Handbolti

Á laugardaginn unnu okkar menn í Selfoss-2 í 3.flokki Harðarmenn frá Ísafirði 46-30 eftir að hafa leitt í hálfleik 25-15. Leikurinn var fjörugur, hraður og skemmtilegur. Harðarmenn hafa bætt sig mikið frá því í haust og er það von síðuritara að Ísfirðingar nái að koma upp handboltaliði í meistaraflokki í deildarkeppni á Íslandi. Það yrði mikið gæfuspor fyrir íslenska handbolta. Margir flottir leikmenn eru í liði Harðar í 3.flokki.

Gísli Þór, Jói Jón, Bogi og Ingimar léku vel í leiknum og skiluðu allir leikmenn reyndar miklu og góðu framlagi til liðsins. Sumir geta þó gert betur en það er víst ekki hægt að hafa þetta á alveg eins og ritari vill.