 22-11 fyrir Selfoss. Aldrei var spurning um það hvoru megin sigurinn lenti. Selfoss lék 3-2-1 í leiknum en hafa verið að æfa þá vörn undanfarið og gekk margt ágætlega í þeirri vörn í gær.

91-lið Selfoss lék í gær við heimamenn í ÍR í gær. Okkar menn höfðu sigur 32-21 eftir að hafa leitt í hálfleik 14-12. Selfyssingar fóru ágætlega af stað í leiknum og komust í 5-2 en þá kom hörmulegur kafli þar sem menn hættu að sækja á markið og horfðu á ÍR-inga taka öll fráköst sem í boði voru og var tekið leikhlé er ÍR-ingar voru komnir yfr 6-9. Selfyssingar náðu að snúa leiknum sér í vil og leiddu 14-12 í hálfleik.

4. flokkur kvenna gerði góða ferð til Reykjavíkur þegar þær mættu ÍR í Austurbergi.
Selfoss stelpurnar byrjuðu leikinn skelfilega ílla og hafa þær sjaldan sést spila svona ílla eins og raun bar vitni. Stelpurnar lentu meðal annars 7-4 undir. Í lok fyrri hálfleiks kom þó smá neisti í liðið og Birta tók nokkra mikilvæga bolta í markinu, því náðu þær að jafna leikinn rétt undir lok hálfleiksins og stóðu leikar 8-8.

Í kvöld fer fram einn af stærri leikjum ársins í 1. deild karla á Selfossi þar sem að Selfyssingar taka á móti Gróttu. Leikurinn hefst klukkan 19:30 og fer fram í íþróttahúsinu við Vallaskóla.
Selfyssingar sem sitja í 2. sæti hafa farið vel af stað í 1. deildinni í vetur, eftir 7 leiki hafa þeir unnið 6 og tapað einum. Síðustu tvær viðureignir Selfoss í deildinni hafa farið svona:

Þórir Ólafsson, landsliðsmaður í handknattleik, skrifaði í gær undir nýjan samning við þýska handknattleiksliðið N-Lübbecke. Hann gildir fyrir tvö næstu tímabil eða til vorsins 2011. Þórir leikur nú sitt fjórða tímabil með félaginu og hefur spilað þar lengst allra núverandi leikmanna þess. Þrjú ár í efstu deild, en N-Lübbecke féll í vor og er nú með yfirburðastöðu í norðurriðli 2. deildar, hefur unnið 13 fyrstu leikina á tímabilinu, í deild og bikar.

Okkar ágæti heiðursfélagi Hafsteinn Þorvaldsson tók sig til og styrkti næsta heimaleik Selfoss í handboltanum með 30.000 kr. framlagi. Framlagið nýtist til að kaupa 40 miða sem verða gefnir og greiða stærstan hluta auglýsingakostnaðar vegna leiksins. Hafsteinn sýnir þarna stórhug sinn í verki og kemur styrkurinn að góðum notum. Hafsteinn hvetur alla, unga sem aldna, að mæta á leikinn við Gróttu sem verður föstudagskvöldið 14. nóv. kl. 19:30 í íþróttahúsi Vallaskóla. Nú standa allir saman og hvetja Selfoss.

Selfoss vann stórsigur á Akureyri 2, 46:23, í Eimskips Bikarnum í dag. Selfoss hafði mikla yfirburði í leiknum og leiddi með 13 mörkum í hálfleik 23:10 og unnu síðan með 23 mörkum eins og áður sagði, 46:23.

Stelpurnar í 4. flokki eru áfram taplausar eftir að þær sigruðu FH í gær, en FH hafði sigrað alla sína leiki hingað til. Leikurinn byrjaði jafnt en þegar líða tók á hálfleikin fóru Selfoss stelpurnar að síga framúr og staðan í hálfleik 9-4. FH stelpurnar komu mjög grimmar til leiks í síðari hálfleik og minnkuðu forskotið hægt og rólega, 2 mörk var munurinn á tímabili, en nær komust þær ekki og Selfoss stelpurnar unnu leikinn 16-14.

Í gær komu Ísfirðingar í heimsókn til okkar á Selfoss með lið þeirra er heitir Hörður. Í því liði eru margir flottir íþróttamenn sem byrjuðu að æfa handbolta nú í haust. Enn vantar því smá upp á hjá þeim en þegar líða fer á veturinn munu þeir eflaust eflast þar sem margir þessara stráka geta vel spilað. Leikurinn endaði 48-19 okkar strákum í hag eftir að staðan í hálfleik hafi verið 23-9.

Selfoss vann góðan sigur á Haukum U, 33-21, á heimavelli í 1. deild karla í kvöld. Selfoss hafði mikla yfirburði í leiknum og leiddi m.a. með átta mörkum í hálfleik, 17-9 og jók síðan muninn í síðari hálfleik og vann að lokum tólf marka sigur eins og áður sagði, 33-21.
Stórskyttan Atli Kristinsson og markvörðurinn Birkir Bragason voru bestu menn Selfossar í kvöld.
Erfitt er að nefna einhvern leikmanna Hauka U sem skaraði fram úr í kvöld þar sem leikur liðsins var frekar dapur í kvöld.

Ef þú ert á aldrinu 13-30 ára og þig langar t.d. að læra hárgreiðslu eða blómaskreytingar í öðru landi, læra nýtt tungumál, fara í sjálfboðavinnu, eða vinna í öðru landi í sumarfríinu þínu þá getur þú haft samband við Evróvísi á Íslandi. Þar getur þú fengið svar við þínum spurningum.

Selfoss ´91 gerði sér lítið fyrir og vann besta lið landsins í þessum aldursflokki. Það verður að teljast gríðarlega góður sigur að vinna jafn gott lið og FH er talið vera. Sigur hafðist með minnsta mun 27-26 eftir að heimamenn leiddu í hálfleik 14-12.

Í kvöld kl 21.00 fer fram í Vallaskóla leikur Selfoss og FH í 3. flokki. FH eru að margra mati með besta lið landsins í 3. flokki og fengu þar að auki þrjá sterka leikmenn frá vinum sínum úr Haukum fyrir tímabilið. Ljóst þykir því að Selfyssingar eiga verulega erfiðan leik fyrir höndum í kvöld. Við hvetjum alla til að mæta og horfa á leikmenn framtíðarinnar og öskra þá áfram. Ekki veitir af því að FH hefur frábæru liði á að skipa og þurfa okkar menn að eiga toppleik til að eiga möguleika gegn slíku liði.

Í gærkvöld sótti 92 -liðið Þróttara úr Reykjavík heim. Þessi leikur mun sennilega seint gleymast leikmönnum Selfoss þar sem sú íþrótt sem leikin var í gærkvöld á fátt skylt við handknattleik. Sigur hafðist í leiknum 22-21eftir mikinn sirkus og húllumhæ. Í hálfleik leiddu Selfyssingar 13-10.

Aðalstjórn Umf. Selfoss hélt fund í gærkvöldi í Tíbrá og var það 11. fundur aðalstjórnar á árinu. Fundir aðalstjórnar eru að jafnaði einu sinni í mánuði. Á fundinum var m.a. samþykkt ný fræðslu- og forvarnarstefna félagsins og ákveðið að halda sérstakan forvarnadag félagsins. Áhrif efnahagsástandsins voru rædd og ákveðið að hefja undirbúning að auknum systkynaafslætt sem mun nýtast barnmörgum fjölskyldum þar sem börn eru í fleiri en einni íþróttagrein...

Framundan eru tveir leikir hér heima hjá meistaraflokki karla í handbolta. Á föstudagskvöldið kl. 19:30 verður leikið við Hauka U í 1. deildinni. Síðan er annar heimaleikur í Vallaskóla á sunnudaginn við Akureyri 2 í Eimskipsbikarnum. Hefst sá leikur kl. 15:00. Í hálfleik í bikarleiknum verður skotkeppni. Nú er um að gera að drífa sig á völlinn og sjá flottan handbolta. Á síðasta heimaleik við Aftureldingu mættu hátt í 500 manns. 

4. flokkur kvenna fór til eyja að spila við eyjastelpurnar í ÍBV. Flogið var frá Bakka í 9 sæta rellu öllum stelpunum til mikillar hamingju og voru ófá öskrin sem að grey flugmaðurinn þurfti að upplifa á meðan hann var að sinna vinnu sinni. Þegar komið var til eyja var okkur skutlað uppá gistiheimili. Stelpurnar gistu eins og sardínur í dós á meðan Halldór og Hermann þjálfarar fengu undir sig tveggja hæða hús alveg einir, enda algjörir kóngar þar á ferð. Við hentum frá okkur dótinu og komum okkur upp í íþróttahús enda stutt í leik ÍBV-Selfoss.