Handbolti

Strákarnir í 6.flokki karla A-lið gerði sér lítið fyrir og sigruðu í 1.deild íslandsmótsins, en mótið fór fram í Austurbergi í Reykjavík um helgina. Strákarnir unnu Fjölni 16-9, Fylki 15-9 og Gróttu 11-10. Þeir gerði jafntefli við FH 9-9 og Fram 12-12. Þetta skilaði liðinu 8 stigum og efsta sætinu á Íslandsmótinu. Fjölnir, Fram og FH fegnu síðan öll 5 stigu og urðu þ.a.l. í 2-4 sæti. Stórskyttan Gísli Þór Axelsson vakti mikla athygli á mótinu og hefur önnur eins stórskytta vart komið fram í handboltanum á Selfossi um langa tíð. Það verður gaman að fylgjast með strákunum áfram en helgina 23.-25. febrúar fer fram 4 umferðin af 5 á íslandsmótinu hér á Selfossi og gefst þá fólki tækifæri á að sjá þessa efnilegu stráka.

Yngri strákarnir í flokknum fæddir 1996 urðu "aðeins" í 4. sæti en þeir urðu í 1. sæti á fyrsta mótinu. Strákarnir voru nokkur óheppnir og töpuðu m.a. tveimur leikjum með einu marki.

B-liðið stóð líka fyrir sínu þó svo þeir hafi tapað öllum sínum leikjum. Þar eru margir efnilegir strákar sem örugglega eiga eftir að bæta sig þegar líður á veturinn enda margir að stíga sín fyrstu spur í handboltanum

Stelpurnar kepptu í Digranesinu og stóðu sig mjög vel. Bæði liðin þ.e. A og B lentu í þriðja sæti.