Handbolti

KA-menn komu í heimsókn á laugardaginn og léku tvo leiki gegn 3. flokks liðum okkar Selfyssinga. Fyrst léku þeir gegn 90-liðinu og varð sá leikur aldrei spennandi né skemmtilegur. KA-menn ákvaðu að leika með varamenn sína í þeim leik til að hvíla lykilmenn gegn 91-liðinu sem þeir áttu að leika gegn síðar um daginn. Einstaklega furðuleg ráðstöfun verður að teljast, að stilla upp varaliði gegn einu besta liði landsins.

Leikurinn var eins og áður sagði aldrei spennandi, eftir um átta mínútna leik leiddu Selfyssingar 10-3 og alveg ljóst hvert stefndi. Í hálfleik stóð 22-9. Allir leikmenn Selfoss léku mikið í leiknum og skiluðu sínum hlutverkum og vel það. Lokatölur urðu 41-19, en eflaust hefði sá munur verið minni hefðu KA-menn leikið á sínum sterkasta mannskap. Erfitt er að taka út einhvern einn sem besta mann en gaman var að sjá menn þó reyna að taka á hlutunum á fullu og af alvöru þrátt fyrir að fá ekki það sama frá andstæðingnum.

Tölfræði:

Ragnar Jóhannsson 12 mörk og 7 brotin fríköst
Guðmundur Árni Ólafsson 11 mörk  og 5 stolnir boltar
Bjarki Már Elísson 7 mörk
Halldór Stefán Haraldsson 3 mörk og 7 stoðsendingar
Sigurður Már Guðmundsson 3 mörk og 8 brotin fríköst
Hermann Guðmundsson 3 mörk
Guðbjörn Tryggvason 1 mörk
Einar Héðinsson 1 mörk og 11 brotin fríköst
Helgi Hlynsson varði 30 skot