Handbolti

Í gærkvöld lék 91-lið Selfoss í 3. flokki gegn ÍR í Austurbergi. ÍR skartar fjórum unglingalandsliðsmönnum og telja margir þá vera með sterkt lið. Okkar drengir báru helst til mikla virðingu fyrir ÍR-ingum í byrjun leiks og eftir 20 mínútna leik var staðan 6-11 ÍR-ingum í vil.

Selfyssingar bættu aðeins í og tóku að spila mun skárri varnarleik og var staðan í hálfleik 13-15 fyrir ÍR. Sá munur sveiflaðist í fjögur mörk í síðari hálfleik en í stöðunni 19-21 tóku tveir sérstakir aðilar öll völd á vellinum og og breyttist staðan í 20-26. Það braut okkar drengi ekki á bak aftur og náðu þeir að minnka muninn í 27-29 en komust ekki nær. Lokatölur urðu 28-31 fyrir ÍR.

Okkar menn léku vel í leiknum og nægjanlega vel til að ná a.m.k. einu stigi úr leiknum. Það hefði vafalaust tekist án þáttar tveggja sérstakra manna. Það hefði einnig tekist ef menn hefðu byrjað leikinn af sama krafti og þeir léku í 40 mínútur af leiknum.

Leikurinn hófst kl. 22.05 og þykir það víst boðlegt hjá vissum félögum. Honum lauk kl. 23.18, ekki slæmt það.

Árni Steinn Steinþórsson lék mjög vel í leiknum og skoraði átta mörk, Matthías var frábær í vörninni og skoraði úr sex þrumuskotum. Örn Þrastarson setti sex mörk og lék mjög vel. Þór Davíðsson skoraði fjögur mörk og átti stórleik á línunni. Hann fékk heldur óblíðar móttökur en flest brögð voru leyfð í vörn ÍR-inga. Daníel Freyr Jónsson kom inn á í leiknum og gerði marga góða hluti. Sverrir Andrésson varði 21 skot í markinu. Orri Davíðsson lék vel í vörninni. Andri Már Sveinsson getur leikið mun betur en hann gerði í gær, þá er átt við lélega skotnýtingu hans.

Liðið lék án Andra Hallsonar sem er meiddur og munar um minna. Hann er eina örvhenta skyttan í hópnum.

Markaskorun:
Árni Steinn 8
Örn 6
Matthías 6
Þór 4
Daníel 2
Trausti 1
Andri Már 1