GRÓTTA frá Seltjarnarnesi lagði Selfoss, 34:28, þegar liðin mættust í 1. deildinni í handbolta karla í gærkvöldi á Selfossi að viðstöddum um 400 áhorfendum.
Grótta skaust þar með í efsta sæti deildarinnar með 12 stig líkt og Selfoss og ÍR en Selfoss hefur leikið einum leik meira en hin tvö liðin. Í hinum leik gærkvöldsins vann Afturelding lið Þróttar 34:21 og er Afturelding í fimmta sæti með 8 stig en Þróttur er enn án stiga eftir átta leiki.
Finnur Stefánsson var atkvæðamikill í liði Gróttu í gærkvöldi og skoraði níu mörk, Zoltan Beláný var með sjö og Arnar Teodórsson sex. Hjá heimamönnum var Ragnar Jóhannsson jafn stórtækur og Finnur, skoraði níu mörk og Atli Kristinsson
Myndir af leiknum á http://www.sudurlandid.is/?p=101&id=25201&PHPSESSID=bc69124a988d97bbf7bb357ac540a347