Handbolti

Strákarnir í 6. flokki urðu nú um helgina tvöfaldir Íslandsmeistarar í handknattleik. Lokamótið fór fram í Vestmannaeyjum og tryggðu Selfoss-strákarnir sér öruggan sigur bæði á eldra ári og yngra ári. Í flokki eldra árs (fæddir 1997) fékk Selfoss 28 stig, Valur varð í öðru sæti með 20 og KR í því þriðja með 20. Í flokki yngra árs (fæddir 1998) fékk Selfoss 26 stig Fram varð í öðru sæti með 22 og HK í því þriðja með 18. Strákarnir eru vel að þessu komnir, hafa æft vel og samviskusamlega í allan vetur. Þeir hafa sinnt félagslega þættinum vel og kringum þennan flokk er mjög öflugt foreldrasamstarf..

Íslandsmeistarar 97-liðið. Efri röð frá vinstri. Elvar, Ómar, Magnús, Alexander, Helgi, Hergir og Einar þjálfari. Neðri röð frá vinstri : Oliver, Hákon, Aron Máni og Richard. Á myndina vantar Gísla Frank og Eirík.

Íslandsmeistarar 98-liðið. Efri röð frá vinstri; Hlynur, Trausti, Ernir, Bjartur, Andri Páll, Bjarki og Einar þjálfari. Neðri röð frá vinstri :Arilíus, Adam, Bjarki Þór, Teitur, Aron og Jökull. Á myndina vantar Bjarka Leó.