Handbolti

Umsvif handknattleiksdeildar aukist ár frá ári, iðkendum hefur fjölgað og árangurinn hefur aldrei verið betri. Flestir árgangar eru á meðal fimm bestu á landsvísu. Um 250 einstaklingar sem stunda handbolta af fullum krafti á Selfossi og æfa þrisvar til tíu sinnum í viku. Í Handboltaakademíu FSu og UMFS eru 34 strákar og eru sex af þeim í unglingalandsliðum.

Á síðasta keppnistímabili léku lið á vegum handknattleiksdeildar Umf. Selfoss 507 leiki!!! Einnig var Landsbankamótið í 6. flokki drengja haldið á Selfossi þar sem leiknir voru 115 leikir. Ekki eru taldir með æfingaleikir og æfingamót sem lið tóku þátt í heldur aðeins leikir í opinberum mótum.

Þessi samantekt sýnir hversu umfangsmikið starfið er hjá handknattleiksdeildinni. Hjá deildinni starfa 10 þjálfarar, 12 manns sitja í stjórn og unglingaráði og mun fleiri í foreldraráðum.

Á vegum handknattleiksdeildarinnar fara fram hátt í 40 æfingar á viku og þyrftu að vera mun fleiri. Fjórir flokkar æfa milli kl. 22 og 23 á kvöldin sem er ekki ásættanlegt.

Engin útihandboltavöllur er á Selfossi, en þá er að finna t.d. í Hveragerði, Hellu og Hvolsvelli.