Handbolti

Selfoss-91-liðið sótti hið sterka og sigursæla lið FH heim í gærkvöld. FH-liðið er eitt það besta á landinu og hefur unnið marga titla, hvort sem er á Íslandi eða erlendis. Því var alveg ljóst að um erfiðan leik yrði að ræða fyrir okkar stráka.

FH-ingar höfðu frumkvæðið í fyrri hálfleik og náðu undir lok hans sex marka forystu sem var þó of mikill munur því okkar menn gerðu sig seka um að misnota nokkur dauðafæri sem færði Hafnfirðingum nokkur auðveld mörk í kjölfarið. Staðan í hálfleik 18-12.

Sá munur helst út allan leikinn, okkar strákar náðu muninum einu sinni niður í fimm mörk en annars var alltaf sex til átta marka bil á milli liðanna. Strákarnir léku síðari hálfleikinn gríðarlega vel og splúndruðu sterkri 3-2-1 vörn heimamanna nokkrum sinnum glæsilega.

Lokatölur voru 36-30 og mega okkar stráka vel við una að tapa fyrir sigursælasta liði landsins með sex mörkum á þeirra heimavelli, fyrir utan þá staðreynd að allir leikmanna FH eru á eldra ári en okkar drengir allir á yngra ári.

Árni Steinn skoraði ekki nema 18 mörk og átti frábæran leik, að auki átti hann sex stoðsendingar einnig lék hann mjög góða vörn í leiknum. Árni er reyndar hornamaður en lék sem skytta í þessum leik í fjarveru Andra Halls og Orra. Matthías var sterkur í vörninni og skoraði nokkur góð mörk. Hann átti reyndar nokkur illa ígrunduð skot á kafla í fyrri hálfleik. Andri Már stóð sig vel og gerði marga góða hluti í sókninni. Trausti var óheppinn með skot en lék vörnina vel, Andri Karlsson átti fína innkomu sem og Anton sem lék vel í hægra horninu, en hann er enn í 4. flokki. Þá varði Sverrir vel í leiknum.

Í lið Selfoss vantaði þá Orra Davíðsson sem er meiddur á báðum ökklum, Andra Hallsson sem er meiddur á öxl og Kamil Jónsson sem er meiddur á hné.

Tölfræði:

Árni Steinn Steinþóssom 18 mörk og sex stoðsendingar

Matthías Örn Halldórsson fimm mörk, þrjár stoðsendingar og níu brotin fríköst

Andri Már Sveinsson tvö mörk, þrjú fengin víti og fjórar stoðsendingar

Trausti Eiríksson eitt mark

Andri Hrafn Karlsson eitt mark og tvö fengin víti

Anton Freyr Traustason eitt mark

Þór Davíðsson eitt mark, níu brotin fríköst og tvö fengin víti

Daníel Freyr Jónsson eitt mark

Sverrir Andrésson varði 25 skot