Handbolti

Strákarnir í 7. flokki (fæddir 1998) gerðu sér lítið fyrir um síðastliðna helgi og unnu keppni C-liða í 6. flokki !! Þeir hafa unnið alla sína leiki í 7. flokki í vetur, en auk þess taka þeir líka þátt í keppni c-liða í 6. flokki þar sem þeir etja kappi við stráka sem eru einu og tveimur árum eldri en þeir. Strákarnir láta það ekki stoppa sig og tókst um helgina hið ótrúlega þ.e. að verða deildarbikarmeistarar. Þeir unnu alla sína fjóra leiki í riðlinum mjög örugglega. Síðan unnu þeir tvo leiki í milliriðli þar á meðal KR sem eingöngu var skipað leikmönnum sem eru tveimur árum eldri en þeir. Loks unnu þeir lið HK í úrlitaleik 10-7. Liðið skipuðu þeir Aron, Teitur, Andri Páll, Hlynur, Trausti, Jökull, Bjarni og Bjarki.

B-liðið er eingöngu skipað leikmönnum á yngra ári í 6. flokki (fæddir 1997). Þeir eru í efsta sæti til íÍslandsmeistara og voru sigurstranglegir fyrir þetta deildarbikarmeistaramót. Þeir unnu alla sína leiki í riðlinum og fyrsta leik í milliriðli, en misstu unnin leik niður í jafntefli gegn FH í undanúrslitum þar sem FH jafnaði á síðustu sekúndu leiksins. FH komst í úrslitaleikinn á betri markatölu þar sem munaði einu marki. Mikil vonbrigði fyrir strákana en þeir unnu Gróttu stórt í leiknum um þriðja sætið og tryggðu sér bronsverðlaun. Liðið skipuðu þeir Símon, Oliver, Elvar, Richard, Ómar Ingi, Hákon Öder, Magnús Öder, Sindri og Eiríkur.

A-liðið lék mjög vel í undanriðlinum og vann alla sína leiki. Þeir töpuðu með einu marki gegn Haukum í milliriðli í leik sem þeir áttu að vinna. Strákarnir náðu sér svo ekki á strik gegn Fram í leik um 5. sætið og höfnuðu því í 6. sæti sem er reyndar framför frá Íslandsmótinu, en þeir áttu alla möguleika á að ná alla leið í undanúrslit. Liðið skipuðu þeir Bjarki Már, Kári, Sævar Ingi, Jón, Guðlaugur, Einar Dofri, Andri Orri, Árni og Arnór

C2-liðið komst ekki upp úr riðlinum. Þeir töpuðu naumlega fyrir FH og Fram, en unnu Stjörnuna og Hauka örugglega. Voru strákarnir að spila mjög vel í þeim leikjum. Liðið skipuðu þeir Fjölnir, Magnús, Einar, Nikulás, Guðjón, Gunnar Geir, Arnar Helgi, Ásgeir og Sverrir.