Handbolti

Liðið vann alla heimaleikina sína sannfærandi fyrir utan einn. Þeir misstu unnin leik niður í jafntefli einmitt gegn Akureyri og það er sá leikur sem sker úr um titilinn að þessu sinni. Sigur í þeim leik hefði þýtt að Selfoss væri orðinn Deildarmeistari. Það þýðir hins vegar lítið að tala um hvað og ef.

Í leiknum í gær spilaði liðið glymrandi sóknarleik eins og svo oft áður enda hefur Selfoss skorað lang flest mörk í deildinni eða 455 í 14 leikjum (um 33 í leik) og enda mótið með 90 mörk í plús. Hins vegar náðu þeir að spila góða vörn líka og er langt síðan hvoru tveggja hefur náðst í einum og sama leiknum. Um leið þá var markvarslan mjög góð og því var ekki hægt annað en að sigra leikinn. Liðið fékk alls á sig 365 mörk í vetur sem gerir 26 að meðaltali og er yfir því meðaltali sem stefnt var að. Varnarleikurinn hefði því mátt vera betri á köflum í vetur. 

Ragnar og Eyþór spiluðu lítið þar sem þeir meiddust báðir í leiknum og vonandi að það muni ekki vara lengi. Að þessu sinni skipti það engu máli og það kom bara maður í manns stað. Matthías spilaði sinn besta leik í vetur og vonandi að það haldi áfram og á hinum kantinum skiluðu Sjóli og Árni Steinn góðum leik.

Markaskorarar:

Matti  7

Sjóli  5

Einar  4

Árni Steinn  4

Sæli  3

Eyþór  3

Kúldi  2

Raggi  1

Ástgeir varði 20 skot og fékk á sig 13 (61%)

Sverrir varði 7/1 og fékk á sig 7 (50%)