Handbolti

Stelpurnar í 5. fl. kvenna A-liða unnu 4 leiki um helgina, gerðu eitt jafntefli og enduðu með gullið. Liðið hefur verið mjög stígandi í vetur og sýndu þær um helgina hvað þeim hefur farið gríðarlega fram. Varnarleikurinn sem þær spiluðu var líkt við meistaraflokkstakta og bakvið vörnina var frábær markvarsla. Liðsheildin var frábær, allar stelpurnar skiluðu sínu og var gaman að sjá að allar tóku þátt og unnu hver fyrir aðra. Selfoss er komið með mjög jafnt lið sem stendur saman og spilar sem ein heild. Þarna er klárlega á ferð stelpur sem eiga framtíðina fyrir sér í handboltanum.

Í keppninni B-liða átti Selfoss líka lið sem hefur sýnt frábærar framfarir. Þær unnu tvo leiki og töpuðu tveimur. Margar voru að stíga upp og gera mjög góða hluti. Þar varþað líka varnarleikurinn og markvarslan sem var áberandi. Selfoss var klárlega með tvo bestu markmenn mótsins. Markmiðið hjá þjálfurunum er áfram skýrt, það er að búa til betri handboltamenn. En það er alltaf gaman að vinna.