Handbolti

Það er sárasjaldan að Selfoss tapar deildarleik á heimavelli og því var fögnuður ÍR eðlilega mikill í leikslok. Leikurinn hefði getað dottið hvoru megin sem var en það var aldrei meira en 2 marka munur á liðunum í seinni hálfleik. Í lokin voru það reynsluboltarnir í ÍR sem kláruðu leikinn fyrir þá en Ólafur Sigurjónsson og Brynjar Steinarsson skoruðu síðustu 2 mörk ÍR-inga sem reyndust vera mikilvægustu mörk leiksins. Þá átti Jacek Kowal góða innkomu á lokakafla leiksins og hreinlega lokaði markinu á mikilvægum augnablikum.

Eins og áður sagði þá spiluðu bæði lið frábæran varnarleik en báðum liðum gekk erfiðlega að skora og þá voru fá mörk skoruð úr hraðaupphlaupum þrátt fyrir margar tilraunir en bæði lið reyndust fljót til baka í vörnina. markvarsla liðanna var einnig góð.

Hjá Selfossliðinu var það sóknarleikur liðsins sem varð því að falli annan leikinn í röð. Hvorki Atli né Kalendauskas náðu sér á strik í vinstri skyttunni og spiluðu báðir undir getu en þeir skila saman 4 mörkum úr 14 skotum í leiknum. Ekkert náðist að virkja hornin heldur þannig að sóknarleikurinn var að mestu borinn uppi af Ragnari og Michal. Þá átti Ívar fína spretti á miðjunni og er að koma til með hverjum leiknum sem hannn spilar. Það er ljóst að í svona leik þar sem hvert mark og hver mistök skipta máli að þá þurfa fleiri að ná góðum leik til þess vinna topplið eins og ÍR.

Næstu 2 leikir eru gríðarlega erfiðir og ljóst að Selfossliðið þarf að vinna vel í sínum málum næstu 2 vikurnar til þess að halda í við toppliðin. Næsti leikur er á móti Víkingum á útivelli og svo kemur FH í heimsókn á Selfoss 13 des. en þeir hafa enn ekki tapað leik í deildinni.

Helsta tölfræði - Selfoss:
Ragnar Jóhannsson  5 mörk, 3 stoðsendingar, 3 boltum náð
Michal Dostalík  4 mörk, 1 stoðsending, 3 fenginn víti
Guðni Ingvarsson  4 mörk, 1 stoðsending, 8 boltum náð
Hörður Bjarnarson  4 mörk, 4 boltum náð
Ívar Grétarsson  2 mörk, 5 stoðsendingar
Atli Kristinsson  2 mörk, 2 stoðsendingar
Ramunas Kalendauskas  2 mörk, 1 stoðsending
Ramunas Mikalonis  0 mörk, 2 stoðsendingar
Arnar Gunnarsson  0 mörk, 2 stoðsendingar, 1 bolta náð 

..ekki fengust tölur um brotin fríköst að þessu sinni.

Sebastian Alexandersson  18 skot varin (43%)
Halldór Sævar Grímsson  1 skot varið (50%)


Í liðið vantaði Birkir Fannar og Baldur Þór sem eru frá vegna meiðsla. Þá lítur allt út fyrir að Arnar Gunnarsson hafi meiðst illa í gær en grunur liggur á um að hann hafi rifið nárann í gær. Vonandi mun það reynast rangt við nánari skoðun.


Áhorfendur voru frábærir og báðu strákarnir í liðinu um að skila þökkum fyrir frábærann stuðning í gær.


Áfram Selfoss