Handbolti

Við tókum stutt viðtal við við Sebastian Alexandersson fyrir viðureign ÍR og Selfoss í 1. deildinni í kvöld, mánudagskvöld.

Jæja Sebastian nú farið þið í Austurbergið í kvöld, verður þetta ekki bara auðvelt?
Auðvelt er afstætt hugtak. Síðast þegar við mættum þeim í Austurbergi þá var þetta frekar auðvelt fyrir okkur en alls ekki fyrir dómarana sem því miður fóru á taugum í þessu Afganistan-andrúmslofti sem skapaðist síðustu 15 mín. leiksins. Þegar við spiluðum við þá hér á Selfossi þá var þetta frekar auðvelt fyrir þá nema að þeir gátu bara ekki skorað hjá mér af neinu viti. Þannig að þú sérð að það er ekki hægt að svara þessari spurningu.

Nú hafi þið tvisvar verið nálagt því að stela stigum af ÍR en tapað á lokasekúndunum, er ekki komið að ykkur?
Ég vill líta þannig á það að þeir hafi tvisvar náð að stela af okkur stigunum og að þeim takist það ekki aftur í kvöld nema allt sé þegar þrennt verður í samsærinu gegn mér.

Munt þú vera í eldlínunni í kvöld ef þess þarf?
Nei, sem betur fer fyrir þá og sérstaklega alla nýju leikmennina sem þeir fengu í janúar til þess að gera gæfumuninn gegn mér. Ég kann bara ekki við það að loka á 3 kynslóðir leikmanna í þeirra liði. Reyndar verð ég að viðurkenna að mér gekk aldrei vel með Finn Jóhanns þannig að hann er klárlega ljósið hjá þeim.

Eru einhver meiðsli í ykkar herbúðum?
Er það ekki alltaf eitthvað hjá öllum, eitthvað.

Eru ÍR-ingarnir ekki bara gamlir kallar?
Hvern ertu að kalla gamla karla .. strákana hjá þeim sem eru yngri en ég. En ætli ég verði ekki að viðurkenna að þeir eru það í þessari deild en þeir væru klárlega ekki svona ofarlega í deildinni án þeirra. Það eru þessir svokölluðu "gömlu" karlar sem eru að klára leikina fyrir þá þegar á reynir.