Handbolti

Grótta tók á móti Selfyssingu á Seltjarnesinu á föstudagskvöldið og endaði leikurinn með jafntefli 28-28.

Það var ekki handbolti uppá marga fiska sem lið Gróttu og Selfyssinga buðu uppá í kvöld á Seltjarnarnesinu. Leikurinn einkenndist af mjög hægu tempói og leiðinlegum handbolta.

Selfyssingar byrjuðu leikinn mun betur og komust meðal annars í 3-5 og 8-11 með stórskytturnar Ragnar Jóhannsson og Atla Kristinsson í fararbroddi en Þorleifur Árni Björnsson fór fyrir liði Gróttu með helling af mörkum utan af velli. Grótta spilaði hægar sóknir og drap niður hratt tempó Selfyssinga sem þó náðu að svara öðru hverju fyrir sig með hraðaupphlaupum. Á 18 mínútu fékk Mikal Dostalik Tékkneski línumaður Selfyssinga að líta rauðaspjaldið fyrir eitthvað sem fréttaritari kom ekki auga á en leikmaður Gróttu lá eftir í gólfinu.

Staðan í hálfleik var 11-12 Selfossi í vil.

Hið sama var uppá teningnum í seinni hálfleik og áfram leiddu Selfyssingar en liðsmenn Gróttu hleyptu þeim aldrei of langt frá sér og héldu áfram að skora gegn götóttri vörn Selfyssinga. Vörn Gróttu var reyndar ekki heldur uppá marga fiska. Þegar um 2 og hálf mínúta lifði til leiks loka var staðan 24-27 Selfyssingum og leikurinn virtist svo gott sem búin en þá tekur Guðmundur þjálfari Gróttu leikhlé og endurskipurleggur leik sinna manna og í kjölfarið af því og mörgum sóknarmistökum Selfyssinga ná leikmenn Gróttu að minnka munin í eitt mark 27-28 þegar um hálf mínúta var eftir. Selfyssingar taka þá leikhlé til að skipuleggja sína síðustu sókn. Leikmenn Gróttu spila maður á mann vörn og ná að sigra boltan eftir slaka sendingu leikmanns Selfyssinga með viðkomu í öðrum Selfyssing og síðan í fót hins þriðja. Leikmenn Gróttu fara í hraðaupphlaup og ná að skora þegar 3 sekúndur eru eftir og þannig stóðu leikar 28-28.

Mörk Selfoss
Ragnar Jóhannson 8 mörk
Atli Kristinsson 6 mörk
Ívar Grétarsson 4 mörk
Ramunas Mikalonis 3 mörk
Ramunas Kalendáskas 2 mörk
Hörður Bjarnarson 2 mörk
Guðni Ingvarsson 1 mark
Mikal Dostalik 1 mark
Gústaf Liliendahl 1 mark