Handbolti

Heimamenn komu ákveðnir til leiks og eiga nokkra virkilega fríska stráka í liðinu sem voru Selfoss vörninni mjög erfiðir. Okkar strákar náðu undirtökunum um miðjan fyrri hálfleik og voru komnir með góða stöðu í hálfleik 10 - 19. Síðari hálfleikurinn var mun jafnari og fór hann 20 - 22 fyrir Selfoss og því urðu lokatölur 30 - 41 fyrir okkar stráka.

Bogi átti góðan fyrri hálfleik í markinu og varði þá 10 skot. Janus spilaði liðsfélagana vel uppi og átti alls 16 stoðsendingar í leiknum. Markahæstir voru Gabríel með 10 mörk úr 11 skotum og Jóhann Jónsson 8 mörk úr 11 skotum. Annars stóðu allir leikmennirnir fyrir sínu og leikurinn vel spilaður og skemmtilegur á að horfa.


Þá eru strákarnir í B-liðinu búnir að fara til Akureyrar og Ísafjarðar í október og næstu helgi verða þeir í Vestmannaeyjum. Nóg að gerast hjá þeim.