Handbolti

Í kvöld tapaði 92 liðið í bikarnum gegn Hlíðarendapiltum úr Val. Leikurinn var jafn fyrri hluta fyrri hálfleiks upp í 8-8 og þá kom skelfilegur kafli og staðan orðin 9-15 fyrir Val. Okkar menn náðu að laga stöðuna fyrir leikhlé og staðan þá 13-16.

Seinni hálfleikur var lélegur vægast sagt. Menn kepptust við að skjóta í markmann Valsmanna, missa boltann gríðarlega klaufalega trekk í trekk og buðu þannig Valsmönnum upp á ódýr hraðaupphlaups mörk.

Lokatölur voru 24-33 eftir að Valsmenn komust mest í 15 marka mun. Okkar drengir skoruðu ekki í fyrstu 12 mínútur síðari hálfleiks og alls urðu tæknifeilar í leiknum 24. Slíkt er ekki vænlegt til árangurs.

Guðbjörn var markahæstur með 9 mörk
Orri skoraði 6
Kamil 3
Ingvi 3
Einar 2
Daníel 1
Erlingur varði alls 15 skot í leiknum og stóð sig ágætlega.