Handbolti

Strákarnir í Selfoss-2 í 2. flokki þurftu að játa sig sigraða gegn Fram í Safamýri á laugardaginn síðastliðinn. 36-34 endaði leikurinn eftir að staðan var 19-16 í hálfleik fyrir heimamenn.

Síðuritari komst því miður ekki á leikinn þar sem hann var á Selfossi að fylgjast með 4. flokki leika gegn KA. En við upplýsingaöflun síðuritara komst hann að því að fyrri hálfleikur var jafn en í þeim síðari misstu okkar menn Framara níu mörk fram úr sér en náðu að komast inn í leikinn og minnka muninn í þrjú mörk en nær komust þeir þó ekki nema undir blálokin. Vörnin var kaflaskipt, góð á köflum en skelfing inn á milli. Bræðurnnir Þór og Orri léku góða vörn megnið af leiknum en lítið kom út úr þeim sóknarlega. Þar á Orri mikið inni. Sóknarlega drógu Örn og Andri Halls vagninn og þá lék Toni vel. Markvarslan í leiknum var afar döpur en þó ögn skárri hjá Axel sem kemur úr 3. flokki. Er þetta fyrsti leikurinn á tímabilinu sem Sverrir nær ekki 10 skotum eða fleirum.

Strákarnir eiga tvo leiki eftir, gegn UMFA heima og Gróttu úti. Liðið á enn möguleika á að ná öðru sætinu sem gæti gefið rétt á sæti í úrslitakeppninni.

Markaskor: Örn 12, Andri H 7, Toni 5, Andri Már 2, Keli 2, Sissi 2, Trausti, Steini, Orri og Þór allir með eitt mark hver. Sverrir varði 9 skot og fékk á sig 18 en Axel varði 7 skot og fékk á sig 18.