Handbolti

Framarar gerðu góða ferð til Selfoss í gær og unnu okkar menn 33-35 í hörkuleik. Selfyssingar leiddu í 57 mínútur af 60 í leiknum, en það dugir víst ekki.  Í hálfleik stóð 19-17 fyrir heimamenn.

Lið Fram er skipað hröðum og vel þjálfuðum drengjum sem okkar menn áttu í miklum erfiðleikum með að hemja. Verður þó að segjast að vörnin var vægast hræðilega léleg í leiknum. Menn unnu vitlaust, treystu ekki hvorir öðrum og brutu sig út úr þeim vinnureglum sem annars hafa gefist vel hingað til. Þá var markvarslan léleg þrátt fyrir 22skot varin í leiknum. Menn hefðu átt að einbeita sér meira að leiknum og því sem þeir áttu að gera í stað þess að rífast innbyrðis með tðui og skömmum.

Menn læra vonandi af þessum leik og mæta tilbúnir í leikinn gegn UMFA en það er næsti leikur liðsins.

Markaskor:
Sjóli 7
Andri Már 7
Matti 6
Örn 4
Andri Halls 4
Sigurþór 2
Anton 2
Steini 1
Sverrir varði 22 skot