Handbolti

Leikurinn byrjaði ágætlega og voru okkar menn inní leiknum fyrstu 20 mín. leiksins en þá var staðan 7 - 8 fyrir Selfoss. Þegar flautað var til hálfleiks þá var FH hins vegar komið með yfirhöndina og leiddi 14 - 11. Það var með ólíkindum að Selfoss skyldi enn vera inní leiknum m.v. það sem hafði gengið á í fyrri hálfleik. Afar slakir dómarar leiksins ráku Selfyssinga útaf alls 7 sinnum í fyrri hálfleik á móti 1 brottvísun FH og það var ekki að sjá að FH spilaði neitt minna fastari vörn en Selfoss. Þar að auki misnotuðu Selfyssingar 2 vítaköst og nokkur dauðafæri í hálfleiknum. Það var ljóst strax í upphafi síðari háfleiksins að allur móður var úr Selfossliðinu og var ekki svipur hjá sjón að sjá liðið m.v. fyrri hálfleikinn. Menn þorðu ekki að spila vörn og þá styttust sóknir okkar manna og urðu óagaðar og við það náði FH liðið að beita sínum sterkasta vopni sem eru hraðaupphlaupin. Fyrir vikið vann FH verðskuldaðan sigur að þessu sinni.

Í FH liðinu náðu allflestir leikmenn að sína sitt besta andlit en þó stóð Daníel markmaður þeirra upp úr og var langbesti leikmaður þeirra að þessu sinni. Það er greinilegt að FH er að gera frábæra hluti með þennan strák. En hann eins og Birkir á engan sjens í U-20 landsliðið af því að enginn frá HSÍ sér þá spila.

Í Selfossliðinu náði enginn að skrara fram úr að þessu sinni. Ýmsir leikmenn tóku fína spretti en ekkert meira en það. Okkar menn fengu því ekkert úr þessum leik að þessu sinni annað en 2 meidda leikmenn til viðbótar og rassskellingu.

Þjálfari okkar manna hafði þetta að segja eftir leikinn:
Við vorum enn inní leiknum í hálfleik en mínir menn virtust ekki gera sér grein fyrir því. Ég lagði áherslu á það í hálfleik að við yrðum að halda okkur við það upplegg sem sett var upp fyrir leikinn en því miður hættum við alveg að spila agaðar og langar sóknir og fórum í staðinn að taka skot sem leiddu bara til hraðaupphlaupa hjá FH. Við létum markmanninn þeirra verja of mikið af dauðafærum og þá urðum við nánast bara áhorfendur í vörn í síðari hálfleik og þá er ekki von á góðu. Við virðumst alltaf draga það besta fram í FH liðinu og ég vill óska þeim til hamingju með sigurinn. Það er mín skoðun að þeir séu með langbesta liðið í deildinni og talsvert betur undir það búnir að fara upp um deild en bæði liðin í fyrra.

Hvað viltu segja um tíða brottrekstra og frammistöðu dómarana?
Þeir sjá um sitt starf og ég sé um mitt. Hvort þeir sinna sínu starfi eins og fagmenn er þeirra mál. Ég hef engan atkvæðisrétt um það. Ég mun hins vegar setja yfirlýsingu um ákveðin atriði á heimasíðuna okkar í vikunni eftir að hafa ráðfært mig við formann dómaranefndar og formann deildarinnar. Ég er búinn að fá mig fullsaddann af endalausum áróðri og ásökunum ákveðinna þjálfara og leikmanna varðandi mína persónu og okkar varnarleik á meðan það hrannast upp meiðslalisti leikmanna hjá mér eftir glórulaus brot hinum megin á vellinum sem langflestum tilfellum eru svo látin óafgreidd af ákveðnum dómurum sem koma með fyrirfram ákveðnar skoðanir um það til leiks að við séum grófari. Það er ekki gæfulegt þegar dómari segir "þið eruð bara fautar". Sem betur fer á þetta við um örfáa einstaklinga en þetta er engu að síður orðið gott. Nú er kominn tími til að svara þessu bulli. Ég vill bæta því við svo að þetta svar verði ekki tekið úr samhengi að þetta er ekki tilkomið vegna leiksins í gær heldur hefur þetta verið að gerast í allan vetur og á ekki bara við um meistaraflokk.

Varðandi næsta leik sem er einnig á útivelli á móti ÍR þá bætti hann við:
Nú mætum við hinu liðinu sem er að fara upp um deild næsta föstudag en þeir munu ekki fá svona auðvelda viðureign þrátt fyrr að vera með besta liðið á pappírunum.

Heimasíðan hvetur alla til að mæta á næsta útileik og ekki síður næsta heimaleik þann 6 mars.

Áfram Selfoss