Handbolti

Í gær áttust við Selfoss 91 og Stjarnan í 3. flokki á Selfossi. Fyrir stuttu vann Stjarnan allt of stóran sigur á sömu Selfossdrengjum og voru þeir svo sannarlega ekki búnir að gleyma því er leikurinn hófst. Okkar menn náðu fljótlega þriggja marka forystu og bættu jafnt og þétt ofan á hana í fyrri hálfleik. í hálfleik stóðu leikar 13-7 fyrir Selfyssinga.

Sá munur hélst meira og minna allan seinni hálfleik, Stjörnumenn komust ekki nær en fjögur mörk. Langþráður sigur strákanna í höfn, 25-18. Með skynsamlegum sóknarleik og frábærri vörn er hægt að gera ýmislegt í handboltaleik.

Matthías Halldórsson (þó ekki landlæknir) og Þór Davíðsson bundu vörnina saman og Sverrir varði vel fyrir aftan. Þór var mjög öflugur á línunni með fjögur mörk og jafnmörg fiskuð víti. Örn Þrastarson átti einnig góðan leik, þá sérstaklega í þeim síðari. Í liðið vantaði Orra Daviðsson og munar þar miklu, ánægjulegt er þó hve góða vörn liðið lék án hans.

Markaskorun skiptist annars svona:
Matthías 6
Árni Steinn 5
Örn 4
Þór 4
Andri Már 3
Andri Halls 2
Kamil 1
Sverrir varði 14 skot.