Handbolti

Fjórða keppnishelgi 5. fl. karla og kvenna fór fram um helgina. Mótið var deildaskipt þannig að hvert lið lék 4-6 leiki í sinni deild. Strákarnir spiluðu á Seltjarnarnesi, en stelpurnar í Mosfellsbænum. Selfoss sendi að vanda A, B og C-lið til leiks í karlaflokki. A-liðið lék í 1. deild á meðal sterkustu liðanna. Strákarnir unnu HK 18–14 , en töpuðu fyrir Gróttu 9–19, Aftureldingu 6–24 og KA 17–20. B-liðið lék í 3. deild og gerði sér lítið fyrir og vann alla sína leiki. Strákarnir unnu Fjölni 20–6, Víking 22–15, ÍR 23–8 og HK 19–9. C-liðið stóð sig einnig vel. Þeir unnu tvo leiki, en töpuðu einum. Þrjú lið urðu jöfn með 4 stig, en Þróttur vann á innbyrðis markahlutfalli. Selfoss tapaði fyrsta leiknum við Fjölni 7–10, en vann síðan Hauka 11–7 og Þrótt 15–13.

Hjá stelpunum lék A-liðið í 3. deild. Þær gerðu sér lítið fyrir og unnu alla sína leiki og hlutu 8 stig. Stelpurnar unnu Fylki 15–9, Hauka 10–9, Val 9–7 og KA 11–3. B-liðið vann Hauka 9–6, en tapaði fyrir ÍBV 5–12 og Gróttu 1-15. Fylkir gaf sinn leik svo B-liðs stelpurnar enduðu í 5. sæti með 4 stig.