Handbolti

Á sunnudaginn spilaði 3. flokkur kvenna seinasta leikinn sinn fyrir jólafrí á móti Haukum. Leikurinn fór fram á Ásvöllum og voru stelpurnar fáliðaðar vegna veikinda og annarra ástæðna.

Stelpurnar byrjuðu gríðarlega illa og voru greinilega ekki tilbúnar í þennan leik. Hauka-stelpurnar nýttu sér það vel með grimmri vörn og hraðaupphlaupum. Selfoss-stelpurnar voru á hælunum og misstu marga bolta klaufalega í sókninni og spiluðu lélega vörn. Staðan í hálfleik var 21-7 Haukum í vil.

Stelpurnar byrjuðu seinni hálfleikinn ágætlega. Þær spiluðu ágæta vörn á köflum en voru að missa allt of mikið af boltum með lélegum sendingum og voru óheppnar með skot. Leikurinn endaði 37-19 fyrir Haukum.

Ekki er hægt að segja annað en að stelpurnar hafi spilað langt undir getu í þessum leik, enda mæting á æfingar búin að vera skelfileg undanfarið. Er nokkuð ljóst að þær verða að mæta betur á æfingar í jólafríinu ef að þær ætla að ná góðum árangri eftir áramót.

Hildur Øder Einarsdóttir og Thelma Sif Kristjánsdóttir voru markahæstar í liði Selfoss með 6 mörk hvor.