Handbolti

Í dag kl 17.30 verður æfingaleikur á milli 91-liðsins annars vegar og 92-liðsins hins vegar. Fróðlegt verður að sjá hvort stubbarnir í 92-liðinu stríði hrímþursunum í eldra liðinu. Hart verður barist, flestir spá eldra liðinu sigri en spurning er hvað dómarinn Jón blindi gerir? Mun hann halda með yngra liðinu? Ef svo verður, hvernig bregðast þá þursinn við?

 Fróðlegt verður að fylgjast með gangi mála og alveg ljóst að yngri strákarnir leggja allt kapp á að vinna en þursaflokkurinn vill eflaust alls ekki tapa gegn yngri drengjum. Þá fengju þeir nú að heyra það frá þeim yngri í all nokkurn tíma.

Jón blindi dómari leiksins kvaðst ekki vera viss um með hvoru liðinu hann ætlaði að halda en var fullviss um að gefa rautt spjald. Það yrði jafnvel ákveðið í hálfleik.