Handbolti

Handknattleiksdeild umf. Selfoss fékk á dögunum verðlaun fyrir bestu umgjörð á leikjum sínum í 1.deild Íslandsmótsins. Það var fréttavefurinn handbolti.is sem stóða að valinu. Selfoss hefur fengið lang flesta áhorfendur á sína leiki og voru til að mynda tæplega 400 áhorfendur á síðasta heimaleik í toppslagnum við ÍR.

Það hafa komið mun fleiri áhorfendur á leikina í vetur, stemmingin hefur verið frábær og BT-músin og trommusveitin sjá um að allir séu með. Í fyrra vakti athygli hversu margir áhorfendur komu á leiki í unglingaflokki og þessi fjöldi er svo að skila sér upp í meistaraflokk núna. Greinilegt að Selfyssingar vilja standa við bakið á þeirri uppbyggingu sem á sér stað hjá Handknattleiksdeild, og fólk vill sjá lið skipað SELFYSSINGUM komast í fremstu röð.