Handbolti

Á laugardeginum var spilað við KA og voru strákarnir frábærlega vel stemmdir og unnu sannfærandi sigur 25 - 41 en staðan í hálfleik var 12 - 25. Markahæstir voru Ragnar með 12 mörk, Bjarki Már og Hermann með 8 og Siggi Már og Einar með 5 mörk. Helgi varði 20 skot og þar af 1 víti. Þá stjórnaði Halldór sókninni frábærlega í leiknum og var með 7 stoðsendingar.


Á sunnudeginum var spilað á móti Þór og það var ánægjulegt hversu ákveðnir og einbeittir strákarnir voru allan leikinn. Eftir góða byrjun þá komust Þórsarar inní leikinn og var jafnræði með liðunum fram að hálfleik. Staðan í hálfleik var 14 - 17 fyrir Selfoss. Í seinni hálfleik gáfu okkar strákar í og unnu góðan sigur á sterku Þórsliði 21 - 36. Vörn og markvarsla var frábær í seinni hálfleik en Þórsliðið skoraði bara 7 mörk í honum. Markahæstir voru Bjarki Már, Ragnar og Einar með 8 mörk hver og þá var Hermann með 6 mörk. Halldór gaf 8 stoðsendinar og stjórnaði leiknum mjög vel í seinni hálfleik. Helgi varði 29 skot í markinu og stóð sig frábærlega.

Sannarlega frábær úrslit hjá strákunum sérstaklega í ljósi þess að Guðmundur Árni sem vanalega er markahæstur í liðinu spilaði hvorugan leikinn vegna meiðsla.


Næsta verkefni strákana er á móti FH á miðvikudaginn á útivelli og verður það án efa erfiðasti leikur þessa árs enda FH-ingar með stórkostlegt lið.