Handbolti

Um helgina fór fram síðasta keppnishelgi 5. flokks karla, eldra ár, í handbolta á Ásvöllum í Hafnarfirði. Lið Selfoss stóð sig frábærlega á mótinu. Strákarnir unnu fjóra flotta sigra í 1. deild, en töpuðu fyrir FH í úrslitaleik. Liðið endaði í 3. sæti á Íslandsmótinu með 19 stig. Grótta varð í 2. sæti með 21 stig og FH-ingar urðu Íslandsmeistarar með 23 stig. Óhætt er að segja að Selfoss og FH séu með bestu lið landsins í þessum aldursflokki.