Handbolti

Í gær lék 4. fl gegn Gróttu á Seltjarnarnesi. Okkar drengir áttu hörmulegan leik og vilja eflaust gleyma honum hið allra fyrsta. Grótta leiddi í hálfleik 19-12 og vann að lokum 32-22.

Fátt var um fína drætti að þessu sinni og var engin markvarsla í leiknum sem og enginn varnarleikur. Sóknin gekk brösulega á tíðum en oft komu þó ágætis leikfléttur inn á milli. Guðmundur og Anton voru langmarkahæstir og skoruðu 18 af 22 mörkum liðsins og voru þeir tveir langskástu mennirnir í leiknum, af Selfoss hálfu þ.e.a.s.

Ljóst er að strákarnir verða að girða sig í brók fyrir næsta leik.