Handbolti

Fyrir stuttu lék B lið flokks gegn Haukum og fór leikurinn fram á Ásvöllum. Strákarnir hafa verið að bæta sig jafnt og þétt og hafa staðið sig vel í fyrri hluta tímabilsins.

Fyrri hálfleikur var mjög jafn en Haukar voru þó alltaf skrefinu á undan, ávallt með eins til tveggja marka forystu. Í hálfleik var þó jafnt 12-12. Seinni hálfleikur var með svipuðu sniði en nú voru það Selfyssingar sem voru ávallt skrefinu á undan, allt þangað til fimm mínútur voru til leiksloka er Haukar jafna 17-17 og komast svo yfir 17-18. Okkar menn gáfust ekki upp og náðu jafnharðan en síðustu þrjú mörk leiksins voru Haukamanna og uppskáru þeir því sigur 21-18.

Selfoss hnokkar stóðu sig engu að síður mjög vel í leiknum og áttu sigurinn virkilega skilinn, vonandi tekst að ná honum í næsta leik.

Í leiknum varði Bogi vel og vörnin stóð sig vel með Jóhann Gylfa fremstan í flokki ásamt nafna sínum Guðmundarsyni. Árni Felix og Daníel Basta voru lengstum teknir úr umferð en Daníel þó öllu lengur og komu þeir minna við sögu í sókninni en áður. Sturlaugur Eyjólfsson stóð sig mjög vel í sókninni og hefur vaxið jafnt og þétt sem línumaður.