Handbolti

Selfossliðið var að spila 3 leikinn sinn á 5 dögum og virkuðu bæði hægir og þreyttir enda hópurinn ekki stór. Þeir náðu aldrei upp þeim krafti sem einkennir liðið vanalega. Þó ber að hrósa þeim fyrir það að koma alltaf til baka þegar FH náði nokkrum sinnum 3-4 marka forystu. FH liðið var þó ávallt á undan að skora en Selfossliðið náði boltanum þegar 6 sekúndur voru til leiksloka og fengu fínt færi úr hraðaupphlaupi en skotið á markið kom bara 1 sekúndu of seint því leiktíminn var liðinn. Það má því segja að þeir hafi náð þokkalegum leik þrátt fyrir þreytuna.

Í sókninni spiluðu Ragnar, Einar og Siggi Már best en Siggi varð að fara útaf þegar 12 mín. voru til leiksloka þar sem hann var kominn með krampa í báða fætur. Varnaleikurinn var góður í seinni hálfleik og þá kom markvarslan með en bæði vörn og markvarsla var slök í fyrri hálfleik. Markahæstir voru Ragnar og Einar með 7 mörk, Siggi Már og Bjarki með 5 og loks Halldór 2 og Hermann 1. Helgi varði 10 skot þar af 7 í seinni hálfleik. Í Selfossliðið vantaði Guðmund Árna sem er enn meiddur.

Hjá FH var Ólafur Guðmundsson langbestur bæði í vörn og sókn. Hann skoraði 11 mörk, þar af 10 í fyrri hálfleik. Hann var tekinn úr umferð allan seinni hálfleikinn. Þá áttu bæði Sigurður á línunni góðan leik bæði í vörn og sókn sem og Sigurður í markinu en hann hefur líklega varið á bilinu 18-22 bolta og þar af 2 víti. Í lið FH vantaði Aron Pálmarsson.

Niðurstaðan: Einfaldlega sú að Selfossliðið spilaði ekki nógu vel í þessum leik til að eiga sigur skilinn þrátt fyrir hetjulega baráttu.