Handbolti

Strákarnir í C-liðinu (fæddir 1996) gerði sér lítið fyrir og sigruðu glæsilega. Þeir unnu alla sína leiki nokkuð sannfærandi og voru vel að sigrinum komnir. Strákarnir þóttu leika af miklu öryggi með góða vörn og góða markvörslu.
Strákarnir í 6.fl. A (fæddir 1995) urðu í 4. sæti sem er mjög góður árangur. Þeir töpuðu með einu marki fyrir Fram og voru því hársbreidd frá því að komast í úrslitaleikinn. Það býr mjög mikið í þessu liði og verður spennandi að fylgjast með þeim á næstu mótum. Greinilegt er að Arnar Gunnarsson þjálfari er að gera góða hluti með þessa stráka og það var mjög ánægjulegt að sjá hversu margir foreldrar komu með og studdu strákana.
B-liðið átti á brattan að sækja og þurfti að sætta sig við tap í öllum leikjum. Litlu munaði þó í síðasta leiknum á móti HK, en HK fór áfram upp úr riðlinum ásamt FH.
Næsta mót verður helgina 17.-19. nóv. í Seljaskóla í Reykjavík. Fjórða umferð Íslandsmótsins verður svo haldin á Selfossi dagana 23.-25. febrúar.

Stelpurnar í A-liðinu (fæddar 1995) unnu alla sína leiki örugglega í undanriðlinum. Þær enduðu svo í 3.sæti og voru ekki langt frá því að fara alla leið.
B-liðið (fæddar 1996) unnu líka alla sína leiki örugglega í undanriðlinum og höfnuðu að lokum í fjórða sæti eftir harða baráttu. Mjög ánægjulegt er að vita að öflugir árgangar séu að koma upp í kvennaboltanum. Guðbjörg Bjarnadóttir íþróttakennari hefur þjálfað þessar stelpur í þrjú ár og komið þeim í fremstu röð. Næsta mót hjá stelpunum verður helgina 17.-19. nóv. í Digranesi í Kópðavogi.

Það er greinilegt að öflugt yngriflokkastarf í handboltanum á Selfossi er að skila sér. Selfoss er í toppbaráttu á Íslandi í öllum flokkum og svo sannarlega eftir því tekið. Æfingatímar 6. fl. karla eru á þriðjudögum kl. 18-19, á fimmtudögum kl. 18-19 og á föstudögum kl. 16:30-17:30 (Iða). Æfingatímar 6. fl. kvenna eru á mánudögum kl. 15-16, á fimmtudögum kl. 15-16 og sunnudögum kl. 11-12. Æfingarnar fara fram í íþróttahúsi Vallaskóla og eru allir krakkar á þessum aldri velkomnir.